كَرِنْ مَغَنَ 19 - أَتَّوْرَتْ دَ أَنَّبَاوَا

¹ ڠُومَّ تَلَكَ ثِكِنْ تَلَوْثِنْسَ دَ مُتُنْثِ، دَاعَثٜىٰ يَذَمَ وَاوَا مَيْ مَغَنَرْ ڧَضْيَا؞

² يِنْ ڨُوذُواْ عَمَّا بَابُ سَنِ بَ شِ دَݣَوْ، مَيْ سَوْرِنْ يِنْ أَبُ كُمَ، يَكَنْيِ كُسْكُرٜىٰ؞

³ سَعَدَّ وَوَنْثِنْ مُتُمْ يَكَيْ شِ غَ هَلَّكَ، سَيْ ذُوثِيَارْسَ تَيِ ڢُشِے دَ يَهْوٜىٰهْ؞

⁴ أَرْزِڧِ يَكَنْ تَارَ أَبُواْكَيْ دَيَوَ، عَمَّا أَبُواْكِنْ دَ تَلَكَ يَكٜىٰدَشِ يَكَنْ رَبُ دَشِ؞

⁵ مَيْ شَيْدَرْ ڧَضْيَا بَذَيْ كُٻُتَ دَغَ حُكُنْثِ بَ، حَكَمَا مَيْ بَظَ ڧَضْيَا بَذَيْ كُٻُتَبَ؞

⁶ كُواْوَ يَكَنْ نٜىٰمِ ڢَضٍ جِنِ وُرِنْ مَيْ بَايَرْوَ حَنُّ سَكٜىٰ، كُواْوَ يَنَ سُواْ يَذَمَ أَبُواْكِ نَمَيْ يَوَنْ بَادَ ݣَوْتَيْ؞

⁷ عِدَنْ ڢَا دَنْ‌غِ سُنْڧِے مُتُمْ دُواْمِنْ تَلَوْثِنْسَ، يَيَ مُتُمِنْ ذَيْ ڧَارَسَ دَ أَبُواْكَنْسَ؟ كُواْ دَمَا يَهَطَ دَ ضُواْڧُوانْسُ، بَابُوَنْدَ ذَيْ سَوْرَرٜىٰشِ؞

⁸ مَيْ سَامُنْ حِكِمَ، ڧَوْنَرْ رَنْسَ يَكٜىٰيِ، مَيْ كِيَايٜىٰ ڢَهِمْتَ كُمَ، ذَيْ يَلْوَتَ؞

⁹ مَيْ شَيْدَرْ ڧَضْيَا بَذَيْ كُٻُتَ دَغَ حُكُنْثِ بَ، حَكَمَا مَيْ بَظَ ڧَضْيَا ذَيْ هَلَّكَ؞

¹⁰ ذَمَنْ جِنْ دَاطِے بَيْ دَاثٜىٰ دَ وَاوَا بَ، بَلّٜىٰ ڢَا عَثٜىٰ بَاوَ يَيِ مُلْكِ عَكَنْ یَیَنْ سَرْكِے؞

¹¹ حَنْكَلِ يَكَنْسَا مُتُمْ يَدَنّٜىٰ ڢُشِنْسَ، ڨَلٜىٰ لَيْڢِنْدَ عَكَيِ مَسَ، أَبُ نٜىٰ مَيْ كَٰوُاْ مَسَ دَرَجَ؞

¹² ڢُشِنْ سَرْكِے يَنَ بَادَ ڟُواْرُواْ كَمَرْ رُورِنْ ذَاكِ، عَمَّا أَلْحٜىٰرِنْسَ يَنَ كَٰوُاْ أَلْبَرْكَ كَمَرْ رَٻَ؞

¹³ وَوَنْ طَا يَنَ جَٰوُاْوَ بَابَنْسَ وَهَلَ، مَثٜىٰ مَيْ ڢِتِنَ تَنَ كَمَ دَ سُورُوتُنْ طِطِّغَرْ ضُوَ؞

¹⁴ غِدَا دَ دُوكِيَ غَادُواْ نٜىٰ دَغَ إِيَايٜىٰ، عَمَّا مَثٜىٰ مَيْ حَنْكَلِ دَغَ وُرِنْ يَهْوٜىٰهْ نٜىٰ؞

¹⁵ ڨُيَ يَكَنْسَا مُتُمْ بَرْثِ مَيْ ظُرْڢِ، مَيْ ڧِنْ عَيْكِ كُمَ ذَيْ شَا يُنْوَ؞

¹⁶ مَيْ كِيَايٜىٰ عُمَرْنِ، يَنَ كِيَايٜىٰ رَنْسَ نٜىٰ، عَمَّا مَرَرْ لُورَ دَ حَنْيَرْسَ، ذَيْ مُتُ؞

¹⁷ مَيْيِ وَمَاسُ تَلَكَ كِرْكِ، كَمَرْ يَبَا يَهْوٜىٰهْ رَنْثٜىٰ نٜىٰ، يَهْوٜىٰهْ كُوَ ذَيْسَاكَ مَسَ؞

¹⁸ يِوَطَنْكَ حُواْرُواْ يَدَّ ذَيْ عِيَكُواْيُواْ، إِنْ بَهَكَبَ، كَهَلَّكَرْ دَشِ كٜىٰنَنْ؞

¹⁹ مَيْ ذَاڢِنْ رَيْ ذَيْ شَا حُكُنْثِ، عِدَنْ كَكُٻُتَرْ دَشِ سَوْ طَيَ، سَيْ كَسَاكٜىٰ كُٻُتَرْ دَشِ؞

²⁰ كَسَ كُنّٜىٰ غَ شَوَرَا، كَكَرْٻِ كُواْيَرْوَا، دُواْمِنْ وَتَرَانَ ذَاكَ ذَمَ مَيْ حِكِمَ؞

²¹ شِرْيٜىٰ شِرْيٜىٰنْ ذُوثِيَارْ مُتُمْ دَيَوَ سُكٜىٰ، عَمَّا نُڢِنْ يَهْوٜىٰهْ نٜىٰ كَطَيْ ذَيْ تَبَّتَا؞

²² أَبِنْ دَ عَكٜىٰسُواْ دَغَ مُتُمْ شِينٜىٰ ڧَوْنَ، ڠُومَّ مَتَلَوْثِ دَ مَيْ ڢَطِنْ ڧَضْيَا؞

²³ ڟُواْرُوانْ يَهْوٜىٰهْ يَنَ كَيْ غَ رَيْ، مَيْ ڟُواْرُوانْ يَهْوٜىٰهْ ذَيْ هُوتَ رَيْ عَݣُونْثٜىٰ، بَابُ مُوغُنْ أَبِنْدَ ذَيْ ڢَرُ دَشِ؞

²⁴ مَيْ ڧِوِيَ يَكَنْسَا حَنُّ عَݣُونُوانْ عَبِنْثِ، عَمَّا يَنَيِ مَسَ نَوْيِ يَكَيْ بَاكِ؞

²⁵ كَهُواْرِ مَيْ رٜىٰنِ، مَرَرْ تُنَانِ ذَيْسَامِ حَنْكَلِ، ڟَاوَتَا وَمَيْ غَانٜىٰوَ، ذَيْ ڧَارُ دَسَنِ؞

²⁶ مَيْ وُلَڧَنْتَ بَابَنْسَ، مَيْ كُواْرَرْ مَامَرْسَ دَغَ غِدَا، شِے طَا نٜىٰ مَيْ كَٰوُاْ كُنْيَا دَ ڧَسْڧَنْثِ؞

²⁷ طَانَ، إِنْ كَدَيْنَ جِنْ كُواْيَرْوَا، ذَاكَ كَوْثٜىٰ دَغَ أَبِنْدَ كَارِغَا كَا سَنِ؞

²⁸ مَيْ شَيْدَرْ ڧَضْيَا يَنَيِ وَشَرِيعَرْ غَسْكِيَ بَعَ، مُوغُ يَثِكَ بَاكِنْسَ دَ مُغُنْتَا كَمَرْ دَ عَبِنْثِ؞

²⁹ أَنْ شِرْيَ حُكُنْثِ دُواْمِنْ مَاسُ بَعَ، بُلَلَ كُمَ دُواْمِنْ وَاوَا؞