كَرِنْ مَغَنَ 14 - أَتَّوْرَتْ دَ أَنَّبَاوَا

¹ مَثٜىٰ مَيْ حِكِمَ تَكَنْ غِنَا غِدَنْتَ، عَمَّا مَيْ وَوَنْثِ تَكَنْ رُشٜىٰ نَاتَ دَ حَنُّوَنْتَ؞

² مَيْ يِنْ تَڢِيَرْسَ ثِكِنْ غَسْكِيَ، مَيْ ڟُواْرُوانْ يَهْوٜىٰهْ نٜىٰ، عَمَّا مَيْ حَلِنْ رُوطُ، رٜىٰنَ شِ يَكٜىٰيِ؞

³ مَغَنَرْ وَاوَا تَطَغَ كَيْ بُلَلَثٜىٰ أَغَرٜىٰشِ، عَمَّا كَلْمُواْمِنْ مَيْ حِكِمَ كِيَايٜىٰشِ سُكٜىٰيِ؞

⁴ عِدَنْ بَابُ شَانُنْ نُواْمَ، إِنَا ذَاعَ سَامِ عَبِنْثِ؟ عَمَّا إِنْ أَݣَويْ بِجِمِنْ نُواْمَ، ذَاعَ سَامِ غِرْبِے مَيْ يَوَ؞

⁵ شَيْدَرْ مَيْ أَمِنْثِ، غَسْكِيَ ثٜىٰ، عَمَّا مَيْ شَيْدَرْ ڧَضْيَا، يَنَ بَظَ ڧَضْيَا؞

⁶ مَيْ رٜىٰنِ يَكَنْ نٜىٰمِ حِكِمَ، بَايَ سَامُوَ، عَمَّا سَنِ أَبُ مَيْ سَوْڧِ نٜىٰ غَ مَيْ غَانٜىٰوَ؞

⁷ يِ نِيسَ دَغَ وُرِنْ وَاوَا، غَمَا بَاشِ دَ أَبِنْدَ ذَيْ كُواْيَ مَكَ؞

⁸ حِكِمَ تَمَيْ حَنْكَلِ عِتَثٜىٰ يَغَانٜىٰ تَڢِيَرْسَ، عَمَّا وَوَنْثِنْ وَاوَا يَكَنْ ثُوثٜىٰ شِ؞

⁹ وَاوَا يَنَ وَسَ دَ لَيْڢِے، عَمَّا مَيْ غَسْكِيَ أَ ظُوثِ يَكَنْ نٜىٰمِ غَاڢَرَ؞

¹⁰ كُواْوَثٜىٰ ذُوثِيَا تَسَنْ بَڧِنْ ثِكِنْتَ، بَ بَڧُوانْ دَ ذَيْ عِيَ سَنِنْ ڢَضٍ ثِكِنْتَ؞

¹¹ غِدَنْ مُوغُ ذَيْ هَلَّكَ عَمَّا غِدَنْ مَيْ غَسْكِيَ أَ ظُوثِ ذَيْ يَلْوَتَ؞

¹² أَغَنِنْ مُتُمْ، أَݣَويْ حَنْيَرْ دَتَكٜىٰ دَيْدَيْ، عَمَّا ڧَرْشٜىٰنْتَ مُتُوَاثٜىٰ؞

¹³ كُواْ عَثِكِنْ دَارِيَا مَا، مَيْيِوُوَ بَڧِنْ ثِكِ يأَنَانً؞ إِنْ مُرْنَ يَتَڢِے، بَڧِنْ ثِكِنْ يأَنَانً؞

¹⁴ مَيْ كَوْثٜىٰ دَغَ حَنْيَ يَكَنْ كَرْٻِ لَادَنْ مُغُنْتَارْسَ، مُتُمِنْ كِرْكِ كُمَ يَكَنْ سَامِ لَادَنْ عَيْكِنْسَ؞

¹⁵ مَرَرْ تُنَانِ يَكَنْ غَسْكَتَ كُواْمٜىٰ، عَمَّا مَيْ حَنْكَلِ يَكَنْيِ تُنَانِ كَاڢِنْ يَڢَارَ وَنِ أَبُ؞

¹⁶ مَيْ حِكِمَ يَكَنْيِ حَنْكَلِ يَكَوْثٜىٰ وَ مُغُنْتَا، عَمَّا وَاوَا يَكَنْيِ سَوْرِ يَعَيْكَتَ أَبُ بَابُ لُورَ؞

¹⁷ مَيْ سَوْرِنْ ڢُشِے يَكَنْيِ أَبُ ثِكِنْ وَوَنْثِ، مَيْ مُوغُوَرْ دَبَرَ كُمَ عَكَنْ ڧِيشِ؞

¹⁸ مَرَرْ تُنَانِ يَكَنْ سَامِ أَبُ ڠُورْڠُودُوانْ وَوَنْثِنْسَ، عَمَّا مَيْ حَنْكَلِ، لَادَنْسَ سَنِنٜىٰ؞

