كَرِنْ مَغَنَ 13 - أَتَّوْرَتْ دَ أَنَّبَاوَا

¹ طَا مَيْ حِكِمَ يَكَنْ كَرْٻِ هُواْرَرْوَرْ بَابَنْسَ، عَمَّا طَا مَيْ رٜىٰنِ بَايَ جِنْ ڟَاوَتَرْوَ؞

² مُتُمِنْ كِرْكِ يَكَنْثِ دَغَ أَلْبَرْكَرْ بَاكِنْسَ، عَمَّا مَرَرْ كِرْكِ يَكَنْسَا كَيْ غَ تَادَ حَنْكَلِ؞

³ مَيْ لُورَ دَ أَبِنْدَ يَكٜىٰ ڢِتُواْوَ دَغَ بَاكِنْسَ يَنَ كِيَايٜىٰ رَيْ، عَمَّا وَنْدَ بَيْ كُلَ دَ مَغَنَرْسَبَ، ذَيْ كَيْ كَنْسَ غَ هَلَّكَ؞

⁴ مَيْ ڧِوِيَ يَكَنْيِ مَرْمَرِنْ أَرْزِڧِ، عَمَّا بَايَ سَامُنْ كُواْمٜىٰ، عَمَّا مَيْ ڨُوظُوانْ عَيْكِ ذَيْسَامِ أَبِنْدَ يَكٜىٰ بُڧَاتَ عَيَلْوَثٜىٰ؞

⁵ مَيْ أَدَلْثِے يَنَ ڧِنْ ڧَضْيَا، عَمَّا مُوغُ يَنَ يِنْ أَبِنْ كُنْيَا دَ ڧَسْڧَنْثِ؞

⁶ أَدَلْثِے يَكَنْ كِيَايٜىٰ مَيْ غَسْكِيَ أَ ظُوثِ، عَمَّا مُغُنْتَا تَكَنْ تُمْٻُكٜىٰ مَيْ ذُنُوبِ؞

⁷ وَنِ يَكَنْ نُونَ كَنْسَ شِے مَيْ أَرْزِڧِ نٜىٰ، عَمَّا بَ شِ دَكُواْمٜىٰ؞ وَنِ كُمَ يَكَنْ نُونَ كَنْسَ بَاشِ دَكُواْمٜىٰ، عَمَّا يَنَدَ أَرْزِڧِ مَيْ يَوَ؞

⁸ مَيْ أَرْزِڧِ ذَيْ يِ أَمْڢَانِ دَ كُطِنْسَ دُواْمِنْ ڢَنْسَرْ رَنْسَ، عَمَّا مَيْ تَلَوْثِ بَابُ مَيْ دَامُنْسَ؞

⁹ حَصْكٜىٰنْ مَيْ أَدَلْثِے يَنَ حَصْكَكَاوَا سُواْسَيْ، عَمَّا ڢِتِلَرْ مُوغُ تَنَ مُتُوَ؞

¹⁰ حَنْيَرْ غِرْمَنْ كَيْ تَكَنْ كَٰوُاْ ڢَطَ كَوَيْ، عَمَّا حِكِمَ تَنَ وُرِنْ مَيْ نٜىٰمَنْ شَوَرَا؞

¹¹ أَرْزِڧِنْ دَ عَكَ سَامُ تَهَنْيَرْ رَشِنْ غَسْكِيَ ذَيْ وَڟٜىٰ نَنْ دَنَنْ، عَمَّا وَنْدَ يَسَامُ دَ ظُڢَرْسَ ذَيْ يِتَڧَارُوَ؞

¹² سَا رَيْ وَنْدَ بَتَبِيَ بُڧَاتَبَ، تَكَنْسَا ذُوثِيَا تَٻَثٜىٰ، عَمَّا سَامُنْ أَبِنْدَ رَيْ يَكٜىٰسُواْ، إِتَاثٜىٰ مَيْ بَادَ رَيْنٜىٰ؞

¹³ مَيْ رٜىٰنِنْ مَغَنَ ذَيْ هَلَّكَ، عَمَّا مَيْ كَرْٻَرْ عُمَرْنِ ذَيْ كَرْٻِ لَادَ؞

¹⁴ كُواْيَرْوَرْ مَيْ حِكِمَ مَٻُٻُّغَرْ ضُوً رَيْ ثٜىٰ، مَيْ كَرْٻَرْتَ ذَيْ كَوْثٜىٰ تَرْكُوانْ مُتُوَ؞

¹⁵ حَلِنْ كِرْكِ يَكَنْ جَٰوُاْ ڢَضٍ جِنِ، عَمَّا حَنْيَرْ مَرَرْ أَمِنْثِ تَنَدَ وُيَ؞

¹⁶ مَيْ حَنْكَلِ يَسَنْ أَبِنْدَ يَكٜىٰيِ، عَمَّا وَاوَا يَكَنْ نُونَ وَوَنْثِنْسَ أَ ڢِيلِ؞

¹⁷ مُوغُنْ طَنْ عَيْكَ يَكَنْ كَٰوُاْ دَامُوَ، عَمَّا وَكِيلِ مَيْ أَمِنْثِ يَكَنْ كَٰوُاْ سَلَمَ؞

¹⁸ وَنْدَ يَڧِ كَرْٻَرْ هُواْرَرْوَ، ذَيْ تَلَوْثٜىٰ يَشَا كُنْيَا، عَمَّا وَنْدَ يَكَسَ كُنّٜىٰ غَ ڟَاوَتَرْوَ، ذَيْسَامِ طَوْكَكَ؞

¹⁹ سَامُنْ بِيَنْ بُڧَاتَ يَكَنْ ڢَرَنْتَ رَيْ، عَمَّا أَبِنْ ڨَمَ نٜىٰ غَ وَوَيٜىٰ سُرَبُ دَ مُغُنْتَا؞

²⁰ وَنْدَ يَيِ تَڢِيَ تَرٜىٰدَ مَاسُ حِكِمَ ذَيْ كَسَنْثٜىٰ دَ حِكِمَ، عَمَّا أَبُواْكِنْ تَڢِيَرْ وَوَيٜىٰ ذَيْ لَلَثٜىٰ؞

²¹ مُغُنْتَا تَنَ بِنْ مَيْ ذُنُوبِ، عَمَّا أَلْبَرْكَ عِتَثٜىٰ لَادَنْ مَيْ أَدَلْثِے؞

²² مُتُمِنْ كِرْكِ يَكَنْ بَرْ غَادُواْ غَ یَیَنْسَ حَرْ ذُوَا جِيكُواْكِنْسَ، عَمَّا أَرْزِڧِنْ مَيْ ذُنُوبِ عَكَنْ أَجِيٜىٰ وَمَيْ أَدَلْثِے؞

²³ كُواْ دَ غُواْنَرْ تَلَكَ تَبَادَ أَمْڢَانِ سُواْسَيْ، مَرَسَ غَسْكِيَ سُكَنْذُواْ سُڨُوثٜىٰ غَبَاطَيَ؞

²⁴ عِدَنْ كَاڧِ كَيِ وَطَنْكَ حُواْرُواْ، كَا نُونَ بَاكَ ڧَوْنَرْسَ كٜىٰنَنْ، عَمَّا عِدَنْ كَنَ ڧَوْنَرْسَ، كَتَبَّتَا كَهُواْرَرْ دَشِ؞

²⁵ مَيْ أَدَلْثِے يَكَنْثِ حَرْ رَنْسَ يَڧُواْشِ، عَمَّا مُوغُ، ڢَامَ يَكٜىٰيِ دَ يُنْوَ كُواْيَوْشٜىٰ؞