زَبُورَا 102 - أَتَّوْرَتْ دَ أَنَّبَاوَا

كُوكَنْ تُوبَ نَمَيْ شَنْ وَهَلَ

﴿أَدُّعَرْ مَيْ شَنْ وَهَلَ سَعَدَّ يَرَسَ ڧَرْڢِے يَنَ كُوكَا أَغَبَنْ يَهْوٜىٰهْ ؞﴾

¹ جِ أَدُّعَتَ، يَا يَهْوٜىٰهْ، بَرِ كُوكَنَ يَذُواْ غَرٜىٰكَ!‏

² كَدَ كَٻُواْيٜىٰ ڢُسْكَرْكَ دَغَ غَرٜىٰنِ لُواْكَثِنْ دَ نَكٜىٰ شَنْ وَهَلَ!‏ كَكَسَ كُنّٜىٰ غَرٜىٰنِ، سَعَدَّ نَيِ كِرَا، أَمْسَ مِنِ دَ سَوْرِ!‏

³ غَمَا ݣُونَكِنَ سُنَ ٻَثٜىٰوَ كَمَرْ هَيَاڧِے، ڧَسُسُوَنَ سُنَ ڧُونَ كَمَرْ وُتَا؞

⁴ ذُوثِيَاتَ تَا كَمُ دَ ثِيوُاْ، تَذَمَ كَمَرْ ثِيَوَرْ دَ تَبُوشٜىٰ، بَانِ مَا دَ مَرْمَرِنْ ثِنْ عَبِنْثِ؞

⁵ إِنَ نِيشِ دَ ڧَرْڢِے سَبُواْدَ وَهَلَ، ڢَتَرْ جِكِينَ تَمَنّٜىٰوَ ڧَسُسُوَنَ؞

⁶ نَذَمَ كَمَرْ ڟُنْڟُنْ دَاجِنْ يَشِ، كَمَرْ مُجِيَ عَكُڢَيْ؞

⁷ نَݣُونَ عِدُواْنَ عَبُوطٜىٰ، نَذَمَ كَمَرْ ڟُنْڟُ أَ سَمَنْ طَاكِ، ڟُنْڟُنْ دَيَكٜىٰ شِ كَطَيْ بَابُ مَيْ تَعَظِيَّ؞

⁸ أَبُواْكَنْ غَابَنَ سُنَ ذَاغِنَ دُكَنْ يِنِ، مَاسُ مِنِ بَعَ سُنْ مَيْدَ سُونَنَ أَبِنْ يِنْ لَعَنَ؞

⁹ نَكَنْ ثِتُواْكَ كَمَرْ عَبِنْثِنَ، نَكَنْ غَوْرَايٜىٰ أَبِنْ شَانَ دَ هَوَيٜىٰنَ،

¹⁰ كَطَوْكٜىٰنِ كَجٜىٰڢَرْ دَنِے، دُكْ سَبُواْدَ ڢُشِنْكَ دَ ذَاڢِنْ رَنْكَ؞

¹¹ ݣُونَكِنَ سُنَ وُثٜىٰوَ كَمَرْ إِنُوَرْ يَمَّ، نَبُوشٜىٰ كَمَرْ ثِيَوَ؞

¹² عَمَّا كَيْ، يَا يَهْوٜىٰهْ، مَيْ كُجٜىٰرَرْ مُلْكِ حَرْ أَبَدَا، ذَاعَ تُنَ دَ سُونَنْكَ دَغَ ڟَارَا ذُوَا ڟَارَا؞

¹³ كَيْ ذَاكَ تَاشِ كَجِ تَوْسَيِنْ سِهِيُواْنَ، غَمَا لُواْكَثِنْ أَلْحٜىٰرِنْتَ يَيِ، لُواْكَثِنْدَ كَشِرْيَ يَذُواْ؞

¹⁴ غَمَا بَايِنْكَ سُنَ دَرَجَرْتَ دُووَڟُنْ غِنِنْتَ، سُنَ تَوْسَيَ وَڧُورَرْ ڧَسَرْتَ؞

¹⁵ يَا يَهْوٜىٰهْ، أَلْعُمَّيْ ذَاسُ جِڟُواْرُوانْ سُونَنْكَ، دُكَنْ سَرَاكُنَنْ دُونِيَا ذَاسُجِڟُواْرُوانْ طَوْكَكَرْكَ؞

¹⁶ غَمَا يَهْوٜىٰهْ، ذَاكَ غِنَا سِهِيُواْنَ، ذَاكَ بَيَّنَ ثِكِنْ طَوْكَكَرْكَ؞

¹⁷ ذَاكَ جُويَا كَجِ أَدُّعَرْ مَرَسَ ڧَرْڢِے، بَذَاكَ ڨَلٜىٰ أَدُّعَرْسُبَ؞

¹⁸ بَرِ أَ رُبُوتَ وَنَّنْ دُواْمِنْ ڟَارَا مَيْ ذُوَا، دُواْمِنْ جَمَعَرْ دَ بَعَحَلِثّٜىٰتَبَ تَيَبِے يَهْوٜىٰهْ،

¹⁹ ثٜىٰوَ يَهْوٜىٰهْ يَكَنْ دُوبَ ڧَسَا دَغَ وُرِنْسَ مَيْ ڟَرْكِے أَ سَمَ، دَغَ سَمَ يَكَنْ دُوبِے ڧَسَا،

²⁰ دُواْمِنْ يَجِ نِيشِنْ یَنْ كُرْكُكُ، يَسَكِ وَطَنْدَ عَكَ ڧَدَّرَ ذَاسُ مُتُ؞

²¹ أَ رُبُوتَ وَنَّنْ دُواْمِنْ عَيِ شٜىٰلَرْ سُونَنْسَ سُونَنْ يَهْوٜىٰهْ أَ سِهِيُواْنَ، يَبُوانْسَ كُوَ عَثِكِنْ عُرُوشَلِيمَ،

²² سَعَدَّ ڧَبِيلُ سُكَ تَتَّارُ، مُلْكُواْكِ كُمَ دُواْمِنْ سُيِ وَ يَهْوٜىٰهْ سُجَّدَ؞

²³ يَضَغٜىٰ مِنِ ڧَرْڢِے كَاڢِنْ ڟُوڢَتَ، يَيَنْكٜىٰ مِنِ يَوَنْ ݣُونَكِنَ؞

²⁴ نَثٜىٰ ‏«‏يَا اللَّهْ نَا، كَدَ كَطَوْكٜىٰنِ أَڟَكِيَرْ ݣُونَكِنَ، كَيْ دَ شٜىٰكَرُنْكَ دَغَ ڟَارَا ذُوَا ڟَارَا سُكٜىٰ؞

²⁵ تُنْدَا ثَنْ كَكَڢَ دُونِيَا، سَمَّيْ كُمَ عَيْكِنْ حَنُّنْكَ نٜىٰ؞

²⁶ ذَاسُ شُوطٜىٰ، عَمَّا كَيْ كَنَنَنْ، دُكَنْسُ كَمَرْ رِغَا ذَاسُ ڟُوڢَ، ذَاكَ ثَنْجَسُ كَمَرْ رِيغُنَ، ذَاسُ كُمَ ٻَثٜىٰ؞

²⁷ عَمَّا كَيْ دَيْ بَاكَ ثَنْجَاوَا، شٜىٰكَرُنْكَ بَاسَ ڧَارٜىٰوَ؞

²⁸ یَیَنْمُ بَايِنْكَ ذَاسُ ذَوْنَ لَاڢِيَ، ذُرِيَرْسُ كُمَ سُكَڢُ أَغَبَنْكَ؞»‏