كَرِنْ مَغَنَ 22 - أَتَّوْرَتْ دَ أَنَّبَاوَا

¹ ڠُومَّ سُنَ مَيْݣَوْ دَ سَامُنْ دُوكِيَ، ڠُومَّ سَامُنْ ڢَضٍ جِنِ دَ سَامُنْ أَظُرْڢَا كُواْ ظِينَارِيَ؞

² مَيْ أَرْزِڧِ دَ تَلَكَ، بَابُ بَمْبَنْثِ غَمَا يَهْوٜىٰهْ نٜىٰ يَحَلِثّٜىٰسُ دُكَ؞

³ مَيْ حَنْكَلِ يَكَنْ غَ حَڟَرِ، يَكَوْثٜىٰ، عَمَّا مَرَرْ تُنَانِ يَكَنْسَا كَيْ، يَشَا وَهَلَ؞

⁴ لَادَنْ سَوْڧِنْ كَيْ دَ ڟُواْرُوانْ يَهْوٜىٰهْ دُوكِيَ نٜىٰ دَ غِرْمَ دَ رَيْ عَيَلْوَثٜىٰ؞

⁵ ڧَيَ دَ تَرْكُواْ سُنَ كَنْ حَنْيَرْ مُوغَيٜىٰ، مَيْ لُورَ دَ رَنْسَ ذَيْ يِنٜىٰسَ دَسُو؞

⁶ كُواْيَرْ دَ یَیَنْكَ ثِكِنْ حَنْيَرْ دَ ذَاسُبِے، سَعَدَّ سُنْ ڟُوڢَ بَذَاسُ رَبُ دَ عِتَبَ؞

⁷ مَيْ دُوكِيَ يَكَنْيِ مُلْكِ عَكَنْ تَلَكَ، مَيْ ثِنْ بَاشِ بَاوَ نٜىٰ أَ حَنُّنْ مَيْ بَادَ بَاشِ؞

⁸ دُكْ وَنْدَ يَشُوكَ مُغُنْتَا ذَيْ غِرْبِے مَسِيڢَ، دَنِّيَرْ دَ يَكٜىٰيِ وَ وَطَنْسُ، ذَاعَ كَرْيَتَ؞

⁹ مَيْ بَايَرْوَ حَنُّ سَكٜىٰ مَيْ أَلْبَرْكَ نٜىٰ، غَمَا دَغَ عَبِنْثِنْسَ يَكَنْ رَبَ دَ تَلَكَاوَا؞

¹⁰ ڢِتَرْ دَ مَيْ رٜىٰنِ، ڢَطَ ذَيْ تَڢِے، غَرْدَمَ دَ زَرْغِ ذَاسُ ڧَارٜىٰ؞

¹¹ مَيْ ڧَوْنَرْ ذُوثِيَا مَيْ ڟَبْتَ، مَيْ مَغَنَرْ أَلْحٜىٰرِ ذَيْ ذَمَ أَبُواْكِنْ سَرْكِے؞

¹² إِدَانُنْ يَهْوٜىٰهْ سُنَ لُورَ دَ عَيْنِحِنْ سَنِ، عَمَّا يَكَنْ تُمْٻُكٜىٰ كَلْمُواْمِنْ مَرَرْ أَمِنْثِ؞

¹³ مَيْ ڧِوِيَ يَكَنْثٜىٰ، ‏«‏أَݣَويْ ذَاكِ أَوَجٜىٰ!‏ إِنْ نَڢِتَ عَيْكِ، ذَاعَ كَشٜىٰنِ أَ حَنْيَ!‏»‏

¹⁴ بَاكِ نَمَيْ ظِنَ رِجِيَ نٜىٰ مَيْ ظُرْڢِ، وَنْدَ يَكٜىٰ ڧَرْڧَشِنْ ڢُشِنْ يَهْوٜىٰهْ ذَيْ ڢَاطِ عَثِكِنْتَ؞

¹⁵ وَوَنْثِ أَ مَنّٜىٰ يَكٜىٰ أَ ذُوثِيَارْ يَرُواْ، عَمَّا بُلَلَرْ حُواْرُواْ ذَاتَ كَوَرْدَ وَوَنْثِنْ؞

