كَرِنْ مَغَنَ 7 - أَتَّوْرَتْ دَ أَنَّبَاوَا

حِكِمَ ذَاتَ ڟَرٜىٰكَ دَغَ يِنْ ظِنَ

¹ طَانَ، كَكِيَايٜىٰ كَلْمُواْمِنَ، كَكُمَ ٻُواْيٜىٰ عُمَرْنَيْنَ أَ ذُوثِيَارْكَ؞

² كَكِيَايٜىٰ عُمَرْنَيْنَ، ذَاكَ رَايُ، كَرِڧٜىٰ كُواْيَرْوَاتَا كَمَرْ ڨُويَرْ عِدُوانْكَ؞

³ طَوْرٜىٰسُ أَ حَنُّوَنْكَ، رُبُوتَسُ عَكَنْ أَلُّوانْ ذُوثِيَارْكَ؞

⁴ ثٜىٰ وَحِكِمَ ‏«‏كٜىٰ یَرْعُوَتَثٜىٰ،»‏ كَكِرَا غَانٜىٰوَ ‏«‏كٜىٰ أَبُواْكِيَتَ تَكُرْكُسَثٜىٰ؞»‏

⁵ ذَاسُ ڟَرٜىٰكَ دَغَ مَثٜىٰ مَيْ ظِنَ، دَغَ مَاتَرْ وَنِ وَدَّ تَكٜىٰدَ ذَاڧِنْ بَاكِ؞

⁶ وَتَرَانَ إِنَ دُوبَوَ تَتَغَرْ غِدَانَ،

⁷ نَاكُوَ غَا ثِكِنْ مَرَسَ تُنَانِ، نَلُورَ وَنِ عَثِكِنْ سَمَارِ، وَنِ مَتَاشِ مَرَرْ حَنْكَلِ،

⁸ يَنَ وُثٜىٰوَ عَتِيتِ كُسَدَ عِنْدَ تَكٜىٰ ذَمَ، يَنَ تَڢِيَ أَ حَنْيَ ذُوَا غِدَنْتَ،

⁹ أَ ڢَاطُوَرْ رَانَ، دَ يَمَّ ثِكِنْ دُهُ؞

¹⁰ غَاشِ ڢَا، مَثٜىٰ تَڢِتُواْ ذُوَا وُرِنْسَ، تَثِ ݣُولِّيَ كَمَرْ كَارُوَ مَيْ ذُوثِيَارْ رُوطِنْ مُتَنٜىٰ؞

¹¹ عِتَ كُوَ مَيْ سُورُوتُ ثٜىٰ، غَ تَوْرِنْ كَيْ كُمَ، كُواْيَوْشٜىٰ ڧَڢَرْتَ بَ تَذَمَ أَغِدَا؞

¹² وَنِ لُواْكَثِ ذَاعَ غَنْتَ عَتِيتِ، وَنِ لُواْكَثِ كُمَ أَ ڢِيلِ نَثِكِنْ غَرِ، عَكُواْعِنَ عِنْدَ حَنْيَ تَيِ ݣُونَ، تَنَ يِنْ ݣُونْتُوانْ ٻَوْنَ؞

¹³ سَيْ تَضُنْ‌غُمٜىٰشِ، تَيِ مَسَ سُمْبَ، دَ كَلُّوانْ رٜىٰنِ تَثٜىٰمَسَ،

¹⁴ ‏«‏نَمِيڧَ هَدَايُنْ ڠَرَنْ زُمُنْثِ، يَوْ نَثِكَ رَنْڟُوَاتَا، يَنْذُ إِنَدَ نَامَنْ هَدَايَ؞

¹⁵ شِيَسَا نَڢِتُواْ إِنْ سَامٜىٰكَ، نَامَڟُ إِنْ غَنْكَ، غَاشِ كُوَ نَسَامٜىٰكَ!‏

¹⁶ نَشِمْڢِطَا وَغَدُواْنَ ذَنُّوَ مَاسُ ݣَوْ نَلِيلِنْ، مَاسُ كَلَ إِرِ إِرِ دَغَ مَصَرْ؞

¹⁷ نَارِغَا نَا يَيَّڢَا غَدُواْنَ دَ تُرَارٜىٰنْ مُرْ إِرِ مَيْ ڧَنْشِنَّنْ، دَ نَأَلُواسْ دَ كُمَ سِنَمُوانْ؞

¹⁸ ذُواْ مُجِ دَاطِنْ ڧَوْنَ، مُمُواْرَ حَرْ سَڢٜىٰ، ذُواْ مُضُنْ‌غُمِ جُونَ ثِكِنْ ڧَوْنَ؞

¹⁹ غَمَا مِجِنَ بَايَ غِدَا، يَيِ تَڢِيَ مَيْ نِيسَ؞

²⁰ يَطَوْكِ إِسَشّٜىٰنْ كُطِ، بَذَيْ دَاوُاْ غِدَابَ، سَيْ ڟَكِيَرْ وَتَ؞»‏

²¹ دَ يَوَنْ كَلْمُواْمِنْ ذَاڧِ تَجَٰوُاْ حَنْكَلِنْسَ، دَ ذَاڧِنْ بَاكِ تَسَا يَيَرْدَ؞

²² بَا لَابَرِ سَيْ يَبِتَ، كَمَرْ بِجِمِنْ دَ ذَاعَ كَيْ وُرِنْ يَنْكَ، كَمَرْ بَرٜىٰوَرْ دَتَكٜىٰ ڟَلّٜىٰ ذُوَا ثِكِنْ تَرْكُواْ،

²³ عِنْدَ كِبِيَ تَسُواْكٜىٰتَ حَرْ ذُوثِيَارْتَ؞ يَنَنً كَمَرْ ڟُنْڟُ مَيْ سَوْرِنْ شِغَ تَرْكُواْ، بَيْ سَنِ بَذَيْبِيَ دَ رَنْسَ؞

²⁴ يَنْذُ ڢَا، یَیَنَ، كُسَوْرَرَتَ، كُكَسَ كُنّٜىٰ غَ كَلْمُواْمِنْ بَاكِنَ؞

²⁵ كَدَ كُيَرْدَ إِرِنْ وَنَّنْ مَثٜىٰ تَجَا حَنْكَلِنْكُ ذُوَا حَنْيَرْ رَايُوَرْتَ، كَدَ كُبِے هَنْيُواْيِنْتَ؞

²⁶ غَمَا تَذَمَ دَلِيلِنْ ڢَاطُوَرْ مَظَا دَيَوَ، بَعَ عِيَ لِسَّڢْتَا وَطَنْدَ سُكَ مُتُ تَهَنُّنْتَ؞

²⁷ غِدَنْتَ ڧُواْڢَ ذُوَا وُرِنْ ذَمَنْ مَتَتُّو نٜىٰ، مَيْ غَنْ‌غَرَوَ ذُوَا كَبَرِ؞