كَرِنْ مَغَنَ 4 - أَتَّوْرَتْ دَ أَنَّبَاوَا

شَوَرَرْ حِكِمَ غَ مَتَسَ

¹ یَیَنَ، كُسَوْرَرِ هُواْرَرْوَرْ بَابَ، كُكَسَ كُنّٜىٰ كُسَامِ سَنِ دَ غَانٜىٰوَ؞

² غَمَا إِنَبَاكُ ڧَٰعِدُواْدِ مَاسُ ݣَوْ، كَدَ كُرَبُ دَ كُواْيَرْوَاتَا؞

³ سَعَدَّ نَكٜىٰ طَنْ يَرُواْ كَطَيْ غَ بَابَنَ، نِے طَنْ غَاتَا نٜىٰ، ڧَوْنَتَثّٜىٰ نٜىٰ غَ مَامَاتَ،

⁴ بَابَنَ يَكُواْيَ مِنِ يَثٜىٰ، ‏«‏بَرِ ذُوثِيَارْكَ تَرِڧٜىٰ كَلْمُواْمِنْ دَ نَكٜىٰ ڢَطَا مَكَ، كَكِيَايٜىٰ عُمَرْنَيْنَ، كَرَايُ؞

⁵ سَامِ حِكِمَ، سَامِ غَانٜىٰوَ، كَدَ كَمَنْتَا، كُواْ كَجُويَا دَغَ كَلْمُواْمِنْ بَاكِنَ؞

⁶ كَدَ كَرَبُ دَ حِكِمَ، ذَاتَ كُوَ رِڧٜىٰكَ، كَڧَوْنَثٜىٰتَ، ذَاتَ كِيَايٜىٰكَ؞

⁷ مُهِمِّنْ أَبُ شِينٜىٰ سَامُنْ حِكِمَ، ثِكِنْ دُكْ أَبِنْدَ ذَاكَسَامُ، سَامِ غَانٜىٰوَ؞

⁸ إِنْ كَطَوْكَكَاتَ سُواْسَيْ، ذَاتَ طَغَكَ، عِدَنْ كَا ضُنْ‌غُمٜىٰتَ ذَاتَ كَٰوُاْ مَكَ غِرْمَمَاوَا؞

⁹ ذَاتَ ذَمَ هُولَرْ دَرَجَ عَكَنْكَ، ݣَكْݣَوَرْ هُولَرْ يَبُواْ كُمَ؞»‏

¹⁰ طَانَ، كَسَوْرَرَ كَكَرْٻِ أَبِنْدَ نَكٜىٰ ڢَطَا، ذَيْسَا كَيِ ڟَوُانْ رَيْ؞

¹¹ نَارِغَا نَا كُواْيَ مَكَ حَنْيَرْ حِكِمَ، نَا بِدَكَيْ عَكَنْ هَنْيُواْيِنْ دَسُكٜىٰ دَيْدَيْ؞

¹² عِدَنْ كَنَ تَڢِيَ، بَابُ أَبِنْدَ ذَيْ حَنَ تَاكَوَرْكَ، عِدَنْ كُمَ كَنَ غُدُ، بَذَاكَيِ تُنْتُٻٜىٰبَ؞

¹³ رِڧٜىٰ كُواْيَرْوَرْ نَنْ دَ ڧَرْڢِے، كَدَ كَرَبُ دَ عِتَ، كِيَايٜىٰتَ دَݣَوْ، غَمَا رَيْ ثٜىٰ أَغَرٜىٰكَ؞

¹⁴ كَدَ كَشِغَ حَنْيَرْ مُوغَيٜىٰ، كَدَ كُمَ كَيِ تَڢِيَ أَ حَنْيَرْ مَاسُ عَيْكَتَ مُغُنْتَا؞

¹⁵ كَكَوْثٜىٰ، كَدَ كَبِے، كَجُويَا دَغَ غَرٜىٰتَ، كَيِ تَڢِيَرْكَ دَبَمْ؞

¹⁶ غَمَا مُوغَيٜىٰنَّنْ بَاسَ بَرْثِ سَيْ سُنْ عَيْكَتَ مُغُنْتَا، بَرْثِ بَايَ كَامَ عِدُوانْسُ سَيْ سُنْ سَا وَنِ يَيِ تُنْتُٻٜىٰ؞

¹⁷ مُغُنْتَا شِينٜىٰ عَبِنْثِنْسُ، تَادَ ظَوْنٜىٰ ڟَيٜىٰ شِينٜىٰ أَبِنْ شَا نَاسُ؞

¹⁸ حَنْيَرْ مَاسُ أَدَلْثِے كَمَرْ ٻُلُّواْوَرْ حَصْكٜىٰنْ رَانَ تَكٜىٰ، حَصْكٜىٰنْ دَ يَكَنْيِ تَڧَارُوَ حَرْ يَحَصْكَكَا ثِكَكّٜىٰ إِرِنْ نَڟَكَرْ رَانَ؞

¹⁹ عَمَّا حَنْيَرْ مُوغَيٜىٰ، كَمَ دَ بَڧِنْ دُهُ تَكٜىٰ، بَاسَ سَنِنْ أَبِنْدَ يَكٜىٰسَا سُيِ تُنْتُٻٜىٰ؞

²⁰ طَانَ، كَسَوْرَرِ أَبِنْدَ نَكٜىٰ ڢَطَا، كَكَسَ كُنّٜىٰ غَ كَلْمُواْمِنَ؞

²¹ كَدَ كَبَرْسُ سُرَبُ دَغَ تُنَانِنْكَ، كَأَجِيٜىٰسُ عَثِكِنْ ذُوثِيَارْكَ؞

²² غَمَا رَيْ نٜىٰ سُو غَ وَطَنْدَ سُكَ سَامٜىٰسُ، وَرْكٜىٰوَثٜىٰ كُمَ غَ دُكَنْ مُتَنٜىٰنَّنْ؞

²³ كِيَايٜىٰ ذُوثِيَارْكَ دَ دُكَنْ إِيَاكَثِنْ ڧُواْڧَرِ، غَمَا دَغَ ثِكِنْتَ رَيْ يَكٜىٰ ڢِتُواْوَ كَمَرْ ضُوَ؞

²⁴ كَكَوَرْدَ مَغَنَرْ ݣُونَ ݣُونَ، كَكُمَيِ نٜىٰسَ دَ مَغَنَرْ بَاكِ بِيُ؞

²⁵ بَرِ عِدَنُونْكَ سُدُوبَ غَبَ سُواْسَيْ، عَكَنْ مَغَنَرْكَ تَبَّتَاثِّيَ ثٜىٰ؞

²⁶ تَبَّتَ كَنَ بِنْ حَنْيَرْ دَتَكٜىٰ أَ مِيڧٜىٰ، كَڟَيَ عَكَنْتَ دَرَمْ؞

²⁷ كَدَ كَكَوْثٜىٰ دَامَ كُواْ هَغُ، ثِرٜىٰ ڧَڢَرْكَ دَغَ حَنْيَرْ مُغُنْتَا؞