كَرِنْ مَغَنَ 17 - أَتَّوْرَتْ دَ أَنَّبَاوَا1 ڠُومَّ عَثِ تُوُاْ بَا مِيَ رَيْ عَݣُونْثٜىٰ، دَ عَثِ عَبِنْثِنْ بِكِ أَغِدَنْ دَ عَكٜىٰ ڢَطَا؞ 2 بَاوَ مَيْ حَنْكَلِ ذَيْ يِمُلْكِ عَكَنْ طَنْ غِدَا مَيْ كَٰوُاْ كُنْيَا، حَرْ مَا ذَيْسَامِ رَبُوانْ غَادُواْ كَمَرْ طَيَ دَغَ ثِكِنْ یَیَنْ غِدَنْ؞ 3 ظِينَارِيَ دَ أَظُرْڢَا دَ وُتَا عَكَنْ ڠُودَاسُ، حَكَ يَهْوٜىٰهْ يَكَنْ ڠُودَ ذُوثِيَا؞ 4 مُوغُنْ مُتُمْ يَكَنْ كَسَ كُنّٜىٰ غَ مُوغَيٜىٰنْ دَبَرُ، مَيْ ڧَضْيَا يَكَنْ بَادَ حَنْكَلِنْسَ غَ هَرْشٜىٰ مَيْ كَلْمُواْمِنْ ٻَرْنَ؞ 5 وَنْدَ يَيِ وَتَلَكَ بَعَ، يَذَاغِ مَحَلِثِّنْ تَلَكَ كٜىٰنَنْ، وَنْدَ يَجِ دَاطِنْ هَسَرَرْ دَ تَسَامِ وَنِ، بَذَيْ كُٻُتَ دَغَ حُكُنْثِبَ؞ 6 دَرَجَرْ ڟُواْڢَڢِّ جِيكُواْكِ نٜىٰ، دَرَجَرْ یَیَ كُمَ إِيَايٜىٰنْسُ نٜىٰ؞ 7 مَغَنَ مَيْݣَوْ بَتَدَاثٜىٰ دَ وَاوَابَ، بَلّٜىٰ ڢَا ڧَضْيَا تَدَاثٜىٰ دَ شُوغَبَا؞ 8 ثِنْ حَنْثِ كَمَرْ سِحِرِنٜىٰ غَ مَيْ بَادَشِ، كُواْعِنَ يَجُويَ كُواْمٜىٰ يَنَ تَڢِيَ مَسَ دَيْدَيْ؞ 9 وَنْدَ يَكَنْ يَاڢٜىٰ لَيْڢِے، ڧَوْنَ يَكٜىٰ نٜىٰمَ، عَمَّا مَيْ رِڧٜىٰ لَيْڢِے يَكَنْ رَبَ أَبُواْكَيْ نَكُرْكُسَ؞ 10 ڟَاوَتَا سَوْ طَيَ تَنَ شِغَ وَمَيْغَانٜىٰوَ، ڢِيٜىٰدَ بُلَلَ طَرِے عَكَنْ وَاوَا؞ 11 مُوغُنْ مُتُمْ يَكَنْسَا كَيْ غَ تَاوَيٜىٰنٜىٰ كَوَيْ، ذَاعَ عَيْكَ مَسَ دَ مَرَرْ تَوْسَيِ يَبَاشِ كَشِ؞ 12 ڠُومَّ مُتُمْ يَسَدُ دَ بٜىٰيَرْ مَيْ ڢُشِے، وَدَّ عَكَرَبَتَ دَ یَیَنْتَ، دَ مُتُمْ يَسَدُ دَ وَاوَا ثِكِنْ وَوَنْثِنْسَ؞ 13 مُتُمِنْدَ يَرَامَ كِرْكِ دَ مُغُنْتَا، مُغُنْتَا بَذَاتَ رَبُ دَ غِدَنْسَبَ؞ 14 مَڢَارِنْ ضِكِثِ كَمَرْ ٻَرْكٜىٰوَرْ ضُوَ نٜىٰ، سَيْ كَدَيْنَ مُسُو كَاڢِنْ يَكَيْ غَ ڢَطَ؞ 15 وَنْدَ يَكُٻُتَرْدَ مَيْ لَيْڢِے، دَ وَنْدَ يَحُكُنْتَ مَيْ أَدَلْثِے، دُكَنْسُ بِيُ أَبِنْ ڨَمَ نٜىٰ غَ يَهْوٜىٰهْ؞ 16 بَنْظَ نٜىٰ عَكَشٜىٰ كُطِ دُواْمِنْ أَ نٜىٰمَوَ وَاوَا عِلِمِ، تُنْدَيَكٜىٰ بَاشِ دَ حَنْكَلِ؞ 17 عَكُواْيَوْشٜىٰ أَبُواْكِ يَنَ نُونَ ڧَوْنَ، أَنْحَيْڢِ طَنْعُوَ كُوَ دُواْمِنْ تَيْمَكُواْ عَݣُونَكِنْ مَسِيڢَ؞ 18 مُتُمْ مَرَرْ حَنْكَلِ يَسَا حَنُّنْ شَيْدَ يَكَرْٻِ حَكِّنْ بِيَ وَمَڨُوبْثِنْسَ بَاشِ؞ 19 مَيْ سُوانْ ذُنُوبِ يَنَ سُوانْ ڢَطَ نٜىٰ، مَيْ غِنَا كَتَنْغَ مَيْ ڟَيِ كٜىٰوَيٜىٰ دَ كَنْسَ يَنَ جَٰوُاْ وَكَنْسَ هَلَّكَ؞ 20 مَيْ رَايُوَرْ ݣُونَ ݣُونَ بَذَيْ يَلْوَتَبَ، مَيْ هَرْشٜىٰنْ كَلْمُواْمِنْ ڧَضْيَا ذَيْ ڢَاطَ ثِكِنْ وَهَلَ؞ 21 أَبِنْ بَڧِنْ ثِكِ نٜىٰ مُتُمْ يَحَيْڢِ طَا وَاوَا، بَابَنْ وَاوَا بَاشِ دَ ڢَضٍ ثِكِ نٜىٰ؞ 22 ذُوثِيَا مَيْ مُرْنَ مَاغَنِ نٜىٰ مَيْݣَوْ، عَمَّا ذُوثِيَا مَيْ بَڧِنْ ثِكِ تَنَ شَنْيٜىٰ ڧَرْڢِنْ مُتُمْ؞ 23 مُوغُنْ مُتُمْ يَنَ كَرْٻَرْ ثِنْ حَنْثِ عَٻُواْيٜىٰ، دُواْمِنْ يَجُجُّويٜىٰ شَرِيعَرْ غَسْكِيَ؞ 24 مَيْ غَانٜىٰوَ يَنَ سَا كَيْ غَ حِكِمَ، عَمَّا وَاوَا يَنَ كَلُّواْ بَرْكَتَيْ؞ 25 وَوَنْ طَا أَبِنْ ٻَثِنْ رَيْ نٜىٰ غَ بَابَنْسَ، أَبِنْ بَڧِنْ ثِكِ نٜىٰ كُمَ غَ وَدَّ تَحَيْڢٜىٰشِ؞ 26 بَدَيْدَيْبَنٜىٰ عَثِ مَيْ أَدَلْثِے تَارَا، كُواْ أَ حُكُنْتَ بَبَّنْ مُتُمْ سَبُواْدَ حَلِنْ غَسْكِيَ! 27 مَيْ كَلْمُواْمِ كَطَنْ، مَيْ سَنِ نٜىٰ، مَيْ سَنْيَرْ ذُوثِيَا كُمَ مَيْ بَسِيرَ نٜىٰ؞ 28 كُواْ وَاوَا مَا عِدَنْ يَا يِشِضُ، عَكَنْ طَوْكَ شِے مَيْ حِكِمَ نٜىٰ، إِنْ بَيْ بُوطٜىٰ بَاكِنْسَ يَثٜىٰ كُواْمٜىٰبَ، عَكَنْ طَوْكَ شِے مَيْ غَانٜىٰوَ نٜىٰ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria