كَرِنْ مَغَنَ 24 - أَتَّوْرَتْ دَ أَنَّبَاوَاكَلْمَ تَغُواْمَشَا تَرَ 1 كَدَ كَيِ كِيشِنْ مُوغَيٜىٰ، كُواْ كَيِ مَرْمَرِنْ ذَمَ تَرٜىٰدَسُو، 2 غَمَا ذُوثِيَارْسُ، سَيْ ڧُلَّ تَاشِنْ حَنْكَلِ، بَاكِنْسُ كُمَ ڢِتِنَ نٜىٰ ظَلَّ؞ كَلْمَ تَعَشِرِنْ 3 تَوُرِنْ حِكِمَ عَكٜىٰ غِنِنْ غِدَا، تَوُرِنْ ڢَهِمْتَ كُمَ عَكٜىٰ كَڢَتَ؞ 4 تَوُرِنْ سَنِ عَكٜىٰ ثِثِّكَ طَكُنَ دَ دُكَنْ كَايَ مَاسُ دَرَجَ دَ نَأَرْظِڧِ؞ كَلْمَ تَعَشِرِنْ دَ طَيَ 5 مَيْ حِكِمَ يَنَدَ ڧَرْڢِے، مَيْ سَنِ يَكَنْيِ تَڧَارُوَ دَ ڧَرْڢِے؞ 6 غَمَا تَوُرِنْ جِنْ حِكِمَرْ وَطَنْسُ نٜىٰ ذَاكَيِ يَاڧِنْكَ، سَامُنْ شَوَرَرْ مُتَنٜىٰ مَاسُيَوَ ذَيْسَا أَ سَامِ نَصَرَا؞ كَلْمَ تَعَشِرِنْ دَ بِيُ 7 حِكِمَ تَنَدَ ظُرْڢِنْ غَانٜىٰوَ غَ وَاوَا، أَوُرِنْ تَارُوَ عَڧُواْڢَرْ غَرِ، بَ شِ دَ أَبِنْدَ ذَيْ ڢَطَا؞ كَلْمَ تَعَشِرِنْ دَ عُكُ 8 مَيْ ڧُلّٜىٰ ڧُلّٜىٰنْ مُغُنْتَا، ذَاعَ كِرَا شِ سَرْكِنْ تَادَ حَنْكَلِ؞ 9 شِرْيَ مُغُنْتَا ذُنُوبِ نٜىٰ، مَيْ رٜىٰنِ كُمَ أَبِنْ ڨَمَ نٜىٰ غَ مُتَنٜىٰ؞ كَلْمَ تَعَشِرِنْ دَ حُطُ 10 إِنْ كَا نُونَ جِكِنْكَ يَمُتُ أَ رَانَرْ وَهَلَ، تُواْ، لَلَّيْ بَكَ دَ ڧَرْڢِے كٜىٰنَنْ؞ كَلْمَ تَعَشِرِنْ دَ بِيَرْ 11 كُٻُتَرْ دَ وَطَنْدَ عَكٜىٰ جَنْسُ ذُوَا مُتُوَ، حَنَ وَطَنْدَ سُكٜىٰ تَنْغَطِ ذُوَا وُرِنْ مُتُوَ؞ 12 عِدَنْ كَاثٜىٰ «دُوبَ، بَمُسَنْ وَنَّنْبَ،» كَنَ غَنِ شِے مَيْ عَوْنَ ذُوثِيَا بَيْ غَنِبَ؟ كُواْ شِے مَيْ لُورَ دَ رَنْكَ بَيْ سَنِبَ؟ بَذَيْ سَاكَ وَمُتُمْ عَكَنْ أَبِنْدَ يَيِبَ؟ كَلْمَ تَعَشِرِنْ دَ شِدَ 13 طَانَ، كَشَا ظُمَ غَمَا يَنَدَ ݣَوْ، كَثِ كَكِنْسَ غَمَا يَنَدَ ذَاڧِ عَبَاكِ؞ 14 حَكَنٜىٰ حِكِمَ تَكٜىٰ غَ رَنْكَ؞ عِدَنْ كَا سَامِ حِكِمَ، أَݣَويْ سَا رَيْ نَنْ غَبَ، كُمَ بَذَاعَ كَوَرْدَ سَا ذُوثِيَارْكَبَ؞ كَلْمَ تَعَشِرِنْ دَ بَݣَويْ 15 كَدَ كَذَمَ كَمَرْ مُوغُ، كَنَيِ وَغِدَنْ مَيْ أَدَلْثِے ݣُونْتُوانْ ٻَوْنَ، كَدَ كَٻَاتَ غِدَنْ مَاسُ أَدَلْثِے؞ 16 غَمَا كُواْ دَ مَيْ أَدَلْثِے يَڢَاطِ سَوْ بَݣَويْ، ذَيْ تَاشِ سَوْ بَݣَويْ كُمَ، عَمَّا مَسِيڢَ طَيَ تَكَنْ هَلَّكَ مُوغَيٜىٰ؞ كَلْمَ تَعَشِرِنْ دَ تَݣُوسْ 17 كَدَ كَيِ ڢَضٍ ثِكِ سَعَدَّ أَبُواْكِنْ غَابَنْكَ يَڢَاطِ، سَعَدَّ كُمَ يَيِ تُنْتُٻٜىٰ، كَدَ كَيِ مُرْنَ أَ ذُوثِيَارْكَ، 18 دُواْمِنْ كَدَ يَهْوٜىٰهْ يَغَنِ يَيِ بَڧِنْ ثِكِ، حَرْ يَجَنْيٜىٰ ڢُشِنْسَ دَغَ أَبُواْكِنْ غَابَنْكَ؞ كَلْمَ تَعَشِرِنْ دَ تَرَ 19 كَدَ كَدَامُ دَ مَاسُ عَيْكَتَ مُغُنْتَا، كَدَ كَيِ كِيشِنْ مُوغَيٜىٰ، 20 غَمَا مُوغَيٜىٰ بَاسُدَ أَبِنْ سَا رَيْ نَنْ غَبَ، ڢِتِلَرْ رَايُوَرْ مُوغَيٜىٰ كُمَ ذَاتَ مُتُ؞ كَلْمَ تَتَلَتِنْ 21 طَانَ، كَجِڟُواْرُوانْ يَهْوٜىٰهْ، كَجِڟُواْرُوانْ سَرْكِے، كَدَ مَا كَهَطَكَيْ دَ مَاسُ تَاوَيٜىٰ، 22 غَمَا مَسِيڢَ ذَاتَ تَاشِ دَغَ ثِكِنْسُ بَا لَابَرِ، وَيَسَنْ هَلَّكَرْ دَ دُكَنْسُ ذَاسُ كَٰوُاْ؟ ڧَارِنْ كَلْمُواْمِنْ حِكِمَ 23 وَطَنَّنْ كُمَ كَلْمُواْمِنْ مَاسُ حِكِمَ نٜىٰ؞ نُونَ سُوانْكَيْ ثِكِنْ شَرِيعَ بَا ݣَوْ؞ 24 دُكْ مَيْ ثٜىٰوَ مُوغُ، «كَيْ مَرَرْ لَيْڢِے نٜىٰ،» مُتَنٜىٰ ذَاسُ لَعَنْتَشِ، أَلْعُمَّيْ كُمَ ذَاسُيِ ڨَمَرْسَ؞ 25 عَمَّا دُكْ مَيْ ڟَاوَتَا وَمُوغُ ذَيْسَامِ لَادَ، أَلْبَرْكَ مَيْ يَوَ ذَاتَ سَوْكُواْ كَنْسَ؞ 26 وَنْدَ يَبَادَ أَمْسَرْ غَسْكِيَ، يَنُونَ أَبُواْكَنْتَكَ تَعَّيْنِحِ؞ 27 سَيْ كَشِرْيَ عَيْكِنْ وَجٜىٰ تُكُنَ، كَڠَرَ غُواْنَكِنْكَ، دَغَ بَايَ كُمَ كَغِنَ غِدَنْكَ؞ 28 كَدَ كَبَادَ شَيْدَ عَكَنْ مَڨُوبْثِنْكَ بَاتَرٜىٰدَ ثِكَكّٜىٰنْ دَلِيلِ بَ، كَدَ كَڢَطِ ڧَضْيَا؞ 29 كَدَ كَثٜىٰ، «نِے مَا ذَنْيِ مَسَ يَدَّ شِ يَيِ مِنِ، ذَنْ رَامَ أَبِنْدَ يَيِ مِنِ؞» 30 نَا بِے تَڢِيلِنْ غُواْنَرْ وَنِ مَيْ ڧِوِيَ، تَغُواْنَرْ إِنَبِے تَوَنِ مَرَرْ حَنْكَلِ، 31 نَغَ كُواْعِنَ ڧَيُواْيِ سُنْ رُڢٜىٰ، ڢُسْكَرْ كُمَ ثِيَوَرْ كِرِكِرِ تَرُڢٜىٰشِ كَكَڢْ، كُمَ كَتَنْغَرْ تَڢَاطِ حَرْ ڧَسَا؞ 32 سَعَدَّ نَغَنِ سَيْ نَيِ تُنَانِنْسَ سُواْسَيْ، نَدُوبَ، يَذَمَ مِنِ أَبِنْ كُواْيِ ثٜىٰوَ 33 جِمْ كَطَنْ بَرْثِ، جِمْ كَطَنْ ڠَنْڠَطِ، جِمْ كَطَنْ نَطَ حَنُّ دُواْمِنْ هُوتُ، 34 تَهَكَ تَلَوْثِ ذَيْ يِمَكَ ڨُوثٜىٰ كَمَرْ طَنْ ڢَشِ، رَشِ كُمَ ذَيْ ڢَاطُواْ مَكَ كَمَرْ ٻَرَوُاْ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria