كَرِنْ مَغَنَ 9 - أَتَّوْرَتْ دَ أَنَّبَاوَا

حِكِمَ دَ وَوَنْثِ سُنَ غَيَّتَ

¹ حِكِمَ تَغِنَ غِدَنْتَ، تَسَسَّڧَ غِنْشِڧَيْ بَݣَويْ مَيْ رِڧٜىٰ غِدَنْ؞

² تَسَا أَنْيَنْكَ دَبُّواْبِے دُواْمِنْ بِكِ، تَشِرْيَ ضُوً إِنَبِنْتَ، تَشِرْيَ بِكِنْتَ؞

³ تَا عَيْكِ یَنْ مَاتَنْتَ، تَنَ كِرَا دَغَ وُرَارٜىٰ مَڢِے ڟَيِ نَبِرْنِ، تَنَ ثٜىٰوَ

⁴ ‏«‏بَرِ كُو دَ كُكٜىٰ مَرَسَ تُنَانِ، كُجُويُواْ نَنْ!‏»‏ غَ مَرَسَ حَنْكَلِ كُمَ تَثٜىٰ،

⁵ ‏«‏كُذُواْ، كُثِ عَبِنْثِنَ كُشَا ضُوً إِنَبِنْدَ نَشِرْيَ؞

⁶ كُرَبُ دَ رَشِنْ تُنَانِ، كُرَايُ، كُيِ تَڢِيَ أَ حَنْيَرْ غَانٜىٰوَ؞

⁷ ‏«‏دُكْ مَيْ ڟَاوَتَا وَ مَيْ رٜىٰنِ، يَنَ جَنْ وَكَنْسَ رٜىٰنِ، مَيْ ڟَاوَتَا وَمُوغُ كُمَ، شِينٜىٰ ذَيْسَامِ ثُوتَا؞

⁸ كُواْ كَطَنْ كَدَ كَڟَاوَتَا وَ مَيْ رٜىٰنِ، غَمَا ذَيْڧِيكَ؞ عَمَّا إِنْ كَا ڟَاوَتَا وَ مَيْ حِكِمَ ذَيْ ڧَوْنَثٜىٰكَ؞

⁹ كَكُواْيَ وَمَيْحِكِمَ، ذَيْ ڧَارَ ذَمَ مَيْحِكِمَ؞ كَكُواْيَ وَمَيْ أَدَلْثِے، ذَيْ ڧَارَ كَرْٻَرْ كُواْيَرْوَا؞

¹⁰ ڟُواْرُوانْ يَهْوٜىٰهْ شِينٜىٰ مَڢَارِنْ حِكِمَ، سَنِنْ مَيْ ڟَرْكِنَّنْ كُوَ غَانٜىٰوَ نٜىٰ؞

¹¹ تَوُرِنْ حِكِمَ ݣُونَكِنْكَ ذَاسُيِيَوَ، شٜىٰكَرُنْ رَايُوَرْكَ ذَاسُ ڧَارُ؞

¹² عِدَنْ كَنَدَ حِكِمَ، حِكِمَرْكَ ذَاتَبَاكَ أَمْڢَانِ، عِدَنْ كَنَدَ رٜىٰنِ، كَيْ كَطَيْ ذَاكَشَا وَهَلَ؞»‏

¹³ وَوَنْثِ مَثٜىٰثٜىٰ مَيْ يَوَنْ سُورُوتُ، مَرَرْ تُنَانِثٜىٰ، بَتَسَنْ كُواْمٜىٰبَ؞

¹⁴ تَكَنْ ذَوْنَ عَبَاكِنْ ڧُواْڢَرْ غِدَنْتَ، عَكَنْ وُرِنْ ذَمَنْتَ مَيْ ڟَيِ نَبِرْنِ،

¹⁵ تَنَ كِرَنْ وَطَنْدَ سُكٜىٰ وُثٜىٰوَ وَطَنْدَ حَنْكَلِنْسُ سُكٜىٰ عَكَنْ أَيُّكَنْسُ؞

¹⁶ تَكَنْ ثٜىٰ ‏«‏كُو مَرَسَ تُنَانِ كُذُواْ نَنْ!‏»‏ غَ مَرَسَ حَنْكَلِ كُمَ تَكَنْثٜىٰ،

¹⁷ ‏«‏ضُوً سَاتَا يَنَدَ ذَاڧِ، عَبِنْثِنْ دَ عَكٜىٰثِ عَٻُواْيٜىٰ يَنَدَ دَاطِے!‏»‏

¹⁸ عَمَّا مَاسُ شِغَ حَنُّنْتَ، بَسُ سَنْ رُوحُواْحِنْ مَتَتُّو سُكٜىٰ أَوُرِنْبَ، بَڧِنْتَ كُمَ سُنَ غَنْ‌غَرُواْوَ ذُوَا وُرِنْ ذَمَنْ مَتَتُّو؞