Biblia Todo Logo
Bìoball air-loidhne

- Sanasan -

كَرِنْ مَغَنَ 23 - أَتَّوْرَتْ دَ أَنَّبَاوَا


كَلْمَ تَشِدَ

1 عِدَنْ كَا ذَوْنَ دُوانْ ثِنْ عَبِنْثِ تَرٜىٰدَ سَرْكِے، لُورَ دَݣَوْ دَ أَبِنْدَ يَكٜىٰ غَبَنْكَ؞

2 عِدَنْ كُوَ كَيْ مَيْ سُوانْثِ نٜىٰ، تُواْ، سَيْ كَكَمٜىٰ كَنْكَ؞

3 كَدَ كَيِ مَرْمَرِنْ عَبِنْثِنْسَ مَيْ دَاطِے، غَمَا بَ أَبِنْدَ كَكٜىٰ ڟَمَّنِبَ؞


كَلْمَ تَبَݣَويْ

4 كَدَ كَغَجِيَرْ دَ كَنْكَ غَرِنْ نٜىٰمَنْ دُوكِيَ، كَيِ أَمْڢَانِ دَ حِكِمَرْكَ كَكَوْثٜىٰ؞

5 سَعَدَّ كَكَڢَ عِدُواْ عَكَنْتَ، ذَاتَ شُوطٜىٰ؞ بَاشَكَّ تَكَنْيِ ڢِكَڢِكَيْ تَتَاشِ أَ سَمَ كَمَرْ غَغَّڢَ؞


كَلْمَ تَتَݣُوسْ

6 كَدَ كَثِ عَبِنْثِنْ مَيْ ضُواْوَ، كَدَ مَا كَيِ مَرْمَرِنْ عَبِنْثِنْسَ مَيْ دَاطِے،

7 غَمَا شِے مَيْ تُنَانِنْ أَبِنْ كَشٜىٰوَ نٜىٰ؞ ذَيْثٜىٰ ‏«‏سَيْ كَثِ كَشَا،»‏ عَمَّا ذُوثِيَارْسَ بَاتَنَنْ أَوُرِنْكَ؞

8 طَنْ كَطَنْ دَكَثِ ذَاكَ أَمَيْدَشِ، ذَاكَ كُمَ لَلَتَرْدَ كَلْمُواْمِنْكَ مَاسُ دَاطِے؞


كَلْمَ تَتَرَ

9 كَدَ كَيِ مَغَنَ عَكُنّٜىٰنْ وَاوَا، غَمَا ذَيْ رٜىٰنَ حِكِمَرْ كَلْمُواْمِنْ بَاكِنْكَ؞


كَلْمَ تَغُواْمَ

10 كَدَ كَثِرٜىٰ عَلَمَرْ شَيْدَرْ إِيَاكَرْ ڧَسَا تَدَا، كُواْ كَڧٜىٰتَرٜىٰ كَڨُوثٜىٰ ڢِيلَيٜىٰنْ مَرَسَ إِيَايٜىٰ،

11 غَمَا مَيْ ڢَنْسَرْسُ مَيْ ڧَرْڢِے نٜىٰ، ذَيْ ڟَيَ مُسُ يَيِ غَابَادَكَيْ؞


كَلْمَ تَغُواْمَشَا طَيَ

12 كَمَيْدَ حَنْكَلِ غَ كَرْٻَرْ كُواْيَرْوَا، كُنُّوَنْكَ كُمَ غَ كَرْٻَرْ كَلْمُواْمِنْ سَنِ؞


كَلْمَ تَغُواْمَشَا بِيُ

13 كَدَ كَجَنْيٜىٰ حَنُّ دَغَ يِوَيَرُواْ حُواْرُواْ، غَمَا كُواْ كَيِ مَسَ دُوكَ دَ سَنْدَا، بَذَيْ مُتُبَ؞

14 غَمَا إِنْ كَايِ مَسَ دُوكَ دَ سَنْدَا، لَلَّيْ كَا كُٻُتَرْدَ رَنْسَ كٜىٰنَنْ دَغَ وُرِنْ ذَمَنْ مَتَتُّو؞


كَلْمَ تَغُواْمَشَا عُكُ

15 طَانَ، عِدَنْ كَنَدَ حِكِمَ أَ ذُوثِيَارْكَ، نِے مَا ذُوثِيَاتَ ذَاتَجِ دَاطِے؞

16 رَيْنَ ذَيْ يِمُرْنَ عِدَنْ بَاكِنْكَ يَڢِتَرْدَ أَبِنْدَ يَكٜىٰ دَيْدَيْ؞


كَلْمَ تَغُواْمَشَا حُطُ

17 كَدَ كَبَرْ ذُوثِيَارْكَ تَيِ كِيشِنْ مَيْ ذُنُوبِ، عَمَّا كَڧَوْنَثِ يَهْوٜىٰهْ دُكَنْ يِنِ؞

18 تَيِنْهَكَ، أَݣَويْ سَا رَيْ نَنْ غَبَ، كُمَ بَذَاعَ كَوَرْدَ سَا ذُوثِيَارْكَبَ؞


