كَرِنْ مَغَنَ 31 - أَتَّوْرَتْ دَ أَنَّبَاوَا

كَلْمُواْمِنْ سَرْكِے لٜىٰمُوٜىٰلْ

¹ غَا كَلْمُواْمِنْ سَڧُواْ نَ سَرْكِے لٜىٰمُوٜىٰلْ، وَطَنْدَ يَكُواْيَ دَغَ مَامَرْسَ؞

² مٜىٰنٜىٰنٜىٰ، يَا طَانَ؟ مٜىٰنٜىٰنٜىٰ، يَا طَنْ ثِكِنَ؟ مٜىٰنٜىٰنٜىٰ، يَا طَنْدَ نَكٜىٰٻٜىٰ غَ اللَّهْ؟

³ كَدَ كَٻَاتَ ڧَرْڢِنْكَ غَ مَاتَا، كُواْ كَمَيْدَ حَنْكَلِ غَ مَاسُ هَلَّكَ سَرَاكُنَ؞

⁴ يَا لٜىٰمُوٜىٰلْ!‏ بَيْ دَاثٜىٰ دَ سَرَاكُنَبَ، بَيْ دَاثٜىٰ سَرَاكُنَ سُشَا ضُوً إِنَبِبَ، كُواْ مَاسُ مُلْكِ سُيِ مَرْمَرِنْ شَنْ أَبِنْ سَا بُغُوَبَ،

⁵ دُواْمِنْ كَدَ ڢَا سُشَا سُمَنْتَادَ دُواْكَا، كَدَ سُكَاسَ يِنْ شَرِيعَرْ غَسْكِيَ عَكَنْ مَاسُ شَنْ وَهَلَ؞

⁶ عَبَادَ أَبِنْ سَا بُغُوَ غَ وَنْدَ يَكٜىٰ بَاكِنْ مُتُوَ، ضُوً إِنَبِے غَ وَنْدَ يَكٜىٰ ثِكِنْ ٻَثِنْ ذُوثِيَا،

⁷ بَرِ سُشَا سُمَنْتَادَ تَلَوْثِنْسُ، كَدَ سُڧَارَ تُنَاوَا دَ عَذَابَرْسُ؞

⁸ ‏«‏يِمَغَنَ أَمَدَدِنْ مَرَرْ عِيَ مَغَنَ، دُواْمِنْ عَكِيَايٜىٰ حَكِّنْ دُكَنْ مَرَسَ تَيْمَكُواْ؞

⁹ بُوطٜىٰ بَاكِنْكَ، كَكُمَيِ شَرِيعَرْ أَدَلْثِے، كَكِيَايٜىٰ حَكِّنْ مَتَلَوْتَ دَ مَاسُ بُڧَاتَ؞»‏

وَاڧَرْ يَبُواْ دُواْمِنْ مَثٜىٰ مَيْ كِرْكِ

¹⁰ وَنٜىٰنٜىٰ ذَيْ عِيَ سَامُنْ مَثٜىٰ مَيْ كِرْكِ؟ دَرَجَرْتَ تَاڢِ تَدُوڟٜىٰ مَڢِے دَرَجَ؞

¹¹ ذُوثِيَارْ مِجِنْتَ تَا أَمِنْثٜىٰ دَ عِتَ، بَذَيْ كُوَ رَسَ أَلْبَرْكَبَ؞

¹² تَنَ يِمَسَ أَلْحٜىٰرِ بَمُغُنْتَابَ، أَدُكَنْ ݣُونَكِنْ رَايُوَرْتَ؞

¹³ تَكَنْ نٜىٰمِ عُلُ دَ ظَرٜىٰنْ لِيلِنْ، تَيِ سَاڧَ دَ حَنُّوَنْتَ ثِكِنْ ڢَضٍ ثِكِ؞

¹⁴ تَنَ كَٰوُاْ عَبِنْثِ دَغَ نٜىٰسَ، كَمَرْ جِضَاغٜىٰنْ ضُوَ مَاسُ تَڢِيَرْ كَاسُوَنْثِ؞

