زَبُورَا 107 - أَتَّوْرَتْ دَ أَنَّبَاوَا

لِتَّڢِ نَبِيَرْ ﴿زَبُورَا 107‏—150﴾ وَاڧَرْ غُواْدِيَ سَبُواْدَ أَلْحٜىٰرِنْ اللَّهْ

¹ كُيِ غُواْدِيَ غَ يَهْوٜىٰهْ، غَمَا شِے مَيْ أَلْحٜىٰرِ نٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَا ثٜىٰ!‏

² بَرِ وَطَنْدَ يَهْوٜىٰهْ يَڢَنْسَ سُثٜىٰ حَكَ، وَطَنْدَ يَڢَنْسَ دَغَ حَنُّنْ أَبُواْكَنْ غَابَا،

³ وَطَنْدَ يَتَتَّارَ دَغَ ڧَسَاشٜىٰ، دَغَ غَبَسْ دَ يَمَّ، دَغَ أَرٜىٰوَ دَ كُمَ كُدُ؞

⁴ وَطَنْسُ سُكَيِ تَيَٰوُاْ أَ هَمَادَ، بَسُ سَامِ حَنْيَ ذُوَا بِرْنِنْ دَ ذَاسُ ذَوْنَبَ؞

⁵ دَ يُنْوَ دَ ڧِشِنْ ضُوَ، سُكَ ڢِدَّ ذُوثِيَا؞

⁶ عَثِكِنْ دَامُوَرْسُ سُكَيِ كُوكَا غَ يَهْوٜىٰهْ، يَكُوَ ثٜىٰثٜىٰسُ دَغَ عَذَابَرْسُ؞

⁷ يَبِيدَسُو أَ مِيڧَڧِّيَرْ حَنْيَ، سَيْ دَ سُكَ إِسُواْ بِرْنِنْ دَ ذَاسُ ذَوْنَ؞

⁸ بَرِ وَطَنَّنْ سُغُواْدٜىٰ وَ يَهْوٜىٰهْ دُوانْ ڧَوْنَرْسَ مَرَرْ ثَنْجَاوَا، دُوانْ أَيُّكَنْسَ نَبَنْ مَامَاكِ غَ یَنْ أَدَمْ،

⁹ غَمَا يَنَ شَيَرْدَ مَاسُ ڧِشِنْ ضُوَ، يَنَ ڧُواْسَرْدَ مَاسُ يُنْوَ دَ أَبُبُوَ مَاسُ ݣَوْ؞

¹⁰ وَطَنْسُ سُكَ ذَوْنَ عَثِكِنْ بَڧِنْ دُهُ، طَوْرٜىٰ ثِكِنْ عَذَابَ دَ سَرْڧُواْڧِ،

¹¹ غَمَا سُنْيِ تَاوَيٜىٰ غَ مَغَنَرْ اللَّهْ، سُكَ رٜىٰنَ شَوَرَرْ مَڢِے طَوْكَكَ؞

¹² يَڧَسْڧَنْتَرْدَ ذُوثِيَارْسُ دَ ڟَنَنِنْ عَيْكِ، سُكَيِ تَتُنْتُٻٜىٰ بَابُ مَيْ تَيْمَكُواْ؞

¹³ عَثِكِنْ دَامُوَرْسُ سُكَيِ كُوكَا غَ يَهْوٜىٰهْ، يَكُوَ ثٜىٰثٜىٰسُ دَغَ عَذَابَرْسُ؞

¹⁴ يَڢِتَرْ دَسُو دَغَ بَڧِنْ دُهُ، يَكُمَ كُنْثٜىٰ سَرْڧُواْڧِنْسُ؞

¹⁵ بَرِ وَطَنَّنْ سُغُواْدٜىٰ وَ يَهْوٜىٰهْ دُوانْ ڧَوْنَرْسَ مَرَرْ ثَنْجَاوَا، دُوانْ أَيُّكَنْسَ نَبَنْ مَامَاكِ غَ یَنْ أَدَمْ؞

¹⁶ غَمَا يَرُرُّشٜىٰ ڧُواْڢُواْڢِ نَڧَرْڢٜىٰنْ تَغُلَّ، يَيَيَّنْكَ ڧَرَڢَنْ دَ عَكَ تَرٜىٰسُ؞

¹⁷ وَطَنْسُ سُكَ ذَمَ وَوَيٜىٰ تَهَنْيَرْ صَاٻُوانْسُ، سُكَشَا عَذَابَ سَبُواْدَ لَيْڢُواْڢِنْسُ؞

¹⁸ كُواْوَنٜىٰ عَبِنْثِ يَذَمَ مُسُ أَبِنْ ڨَمَ، حَرْ سُنْ كَيْ بَاكِنْ مُتُوَ؞

¹⁹ عَثِكِنْ دَامُوَرْسُ سُكَيِ كُوكَا غَ يَهْوٜىٰهْ، يَكُوَ ثٜىٰثٜىٰسُ دَغَ عَذَابَرْسُ؞

²⁰ يَعَيْكَ دَ مَغَنَرْسَ يَوَرْكَرْ دَسُو، يَكُوَ كُٻُتَرْ دَسُو دَغَ كَبَرِنْسُ؞

²¹ بَرِ وَطَنَّنْ سُغُواْدٜىٰ وَ يَهْوٜىٰهْ دُوانْ ڧَوْنَرْسَ مَرَرْ ثَنْجَاوَا، دُوانْ أَيُّكَنْسَ نَبَنْ مَامَاكِ غَ یَنْ أَدَمْ؞

²² بَرِ سُكَٰوُاْ ݣَوْتَا تَنُونَ غُواْدِيَ، سُكُمَيِ شٜىٰلَرْ أَيُّكَنْسَ ثِكِنْ وَاڧُواْڧِنْ ڢَرِنْثِكِ؞

²³ وَطَنْسُ سُكَ غَنْ‌غَرَ تٜىٰكُ سُكَ شِغَ جِضَاغٜىٰ، سُنَيِنْ كَاسُوَنْثِنْسُ بِسَ مَنْيَنْ ضُوَيٜىٰ؞

²⁴ سُونٜىٰ سُكَغَ أَيُّكَنْ يَهْوٜىٰهْ، أَيُّكَنْسَ نَبَنْ مَامَاكِ أَ ظُرْڢَڢَّنْ ضُوَيٜىٰ؞

²⁵ يَيِ مَغَنَ سَيْ إِسْكَ مَيْ ڧَرْڢِے تَتَاشِ، تَطَغَ رَاڧُمَنْ ضُوً تٜىٰكُ؞

²⁶ عَكَ طَغَ جِضَاغٜىٰنْ سَمَ سُواْسَيْ، عَكَ جٜىٰڢَرْ دَسُو ثِكِنْ ظُرْڢَڢَّنْ ضُوَيٜىٰ، ثِكِنْ عَذَابَرْسُ مُتَنٜىٰ سُكَ ڢِدَّ ذُوثِيَا؞

²⁷ سُكَيِ تُنْتُٻٜىٰ سُنَ تَنْ‌غَطِ كَمَرْ سُنْ بُغُ، دُكْ دَبَرَرْسُ تَكُواْمَ وُاْڢِ؞

²⁸ عَثِكِنْ دَامُوَرْسُ سُكَيِ كُوكَا غَ يَهْوٜىٰهْ، يَكُوَ ڢِتَرْ دَسُو دَغَ عَذَابَرْسُ؞

²⁹ يَݣُونْتَرْدَ إِسْكَ مَيْ ڧَرْڢِے، رَاڧُمَنْ ضُوَ كُمَ سُكَ ݣُونْتَ شِضُ؞

³⁰ سَيْ مُتَنٜىٰ سُكَيِ مُرْنَ دُوانْ وُرِے يَيِ ڟِتْ، يَبِيدَسُو ذُوَا تَشَرْ جِضْغٍ ضُوً دَسُكٜىٰسُواْ؞

³¹ بَرِ وَطَنَّنْ سُغُواْدٜىٰ وَ يَهْوٜىٰهْ دُوانْ ڧَوْنَرْسَ مَرَرْ ثَنْجَاوَا، دُوانْ أَيُّكَنْسَ نَبَنْ مَامَاكِ غَ یَنْ أَدَمْ؞

³² بَرِ سُطَوْكَكَاشِ عَثِكِنْ تَارُوانْ جَمَعَ، سُكُمَ يَبٜىٰشِ عَثِكِنْ تَارُوانْ دَتَّاوَا؞

وَاڧَرْ يَبُواْ غَ يَهْوٜىٰهْ

³³ يَمَيْدَ رَاڢُڢُّكَ هَمَادَ، مَٻُٻُّغَرْ ضُوَ كُمَ بُوسَشِّيَرْ ڧَسَا،

³⁴ ڧَسَا مَيْ أَمْڢَانِ ذُوَا دَاجِنْ غِشِرِ سَبُواْدَ مُغُنْتَارْ مَذَوْنَنْ ڧَسَرْ؞

³⁵ يَمَيْدَ هَمَادَ تَڢْكِنْ ضُوَ، بُوسَشِّيَرْ ڧَسَا كُمَ مَٻُٻُّغَرْ ضُوَ؞

³⁶ ثَنْ يَذَوْنَرْ دَ مَاسُ جِنْ يُنْوَ، أَوُرِنْ سُنْ كَڢَ بِرْنِنْ دَ ذَاسُ ذَوْنَ؞

³⁷ سُكَ نُواْمٜىٰ غُواْنَكِ سُكَ شُوكَ إِنَبِے، سُكَ غِرْبٜىٰ أَمْڢَانِنْ غُواْنَ عَيَلْوَثٜىٰ؞

³⁸ يَ أَلْبَرْكَثٜىٰسُ سُكَ ڧَارُ سُواْسَيْ، دَبُّواْبِنْسُ بَسُ رَغُ بَ،

³⁹ بَايَنْدَ عَكَ ضَغٜىٰ ڧَرْڢِنْسُ، عَكَ ڧَسْڧَنْتَرْ دَسُو تَوُرِنْ دَنِّيَ دَ وَهَلَ دَ كُمَ بَڧِنْ ثِكِ؞

⁴⁰ يَكَنْ كُنْيَتَرْدَ مَنْيَنْ مُتَنٜىٰ، يَسَا سُيِ تَيَٰوُاْ أَدَاجِنْ دَ بَابُ حَنْيَ؞

⁴¹ عَمَّا يَكَنْ ڢِتَرْدَ مَاسُ بُڧَاتَ دَغَ عَذَابَرْسُ، يَكُمَسَا عِيَلَنْسُ سُڧَارُ كَمَرْ غَرْكٜىٰنْ دَبُّواْبِے؞

⁴² مَاسُ غَسْكِيَ أَ ظُوثِ سُكَ غَنِ سُكَيِ ڢَضٍ ثِكِ، عَمَّا بَاكِنْ دُكَنْ مُوغَيٜىٰ عَكَ ڧُلّٜىٰ؞

⁴³ بَرِ مَيْ حِكِمَ، يَيِ تُنَانِنْ أَبُبُوَنَّنْ، يَكُمَ كُلَ دَ ڧَوْنَ مَرَرْ ثَنْجَاوَا تَ يَهْوٜىٰهْ؞