زَبُورَا 106 - أَتَّوْرَتْ دَ أَنَّبَاوَاتَارِيحِنْ اللَّهْ دَ مُتَنٜىٰنْسَ مَاسُ تَاوَيٜىٰ 1 يَبِے يَهْوٜىٰهْ! كُيِ غُواْدِيَ غَ يَهْوٜىٰهْ غَمَا شِے مَيْ أَلْحٜىٰرِ نٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَا ثٜىٰ! 2 وَ ذَيْ عِيَ ڢَطَرْ مَنْيَنْ أَيُّكَنْ يَهْوٜىٰهْ؟ وَ ذَيْ عِيَ شٜىٰلَرْ ثِكَكّٜىٰنْ يَبُوانْسَ؟ 3 مَاسُ أَلْبَرْكَ نٜىٰ مَاسُ كِيَايٜىٰ غَسْكِيَ، مَاسُ يِنْ أَبِنْدَ يَكٜىٰ دَيْدَيْ عَكُواْوَنٜىٰ لُواْكَثِ؞ 4 تُنَ دَنِے، يَا يَهْوٜىٰهْ، أَ لُواْكَثِنْ أَلْحٜىٰرِنْكَ غَ جَمَعَرْكَ؞ كَسَا نِے عَثِكِنْسُ أَ لُواْكَثِنْ ثٜىٰتُوانْكَ، 5 إِنْ غَ ثِيغَبَنْ ذَاٻَٻُّنْكَ، إِنْيِ مُرْنَ ثِكِنْ ڢَضٍ ثِكِنْ جَمَعَرْكَ، إِنْجِوَ كَيْنَ دَاطِے ثِكِنْ جَمَعَرْ غَادُوانْكَ؞ 6 دَ مُو دَ كَاكَنِّنْمُ مُنْيِ ذُنُوبِ، مُنْيِ لَيْڢِے، مُنْيِ مُغُنْتَا؞ 7 دَ كَاكَنِّنْمُ سُنَ أَ مَصَرْ، بَسُيِ تُنَانِ عَكَنْ أَيُّكَنْ بَنْ مَامَاكِ نَ يَهْوٜىٰهْ بَ، بَسُ تُنَ دَ يَوَنْ ڧَوْنَرْسَ مَرَرْ ثَنْجَاوَابَ، سُكَيِ مَسَ تَاوَيٜىٰ عَبَاكِنْ تٜىٰكُنْ ثِيَوَرْ إِوَ؞ 8 يَثٜىٰثٜىٰسُ دُواْمِنْ أَغِرْمَمَ سُونَنْسَ، دُواْمِنْ أَ سَنَرْدَ إِيكُوانْسَ مَيْغِرْمَ؞ 9 يَ عُمَرْتَ، سَيْ تٜىٰكُنْ ثِيَوَرْ إِوَ تَبُوشٜىٰ، يَڧٜىٰتَرٜىٰ دَسُو تَتٜىٰكُ عَبُوسَشِّيَرْ ڧَسَا؞ 10 يَثٜىٰثٜىٰسُ دَغَ حَنُّنْ مَاسُ ڧِنْسُ، يَڢَنْشٜىٰسُ دَغَ حَنُّنْ أَبُواْكَنْ غَابَنْسُ؞ 11 ضُوَيٜىٰ سُكَ رُڢٜىٰ مَاسُ مُسُ دَنِّيَ، كُواْ طَيَ بَيْ كُٻُتَبَ؞ 12 سَعَنً سُكَ أَمِنْثٜىٰ دَ مَغَنَرْسَ، سُكَيِ وَاڧُواْڧِنْ يَبُوانْسَ؞ 13 بَادَ دَطٜىٰوَبَ سُكَ مَنْتَادَ أَيُّكَنْسَ، بَسُجِرَا شَوَرَرْسَبَ؞ 14 ݣُوطَيِ يَشَا ڧَرْڢِنْسُ أَدَاجِ، سُكَ ڠُودَ اللَّهْ أَ هَمَادَ؞ 15 سَيْ يَبَاسُ أَبِنْدَ سُكَ ضُواْڧَا، عَمَّا يَعَيْكَ مُسُ دَ ثِيوُانْ رَمٜىٰوَ؞ 16 أَ ذَنْغُوانْسُ سُكَجِ كِيشِنْ مُوسَٰى، دُكْ دَ هَٰرُونَ، ڟَرْكَكَا نَ يَهْوٜىٰهْ؞ 17 سَيْ ڧَسَا تَبُوطٜىٰ تَهَطِيٜىٰ دَتَنْ، تَكُمَ رُڢٜىٰ ڧُنْغِيَرْ أَبِرَمْ؞ 18 وُتَا تَثِ ڧُنْغِيَرْسُ، هَرْشٜىٰنْ وُتَا تَثِنْيٜىٰ مُوغَيٜىٰ؞ 19 سُكَيِ صِڢَّرْ طَنْ بِجِمِ عَبَبَّنْ تُدُنْ هُواْرٜىٰبْ، سُكَ كُوَيِ سُجَّدَ غَ غُنْكِنْ دَ عَكَ ڧٜىٰرَ؞ 20 أَ مَيْمَكُوانْ سُجَّدَ غَ اللَّهْ اللَّهْ وَنْدَ شِينٜىٰ طَوْكَكَرْسُ، سُكَيِ سُجَّدَ غَ صِڢَّرْ بِجِمِ، بِجِمِ مَيْ ثِنْ ثِيَوَ؞ 21 سُكَ مَنْتَادَ اللَّهْ مَيْ ثٜىٰتُوانْسُ وَنْدَ يَعَيْكَتَ مَنْيَنْ أَبُبُوَ أَ مَصَرْ، 22 أَيُّكَنْ بَنْ مَامَاكِ عَڧَسَرْ هَمْ، أَبُبُوَنْ بَنْ ڟُواْرُواْ عَتٜىٰكُنْ ثِيَوَرْ إِوَ؞ 23 دُواْمِنْ حَكَ يَثٜىٰ ذَيْ هَلَكَاسُ، عَمَّا مُوسَٰى ذَاٻَٻّٜىٰنْسَ يَڟَيَ ڟَكَانِنْسُ يَڢُسْكَنْثٜىٰ شِ، يَحَنَ ڢُشِنْسَ يَهَلَكَاسُ؞ 24 سَيْ سُكَڧِ ڧَسَرْ نَنْ مَيْ دَاطِے، بَسُ أَمِنْثٜىٰ دَ مَغَنَرْسَبَ؞ 25 سُكَيِ غُنَغُنِ ثِكِنْ تٜىٰنْتُنَنْسُ، بَسُ كُوَ جِ مُرْيَرْ يَهْوٜىٰهْ بَ؞ 26 سَيْ يَطَغَ حَنُّنْسَ ثِكِنْ ضَنْڟُوَا ثٜىٰوَ ذَيْسَا سُمُتُ أَدَاجِ، 27 ذَيْ وَاڟَرْدَ ذُرِيَرْسُ عَثِكِنْ أَلْعُمَّيْ، ذَيْسَا سُبَظُو عَثِكِنْ ڧَسَاشٜىٰنْ دَ بَنَاسُبَ؞ 28 سُكَ حَطَ كَنْسُ دَ غُنْكِ بَعَلْ نَڢٜىٰيُوارْ، سُكَثِ هَدَايُ، هَدَايُنْ دَ عَكَ مِيڧَا وَمَتَتُّو؞ 29 سُكَسَا يَهْوٜىٰهْ يَيِ ڢُشِے سَبُواْدَ أَيُّكَنْسُ، سَيْ بَلَعِ يَٻُلُّواْ عَثِكِنْسُ؞ 30 ڢِنٜىٰهَسْ يَمِيڧٜىٰ ڟَيٜىٰ يَطَوْكِ مَتَاكِ، سَيْ بَلَعِنْ يَڟَيَ؞ 31 شِيَسَا عَكَ لِسَّڢْتَا وَنَّنْ أَدَلْثِے نٜىٰ غَرٜىٰشِ دَغَ ڟَارَا ذُوَا ڟَارَا حَرْ أَبَدَا؞ 32 سُكَ جَٰوُاْ ڢُشِنْ يَهْوٜىٰهْ أَوَجٜىٰنْ ضُوَيٜىٰنْ مٜىٰرِبَ، مُوسَٰى كُوَ يَشِغَ عُكُ سَبُواْدَسُو، 33 غَمَا سُنْ سَاشِ ٻَثِنْ رَيْ، حَرْ مَغَنَ مَرَرْ حَنْكَلِ تَڢِتَ دَغَ بَاكِنْسَ؞ 34 بَسُ هَلَّكَ ڧَبِيلُنْ يَدَّ يَهْوٜىٰهْ يَعُمَرْثٜىٰسُبَ، 35 عَمَّا سُكَ شِغَ عَوْرٜىٰ عَوْرٜىٰ دَ ڧَبِيلُنْ، سُكَ كُوَ كُواْيِ إِرِنْ رَايُوَرْسُ؞ 36 سُكَيِ وَغُمَكَنْ ڧَبِيلُ حِدِمَ، وَنْدَ يَذَمَ تَرْكُواْ أَغَرٜىٰسُ؞ 37 سُكَ مِيڧَ یَیَنْسُ مَظَا دَ مَاتَا هَدَايُ غَ أَلْجَنُ؞ 38 سُكَ ظُبْدَ جِنِنْ مَرَسَ لَيْڢِے، جِنِنْ یَیَنْسُ مَظَا دَ مَاتَا، وَطَنْدَ سُكَ مِيڧَ هَدَايَ غَ غُمَكَنْ كَنْعَنَ، سُكَ ڧَظَنْتَرْدَ ڧَسَرْدَ جِنِ؞ 39 سُكَ ذَمَ ڧَظَنْتَتُّ تَوُرِنْ أَيُّكَنْسُ، مَرَسَ أَمِنْثِ كَمَرْ كَارُوَيْ تَوُرِنْ أَيُّكَنْ حَنُّوَنْسُ؞ 40 يَهْوٜىٰهْ يَايِڢُشِے دَ جَمَعَرْسَ، حَرْ مَا يَجِ ڨَمَرْ غَادُوانْسَ؞ 41 يَمِيڧَسُ أَ حَنُّنْ أَلْعُمَّيْ، دُوانْ مَاسُ ڧِنْسُ سُيِ مُلْكِ عَكَنْسُ؞ 42 أَبُواْكَنْ غَابَنْسُ سُكَ دَنّٜىٰسُ، سُنْ ڧَسْڧَنْتَرْدَ مُتَنٜىٰنْ اللَّهْ عَڧَرْڧَشِنْ حَنُّوَنْسُ؞ 43 سَوْ دَيَوَ يَهْوٜىٰهْ يَكُٻُتَرْ دَسُو، عَمَّا سُكَ ذَاٻَا سُيِ مَسَ تَاوَيٜىٰ، سُكَ نُڟٜىٰ ثِكِنْ لَيْڢِنْسُ؞ 44 سَعَدَّ يَغَ وَهَلَرْسُ، دَ يَجِ كُوكَنْسُ، 45 يَتُنَ دَ يَرْجٜىٰجٜىٰنِيَرْسَ دَسُو، يَجِ تَوْسَيِنْسُ بِسَغَ ڧَوْنَرْسَ مَرَرْ ثَنْجَاوَا؞ 46 يَسَ دُكَنْ وَطَنْدَ سُكَ كَامَسُ سُجِ تَوْسَيِنْسُ؞ 47 ثٜىٰثٜىٰمُ، يَا يَهْوٜىٰهْ اللَّهْ نْمُ، كَتَتَّرَامُ دَغَ ثِكِنْ أَلْعُمَّيْ دُوانْ مُيِغُواْدِيَ غَ سُونَنْكَ مَيْ ڟَرْكِے، مُيِتَاڧَمَ عَثِكِنْ يَبُوانْكَ؞ 48 أَلْبَرْكَ تَا تَبَّتَا غَ يَهْوٜىٰهْ، اللَّهْ نَ إِسْرَٰٓءِيلَ، مَرَرْ ڢَرْكُواْ مَرَرْ ڧَرْشٜىٰ؞ بَرِ دُكَنْ مُتَنٜىٰ سُثٜىٰ «أَمِينْ!» يَبِے يَهْوٜىٰهْ! |
Hausa Common Language Ajami Bible © The Bible Society of Nigeria, 2020
Bible Society of Nigeria