¹⁵ تَكَنْ تَاشِ كَاڢِنْ وَايٜىٰوَرْ غَرِ، تَكَنْ تَنَدَ عَبِنْثِ غَ عِيَلِنْ غِدَنْتَ تَكَنْ شِرْيَ وَیَنْ مَاتَانْ غِدَنْتَ عَيْكِنْيِ؞

¹⁶ تَكَنْ لُورَ سُواْسَيْ كَاڢِنْ تَسَيَ غُواْنَ، دَ رِيبَرْ عَيْكِنْ حَنُّنْتَ تَشُوكَ غُواْنَرْ إِنَبِے؞

¹⁷ تَكَنْيِ طَمَرَ سُواْسَيْ، تَيِ عَيْكِنْتَ دَ ڨُوذُواْ؞

¹⁸ تَا سَنِ كَايَنْ ثِنِكِنْتَ سُنَدَ ݣَوْ؞ تَكَنْ سَا ڢِتِلَرْتَ تَثِ دُكَنْ دَرٜىٰ؞

¹⁹ حَنُّوَنْتَ سُنْ عِيَ نَطَ ظَرٜىٰ، تَنَ كُمَ سَاڧَ دَ حَنُّنْتَ؞

²⁰ تَنَيِ وَمَتَلَوْتَ بَايَرْوَ حَنُّ سَكٜىٰ، عِ، مَاسُ بُڧَاتَ مَا تَنَيِمُسُ أَلْحٜىٰرِ؞

²¹ بَاتَ جِنْ ڟُواْرُوانْ لُواْكَثِنْ سَنْيِ، غَمَا دُكْ غِدَنْتَ سُنَدَ سُوَيْتَ دَ بَرْغُواْ؞

²² تَايِ وَكَنْتَ أَبِنْ رُڢُوَ مَيْݣَوْ، رِيغُنَنْتَ نَلِيلِنْ نٜىٰ مَيْݣَوْ دَ كَلَرْ جَرْ غَرُورَا؞

²³ مِجِنْتَ سَنَنّٜىٰ نٜىٰ عَتَارُوَ عَڧُواْڢَرْ غَرِ، يَايِنْ دَيَكٜىٰ ظَوْنٜىٰ عَثِكِنْ دَتَّاوَنْ ڧَسَرْ؞

²⁴ تَكَنْ سَاڧَ رِيغُنَنْ ظَرٜىٰنْ لِيلِنْ تَسَيَرْ، تَكَنْ سَيَرْ وَ یَنْ كَاسُوَ أَبِنْ طَمَرَ؞

²⁵ ڧَرْڢِے دَ دَرَجَ سُونٜىٰ رِيغُنَنْتَ، تَنَ أَشِرْيٜىٰ تَڢُسْكَنْثِ ݣُونَكِے نَغَبَ؞

²⁶ تَنَ مَغَنَ دَ حِكِمَ، كُواْيَرْوَرْتَ تَأَلْحٜىٰرِثٜىٰ؞

²⁷ تَنَ لُورَ دَ رَايُوَرْ غِدَنْتَ سُواْسَيْ، بَا ضُوَنْتَ دَ ڧِوِيَ؞

²⁸ یَیَنْتَ سُكَنْثٜىٰ دَ عِتَ مَيْ أَلْبَرْكَ، حَكَمَا مِجِنْتَ يَكَنْ يَبٜىٰتَ،

²⁹ يَثٜىٰ، ‏«‏مَاتَادَيَوَ سُنْيِ كِرْكِ، عَمَّا كٜىٰ كِنْڢِسُ دُكَ؞»‏

³⁰ بَنْ شَعَوَ رُوطُ نٜىٰ، ݣَنْ غَنِ بَنْظَنٜىٰ، عَمَّا مَثٜىٰ مَيْ ڟُواْرُوانْ يَهْوٜىٰهْ، عِتَثٜىٰ أَبِنْ يَبُواْ؞

³¹ عَبَاتَ لَادَنْ عَيْكِنْتَ، عَڧُواْڢَرْ غَرِ كُمَ بَرِ أَيُّكَنْتَ سُكَٰوُاْ مَتَ يَبُواْ؞