زَبُورَا 1 - أَتَّوْرَتْ دَ أَنَّبَاوَا

لِتَّڢِ نَڢَرْكُواْ ﴿زَبُورَا 1‏—41﴾ هَنْيُواْيِنْ رَايُوَا إِرِے بِيُ

¹ مَيْ أَلْبَرْكَ نٜىٰ مُتُمِنْ دَ بَايَ بِنْ شَوَرَرْ مَاسُ مُغُنْتَا كُواْ يَبِے حَنْيَرْ مَاسُ ذُنُوبِ، كُواْ يَهَطَكَيْ دَ مَاسُ بَعَ؞

² عَمَّا يَنَ جِنْ دَاطِے يَكِيَايٜىٰ كُواْيَرْوَرْ يَهْوٜىٰهْ، يَنَ تُنَانِنْ كُواْيَرْوَرْ دَرٜىٰ دَ رَانَ؞

³ يَنَ كَمَ دَ إِتَاثٜىٰ وَنْدَ عَكَ دَسَ كُسَدَ ضُوَ، وَنْدَ يَكٜىٰ بَادَ یَیَنْسَ أَدَيْدَيْ لُواْكَثِ، غَنْيٜىٰنْسَ كُوَ بَاسَ بُوشٜىٰوَ، عَكُواْمٜىٰ كُوَ، نَصَرَا يَكَنْيِ؞

⁴ مَاسُ مُغُنْتَا بَهَكَ سُكٜىٰبَ؞ سُو كَمَرْ دُوسَنٜىٰ دَ إِسْكَ تَكٜىٰ ݣُوشٜىٰوَا؞

⁵ مَاسُ مُغُنْتَا بَذَاسُ كُٻُتَ دَغَ حُكُنْثِبَ، كُواْ مَاسُ ذُنُوبِ سُسَامِ وُرِے ثِكِنْ تَارُوانْ مَاسُ أَدَلْثِے؞

⁶ غَمَا يَهْوٜىٰهْ يَنَ لُورَ دَ حَنْيَرْ مَاسُ أَدَلْثِے، عَمَّا حَنْيَرْ مَاسُ ذُنُوبِ ذَاتَ كَيْسُ غَ هَلَّكَ؞