كَرِنْ مَغَنَ 28 - أَتَّوْرَتْ دَ أَنَّبَاوَا

¹ مُوغُ يَكَنْ غُدُ بَا مَيْ كُواْرَرْسَ، عَمَّا مَيْ أَدَلْثِے يَنَ يِنْ ذَمَنْسَ أَ سَكٜىٰ كَمَرْ ذَاكِ؞

² ڧَسَا مَيْ عَيْكَتَ ذُنُوبِ، تَكَنْيِ تَثَنْجَ مَاسُ مُلْكِ دَيَوَ؞ عِنْدَ مَيْ مُلْكِ يَكٜىٰدَ غَانٜىٰوَ دَ سَنِ، ڧَسَا تَكَنْ كَڢُ تَكُمَ دَوَّمَ؞

³ مَتَلَوْثِ مَيْ دَنّٜىٰ مَرَسَ ڧَرْڢِے كَمَرْ ضُوً ڧَنْڧَرَنٜىٰ مَيْ لَلَتَرْدَ أَمْڢَانِنْ غُواْنَ؞

⁴ مَيْ ڧِنْ بِيَيَّ دَ دُواْكَا يَنَ يَبُوانْ حَلِنْ مُوغَيٜىٰ، عَمَّا مَيْ ڧُواْڧَرِنْ كِيَايٜىٰ دُواْكَا يَنَ غَابَادَ حَلِنْ مُوغَيٜىٰ؞

⁵ مُوغَيٜىٰ بَسُ غَانٜىٰ شَرِيعَرْ غَسْكِيَابَ، عَمَّا مَاسُ نٜىٰمَنْ يَهْوٜىٰهْ سُنْ غَانٜىٰ سُواْسَيْ؞

⁶ ڠُومَّ ذَمَنْ تَلَكَ تَرٜىٰدَ مُتُنْثِ، دَ ذَمَنْ مَيْ أَرْزِڧِ دَ رَايُوَرْ ݣُونَ ݣُونَ؞

⁷ مَيْ كِيَايٜىٰ دُواْكَا، طَا مَيْ حِكِمَنٜىٰ، عَمَّا أَبُواْكِنْ یَنْ إِسْكَ يَكَنْ جَٰوُاْوَ بَابَنْسَ كُنْيَا؞

⁸ وَنْدَ يَتَارَ أَرْزِڧِ تَوُرِنْ ڧَظَامَرْ رِيبَ، يَنَ تَارَ وَوَنِ نٜىٰ مَيْيِ وَتَلَكَاوَا أَلْحٜىٰرِ؞

⁹ عِدَنْ مُتُمْ يَڧِ كَسَ كُنّٜىٰ غَ دُواْكَا، أَدُّعَرْسَ مَا أَبِنْ ڨَمَثٜىٰ؞

¹⁰ دُكْ وَنْدَ يَسَا مَيْ غَسْكِيَ أَ ظُوثِ يَبِے حَنْيَرْ مُغُنْتَا، شِ دَ كَنْسَ ذَيْ ڢَاطَ ثِكِنْ رَامِنْ، عَمَّا مَرَرْ لَيْڢِے ذَيْسَامِ غَادُواْ مَيْݣَوْ؞

¹¹ أَ عِدُوانْ مَيْ أَرْزِڧِ، شِے مَيْ حِكِمَنٜىٰ، عَمَّا تَلَكَ مَيْ غَانٜىٰوَ يَكَنْ تُواْنَ أَسِيرِنْسَ؞

¹² سَعَدَّ مُتُمِنْ أَدَلْثِے يَثِ نَصَرَا، كُواْوَ دَ كُواْوَ يَكَنْيِ مُرْنَ، عَمَّا سَعَدَّ مُوغُ يَهَوْ مُلْكِ، مُتَنٜىٰ سُكَنْ غُدُ سُٻُيَ؞

¹³ دُكْ وَنْدَ يَرُڢٜىٰ ذُنُبَنْسَ، بَذَيْ ثِيغَبَبَ، عَمَّا وَنْدَ يَڢُرْتَ يَكُمَ ڧِيسُ، ذَيْسَامِ جِنْڧَيْ؞

¹⁴ مَيْ أَلْبَرْكَنٜىٰ شِے وَنْدَ يَكٜىٰ ڟُواْرُوانْ يَهْوٜىٰهْ كُلُّمْ، عَمَّا شِے وَنْدَ يَتَوْرَرَ ذُوثِيَارْسَ، ذَيْ ڢَاطَ ثِكِنْ مَسِيڢَ؞

¹⁵ كَمَرْ ذَاكِ مَيْ رُورِ كُواْ بٜىٰيَرْ مَيْ ڢَرَوْتَ، حَكَ مُوغُنْ سَرْكِے مَيْ ڟُواْرَتَرْدَ تَلَكَاوَا يَكٜىٰ؞

¹⁶ سَرْكِنْ دَ بَاشِ دَ غَانٜىٰوَ مُوغُنٜىٰ مَيْ دَنِّيَ، عَمَّا وَنْدَ يَڧِ ڧَظَامَرْ رِيبَ ذَيْ دَطٜىٰ عَدُونِيَا؞

¹⁷ مُتُمِنْ دَ أَلْحَكِنْ جِنِنْ وَنِ يَكٜىٰيِ مَسَ دَنِّيَ، ذَيْ يِتَغُدُ حَرْ لُواْكَثِنْ مُتُوَرْسَ، كَدَ وَنِ يَتَيْمَكٜىٰشِ؞

¹⁸ مَيْ تَڢِيَ ثِكِنْ مُتُنْثِ، ذَاعَ ثٜىٰثٜىٰشِ، عَمَّا مَيْ رَايُوَرْ ݣُونَ ݣُونَ، ذَيْ ڢَاطِ؞

¹⁹ وَنْدَ يَنُواْمٜىٰ غُواْنَرْسَ ذَيْسَامِ إِسَشّٜىٰنْ عَبِنْثِ، عَمَّا وَنْدَ يَكٜىٰبِنْ أَيُّكَنْ بَنْظَ ذَيْ جَٰوُاْ وَكَنْسَ إِسَشّٜىٰنْ تَلَوْثِ؞

²⁰ مَيْ أَمِنْثِ ذَيْثِكَ دَ أَلْبَرْكُ، عَمَّا مَيْ نٜىٰمَنْ سَامُنْ أَرْزِڧِ دَ سَوْرِ، بَذَيْ كُٻُتَ دَغَ حُكُنْثِبَ؞

²¹ نُونَ بَمْبَنْثِ بَا ݣَوْ، دُكْدَهَكَ، دُواْمِنْ سَامُنْ عَبِنْثِ كَطَنْ، مُتُمْ ذَيْ عَيْكَتَ مُغُنْتَا؞

²² مَيْ ضُواْوَ يَكَنْ سُواْ يَيِ أَرْزِڧِ دَ سَوْرِ، بَايَ كُوَ تُنَانِ ثٜىٰوَ تَلَوْثِ ذَيْ ڢَاطُواْ مَسَ؞

²³ دُكْ وَنْدَ يَڟَاوَتَا وَمُتُمْ، ذَيْ كَرْٻِ ڢَضٍ جِنِ دَغَ بَايَ، ڢِيٜىٰدَ مَيْ يَوَنْ يِمَسَ ذَاڧِنْ بَاكِ؞

²⁴ دُكْ مَيْيِ وَبَابَنْسَ كُواْ مَامَرْسَ سَاتَا، يَنَ ثٜىٰوَ ‏«‏أَيْ، وَنَّنْ بَلَيْڢِے بَنٜىٰ،»‏ دَيْدَيْ دَ طَنْ ڢَشِنٜىٰ شِے؞

²⁵ مَيْ ݣُوطَيِ يَكَنْ تَادَ ڢَطَ، عَمَّا مَيْ دُواْغَضَ غَ يَهْوٜىٰهْ ذَيْ يَلْوَتَ؞

²⁶ مَيْ دُواْغَضَ غَ كَنْسَ وَاوَا نٜىٰ، عَمَّا مَيْ تَڢِيَ دَ حِكِمَ ذَيْ ڟِيرَا؞

²⁷ مَيْ بَايَرْوَ حَنُّ سَكٜىٰ غَ تَلَكَاوَا بَذَيْ رَسَ كُواْمٜىٰبَ، عَمَّا مَيْ رُڢٜىٰ عِدُواْ غَ بُڧَاتَرْسُ، ذَيْسَامِ لَعَنَ دَيَوَ؞

²⁸ سَعَدَّ مُوغَيٜىٰ سُكَ هَوْ مُلْكِ، مُتَنٜىٰ سُكَنْ غُدُ سُٻُيَ، عَمَّا سَعَدَّ مُوغَيٜىٰ سُكَ مُتُ، مَاسُ أَدَلْثِے سُكَنْ ڧَارُ؞