كَلْمَ تَغُواْمَشَا بِيَرْ

19 يَا طَانَ، كَسَوْرَرَتَ كَسَامِ حِكِمَ، كَبِدَ ذُوثِيَارْكَ أَ حَنْيَرْ دَتَكٜىٰ دَيْدَيْ؞

20 كَدَ كَهَطَكَيْ دَ مَاسُ بُغُوَ، كُواْ مَاسُيَوَنْ ثِنْ عَبِنْثِ،

21 غَمَا مَاسُ بُغُوَ دَ مَاسُيَوَنْ ثِ ذَاسُ ڧَارَسَ ثِكِنْ تَلَوْثِ، يَوَنْ بَرْثِ ذَيْسَا سُرُڢُ دَ ڟُمُّواْكِ؞


كَلْمَ تَغُواْمَشَا شِدَ

22 كَسَ كُنّٜىٰ غَ بَابَنْدَ يَحَيْڢٜىٰكَ، كَدَ كَرٜىٰنَ مَامَرْكَ لُواْكَثِنْ دَ تَڟُوڢَ؞

23 كَسَيِ غَسْكِيَ، كَدَ كَسَيَرْ، كَكُمَ سَامِ حِكِمَ دَ هُواْرَرْوَ دَ غَانٜىٰوَ؞

24 بَابَنْ طَا مَيْ أَدَلْثِے، يَكَنْيِ ڢَضٍ ثِكِ سُواْسَيْ، مَحَيْڢِنْ طَا مَيْ حِكِمَ مَا يَكَنْجِ دَاطِے؞

25 ڢَرَنْتَاوَا بَابَنْكَ دَ مَامَرْكَ رَيْ، بَرِ وَدَّ تَحَيْڢٜىٰكَ كُمَ تَيِ ڢَضٍ ثِكِ؞


كَلْمَ تَغُواْمَشَا بَݣَويْ

26 طَانَ، كَبَانِ حَنْكَلِنْكَ، كَڢَ عِدَنُونْكَ كَيِ كُواْيِ دَغَ حَنْيَتَ؞

27 غَمَا كَارُوَ ڢَا رَامِ ثٜىٰ مَيْ ظُرْڢِ، مَاتَرْ وَنِ كُمَ، رَامِ ثٜىٰ مَيْ وُيَنْ ڢِتَ؞

28 تَكَنْيِ ݣُونْتُواْ كَمَرْ طَنْ ڢَشِ، تَنَ ڧَارَ يَوَنْ مَظَا مَاسُثِنْ أَمَانَ؞


كَلْمَ تَغُواْمَشَا تَݣُوسْ

29 وَ يَكٜىٰيِنْ ‏«‏وَيُّواْ»‏؟ وَ يَكٜىٰدَ بَڧِنْ ثِكِ؟ وَ يَكٜىٰ تَيِنْ ڢَطَ؟ وَ يَكٜىٰ تَيِنْ غُنَغُنِ؟ وَ يَكٜىٰدَ رَوْنُكَ بَادَلِيلِ؟ وَ يَكٜىٰدَ جَجَّيٜىٰنْ إِدَانُو؟

30 سَيْ وَنْدَ يَدَطٜىٰ يَنَ شَنْ ضُوً إِنَبِے، وَنْدَ يَيِ تَطَنْطَنَ ضُوً إِنَبِے إِرِ إِرِ؞

31 كَدَ كَبَرْ ضُوً إِنَبِے يَجَرَّبْثٜىٰكَ، كُواْدَيَكٜىٰ يَيِجَا يَنَدَ ݣَنْ غَنِ، كُواْدَيَكٜىٰ يَنَ ڨَلْڨَلِ عَثِكِنْ ݣُوڢْ، كُواْدَيَكٜىٰ يَنَ غَنْ‌غَرُواْوَ دَ دَاطِے؞

32 عَڧَرْشٜىٰ يَنَ سَارَ كَمَرْ مَثِيجِ مَيْ دَڢِ، يَنَ هَرْبِے كَمَرْ كُنَمَ؞

33 عِدَنُونْكَ ذَاسُغَ أَبُبُوَ إِرِ إِرِ، تُنَانِنْكَ ذَيْ رُوطَرْ دَ مَغَنَرْكَ؞

34 ذَاكَ ذَمَ كَمَرْ مَيْ ݣُونْثِيَ عَكَنْ تٜىٰكُ، كُواْ كَمَرْ مَيْ لِلُواْ أَ سَمَنْ إِتَاثٜىٰنْ جِضْغٍ ضُوَ؞

35 ذَاكَثٜىٰ، ‏«‏سُنْ بُغٜىٰنِ، عَمَّا بَنْجِ رَوْنِبَ!‏ سُنْيِ مِنِ دُوكَ، عَمَّا بَنْجِ كُواْمٜىٰبَ!‏ يَوْشٜىٰ ذَنْ ڢَرْكَ إِنْ ڧَارَ شَا كُمَ؟»‏

Hausa Common Language Ajami Bible © The Bible Society of Nigeria, 2020

Bible Society of Nigeria
Lean sinn:



Sanasan