زَبُورَا 103 - أَتَّوْرَتْ دَ أَنَّبَاوَاوَاڧَرْ يَبُواْ غَمٜىٰدَ أَلْحٜىٰرِنْ اللَّهْ ﴿زَبُورَا تَ دَاوُدَ؞﴾ 1 يَبِے يَهْوٜىٰهْ، يَا رَيْنَ! دُكَنْ أَبِنْدَ يَكٜىٰ عَثِكِنَ، يَبِے سُونَنْسَ مَيْ ڟَرْكِے! 2 يَبِے يَهْوٜىٰهْ، يَا رَيْنَ! كَدَ ڢَا كَمَنْتَادَ دُكَنْ أَلْحٜىٰرِنْسَ! 3 شِ مَيْ غَاڢَرْتَ دُكَنْ لَيْڢُواْڢِنْكَ نٜىٰ، مَيْ وَرْكَرْدَ دُكَنْ ثُوتُتُّكَنْكَ؞ 4 مَيْ ڢَنْشٜىٰكَ دَغَ رَامِنْ مُتُوَ نٜىٰ، مَيْ نَطٜىٰكَ دَ ڧَوْنَرْسَ مَرَرْ ثَنْجَاوَا دَ كُمَ جِنْڧَنْسَ؞ 5 مَيْ ڧُواْسَرْ دَكَيْ دَ أَبُبُوَ مَاسُ ݣَوْ نٜىٰ، دُواْمِنْ أَ سَابُنْتَا ڧُرُثِيَرْكَ كَمَرْ نَغَغَّڢَ؞ 6 يَهْوٜىٰهْ يَكَنْ عَيْكَتَ أَدَلْثِے يَكَنْ دَيْدَيْتَ وَ وَطَنْدَ عَكَ دَنّٜىٰ؞ 7 يَبَيَّنَ وَ مُوسَٰى هَنْيُواْيِنْسَ، أَيُّكَنْسَ كُمَ غَ مُتَنٜىٰنْ إِسْرَٰٓءِيلَ؞ 8 يَهْوٜىٰهْ مَيْ جِنْڧَيْ نٜىٰ، مَيْ أَلْحٜىٰرِ كُمَ، مَرَرْ سَوْرِنْ ڢُشِے، ثِكٜىٰ دَ يَوَنْ ڧَوْنَ مَرَرْ ثَنْجَاوَا؞ 9 بَذَيْ يِتَڟَاوَتَرْوَ كُلُّمْبَ، بَكُوَ ذَيْ يِتَيِنْ ڢُشِے حَرْ أَبَدَابَ؞ 10 بَيْيِ دَمُو بِسَغَ ذُنُبَنْمُبَ، بَيْ كُوَ سَاكَ مَنَ بِسَغَ لَيْڢُواْڢِنْمُبَ؞ 11 غَمَا كَمَرْ يَدَّ يَوَنْ نِيسَنْ سَمَ تَكٜىٰ دَغَ ڧَسَا، حَكَ يَوَنْ ڧَوْنَرْسَ مَرَرْ ثَنْجَاوَا تَكٜىٰ غَ مَاسُ ڟُواْرُوانْسَ؞ 12 كَمَرْ يَدَّ غَبَسْ تَكٜىٰ نٜىٰسَ دَ يَمَّ، حَكَنٜىٰ يَسَا ذُنُبَنْ غَنْغَنْثِنْمُ سُنْيِ نٜىٰسَ دَمُو؞ 13 كَمَرْ يَدَّ بَابَ يَكٜىٰ تَوْسَيَ وَیَیَنْسَ، حَكَ يَهْوٜىٰهْ يَكٜىٰ تَوْسَيَ وَمَاسُ ڟُواْرُوانْسَ؞ 14 غَمَا شِے يَسَنْ أَبِنْدَ عَكَيِمُ دَشِ، يَنَ كُمَ تُنَ ثٜىٰوَ مُو ڧُورَرْ ڧَسَانٜىٰ؞ 15 مُتُمْ دَيْ، ݣُونَكِنْسَ كَمَرْ ثِيَوَنٜىٰ، يَكَنْ يَلْوَتَ كَمَرْ ڢُلَوَرْ دَاجِ، 16 دَ إِسْكَ تَهُورَشِ يَكَنْ ٻَثٜىٰ، وُرِنْسَ كُوَ بَذَيْ ڧَارَ سَنِنْسَبَ؞ 17 عَمَّا ڧَوْنَ مَرَرْ ثَنْجَاوَا تَ يَهْوٜىٰهْ مَرَرْ ڢَرْكُواْ مَرَرْ ڧَرْشٜىٰثٜىٰ غَ مَاسُ ڟُواْرُوانْسَ، أَدَلْثِنْسَ ذَيْ كَسَنْثٜىٰ تَرٜىٰدَ یَیَنْ یَیَنْسَ، 18 تَرٜىٰدَ مَاسُ كِيَايٜىٰ يَرْجٜىٰجٜىٰنِيَرْسَ، دَ مَاسُ تُنَ سُبِے ڧَٰعِدُواْدِنْسَ؞ 19 يَهْوٜىٰهْ يَا كَڢَ كُجٜىٰرَرْ مُلْكِنْسَ أَ سَمَ، مُلْكِنْسَ كُمَ بِسَ كُواْمٜىٰ دَكُواْمٜىٰنٜىٰ؞ 20 يَبِے يَهْوٜىٰهْ، يَا كُو مَلاَىِٕكُنْسَ، كُو مَاسُ ڧَرْڢِے دَ إِيكُواْ، مَاسُ عَيْكَتَ نُڢِنْسَ، مَاسُبِيَيَّ دَ مَغَنَرْسَ! 21 يَبِے يَهْوٜىٰهْ، يَا كُو ضُنْدُنَارْسَ دُكَ، كُو مَاسُ حِدِمَرْسَ، مَاسُ عَيْكَتَ نُڢِنْسَ؞ 22 يَبِے يَهْوٜىٰهْ، يَا كُو دُكَنْ حَلِتُّنْسَ عَكُواْعِنَ أَمُلْكِنْسَ؞ يَبِے يَهْوٜىٰهْ، يَا رَيْنَ! |
Hausa Common Language Ajami Bible © The Bible Society of Nigeria, 2020
Bible Society of Nigeria