¹⁶ مَيْيِ وَمَرَرْ ڧَرْڢِے دَنِّيَ دُواْمِنْ يَڧَارَ وَكَنْسَ دُوكِيَ، دَ مَيْ بَادَ ݣَوْتَا غَ مَيْ أَرْزِڧِ، بَاشَكَّ دُكَنْسُ ذَاسُ تَلَوْثٜىٰ؞

كَلْمُواْمِ نَمَاسُ حِكِمَ

¹⁷ كَسَ كُنّٜىٰ كَجِ كَلْمُواْمِ نَمَاسُ حِكِمَ، يِ نَظَرِنْ كُواْيَرْوَاتَا أَ ذُوثِيَارْكَ،

¹⁸ غَمَا ذَاسُ ذَمَ دَ دَاطِے عِدَنْ كَا رِڧٜىٰسُ، عِدَنْ دُكَنْسُ سُنْ سَامِ ذَمَ عَبَاكِنْكَ؞

¹⁹ دُواْمِنْ دُواْغَضَرْكَ تَكَسَنْثٜىٰ غَ يَهْوٜىٰهْ، يَوْ، نَسَنَرْ مَكَ دَسُو، عِ، كَيْنٜىٰ نَسَنَرْ مَكَ؞

²⁰ غَا كَلْمُواْمِ تَلَتِنْدَ نَرُبُوتَ مَكَ، كَلْمُواْمِنْ ڧَرْڢَڢَاوَا دَ نَسَنِ،

²¹ دُواْمِنْ إِنْ سَنَرْ مَكَ عَيْنِحِنْ غَسْكِيَ، دُواْمِنْ كَبَادَ أَمْسَرْ غَسْكِيَ غَ وَطَنْدَ سُكَ عَيْكٜىٰكَ؞

كَلْمَ تَڢَرْكُواْ

²² كَدَ كَثُوثِ تَلَكَ، غَمَا شِے تَلَكَ نٜىٰ، كُواْ كَدَنّٜىٰ مَتَلَوْتَ أَوُرِنْ شَرِيعَ،

²³ غَمَا يَهْوٜىٰهْ ذَيْ ڟَيَ مُسُ، ذَيْ ڨُوثٜىٰ رَيْ نَوَطَنْدَ سُكَيِ مُسُ ڨُوثٜىٰ؞

كَلْمَ تَبِيُ

²⁴ كَدَ كَيِ أَبُواْكَنْتَكَ دَ مَيْ ذَاڢِنْ رَيْ، كَدَ كَهَطَكَيْ دَ مَيْ ذَاڢِنْ كَيْ،

²⁵ دُواْمِنْ كَدَ كَكُواْيِ حَنْيَرْ رَايُوَرْسَ، كَكُمَ طَوْرٜىٰ كَنْكَ ثِكِنْ تَرْكُواْ؞

كَلْمَ تَ عُكُ

²⁶ كَدَ كَيِ أَلْڧَوَرِنْ بِيَ وَوَنِ رَنْثٜىٰ، كُواْ كَذَمَ مَيْ ڟَيَ وَمَيْ كَرْٻَرْ بَاشِ،

²⁷ غَمَا عِدَنْ بَاكَ دَ أَبِنْدَ ذَاكَ بِيَ دَشِ، ذَاعَ طَوْكَ مَكَ غَدُوانْ دَ كَكٜىٰ ݣُونْثِيَ عَكَيْ؞

كَلْمَ تَهُطُ

²⁸ كَدَ كَثِرٜىٰ عَلَمَرْ شَيْدَرْ إِيَاكَرْ ڧَسَا تَدَا، وَدَّ كَاكَنِّنْكَ سُكَ كَڢَ؞

كَلْمَ تَبِيَرْ

²⁹ كَنَ عِيَ غَنِنْ مَيْ ڠُونِنْتَ ثِكِنْ عَيْكِنْسَ؟ شِ ذَيْ يِوَسَرَاكُنَ حِدِمَ، بَذَيْ يِحِدِمَ وَ وَطَنْدَ بَعَسَنْ دَسُوبَ؞