كَرِنْ مَغَنَ 5 - أَتَّوْرَتْ دَ أَنَّبَاوَا

غَرْغَطِ عَكَنْ رَشِنْ كَامُنْ كَيْ

¹ طَانَ، كَكَسَ كُنّٜىٰ غَ حِكِمَتَ، كَبُوطٜىٰ كُنُّوَ غَ مَغَنَرْ بَسِيرَتَ،

² دُواْمِنْ كَيِكُواْمٜىٰ ثِكِنْ حَنْكَلِ مَيْݣَوْ، بَاكِنْكَ كُمَ يَنُونَ كَنَدَ سَنِ؞

³ كَسَنِ ڢَا، بَاكِنْ مَثٜىٰ مَيْ ظِنَ يَنَدَ ذَاڧِ كَمَرْ ظُمَ، مَغَنَرْتَ كُمَ تَكَنْڢِے مَنْ شَڢَاوَا لَوْشِ؞

⁴ عَمَّا ڧَرْشٜىٰنْ ذَمَ دَ عِتَ، سَيْ طَاثِ، ذَاتَ سُواْكٜىٰكَ كَمَرْ تَكُواْبِے مَيْثِ بَاكِ بِيُ؞

⁵ ڧَڢَاڢُنْتَ سُنَ غَنْ‌غَرُواْوَ ذُوَا كَبَرِ نٜىٰ، حَنْيَرْتَ ذَاتَ كَيْكَ وُرِنْ ذَمَنْ مَتَتُّو؞

⁶ بَتَ دَامُ دَ حَنْيَرْ رَيْبَ، هَنْيُواْيِنْتَ بَعَمِيڧٜىٰ سُكٜىٰبَ، عِتَ كُوَ بَتَسَنْ حَكَ تَكٜىٰبَ؞

⁷ يَنْذُ ڢَا، يَا طَانَ، كَسَوْرَرَتَ، كَدَ كَرَبُ دَ كَلْمُواْمِنْ بَاكِنَ؞

⁸ يِ نٜىٰسَ دَ حَنْيَرْتَ، كَدَ مَا كَيِ كُسَدَ ڧُواْڢَرْ غِدَنْتَ؞

⁹ كَدَ ڧَرْڢِنْكَ يَڧَارٜىٰ عَكَنْ وَطَنْسُ، كَمُتُ عَڧُرُثِيَ أَ حَنُّنْ مَرَسَ تَوْسَيِ،

¹⁰ بَاڧِ كُوَ سُݣُوشٜىٰ ڧَرْڢِنْ جِكِنْكَ، ظُڢَرْكَ تَتَڢِے غِدَنْ وَنِ عَبَنْظَ؞

¹¹ عَڧَرْشٜىٰنْ رَنْكَ كُمَ كَنَ نِيشِ ثِكِنْ ذَاڢِ، سَعَدَّ ثِيوُاْ يَثِنْيٜىٰ جِكِنْكَ،

¹² ذَاكَثٜىٰ ‏«‏مٜىٰيَسَا نَڧِ كَرْٻَرْ ڠَرَ؟ مٜىٰيَسَا ذُوثِيَاتَ تَرٜىٰنَ ڟَاوَتَرْوَ؟

¹³ مٜىٰيَسَا بَنْ كَسَ كُنّٜىٰ غَ مَلَمَيْنَبَ؟ مٜىٰيَسَا بَنْ سَوْرَرِ مَاسُ كُواْيَرْ دَنِے بَ؟

¹⁴ غَاشِ، إِنَ غَبْ دَ هَلَّكَ، يَنْذُ إِنَ غَبْ دَ شَنْ كُنْيَا أَغَبَنْ جَمَعَ؞»‏

¹⁵ جِ دَاطِنْ ڧَوْنَرْ مَاتَرْكَ كَطَيْ، شَا ضُوَ دَغَ رِجِيَرْ نَنْ كَطَيْ، ضُوَ مَيْ لَاڢِيَ كُمَ دَغَ ثِكِنْ ضَنْدَارْكَ؞

¹⁶ دَيْدَيْ نٜىٰ مَٻُٻُّغَرْ ضُوً جِكِنْكَ يَغُدُ كُواْعِنَ؟ كُواْ يَذَمَ نَكُواْوَ دَ كُواْوَ؟

¹⁷ بَرِ سُذَمَ نَاكَ كَطَيْ، بَذَاكَ رَبَ دَ بَڧُواْبَ؞

¹⁸ بَرِ ضُوَنْكَ يَذَمَ دَ أَلْبَرْكَ، كَيِ ڢَضٍ ثِكِ دَ مَاتَرْكَ تَڧُرُثِيَرْكَ،

¹⁹ ݣَكْݣَوَرْ غَنِ كَمَرْ بَرٜىٰوَ، كُواْ یَرْ بَرٜىٰوَ مَيْ ݣَنْ غَنِ؞ بَرِ نُواْنُوانْتَ سُإِشٜىٰكَ كُلُّمْ، ڧَوْنَرْتَ كُمَ يَشَا كَنْكَ؞

²⁰ طَانَ، مٜىٰ ذَيْسَا مَتَا مَيْ ظِنَ تَشَا كَنْكَ؟ مٜىٰ ذَيْسَا كَضُنْ‌غُمِ مَاتَرْ وَنِ؟

²¹ غَمَا هَنْيُواْيِنْ رَايُوَرْ طَنْ أَدَمْ عَبَيَّنٜىٰ سُكٜىٰ أَعِدُوانْ يَهْوٜىٰهْ، يَهْوٜىٰهْ كُوَ يَكَنْ ڠُودَ دُكَنْ هَنْيُواْيِنْسَ؞

²² لَيْڢُواْڢِنْ مُوغُ تَرْكُواْ نٜىٰ غَرٜىٰشِ، إِغِيُواْيِنْ ذُنُبَنْسَ سُكَنْ رِڧٜىٰشِ كَمْ؞

²³ يَكَنْ مُتُ سَبُواْدَ رَشِنْ كَمٜىٰوَرْسَ، ڟَنَنِنْ وَوَنْثِنْسَ يَكَنْ كَيْشِ غَ هَلَّكَ؞