كَرِنْ مَغَنَ 30 - أَتَّوْرَتْ دَ أَنَّبَاوَا

كَلْمُواْمِنْ أَغُرْ

¹ غَا كَلْمُواْمِنْ سَڧُواْ نَ أَغُرْ طَنْ يَكٜىٰ؞ يَا اللَّهْ، نَا غَجِ، عِ، نَا غَجِ، يَا اللَّهْ، ڧَرْڢِينَ يَڧَارٜىٰ؞

² حَڧِيڧَ نَڢِ كُواْوَنٜىٰ مُتُمْ وَوَنْثِ، بَانِ دَ غَانٜىٰوَ إِرِنَّیَنْ أَدَمْ؞

³ بَنْ كُواْيِ حِكِمَبَ، بَنْ كُوَ سَنْ مَيْ ڟَرْكِنَّنْ بَ؞

⁴ وَ يَهَوْ سَمَ يَكُمَ سَوْكَ؟ وَ يَتَٻَ كَامَ إِسْكَ ثِكِنْ تَڢِنْ حَنُّنْسَ؟ وَ يَتَٻَ ڧُنْشٜىٰ ضُوَ عَثِكِنْ رِغَرْسَ؟ وَ كُمَ يَكَڢَ إِيَاكَرْ دُونِيَا؟ مٜىٰنٜىٰنٜىٰ سُونَنْسَ؟ مٜىٰنٜىٰنٜىٰ كُمَ سُونَنْ طَنْسَ؟ ڢَطَا مِنِ إِنْ كَسَنِ!‏

⁵ أَنْ تَاثٜىٰ كُواْوَثٜىٰ كَلْمَرْ اللَّهْ؞ شِے كُوَ غَرْكُوَنٜىٰ غَ مَاسُ نٜىٰمَنْ ٻُيَ أَوُرِنْسَ؞

⁶ كَدَ كَيِ ڧَارِ عَكَنْ مَغَنَرْسَ، دُواْمِنْ كَدَ يَڟَاوَتَا مَكَ، عَكُمَ بَيَّنَ كَيْ مَيْ ڧَضْيَانٜىٰ؞

⁷ ‏«‏يَا يَهْوٜىٰهْ، أَبُ بِيُ نٜىٰ نَا ضُواْڧَا أَغَرٜىٰكَ، كَدَ كَحَنَ مِنِسُ كَاڢِنْ إِنْمُتُ؞

⁸ كَوَرْ دَ رَشِنْ غَسْكِيَ دَغَ غَرٜىٰنِ، سَا ڢَطِنْ ڧَضْيَا يَيِ نٜىٰسَ دَنِے؞ كَدَ كَبَانِ تَلَوْثِ كُواْ دُوكِيَ، سَيْدَيْ كَاثِيَرْ دَنِے دَ عَبِنْثِ دَيْدَيْ دَ بُڧَاتَتَ؞

⁹ دُوانْ كَدَ إِنْڧُواْشِ إِنْيِ مُسُونْ سَنِنْكَ، إِنْ ثٜىٰ، ‏‹‏وَنٜىٰنٜىٰ يَهْوٜىٰهْ؟›‏ كَدَ كُمَ إِنْ ذَمَ مَتَلَوْثِ حَرْ إِنْيِسَاتَا إِنْ مَيْدَ سُونَنْ اللَّهْ نَأَبِنْ وَسَ؞»‏

¹⁰ ‏«‏كَدَ كَٻَاتَ سُونَنْ بَاوَ أَوُرِنْ مَيْغِدَنْسَ، دُواْمِنْ كَدَ بَاوَنْ يَذَغٜىٰكَ، أَ سَامٜىٰكَ دَ لَيْڢِے؞

¹¹ ‏«‏أَݣَويْ وَطَنْدَ سُكَ لَعَنْتَ إِيَايٜىٰنْسُ مَظَا، بَاسَ كُمَ أَلْبَرْكَثِ إِيَايٜىٰنْسُ مَتَ؞

¹² أَݣَويْ وَطَنْدَ سُكٜىٰ غَنِنْ كَنْسُ مَاسُ ڟَبْتَ نٜىٰ، عَمَّا بَسُوَنْكٜىٰ دَتِّنْسُبَ؞

¹³ أَݣَويْ وَطَنْدَ سُكٜىٰيِنْ كَلُّوانْ رٜىٰنِ، سُنَ غَنِنْ كَنْسُ سُو وَنِ أَبُنٜىٰ!‏

¹⁴ أَݣَويْ وَطَنْدَ هَڧُواْرَنْسُ كَمَرْ تَكُبَنٜىٰ، هَڧُواْرَنْسُ كُوَ كَمَرْ وُڧَڧٜىٰنٜىٰ، دُواْمِنْ سُهَلَّكَ مَتَلَوْتَ دَغَ ڧَسَا، دَ مَاسُ بُڧَاتَ دَغَ ثِكِنْ یَنْ أَدَمْ؞

¹⁵ ‏«‏ݣُوطَيِ تَنَدَ یَیَ مَتَ بِيُ، أَنَ كِرَنْسُ ‏‹‏بَانِ!‏ بَانِ!‏›‏ أَݣَويْ أَبُ عُكُنْ دَ بَسُ ڧُواْشِبَ، عِ، حَرْ حُطُ وَطَنْدَ بَاسَثٜىٰوَ ‏‹‏يَ إِسَ›‏؞

