كَرِنْ مَغَنَ 20 - أَتَّوْرَتْ دَ أَنَّبَاوَا

¹ ضُوً إِنَبِے مَيْ بَعَ نٜىٰ، أَبِنْ كَٰوُاْ بُغُوَ مَيْ كَٰوُاْ ڢَطَ نٜىٰ؞ بَرِنْ وَنَّنْ يَشَا كَنْسَ ذَيْ حَنَ مُتُمْ سَامُنْ حِكِمَ؞

² ذَاڢِنْ ڢُشِنْ سَرْكِے يَنَ سَا ڢِرْغِتَ كَمَرْ رُورِنْ ذَاكِ، دُكْ مَيْسَا يَيِ ڢُشِے ذَيْ عِيَ رَسَ رَنْسَ؞

³ أَبِنْ غِرْمَمَاوَا نٜىٰ مُتُمْ يَجَنْيٜىٰ كَنْسَ دَغَ ڢَطَ، عَمَّا كُواْوَنٜىٰ وَاوَا يَكَنْيِ سَوْرِنْ ڢَطَ؞

⁴ مَيْ ڧِوِيَ بَايَ تَاشِ يَيِ نُواْمَ أَدَيْدَيْ لُواْكَثِ، إِنْ لُواْكَثِنْ غِرْبِے يَيِ، بَايَ سَامُنْ كُواْمٜىٰ؞

⁵ تُنَانِنْ ذُوثِيَارْ مُتُمْ كَمَرْ ضُوَ نٜىٰ مَيْ ظُرْڢِ أَ رِجِيَ، سَيْ مَيْ بَسِيرَ ذَيْ عِيَ جَٰوُاْ شِ؞

⁶ مُتَنٜىٰ دَيَوَ سُكَنْيِ شٜىٰلَرْ ڧَوْنَرْسُ، عَمَّا وَ ذَيْ عِيَ سَامُنْ مَيْ أَمِنْثِ؟

⁷ مَيْ أَدَلْثِے يَنَ تَڢِيَ ثِكِنْ مُتُنْثِ، مَاسُ أَلْبَرْكَ نٜىٰ یَیَنْسَ دَ جِيكُواْكِنْسَ؞

⁸ سَرْكِے مَيْ ذَمَ عَكُجٜىٰرَرْ شَرِيعَ، دَ عِدُوانْسَ يَنَ ڢِڢِّتَرْدَ دُكَنْ مُوغَيٜىٰ؞

⁹ وَنٜىٰنٜىٰ ذَيْ عِيَثٜىٰوَ ‏«‏نَڟَبْتَثٜىٰ ذُوثِيَاتَ، بَانِدَ سَوْرَنْ ذُنُوبِ»‏؟

¹⁰ مَعَوْنِنْ ڧَضْيَا دَ مُودُنْ ثُوتَا، دُكَنْسُ أَبِنْ ڨَمَ نٜىٰ غَ يَهْوٜىٰهْ؞

¹¹ كُواْ يَرُواْ مَا عَكَنْ سَنْ شِ تَأَيُّكَنْسَ، كُواْ عَيْكِنْسَ نَغَسْكِيَانٜىٰ، كُواْ دَيْدَيْنٜىٰ؞

¹² كُنّٜىٰ دُواْمِنْ جِ، عِدُواْ كُمَ دُواْمِنْ غَنِ، يَهْوٜىٰهْ نٜىٰ يَيِسُ دُكَ؞

¹³ كَدَ كَذَمَ مَيْ سُوانْ بَرْثِ، دُواْمِنْ كَدَ تَلَوْثِ يَكَامَكَ؞ بُوطٜىٰ عِدَنُونْكَ، ذَاكَسَامِ إِسَشّٜىٰنْ عَبِنْثِ؞

¹⁴ مَيْ سَيَ يَكَنْثٜىٰ، ‏«‏أَبِنْ مَا بَا ݣَوْ، كُواْ كَطَنْ!‏»‏ عَمَّا بَايَنْدَ يَتَڢِے، سَيْ يَيِ تَاڧَمَ ثٜىٰوَ يَسَامِ أَبُ مَيْݣَوْ؞

¹⁵ عِ، أَݣَويْ ظِينَارِيَ، أَݣَويْ دُوَڟُو مَاسُ دَرَجَ عَيَلْوَثٜىٰ، عَمَّا بَاكِ مَيْ ڢِتَرْدَ مَغَنَرْ عِلِمِ، يَڢِسُ دَرَجَ دُكَ؞

