كَرِنْ مَغَنَ 15 - أَتَّوْرَتْ دَ أَنَّبَاوَا

¹ أَمْسَاوَا أَ حَنْكَلِ تَكَنْ ݣُونْتَرْدَ ڢُشِے، عَمَّا يِنْ مَغَنَ دَ ذَاڢِ تَنَ تَادَ ڢُشِے؞

² هَرْشٜىٰ مَيْ حِكِمَ يَنَ بَادَ سَنِ، عَمَّا بَاكِنْ وَاوَا يَنَ ظُبَرْدَ وَوَنْثِ؞

³ إِدَانُنْ يَهْوٜىٰهْ سُنَ كُواْعِنَ، سُنَ لُورَ دَ مَاسُ مُغُنْتَادَ مَاسُ كِرْكِ؞

⁴ هَرْشٜىٰ مَيْ مَغَنَرْ أَلْحٜىٰرِ إِتَاثٜىٰ مَيْ بَادَ رَيْ نٜىٰ، عَمَّا مُنَاڢُنْثِنْ مَغَنَ يَنَ كَشٜىٰ رُوحُ؞

⁵ وَاوَا يَكَنْ رٜىٰنَ هُواْرَرْوَرْ بَابَنْسَ، عَمَّا دُكْ مَيْ كَسَ كُنّٜىٰ غَ ڟَاوَتَرْوَ مَيْ حِكِمَ نٜىٰ؞

⁶ أَغِدَنْ مَيْ أَدَلْثِے أَݣَويْ أَجِيَرْ أَرْزِڧِ مَيْ يَوَ، عَمَّا أَرْزِڧِنْ مُوغُ ذَيْ شَا وَهَلَ؞

⁷ بَاكِنْ مَيْ حِكِمَ يَنَ رَرَّبَ سَنِ، عَمَّا ذُوثِيَارْ وَاوَا بَا تَيِنْ حَكَ؞

⁸ هَدَايَرْ مُوغُ أَبِنْ ڨَمَ ثٜىٰ غَ يَهْوٜىٰهْ، عَمَّا يَهْوٜىٰهْ يَنَ جِنْ دَاطِنْ أَدُّعَرْ مَيْ غَسْكِيَ أَ ظُوثِ؞

⁹ حَنْيَرْ مُوغُ أَبِنْ ڨَمَ ثٜىٰ غَ يَهْوٜىٰهْ، عَمَّا يَنَ ڧَوْنَرْ وَنْدَ يَكٜىٰيِنْ أَدَلْثِے؞

¹⁰ هُواْرَرْوَ مَيْ ذَاڢِ نٜىٰ دُواْمِنْ مَيْ ڧِنْ حَنْيَرْ غَسْكِيَ، مَيْ ڧِنْ كَرْٻَرْ ڟَاوَتَرْوَ كُمَ مُتُوَ ذَيْ يِ؞

¹¹ أَسِيرِنْ وُرِنْ ذَمَنْ مَتَتُّو دَ هَلَّكَ يَنَ عَبُوطٜىٰ أَغَبَنْ يَهْوٜىٰهْ، بَلّٜىٰ مَا ظُكَاتَنْ یَنْ أَدَمْ!‏

¹² مَيْ رٜىٰنِ بَايَسُواْ أَڟَاوَتَا مَسَ، بَايَ نٜىٰمَنْ شَوَرَا دَغَ وُرِنْ مَاسُ حِكِمَ؞

¹³ ذُوثِيَارْ مُرْنَ تَكَنْ سَا مُرْمُشِ أَ ڢُسْكَ، عَمَّا ٻَثِنْ ذُوثِيَا تَكَنْ كَشٜىٰ رُوحُ؞

¹⁴ ذُوثِيَا مَيْ غَانٜىٰوَ تَكَنْ نٜىٰمِ سَنِ، عَمَّا بَاكِنْ وَاوَا، عَبِنْثِنْسَ وَوَنْثِنٜىٰ؞

¹⁵ دُكَنْ ݣُونَكِنْ وَطَنْدَ عَكَ دَنّٜىٰ ثِكٜىٰ دَ وَهَلَ سُكٜىٰ، عَمَّا ذُوثِيَا مَيْ مُرْنَ كُلُّمْ تَنَ ثِكِنْ جِنْ دَاطِے؞

¹⁶ ڠُومَّ كَطَنْ تَرٜىٰدَ ڟُواْرُوانْ يَهْوٜىٰهْ، دَ أَ سَامِ أَرْزِڧِ مَيْ يَوَ تَرٜىٰدَ وَهَلَ؞

¹⁷ ڠُومَّ عَثِ عَبِنْثِ مَرَرْ غِشِرِ عِنْدَ أَݣَويْ ڧَوْنَ، دَ عَثِ نَامَ مَيْݣَوْ عِنْدَ أَݣَويْ ڧِيَيَّ؞

¹⁸ مَيْ ذَاڢِنْ رَيْ يَكَنْ تَادَ ڢَطَ، عَمَّا مَرَرْ سَوْرِنْ ڢُشِے يَكَنْ ݣُونْتَرْدَ ڢَطَ؞

¹⁹ حَنْيَرْ مَيْ ڧِوِيَ ثِكٜىٰ تَكٜىٰدَ ڧَيُواْيِ، عَمَّا حَنْيَرْ مَيْ غَسْكِيَ أَ ظُوثِ أَ مِيڧٜىٰ تَكٜىٰ؞

²⁰ طَا مَيْ حِكِمَ يَكَنْسَا بَابَنْسَ يَجِ دَاطِے؞ عَمَّا وَوَنْ مُتُمْ يَكَنْ رٜىٰنَ مَامَرْسَ؞

²¹ وَوَنْثِ أَبِنْ ڢَضٍ ثِكِ نٜىٰ غَ مَرَرْ حَنْكَلِ، عَمَّا مَيْ ڢَهِمْتَ يَنَ يِنْ رَايُوَرْسَ دَيْدَيْ؞

²² عِدَنْ بَابُ شَوَرَا، شِرِ يَكَنْ لَلَثٜىٰ، عَمَّا تَرٜىٰدَ شَوَرَا مَيْ يَوَ، أَݣَويْ ثِنْ نَصَرَا؞

²³ كُواْوَ يَكَنْ جِ دَاطِنْ أَمْسَرْ دَ تَيِ دَيْدَيْ، أَبُ مَيْݣَوْ نٜىٰ مَغَنَ تَڢِتَ أَدَيْدَيْ لُواْكَثِ؞

²⁴ حَنْيَرْ مَيْ حِكِمَ تَنَ هَوْرَاوَا ذُوَا رَيْ، دُواْمِنْ تَكِيَايٜىٰشِ دَغَ غَنْ‌غَرُواْوَ ذُوَا وُرِنْ ذَمَنْ مَتَتُّو؞

²⁵ يَهْوٜىٰهْ يَكَنْ رُشٜىٰ غِدَنْ مَيْ غِرْمَنْ كَيْ، عَمَّا يَكَنْ كِيَايٜىٰ إِيَاكَرْ ڢِيلِنْ مَثٜىٰ وَدَّ مِجِنْتَ يَمُتُ؞

²⁶ تُنَانِنْ مُوغُ، أَبِنْ ڨَمَ نٜىٰ غَ يَهْوٜىٰهْ، عَمَّا كَلْمُواْمِنْ أَلْحٜىٰرِ، أَبِنْ كَرْٻَ نٜىٰ؞

²⁷ مَيْ ݣُوطَيِنْ سَامُنْ كُطِ تَهَنْيَرْ ثُوتَا يَكَنْ جَٰوُاْوَ عِيَلِنْسَ دُكَ وَهَلَ، عَمَّا وَنْدَ يَڧِ ثِنْ حَنْثِ، ذَيْ رَايُ؞

²⁸ ذُوثِيَارْ مَيْ أَدَلْثِے تَكَنْيِ تُنَانِ كَاڢِنْ تَبَادَ أَمْسَ، عَمَّا بَاكِنْ مُوغُ يَكَنْ ظُبَرْدَ مُوغُوَرْ مَغَنَ؞

²⁹ يَهْوٜىٰهْ يَنَ يِنْ نٜىٰسَ دَ مُوغُ، عَمَّا يَنَ كَسَ كُنّٜىٰ غَ أَدُّعَرْ مَيْ أَدَلْثِے؞

³⁰ مُرْمُشِ يَنَ سَا مُتُمْ يَيِ مُرْنَ، لَابَرِ مَيْ دَاطِے يَكَنْ كَٰوُاْ لَاڢِيَرْ جِكِے؞

³¹ مَيْ كَسَ كُنّٜىٰ غَ ڟَاوَتَرْوَ مَيْ بَادَ رَيْ ذَيْ كَسَنْثٜىٰ عَثِكِنْ مَاسُ حِكِمَ؞

³² وَنْدَ يَڧِ كَرْٻَرْ هُواْرَرْوَ، رٜىٰنَ كَنْسَ يَكٜىٰيِ، عَمَّا وَنْدَ يَكَسَ كُنّٜىٰ غَ ڟَاوَتَرْوَ ذَيْسَامِ حِكِمَ؞

³³ ڟُواْرُوانْ يَهْوٜىٰهْ كُواْيَرْوَرْ حِكِمَ ثٜىٰ؞ سَوْڧِنْ كَيْ كُمَ يَكَنْ كَيْ غَ غِرْمَمَاوَا؞