¹⁶ سُونٜىٰ، وُرِنْ ذَمَنْ مَتَتُّو، دَ مَحَيْڢَرْ مَرَرْ حَيْڢُوَ، دَ ڧَسَرْدَ بَاتَ ڧُواْشِ دَ ضُوَ، دَ وُتَرْ دَ بَاتَثٜىٰوَ ‏‹‏يَ إِسَ؞›‏

¹⁷ ‏«‏إِدَانُو مَاسُيِ وَبَابَ كَلُّوانْ رٜىٰنِ، مَاسُ ڧِنْ بِيَيَّ غَ مَامَا، عُنْ‌غُلَيٜىٰ ذَاسُثِنْيٜىٰسُ، هَنْكَكِنْ ݣُورِ ذَاسُ ثِثِّرٜىٰسُ؞

¹⁸ ‏«‏أَݣَويْ أَبُ عُكُنْ دَ سَنِنْسُ يَڢِ غَانٜىٰوَتَ، عِ، حَرْ حُطُ وَطَنْدَ بَنْ سَنِبَ؞

¹⁹ سُونٜىٰ تَڢِيَرْ غَغَّڢَ أَسَرَرِنْ سَمَ، دَ تَڢِيَرْ مَثِيجِ عَكَنْ دُوڟٜىٰ، دَ تَڢِيَرْ جِضْغٍ ضُوَ عَكَنْ ڟَكِيَرْ تٜىٰكُ، دَ شَعَنِنْ تَڢِيَرْ سَوْرَيِ دَ يَارِنْيَ؞

²⁰ ‏«‏غَا يَدَّ تَڢِيَرْ مَيْ ظِنَ تَكٜىٰ، تَكَنْثِ تَشَرٜىٰ بَاكِنْتَ، سَيْ تَثٜىٰ، ‏‹‏بَنْيِ لَيْڢِنْ كُواْمٜىٰبَ؞›‏

²¹ ‏«‏أَݣَويْ أَبُ عُكُنْ دَ سُكَسَا ڧَسَا تَغِرْغِظَ، عِ، حَرْ حُطُ وَطَنْدَ دُونِيَا بَاتَ عِيَ جِمْرٜىٰوَ دَسُو؞

²² سُونٜىٰ، بَاوَنْدَ يَذَمَ سَرْكِے، دَ وَوَنْ دَ يَكٜىٰدَ عَبِنْثِ دَيَوَ،

²³ دَ مَثٜىٰ مَيْ بَڧِنْ جِنِ وَدَّ تَسَامِ مِجِ، دَ بَيْوَرْ دَ تَڨُوثٜىٰ مَڟَيِنْ عُوَرْغِدَنْتَ؞

²⁴ ‏«‏أَݣَويْ أَبُبُوَ حُطُ عَدُونِيَا، ڧَنَانَا نٜىٰ عَمَّا سُنَدَ حِكِمَ سُواْسَيْ؞

²⁵ سُونٜىٰ، كِيَشِ ڧُنْ‌غِيَ ثٜىٰ مَرَسَ ڧَرْڢِے، دُكْدَهَكَ سُكَنْ تَتَّارَ عَبِنْثِنْسُ دَ رَانِ؞

²⁶ رٜىٰمَيٜىٰ ڧُنْ‌غِيَ ثٜىٰ مَرَسَ ڧَرْڢِے، دُكْدَهَكَ، سُكَنْيِ غِدَاجٜىٰنْسُ أَدُوَڟُو؞

²⁷ ڢَارِ بَاسُدَ سَرْكِے، دُكْدَهَكَ سُكَنْيِ تَڢِيَ لَيِ لَيِ؞

²⁸ ڧَدَنْ‌غَرٜىٰ، أَنَ عِيَ كَامَ شِ دَ حَنُّ، دُكْدَهَكَ سُكَنْ شِغَ أَغِدَنْ سَرْكِے؞

²⁹ ‏«‏أَݣَويْ أَبُبُوَ عُكُنْ دَسُكٜىٰ تَاڧَمَ ثِكِنْ تَڢِيَ، عِ، حَرْ مَا حُطُ وَطَنْدَ سُكٜىٰ تَڢِيَ دَ نُونَ ڧَرْڢِے؞

³⁰ سُونٜىٰ، ذَاكِنْدَ يَڢِ دُكَنْ دَبُّواْبِے ڧَرْڢِے، بَايَ بَا وَنِ حَنْيَ،

³¹ دَ ظَكَرَ مَيْ ثَارَ، دَ بُنْسُرُ، دَ سَرْكِے مَيْ تَڢِيَ أَغَبَنْ سُواْجُواْجِنْسَ؞

³² ‏«‏عِدَنْ كَايِ وَوَنْثِ كَنَ طَوْكَكَ كَنْكَ، كُواْ كَنَ شِرْيَ مُغُنْتَا، تُواْ، رُڢٜىٰ بَاكِنْكَ دَ حَنُّ؞

³³ يَدَّ مُواْڟَ مَدَرَ تَكَنْ كَٰوُاْ مَيْ، مُرْطَ حَنْثِ كُمَ تَكَنْ كَٰوُاْ جِنِ، حَكَنَنْ تَادَ ڢُشِے يَكَنْ كَٰوُاْ ڢَطَ؞»‏