كَرِنْ مَغَنَ 21 - أَتَّوْرَتْ دَ أَنَّبَاوَا

¹ ذُوثِيَارْ سَرْكِے تَنَ كَمَ دَ ضُوً رَاڢِ أَ حَنُّنْ يَهْوٜىٰهْ، يَهْوٜىٰهْ يَكَنْ جُويَا شِ دُكْ عِنْدَ يَكٜىٰسُواْ؞

² أَغَنِنْ مُتُمْ، دُكَنْ أَيُّكَنْسَ دَيْدَيْنٜىٰ، عَمَّا يَهْوٜىٰهْ نٜىٰ مَيْ عَوْنَ مَنُڢَرْ ذُوثِيَا؞

³ عَيْكَتَ أَدَلْثِے دَ يِنْ غَسْكِيَ يَڢِ هَدَايَ سَامُنْ كَرْٻُوَ أَغَبَنْ يَهْوٜىٰهْ؞

⁴ طَغَ حَنْثِ دَ ذُوثِيَارْ تَاڧَمَ سُونٜىٰ ڢِتِلَرْ مُوغَيٜىٰ، وَنَّنْ كُوَ ذُنُوبِنٜىٰ؞

⁵ شِرْيٜىٰ شِرْيٜىٰ نَمَيْ ڨُوذُواْ لَلَّيْ سُكَنْ كَيْ غَ يَلْوَتَ، عَمَّا دُكْ مَيْيِنْ أَبُ دَ غَغَّاوَا لَلَّيْ بَذَيْ سَامِ بِيَنْ بُڧَاتَبَ؞

⁶ أَرْزِڧِنْ دَ عَكَتَارَ تَهَنْيَرْ ڧَضْيَا، ڧَارٜىٰوَ يَكَنْيِ كَمَرْ هَيَاڧِے، يَكَنْ كُمَ كَيْ غَ مُتُوَ؞

⁷ حَلِنْ تَادَ ظَوْنٜىٰ ڟَيٜىٰ نَمُوغَيٜىٰ ذَيْ كَوَرْ دَسُو، غَمَا سُنْڧِے يِنْ غَسْكِيَ؞

⁸ حَنْيَرْ مَيْ لَيْڢِے تَنَدَ ݣُونَ ݣُونَ، عَمَّا تَمَيْ ڟَبْتَرْ رَيْ أَ مِيڧٜىٰ تَكٜىٰ؞

⁹ ڠُومَّ أَ ذَوْنَ عَڧَرَمِنْ طَاكِ أَوَجٜىٰ، دَ أَ ذَوْنَ عَثِكِنْ غِدَا تَرٜىٰدَ مَثٜىٰ مَيْ ڢِتِنَ؞

¹⁰ رَنْ مُوغُ يَكَنْيِ مَرْمَرِنْ يِنْ مُغُنْتَا، بَايَيِ وَمَڨُوبْتَنْسَ جِنْڧَيْ؞

¹¹ سَعَدَّ عَكَ حُكُنْتَ مَيْ رٜىٰنِ، كُواْ مَرَرْ تُنَانِ مَا يَكَنْ سَامِ حِكِمَ، سَعَدَّ عَكَيِ وَمَيْ حِكِمَ كُواْيَرْوَا، يَكَنْ ڧَارُ دَ سَنِ؞

¹² اللَّهْ مَيْ أَدَلْثِے يَنَ سَا عِدُواْ أَغِدَنْ مُوغُ، يَكَنْ ڧَسْڧَنْتَرْدَ مُوغَيٜىٰ حَرْ سُلَلَثٜىٰ؞

¹³ مَيْ رُڢٜىٰ كُنّٜىٰنْسَ غَ جِنْ كُوكَنْ تَلَكَ، شِے مَا بَذَاعَجِ كُوكَنْسَبَ؞

¹⁴ ݣَوْتَ عَٻُواْيٜىٰ تَكَنْ كَوَرْدَ ڢُشِے، ثِنْ حَنْثِ يَكَنْ ݣُونْتَرْدَ بَبَّنْ ڢُشِے؞

¹⁵ أَبِنْ ڢَضٍ ثِكِ نٜىٰ غَ مَيْ أَدَلْثِے، عَيِ حُكُنْثِنْ غَسْكِيَ، عَمَّا غَ مُوغَيٜىٰ أَبِنْ بَڧِنْ ثِكِ نٜىٰ؞

¹⁶ مُتُمِنْدَ يَكَوْثٜىٰ وَ حَنْيَرْ حِكِمَ، ذَيْ هُوتَ عَتَارُوانْ رُوحُواْحِنْ مَتَتُّو؞

¹⁷ مَيْ يَوَنْ سُوانْ جِنْ دَاطِے ذَيْ تَلَوْثٜىٰ، مَيْ سُوانْ ضُوً إِنَبِے دَ عَبِنْثِ مَيْ ڟَادَ، بَذَيْ يِ دُوكِيَبَ؞

¹⁸ عَكَنْ بَا مُوغُ وَهَلَ دُواْمِنْ أَ ڢَنْشِ مَيْ أَدَلْثِے، مَرَرْ أَمِنْثِ كُمَ دُواْمِنْ أَ ڢَنْشِ مَيْ غَسْكِيَ أَ ظُوثِ؞

¹⁹ ڠُومَّ أَ ذَوْنَ أَ هَمَادَ، دَ أَ ذَوْنَ تَرٜىٰدَ مَثٜىٰ مَيْ ڢُشِے، مَيْ ڢِتِنَ؞

²⁰ أَغِدَنْ مَيْ حِكِمَ أَݣَويْ أَجِيَرْ دُوكِيَ دَ عَبِنْثِ، عَمَّا وَاوَا يَكَنْ ثِنْيٜىٰ نَاسَ نَنْ دَنَنْ؞

²¹ دُكْ وَنْدَ يَنٜىٰمِ أَدَلْثِے دَ ڧَوْنَ، ذَيْسَامِ رَيْ عَيَلْوَثٜىٰ دَ أَدَلْثِے دَ غِرْمَ؞

²² مَيْ حِكِمَ طَيَ يَكَنْثِ بِرْنِ وَنْدَ مَاسُ عِيَ يَاڧِ سُكٜىٰ غَادِنْسَ، حَرْ يَرُشٜىٰ كَتَنْ‌غَرْ دَسُكٜىٰ دُواْغَضَ عَكَيْ؞

²³ دُكْ مَيْ لُورَ دَ بَاكِنْسَ دَ هَرْشٜىٰنْسَ يَكَنْ كِيَايٜىٰ كَنْسَ دَغَ وَهَلَ؞

²⁴ مَيْ غِرْمَنْ كَيْ، مَيْ هُورَ حَنْثِ، أَنَ كِرَنْسَ ‏«‏مَيْ رٜىٰنِ»‏؞ دُكْ أَبِنْدَ يَكٜىٰيِ، ثِكِنْ طَغَ كَيْنٜىٰ؞

²⁵ مَرْمَرِنْ مَيْ ڧِوِيَ يَكَنْ كَشٜىٰشِ، غَمَا حَنُّوَنْسَ سُنَ ڧِنْ يِنْ عَيْكِ؞

²⁶ دُكَنْ يِنِ مُوغُ يَنَ ݣُوطَيِ، عَمَّا مَيْ أَدَلْثِے يَنَ بَايَرْوَ حَنُّ سَكٜىٰ؞

²⁷ هَدَايَرْ مُوغُ أَبِنْ ڨَمَنٜىٰ، بَلّٜىٰ ڢَا وَدَّ عَكَ كَٰوُاْ دَ مُوغُنْ نُڢِ؞

²⁸ مَيْ شَيْدَرْ ڧَضْيَا ذَيْ هَلَّكَ، عَمَّا وَنْدَ يَيِ عَيْنِحِنْ مَغَنَ، عَكَنْ كَرْٻِ شَيْدَرْسَ؞

²⁹ مُوغُ يَكَنْ رِڧٜىٰ ڢُسْكَ كَمَرْ بَا كُواْمٜىٰ، عَمَّا مَيْ غَسْكِيَ أَ ظُوثِ يَكَنْيِ تُنَانِ عَكَنْ حَنْيَرْسَ؞

³⁰ بَابُ حِكِمَ، كُواْ غَانٜىٰوَ، كُواْ شَوَرَا وَدَّ ذَاتَثِ نَصَرَا عَكَنْ يَهْوٜىٰهْ؞

³¹ أَنَ شِرْيَ دُواْكِ دُواْمِنْ رَانَرْ يَاڧِ، عَمَّا نَصَرَا دَغَ يَهْوٜىٰهْ نٜىٰ؞