كَرِنْ مَغَنَ 8 - أَتَّوْرَتْ دَ أَنَّبَاوَاحِكِمَ تَا يِ كِرَا 1 كُجِ! حِكِمَ تَيِ كِرَا! بَسِيرَ تَنَ تَادَ مُرْيَرْتَ؞ 2 عَكَنْ تُدُ، عَكَنْ حَنْيَ، عِنْدَ هَنْيُواْيِ سُنْ حَطُ، نَنْ تَڟَيَ؞ 3 عَبَاكِنْ ڧُواْڢُواْڢِنْ شِغَ بِرْنِ، عَڧُواْڢَرْ غَرِ، تَنَ كِرَا دَ بَبَّرْ مُرْيَ؞ 4 «يَا كُو مَظَا، أَغَرٜىٰكُ نَكٜىٰ كِرَا، كِرَنَ غَ دُكَنْ یَنْ أَدَمْ نٜىٰ؞ 5 كُو مَرَسَ تُنَانِ، كُكُواْيِ يِنْ وَيُواْ مَنَ! كُو وَوَيٜىٰ، كُنٜىٰمِ غَانٜىٰوَ؞ 6 كُكَسَ كُنّٜىٰ، غَمَا ذَنْ ڢَطَا مُكُ أَبُبُوَ مَڢِے ݣَوْ، دُكْ أَبِنْدَ نَڢَطَا كُوَ دَيْدَيْنٜىٰ؞ 7 مَغَنَرْدَ نَڢَطِ غَسْكِيَ ثٜىٰ، مُغُنْتَا أَبِنْ ڨَمَ ثٜىٰ عَبَاكِنَ؞ 8 دُكَنْ كَلْمُواْمِنْ بَاكِنَ مَاسُ أَدَلْثِے نٜىٰ، بَابُ ٻُواْيٜىٰ ٻُواْيٜىٰ كُواْ ڧَضْيَا عَثِكِنْسُ، 9 دُكَنْسُ أَ سَرَرِ سُكٜىٰ غَ مَيْ غَانٜىٰوَ، دَيْدَيْ كُمَ غَ وَطَنْدَ سُكَ سَامِ سَنِ؞ 10 كُكَرْٻِ هُواْرَرْوَتَ أَمَيْمَكُوانْ أَظُرْڢَا، كُكَرْٻِ سَنِ ڢِيٜىٰدَ ظِينَارِيَ ظَلَّ، 11 غَمَا حِكِمَ تَڢِے دُوَڟُو مَاسُ دَرَجَ ݣَوْ، دُكْ أَبُبُوَنْدَ كَڢِسُواْ، بَذَاعَ عِيَ ݣُوتَنْتَاسُ دَ عِتَبَ؞ 12 «نِثٜىٰ حِكِمَ، إِنَدَ وَيُواْ، إِنَدَ سَنِ، إِنَدَ حَنْكَلِ؞ 13 ڟُواْرُوانْ يَهْوٜىٰهْ ڧِنْ مُغُنْتَا نٜىٰ؞ غِرْمَنْ كَيْ دَ طَغَ كَيْ دَ هَنْيُواْيِنْ مُغُنْتَا، دَ مَغَنْغَنُنْ رُوطُ، إِنَ ڧِنْسُ؞ 14 إِنَدَ شَوَرَا دَ عَيْنِحِنْ حِكِمَ، إِنَدَ غَانٜىٰوَ، إِنَدَ ڧَرْڢِے؞ 15 تَوُرِينَ سَرَاكُنَ سُكٜىٰ مُلْكِ، مَاسُ مُلْكِ سُنَ كَڢَ دُواْكُواْكِنْ غَسْكِيَ؞ 16 تَوُرِينَ سَرَاكُنَ سُكٜىٰ مُلْكِ، حَكَمَا شُوغَبَنِّ، مَاسُ شَرِيعَرْ غَسْكِيَ؞ 17 إِنَ ڧَوْنَرْ وَطَنْدَ سُكٜىٰ ڧَوْنَتَ، وَطَنْدَ سُكَ نٜىٰمٜىٰنِ دَ غَسْكٜىٰ ذَاسُ سَامٜىٰنِ؞ 18 دُوكِيَ دَ غِرْمَمَاوَا ذَنْ بَايَرْ، عِ، حَرْ مَا دَ تَبَّتَاثّٜىٰنْ أَرْزِڧِ دَ لَادَنْ أَدَلْثِے؞ 19 أَمْڢَانِنْ دَ ذَاكَسَامُ أَغَرٜىٰنِ، يَڢِ ظِينَارِيَ، عِ مَا، ظِينَارِيَرْ ظَلَّ، يَڢِ أَظُرْڢَرْ دَ عَكَ تَاثٜىٰ؞ 20 عَكَنْ حَنْيَرْ أَدَلْثِے نَكٜىٰ تَڢِيَ، دَ كُمَ عَكَنْ هَنْيُواْيِنْ شَرِيعَرْ غَسْكِيَ، 21 إِنَ سَا مَاسُ ڧَوْنَتَ سُغَاجِ دُوكِيَ، طَكُنَنْسُ كُمَ سُثِكَ سُواْسَيْ؞ 22 «نِثٜىٰ ڢَرْكُوانْ حَلِتَّرْ دَ يَهْوٜىٰهْ يَيِ، كَاڢِنْ يَيِ كُواْمٜىٰ؞ 23 تُنْ كَاڢِنْ زَامَانِنْ ذَامَانَيْ عَكَ كَڢَنِ، كَاڢِنْ مَا عَيِ دُونِيَا؞ 24 كَاڢِنْ عَيِ ظُرْڢَڢَّنْ ضُوَيٜىٰ، إِنَانَنْ، كَاڢِنْ مَا عَيِ مَٻُٻُّغَرْ ضُوَ؞ 25 كَاڢِنْ عَكَڢَ مَنْيَنْ تُدَّيْ، إِنَانَنْ، كَاڢِنْ مَا عَكَڢَ تُدَّيْ أَوُرَارٜىٰنْسُ؞ 26 كَاڢِنْ مَا اللَّهْ يَيِ دُونِيَا دَ ڢِيلَيٜىٰنْتَ، كَاڢِنْ أَ ڢِتَرْدَ ڨُويَرْ ڧَسَا تَڢَرْكُواْ، إِنَانَنْ؞ 27 إِنَ نَنْ لُواْكَثِنْ دَ يَيِ سَمَّيْ، دَ يَظَانَ لَيِنْ إِيَاكَ أَ ڢُسْكَرْ ظُرْڢَڢَّنْ ضُوَيٜىٰ، 28 دَ يَيِ غِرْغِجٜىٰ أَسَرَرِنْ سَمَ، دَ يَكَڢَ مَٻُٻُّغَنْ ظُرْڢَڢَّنْ ضُوَيٜىٰ، 29 دَ يَكَڢَ وَ تٜىٰكُ إِيَاكَ، كَدَ ضُوَ يَوُثٜىٰ وُرِنْ دَ عَكَ عُمَرْتَ، دَ يَكَڢَ تُوشٜىٰنْ دُونِيَا؞ 30 نِے حِكِمَ إِنَانَنْ تَرٜىٰ دَشِ، كَمَرْ ڠُونِنْ عَيْكِ؞ نِثٜىٰ كُلُّمْ أَبِنْدَ يَكٜىٰجِنْ دَاطِنْتَ، كُواْيَوْشٜىٰ إِنَ ڢَضٍ ثِكِ أَغَبَنْسَ، 31 إِنَ ڢَضٍ ثِكِ دَ دُونِيَرْسَ غَبَاطَيَ، إِنَ كُمَ جِنْ دَاطِنْ یَنْ أَدَمْ؞ 32 «يَنْذُ، یَیَنَ، كُكَسَ كُنّٜىٰ غَرٜىٰنِ، مَاسُ أَلْبَرْكَ نٜىٰ وَطَنْدَ سُكٜىٰ كِيَايٜىٰ حَنْيَتَ؞ 33 كُجِ هُواْرَرْوَتَ، كُذَمَ مَاسُ حِكِمَ، كَدَ كُڨَلٜىٰتَ؞ 34 مَيْ أَلْبَرْكَ نٜىٰ مُتُمِنْدَ يَسَوْرَرَتَ، كُواْيَوْشٜىٰ يَنَ ڟَيٜىٰ عَبَاكِنْ ڧُواْڢَتَ، يَنَ جِرَا عَڧُواْڢَرْ شِغَ غِدَانَ؞ 35 غَمَا دُكْ وَنْدَ يَسَامٜىٰنِ، يَسَامِ رَيْ، عَلَمَرْ سَامُنْ ڢَضٍ جِنِ دَغَ وُرِنْ يَهْوٜىٰهْ نٜىٰ؞ 36 عَمَّا دُكْ وَنْدَ بَيْ سَامٜىٰنِبَ، ثُوتَرْ كَنْسَ يَيِ، دُكْ وَنْدَ يَڧِنِ، مُتُوَ يَكٜىٰسُواْ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria