كَرِنْ مَغَنَ 3 - أَتَّوْرَتْ دَ أَنَّبَاوَا

ڧَارِنْ بَيَانِ غَمٜىٰدَ سَكَمَكُوانْ حِكِمَ

¹ طَانَ، كَدَ كَمَنْتَادَ كُواْيَرْوَاتَا، عَمَّا كَكِيَايٜىٰ عُمَرْنَيْنَ أَ ذُوثِيَارْكَ،

² غَمَا ذَاسُ ڧَارَ مَكَ ڟَوُانْ رَيْ، ذَاسُ كُوَ بَاكَ سَلَمَ عَيَلْوَثٜىٰ؞

³ كَدَ كَبَرْ ڧَوْنَ دَ أَمِنْثِ سُرَبُ دَكَيْ، كَطَوْرَسُ أَوُيَنْكَ، رُبُوتَسُ عَكَنْ أَلُّوانْ ذُوثِيَارْكَ؞

⁴ تَهَكَ ذَاكَسَامِ ڢَضٍ جِنِ دَ أَلْحٜىٰرِ، أَغَبَنْ اللَّهْ دَ كُمَ أَغَبَنْ مُتُمْ؞

⁵ دُواْغَضَ غَ يَهْوٜىٰهْ دَ دُكَنْ ذُوثِيَارْكَ، كَدَ كَدُواْغَرَ غَ غَانٜىٰوَرْكَ؞

⁶ أَ دُكَنْ هَنْيُواْيِنْ رَايُوَرْكَ كَغِرْمَمَشِ، شِيكُوَ ذَيْ دَيْدَيْتَ هَنْيُواْيِنْكَ؞

⁷ كَدَ كَطَوْكِ كَنْكَ مَيْ حِكِمَنٜىٰ، كَجِڟُواْرُوانْ يَهْوٜىٰهْ، كَرَبُ دَ مُغُنْتَا؞

⁸ وَنَّنْ ذَيْ كَٰوُاْ لَاڢِيَ غَ جِكِنْكَ، وَرْكٜىٰوَ كُمَ غَ ڧَسُسُوَنْكَ؞

⁹ غِرْمَمَ يَهْوٜىٰهْ دَ أَبِنْدَ كَكٜىٰ دَشِ، دَ نُونً ڢَارِ نَدُكَنْ أَمْڢَانِنْ غُواْنَرْكَ؞

¹⁰ تَهَكَ ضُمْبُنَنْكَ ذَاسُثِكَ دَ أَلْبَرْكُ، رَنْدُنَنْ ضُوً إِنَبِنْكَ كُمَ ذَاسُثِكَ ڢَلْ؞

¹¹ طَانَ، كَدَ كَڧِ حُواْرُوانْ يَهْوٜىٰهْ، كُواْ كَغَجِ دَ ڟَاوَتَرْوَرْسَ؞

¹² غَمَا وَنْدَ يَهْوٜىٰهْ يَكٜىٰ ڧَوْنَ، شِ يَكٜىٰ ڟَاوَتَا مَسَ، يَدَّ بَابَ يَكٜىٰيِ وَطَنْ دَيَكٜىٰ بُغَ ڧِرْجِ عَكَنْسَ؞

¹³ مَيْ أَلْبَرْكَ نٜىٰ مُتُمِنْدَ يَسَامِ حِكِمَ، وَنْدَ كُمَ يَسَامِ ڢَهِمْتَ؞

¹⁴ غَمَا رِيبَرْ حِكِمَ تَڢِے تَأَظُرْڢَ، دَرَجَرْتَ تَڢِے تَظِنَرِيَ؞

¹⁵ تَا ڢِے دُوڟٜىٰ مَيْ دَرَجَ ڟَادَ، بَا أَبِنْدَ ذَاعَ ڠُودَ دَ عِتَ؞

¹⁶ دَ حَنُّنْ دَامَنْتَ، حِكِمَ تَكَنْ بَادَ ڟَوُانْ رَيْ؞ دَ حَنُّوَنْتَ، تَكَنْ بَادَ دُوكِيَ دَ غِرْمَ؞

¹⁷ هَنْيُواْيِنْتَ هَنْيُواْيِنْ ڢَرَنْتَ رَيْ نٜىٰ، دُكَنْسُ كُوَ نَسَلَمَنٜىٰ؞

¹⁸ حِكِمَ إِتَاثٜىٰنْ رَيْ ثٜىٰ غَ وَطَنْدَ سُكَ سَامٜىٰتَ، مَاسُ أَلْبَرْكَ نٜىٰ وَطَنْدَ سُكَ رِڧٜىٰتَ؞