¹⁶ تَبَّتَرْ كَكَرْٻِ جِنْ‌غِنَرْ رِغَا دَغَ مَيْ ڟَيَ وَ بَڧُوانْ دَ يَكَرْٻِ بَاشِ، رِڧٜىٰ كَايَنْسَ يَذَمَ شَيْدَ عَكَنْ بَڧُوانْ؞

¹⁷ عَبِنْثِنْ دَ عَكَ سَامُ تَهَنْيَرْ ڧَضْيَا يَنَدَ ذَاڧِ بَكَطَنْبَ، عَمَّا دَغَ بَايَ ذَيْ ذَمَ كَمَرْ يَشِينٜىٰ عَبَاكِ؞

¹⁸ تَرٜىٰدَ شَوَرَا دَبَرُ سُكَنْ كَڢُ، كَسَامِ شَوَرَرْ حِكِمَ كَاڢِنْ كَشِغَ يَاڧِ؞

¹⁹ مَيْ بَظَ مَغَنَرْ ٻَاتَ سُونَ يَكَنْ تُواْنَ أَسِرَيْ، دُواْمِنْ حَكَ ڢَا، يِنٜىٰسَ دَ مَيْ يَوَنْ سُورُوتُ؞

²⁰ عِدَنْ مُتُمْ يَذَاغِ بَابَنْسَ كُواْ مَامَرْسَ، ذَاعَ كَشٜىٰ حَصْكٜىٰنْ ڢِتِلَرْ رَايُوَرْسَ، سَيْ دُهُ كَوَيْ؞

²¹ غَادُوانْ دُوكِيَرْ دَ عَكَ سَامُ دَ سَوْرِ أَ ڢَرْكُواْ، بَ شِ دَ أَلْبَرْكَ عَڧَرْشٜىٰ؞

²² كَدَ كَثٜىٰ ‏«‏ذَنْ رَامَ مُغُنْتَا،»‏ عَمَّا كَجِرَا يَهْوٜىٰهْ، شِے ذَيْثٜىٰثٜىٰكَ؞

²³ مَعَوْنِنْ ڧَضْيَا، أَبِنْ ڨَمَنٜىٰ غَ يَهْوٜىٰهْ، مُودُنْ ڧَضْيَا ڢَا بَاشِ دَݣَوْ؞

²⁴ دُكَنْ تَڢِيَرْ مُتُمْ، يَهْوٜىٰهْ نٜىٰ يَشِرْيَ، تَيَيَا مُتُمْ ذَيْ عِيَ غَانٜىٰ حَنْيَرْ دَ يَكٜىٰبِے؟

²⁵ تَرْكُواْنٜىٰ غَ مُتُمْ يَيِ سَوْرِنْ كٜىٰٻٜىٰ أَبُ غَ يَهْوٜىٰهْ، دَغَ بَايَ كُمَ يَڢَارَ تُنَانِ عَكَنْ أَبِنْدَ يَيِ؞

²⁶ سَرْكِے مَيْ حِكِمَ يَكَنْ ڢِڢِّتَرْدَ مُوغَيٜىٰ، يَكُمَ حُكُنْتَسُ بَا تَوْسَيِ؞

²⁷ رُوحٌ مُتُمْ ڢِتِلَثٜىٰ تَ يَهْوٜىٰهْ، تَنَ بِنْثِكَ حَرْ ذُوثِيَارْسَ دَ تُنَانِنْسَ؞

²⁸ ڧَوْنَ دَ أَمِنْثِ سُكَنْ كِيَايٜىٰ سَرْكِے، كُجٜىٰرَرْ مُلْكِنْسَ تَا ڟَيَ تَوُرِنْ ڧَوْنَ؞

²⁹ دَرَجَرْ مَتَسَ تَنَ ثِكِنْ ڧَرْڢِنْسُ، عَمَّا دَرَجَرْ ڟُواْڢَڢِّ عِتَثٜىٰ ڢُرْڢُرَرْ كَنْسُ؞

³⁰ بُغُ مَيْ ذَاڢِ يَكَنْ كَوَرْدَ مُغُنْتَا، دُوكَ يَكَنْ ڟَبْتَثٜىٰ ذُوثِيَا دَ تُنَانِ؞