زَبُورَا 101 - أَتَّوْرَتْ دَ أَنَّبَاوَا

وَاڧَرْ أَلْڧَوَرِنْ سَرْكِے

﴿زَبُورَا تَ دَاوُدَ؞﴾

¹ يَا يَهْوٜىٰهْ، ذَنْ رٜىٰرَ وَاڧَا عَكَنْ ڧَوْنَ دَ غَسْكِيَ، أَغَرٜىٰكَ ذَنْيِ وَاڧَرْ يَبُواْ؞

² ذَنْ تَبَّتَا إِنَ تَڢِيَ دَ غَسْكِيَ أَ ظُوثِ؞ يَوْشٜىٰ ذَاكَ ذُواْ وُرِينَ؟ ذَنْيِ تَڢِيَ أَغِدَانَ دَ ثِكَكّٜىٰنْ مُتُنْثِ؞

³ بَذَنْ كَڢَ عِدُواْنَ عَكَنْ أَبِنْ بَنْظَبَ؞ نَڧِ جِنِنْ أَيُّكَنْ مَاسُ ثُوتَا، بَابُ أَبِنْدَ ذَيْ حَطَنِ دَسُو؞

⁴ ذَنْيِ نٜىٰسَ دَ مُوغُوَرْ ذُوثِيَا، بَابُ أَبِنْدَ ذَيْ حَطَنِ دَ مُغُنْتَا؞

⁵ مَيْيِ وَمَڨُوبْثِنْسَ ٻَاتَ سُونَ عَٻُواْيٜىٰ، ذَنْ هَلَكَاشِ؞ مَيْ غِرْمَنْ كَيْ دَ مَيْ رٜىٰنِنْ وَيُواْ، بَذَنْ جِمْرٜىٰ دَشِيبَ؞

⁶ مَاسُ أَدَلْثِے عَڧَسَرْ، عِدَنُونَ ذَاسُ دُوبٜىٰسُ دَ أَلْحٜىٰرِ، ذَنْبَرْسُ سُذَوْنَ تَرٜىٰدَنِ؞ مَيْ تَڢِيَ دَ غَسْكِيَ أَ ظُوثِ، شِ ذَيْ يِمِنِ حِدِمَ؞

⁷ بَابُ مَيْ رُوطُ وَنْدَ ذَيْ ذَوْنَ أَغِدَانَ سَمْ!‏ بَابُ مَيْيِنْ ڧَضْيَا وَنْدَ ذَيْ ڟَيَ أَغَبَنَ؞

⁸ كُواْوَثٜىٰ سَاڢِيَ ذَنْ هَلَّكَ دُكَنْ مُوغَيٜىٰ عَڧَسَرْ، دُواْمِنْ عَكُواْرِ دُكَنْ مَاسُ مُغُنْتَا دَغَ ثِكِنْ بِرْنِنْ يَهْوٜىٰهْ؞