¹⁹ تَوُرِنْ حِكِمَ ثٜىٰ، يَهْوٜىٰهْ يَكَڢَ دُونِيَا، تَوُرِنْ غَانٜىٰوَ كُمَ يَشِمْڢِطَا سَمَّيْ؞

²⁰ تَوُرِنْ سَنِنْسَ ظُرْڢَڢَّنْ كُواْغُنَ سُكَ بُوطٜىٰ، غِذَغِظَيْ كُمَ سُكَ ظُبُواْ دَ ضُوَ؞

²¹ طَانَ، كَدَ كَبَرْ وَطَنَّنْ سُرَبُ دَكَيْ، كَرِڧٜىٰ حِكِمَ دَ حَنْكَلِ كَمْكَمْ؞

²² ذَاسُ ذَمَ رَيْ أَغَرٜىٰكَ، ݣَكْݣَاوَا كَمَرْ كَايَنْ أَدُواْ أَوُيَنْكَ؞

²³ دَ حَكَ ذَاكَيِ تَڢِيَ أَ حَنْيَرْكَ لَاڢِيَ، بَ كُوَ ذَاكَيِ تُنْتُٻٜىٰبَ؞

²⁴ سَعَدَّ كَݣُونْتَ بَذَاكَ جِڟُواْرُواْ بَ، حَڧِيڧَ، سَعَدَّ كَݣُونْتَ ذَاكَيِ بَرْثِ مَيْ لَاڢِيَ؞

²⁵ بَذَاكَجِڟُواْرُوانْ عَذَابَرْ دَ تَذُواْ ڢَرَتْ طَيَبَ، كُواْ هَلَّكَرْ دَ ذَاتَ ڢَاطُواْوَ مُوغَيٜىٰ كَمَرْ هَدَرِ؞

²⁶ غَمَا يَهْوٜىٰهْ ذَيْ ذَمَ أَبِنْ دُواْغَضَرْكَ، شِ ذَيْ كِيَايٜىٰ ڧَڢَرْكَ دَغَ شِغَ تَرْكُواْ؞

²⁷ كَدَ كَجَنْيٜىٰ أَلْحٜىٰرِ دَغَ وَطَنْدَ سُنْ ثَنْثَنْتَ عَيِ مُسُ، سَعَدَّ إِيكُوانْ يِنْ حَكَ يَنَ حَنُّنْكَ؞

²⁸ كَدَ كَثٜىٰ وَمَڨُوبْثِنْكَ، ‏«‏كَتَڢِے، سَيْ غُواْبٜىٰ ذَنْبَاكَ،»‏ غَاشِ، كَنَ عِيَ بِيَ مَسَ بُڧَاتَ؞

²⁹ كَدَ كَشِرْيَ وَ مَڨُوبْثِنْكَ مُغُنْتَا، مَڨُوبْثِنْ دَ كُكٜىٰ ذَمَ ثِكِنْ أَمِنْثِ تَرٜىٰ؞

³⁰ كَدَ كَيِ غَرْدَمَ دَ وَنِ بَادَلِيلِ، سَعَدَّ بَيْيِ مَكَ لَيْڢِے بَ؞

³¹ كَدَ كَيِ كِيشِنْ مَاسُ تَادَ حَنْكَلِ، كُواْ كَذَاٻِ وَتَ حَنْيَرْ رَايُوَرْسَ،

³² غَمَا يَهْوٜىٰهْ يَنَ ڨَمَرْ مَيْ حَلِنْ رُوطُ، عَمَّا يَنَ أَمِنْثٜىٰوَ دَ مَيْ غَسْكِيَ أَ ظُوثِ؞

³³ لَعَنَرْ يَهْوٜىٰهْ تَنَ كَنْ غِدَنْ مُوغُ، عَمَّا يَكَنْ سَا وَغِدَنْ مَيْ أَدَلْثِے أَلْبَرْكَ؞

³⁴ يَنَ رٜىٰنَ مَاسُ دَارِيَارْ رٜىٰنِ، عَمَّا يَنَ بَادَ أَلْحٜىٰرِ غَ مَاسُ سَوْڧِنْ كَيْ؞

³⁵ مَيْ حِكِمَ يَكَنْ سَامِ غِرْمَ، عَمَّا وَاوَا يَكَنْ شَا كُنْيَا؞