¹⁹ حَڧِيڧَ مُوغُ ذَيْ رُسُنَ أَغَبَنْ مَيْ كِرْكِ، مَيْ مُغُنْتَا كُمَ عَڧُواْڢَرْ مَيْ أَدَلْثِے؞

²⁰ بَاوَنْدَ يَكٜىٰسُوانْ مَتَلَوْثِ، كُواْ مَڨُوبْثِنْسَ مَا بَايَ سُوانْسَ، عَمَّا مَيْ أَرْزِڧِ يَنَدَ أَبُواْكَيْ دَيَوَ؞

²¹ مَيْ رٜىٰنِنْ مَڨُوبْثِنْسَ، ذُنُوبِ يَكٜىٰيِ، مَيْ أَلْبَرْكَ نٜىٰ مَيْيِ وَمَتَلَوْثِ أَلْحٜىٰرِ؞

²² مَيْ شِرْيَ مُغُنْتَا، بَكَوْثٜىٰ حَنْيَ يَكٜىٰيِبَ كُوَ؟ عَمَّا ڧَوْنَ دَ أَمِنْثِ ذَاسُ كَسَنْثٜىٰ غَ مَيْشِرْيَ أَبُ مَيْݣَوْ؞

²³ عَثِكِنْ دُكَنْ عَيْكِ أَݣَويْ لَادَ، عَمَّا مَغَنَرْ بَاكِ كَوَيْ بَاتَ كَٰوُاْ كُواْمٜىٰ سَيْ تَلَوْثِ؞

²⁴ لَادَنْ مَيْ حِكِمَ دُوكِيَنٜىٰ، عَمَّا لَادَنْ وَاوَا وَوَنْثِنٜىٰ؞

²⁵ مَيْ شَيْدَرْ غَسْكِيَ يَكَنْ كُٻُتَرْدَ رَيْ، عَمَّا مَيْبَظَ ڧَضْيَا مَيْثِنْ أَمَانَ نٜىٰ؞

²⁶ وَنْدَ يَكٜىٰدَ ڟُواْرُوانْ يَهْوٜىٰهْ يَنَدَ تَبَّثِنْ ذَمَنْ لَاڢِيَ، كُمَ يَهْوٜىٰهْ ذَيْ ذَمَ وُرِنْ ٻُيَ غَ یَیَنْسَ؞

²⁷ ڟُواْرُوانْ يَهْوٜىٰهْ شِينٜىٰ مَٻُٻُّغَ مَيْ بَادَ رَيْ، شِے ذَيْسَا مُتُمْ يَكَوْثٜىٰ دَغَ تَرْكُوانْ مُتُوَ؞

²⁸ دَرَجَرْ سَرْكِے تَدُواْغَرَ عَكَنْ يَوَنْ مُتَنٜىٰ أَمُلْكِنْسَ، إِنْ بَابُ مُتَنٜىٰ كُوَ، سَرْكِے بَكُواْمٜىٰبَ؞

²⁹ مَرَرْ سَوْرِنْ ڢُشِے يَنَدَ ڢَهِمْتَ، عَمَّا مَيْ سَوْرِنْ ذَاڢِنْ رَيْ يَكَنْ بَيَّنَ وَوَنْثِنْسَ أَ ڢِيلِ؞

³⁰ ݣُونْثِيَرْ ذُوثِيَا لَاڢِيَ ثٜىٰ غَ جِكِے، عَمَّا كِيشِ يَنَ كَمَ دَ رُٻٜىٰوَ عَڧَسُسُوَ؞

³¹ وَنْدَ يَيِ وَمَرَرْ ڧَرْڢِے دَنِّيَ يَنَ رٜىٰنَ مَحَلِثِّنْسَ نٜىٰ، عَمَّا مَيْيِنْ أَلْحٜىٰرِ غَ مَيْ بُڧَاتَ يَنَ غِرْمَمَ مَحَلِثِّنْسَ نٜىٰ؞

³² مُغُنْتَارْ مُوغُ تَكَنْ كَٰوُاْ ڢَاطُوَرْسَ، عَمَّا كُواْ عَثِكِنْ مُتُوَ، مَيْ أَدَلْثِے يَنَسَا ذُوثِيَا؞

³³ حِكِمَ تَنَ ظَوْنٜىٰ أَ ذُوثِيَارْ مَيْ غَانٜىٰوَ، كُواْ أَ رَايُوَرْ وَاوَا مَا، تَنَ بَيَّنَ كَنْتَ؞

³⁴ أَدَلْثِے يَكَنْ طَوْكَكَ أَلْعُمَّ، عَمَّا ذُنُوبِ يَكَنْ كُنْيَتَرْدَ أَلْعُمَّ؞

³⁵ سَرْكِے يَكَنْجِ دَاطِنْ بَاوَ مَيْ حَنْكَلِ، عَمَّا ڢُشِنْسَ يَنَ عَكَنْ مَيْيِنْ أَبِنْ كُنْيَا؞