كَرِنْ مَغَنَ 29 - أَتَّوْرَتْ دَ أَنَّبَاوَا1 دُكْ وَنْدَ عَكٜىٰ تَڟَاوَتَا مَسَ عَكَيْ عَكَيْ، عَمَّا يَتَوْرَرَ، بَا لَابَرِ، ذَاعَ ڢَرْڢَشٜىٰشِ، يَڢِ ڧَرْڢِنْ ڠَرَ؞ 2 سَعَدَّ مَاسُ أَدَلْثِے سُكَ ڧَارُ أَمُلْكِ، مُتَنٜىٰ سُكَنْيِ مُرْنَ، عَمَّا عِدَنْ مُوغَيٜىٰ سُكَ هَوْ مُلْكِ، مُتَنٜىٰ سُكَنْيِ نِيشِ؞ 3 طَا مَيْ ڧَوْنَرْ حِكِمَ يَكَنْسَا بَابَنْسَ يَيِ ڢَضٍ ثِكِ، عَمَّا مَيْبِنْ كَارُوَيْ، لَلَتَرْدَ أَرْزِڧِنْسَ يَكٜىٰيِ؞ 4 سَرْكِے يَكَنْسَا ڧَسَا تَكَڢُ تَوُرِنْ يِنْ شَرِيعَرْ غَسْكِيَ، عَمَّا مَيْ كَرْٻَرْ ثِنْ حَنْثِ ذَيْ رُشٜىٰ ڧَسَرْ؞ 5 وَنْدَ يَيِ وَمَڨُوبْثِنْسَ ذَاڧِنْ بَاكِ، يَنَ شِمْڢِطَا وَ ڧَڢَرْسَ تَرْكُواْ نٜىٰ؞ 6 ذُنُوبِنْ غَنْغَنْثِ تَرْكُواْ نٜىٰ غَ مُوغُ، عَمَّا مَيْ أَدَلْثِے يَنَ رٜىٰرَ وَاڧَا دَ ڢَضٍ ثِكِ؞ 7 مَيْ أَدَلْثِے يَكَنْ لُورَ دَ حَكِّنْ مَرَرْ ڧَرْڢِے، عَمَّا مُوغُ بَيْسَنْ وَنَّنْبَ؞ 8 مَاسُ بَعَ سُكَنْ تَادَ وُتَا عَبِرْنِ، عَمَّا مَاسُ حِكِمَ سُكَنْ ݣُونْتَرْدَ ڢُشِے؞ 9 مَيْ حِكِمَرْدَ يَشِغَ غَرْدَمَ دَ وَاوَا، ذَيْجِے وَاوَا يَنَ ڢُشِے دَ دَارِيَا كَوَيْ، غَرْدَمَرْ دَيْ بَتَڧَارٜىٰبَ؞ 10 مَاسُ ظُبْدَ جِنِ سُنَ ڧِنْ مَرَرْ لَيْڢِے، عَمَّا مَاسُ غَسْكِيَ أَ ظُوثِ سُنَ كِيَايٜىٰ رَنْسَ؞ 11 وَاوَا يَكَنْ نُونَ ڢُشِنْ رُوحُنْسَ أَ ڢِيلِ، عَمَّا مَيْ حِكِمَ يَكَنْ كَمٜىٰ كَنْسَ؞ 12 مَيْ مُلْكٍ دَ ذَيْ كَسَ كُنّٜىٰ غَ جِنْ ڧَضْيَا، دُكَنْ دَتَّاوَنْسَ ذَاسُ ذَمَ مُوغَيٜىٰ؞ 13 تَلَكَ دَ مَيْيِ مَسَ دَنِّيَ، بَابُ بَمْبَنْثِ، غَمَا يَهْوٜىٰهْ نٜىٰ يَكٜىٰبَاسُ غَنِنْ غَرِ؞ 14 سَرْكِنْ دَ ذَيْ يِوَتَلَكَ شَرِيعَرْ غَسْكِيَ، كُجٜىٰرَرْ مُلْكِنْسَ ذَاتَكَڢُ حَرْ أَبَدَا؞ 15 سَنْدَنْ حُواْرُواْ دَ ڟَاوَتَرْوَ سُكَنْ بَادَ حِكِمَ، عَمَّا يَرُوانْ دَ أَنْسَكٜىٰ مَسَ، ذَيْ جَٰوُاْوَ مَامَرْسَ كُنْيَا؞ 16 سَعَدَّ مُوغَيٜىٰ سُكَ ڧَارُ أَمُلْكِ، ذُنُوبِنْ غَنْغَنْثِ يَكَنْ ڧَارُ، عَمَّا مَاسُ أَدَلْثِے ذَاسُغَ ڢَاطُوَرْسُ؞ 17 يِوَطَنْكَ حُواْرُواْ، شِيكُوَ ذَيْ كَٰوُاْ مَكَ سَلَمَ، ذَيْ ڢَرَنْتَ مَكَ رَيْ؞ 18 وُرِنْ دَ بَابُ بِشٜىٰوَرْ اللَّهْ، مُتَنٜىٰ سُكَنْيِ رَايُوَرْ بَرْكَتَيْ، عَمَّا وَنْدَ يَكِيَايٜىٰ كُواْيَرْوَرْ مُوسَٰى، شِے مَيْ أَلْبَرْكَ نٜىٰ؞ 19 مَغَنَ كَوَيْ بَاتَ هُواْرَرْ دَ بَاوَ، غَمَا كُواْ يَغَانٜىٰ، بَذَيْ يِكُواْمٜىٰ عَكَيْبَ؞ 20 كُواْ كَا تَٻَ غَنِنْ مَيْ سَوْرِنْ يِنْ مَغَنَ؟ تُواْ، أَݣَويْ سَوْرَنْ سَا رَيْ غَ وَاوَا ڢِيٜىٰ دَشِ؞ 21 بَاوَنْ دَ عَكَ لَلَّشٜىٰشِ تُنْ يَنَ يَرُواْ، عَڧَرْشٜىٰ ذَيْ طَوْكِ كَنْسَ شِے طَا نٜىٰ؞ 22 مَيْ سَوْرِنْ ڢُشِے يَكَنْ تَادَ ڢَطَ، مَيْ ذَاڢِنْ كَيْ يَكَنْ عَيْكَتَ ذُنُوبِ دَيَوَ؞ 23 غِرْمَنْ كَنْ مُتُمْ ذَيْ جَٰوُاْ مَسَ ڧَسْڧَنْثِ، عَمَّا سَوْڧِنْ كَيْ ذَيْ كَٰوُاْ مَسَ غِرْمَ؞ 24 دُكْ وَنْدَ يَذَمَ أَبُواْكِنْ ٻَرَوُاْ، ڧِنْ كَنْسَ يَكٜىٰيِ؞ سَعَدَّ عَكَثٜىٰ مَسَ يَرَنْڟٜىٰ عَكُواْتُ، ذَيْ يِشِضُ؞ 25 جِنْ ڟُواْرُوانْ مُتُمْ تَرْكُواْ نٜىٰ، عَمَّا مَيْ دُواْغَضَ غَ يَهْوٜىٰهْ ذَيْ ذَوْنَ لَاڢِيَ؞ 26 مُتَنٜىٰ دَيَوَ سُكَنْ نٜىٰمِ ڢَضٍ جِنِ دَغَ مَيْ مُلْكِ، عَمَّا سَامُنْ شَرِيعَرْ غَسْكِيَ دَغَ وُرِنْ يَهْوٜىٰهْ يَكٜىٰ؞ 27 أَبِنْ دَ مَيْ أَدَلْثِے يَكٜىٰ ڨَمَ، شِينٜىٰ مَرَرْ غَسْكِيَ، أَبِنْ دَ مُوغُ يَكٜىٰ ڨَمَ، شِينٜىٰ مَيْ غَسْكِيَ أَ ظُوثِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria