كَرِنْ مَغَنَ 26 - أَتَّوْرَتْ دَ أَنَّبَاوَا

¹ كَمَرْ ڧَنْڧَرَ أَ لُواْكَثِنْ ذَاڢِ كُواْ ضُوً سَمَ أَ لُواْكَثِنْ غِرْبِے، حَكَ كُوَ غِرْمَ بَيْ دَاثٜىٰ دَ وَاوَابَ؞

² لَعَنَ بَذَاتَثِ مُتُمْ مَرَرْ لَيْڢِے بَ؞ تَنَ كَمَ دَ ڟُنْڟَيٜىٰنْ دَسُكٜىٰ تَاشِ سَمَ، سُنَ تَڢِيٜىٰ تَڢِيٜىٰ بَاسَ سَوْكَ ڧَسَا؞

³ بُلَلَ دُواْمِنْ دُواْكِ، لِنْظَمِ دُواْمِنْ جَاكِ، سَنْدَنْ دُوكَ كُمَ دُواْمِنْ وَوَيٜىٰ؞

⁴ كَدَ كَبَا وَاوَا أَمْسَ بِسَغَ وَوَنْثِنْسَ، دُواْمِنْ كَدَ كَذَمَ كَمَرْسَ؞

⁵ أَمْسَ وَوَوَ بِسَغَ وَوَنْثِنْسَ، دُواْمِنْ كَدَ يَغَ كَنْسَ شِے مَيْ حِكِمَنٜىٰ؞

⁶ مَيْ عَيْكَ دَ سَڧُواْ تَهَنُّنْ وَاوَا، كَمَرْ مَيْ ثِثِّرٜىٰ يَڟُنْ ڧَڢَاڢُنْسَ نٜىٰ، كُواْ كُوَ مَيْ نٜىٰمَ وَكَنْسَ شَنْ وَهَلَ؞

⁷ كَرِنْ مَغَنَ عَبَاكِنْ وَاوَا كَمَرْ ڧَڢَاڢُنْ غُرْغُنْ دَسُكٜىٰ أَ مُرْطٜىٰ نٜىٰ؞

⁸ كَمَرْ يَدَّ بَعَطَوْرَ دُوڟٜىٰ ثِكِنْ مَجَجَّوَ، حَكَمَا بَعَبَادَ غِرْمَ غَ وَاوَا؞

⁹ كَرِنْ مَغَنَ عَبَاكِنْ وَاوَا، يَنَ كَمَ دَ إِتَاثٜىٰنْ ڧَيَ وَنْدَ مَيْ بُغُوَ يَنَ وَسَ دَشِ؞

¹⁰ كَمَرْ مَيْ هَرْبِنْ دَ يَكَنْيِ هَرْبِے بَرْكَتَيْ يَيِ وَكُواْوَ رَوْنِ، حَكَ وَنْدَ يَطَوْكِ وَاوَا عَيْكِ يَكٜىٰ، حَكَ وَنْدَ يَطَوْكِ مَاسُ وُثٜىٰوَ عَيْكِ يَكٜىٰ؞

¹¹ كَمَرْ يَدَّ كَرٜىٰ يَكَنْ كُواْمَ غَ أَمَنْسَ، حَكَ وَاوَا يَكَنْ مَيْمَيْتَ وَوَنْثِنْسَ؞

¹² إِنْ كَغَ وَنْدَ يَغَ كَنْسَ مَيْ حِكِمَنٜىٰ، تُواْ، أَشٜىٰ وَاوَا يَنَدَ سَا رَيْ ڢِيٜىٰ دَشِ؞

¹³ مَيْ ڧِوِيَ يَكَنْثٜىٰ، ‏«‏بَذَنْ ڢِتَ عَيْكِبَ، أَݣَويْ ذَاكِ عَكَنْ حَنْيَ!‏ أَݣَويْ دُواْدُواْ عَكَنْ تِيتِ!‏»‏

¹⁴ مَيْ ڧِوِيَ يَكَنْيِ تَجُويَاوَا أَغَدُوانْسَ، كَمَرْ يَدَّ ڧُواْڢَ تَكٜىٰ جُويَاوَا أَوُرِے طَيَ؞

¹⁵ مَيْ ڧِوِيَ يَكَنْسَا حَنُّ عَݣُونُوانْ عَبِنْثِ، عَمَّا يَنَيِ مَسَ نَوْيِ يَكَيْ بَاكِ؞

¹⁶ مَيْ ڧِوِيَ يَنَ غَنِنْ كَنْسَ مَيْ حِكِمَنٜىٰ ڢِيٜىٰدَ مُتُمْ بَݣَويْ مَاسُ مَيَرْدَ مَغَنَ ثِكِنْ حَنْكَلِ؞

¹⁷ مُتُمِنْ دَيَكٜىٰ وُثٜىٰوَ سَيْ يَسَا بَاكِ ثِكِنْ ڢَطَنْ دَ بَيْ شَاڢٜىٰشِيبَ، يَنَ كَمَ دَ مَيْ كَامَ كَرٜىٰ تَكُنّٜىٰ؞

¹⁸ كَمَرْ مَهَوْكَثِنْ دَيَكٜىٰ وَسَ دَ وُتَادَ كِبِيُواْيِ دَ مُتُوَ،

¹⁹ حَكَنٜىٰ مُتُمِنْدَ يَرُوطِ مَڨُوبْثِنْسَ سَعَنً يَثٜىٰ ‏«‏أَيْ، إِنَ وَسَنٜىٰ!‏»‏

²⁰ عِنْدَ بَابُ إِتَاثٜىٰ، وُتَا تَكَنْ مُتُ، عِنْدَ بَابُ مَيْ غُلْمَ مَا، ڢَطَ يَكَنْ ٻَثٜىٰ؞

²¹ كَمَرْ غَاوَايِ يَكٜىٰ غَ غَرْوَشِنْ وُتَا، يَدَّ إِتَاثٜىٰ كُمَ غَ وُتَا، حَكَمَا مَيْ ڢِتِنَ يَكٜىٰ غَ تَادَ ڢَطَ؞

²² مَغَنَرْ مَيْ غُلْمَ كَمَرْ عَبِنْثِ مَيْ دَاطِے تَكٜىٰ، يَنَ غَنْ‌غَرُواْوَ حَرْ ثَنْ ثِكِنْ ثِكِ؞

²³ ذَاڧِنْ بَاكِ تَرٜىٰدَ مُوغُوَرْ ذُوثِيَا، يَنَ كَمَ دَ تُكُنْيَرْ لَاكَ وَدَّ عَكَ شَاڢٜىٰ دَ أَظُرْڢَا؞

²⁴ مَيْ ڧِيَيَّ يَكَنْ ٻُواْيٜىٰ ڧِيَيَّرْسَ دَ ذَاڧِنْ مَغَنَ، عَمَّا ذُوثِيَارْسَ ثِكٜىٰ تَكٜىٰدَ ثُوتَا؞

²⁵ سَعَدَّ يَيِ مَغَنَ مَيْݣَوْ، كَدَ كَغَسْكَتَشِ، غَمَا ذُوثِيَارْسَ ثِكٜىٰ تَكٜىٰ دَ تُنَانِنْ أَبُبُوَنْ ڨَمَ؞

²⁶ كُواْدَيَكٜىٰ ذَيْ ٻُواْيٜىٰ ڧِيَيَّرْسَ دَوَيُواْ، مُغُنْتَارْسَ ذَاتَ تُواْنُ عَثِكِنْ تَارُوانْ جَمَعَ؞

²⁷ دُكْ وَنْدَ يَتُواْنَ رَامِنْ مُغُنْتَا شِ ذَيْ ڢَاطِ عَثِكِ، شِے وَنْدَ يَنَ هَوْرَرْ دَ دُوڟٜىٰ، دُوڟٜىٰنْ ذَيْ كُواْمُواْ يَبِے تَكَنْسَ؞

²⁸ بَاكِنْ مَيْ ڢَطِنْ ڧَضْيَا يَنَ ڧِنْ وَطَنْدَ يَثُوثٜىٰسُ، مَيْ ذَاڧِنْ بَاكِ كُمَ ٻَرْنَ يَكٜىٰيِ؞