كَرِنْ مَغَنَ 11 - أَتَّوْرَتْ دَ أَنَّبَاوَا

¹ يَهْوٜىٰهْ يَنَ ڨَمَرْ مَاسُ أَوُاْ دَ مُودُنْ ڧَضْيَا، عَمَّا يَنَ جِنْ دَاطِنْ مَاسُ أَوُاْ دَ مُودُنْ غَسْكِيَ؞

² غِرْمَنْ كَيْ يَكَنْ جَٰوُاْ شَنْ كُنْيَا، عَمَّا مَيْ سَوْڧِنْ كَيْ مَيْ حِكِمَ نٜىٰ؞

³ مُتُنْثِنْ مَاسُ غَسْكِيَ أَ ظُوثِ يَكَنْ بِيدَسُو، عَمَّا مُنَاڢُنْثِنْ مَاسُثِنْ أَمَانَ يَكَنْ هَلَكَاسُ؞

⁴ دُوكِيَ بَاتَدَ عَيْنِحِنْ أَمْڢَانِ أَ رَانَرْ حُكُنْثِ، عَمَّا رَايُوَرْ أَدَلْثِے تَنَ كَٰوُاْ كُٻُتَرْوَ دَغَ مُتُوَ؞

⁵ أَدَلْثِنْ مَرَسَ لَيْڢِے يَكَنْبِے دَسُو أَ حَنْيَرْ دَتَكٜىٰ دَيْدَيْ، عَمَّا مُوغَيٜىٰ سُكَنْ ڢَاطِ تَوُرِنْ مُغُنْتَارْسُ؞

⁶ أَدَلْثِنْ مَاسُ غَسْكِيَ أَ ظُوثِ، تَكَنْ كُٻُتَرْ دَسُو، عَمَّا مَاسُثِنْ أَمَانَ، دَبَرَرْسُ ذَاتَ ذَمَ مُسُ تَرْكُواْ؞

⁷ مُوغُ يَكَنْ مُتُ دُكْ دَ أَبِنْ سَا ذُوثِيَارْسَ، دُكَنْ ڧَرْڢِنْ بُورِنْسَ ذَيْ لَلَثٜىٰ؞

⁸ عَكَنْ كُٻُتَرْدَ مَيْ أَدَلْثِے دَغَ وَهَلَ، عَمَّا وَهَلَرْ تَكَنْ أَوْكُواْ وَمُوغُ؞

⁹ مُوغَيٜىٰ دَ بَاكِنْسُ سُكٜىٰ هَلَّكَ مَڨُوبْتَنْسُ، عَمَّا مَاسُ أَدَلْثِے، تَوُرِنْ سَنِ سُكَنْ كُٻُتَ؞

¹⁰ بِرْنِ يَكَنْيِ ڢَضٍ ثِكِ إِنْ مَاسُ أَدَلْثِے سُنْ يَلْوَتَ، أَݣَويْ كُمَ ڢَضٍ ثِكِ مَيْ يَوَ إِنْ مُوغُ يَمُتُ؞

¹¹ بِرْنِ يَكَنْ سَامِ طَوْكَكَ، تَوُرِنْ أَلْبَرْكَرْ مَاسُ غَسْكِيَ أَ ظُوثِ، عَمَّا عَكَنْ رُشٜىٰ بِرْنِنْ تَوُرِنْ بَاكِنْ مُوغَيٜىٰ؞

¹² دُكْ مَيْ مَغَنَرْ رٜىٰنِ غَ مَڨُوبْثِنْسَ، بَ شِ دَ حَنْكَلِ، عَمَّا مَيْ ڢَهِمْتَ يَكَنْيِ شِضُ؞

¹³ مَيْ بَظَ مَغَنَرْ ٻَاتَ سُونَ يَكَنْ تُواْنَ أَسِيرِ، عَمَّا أَمِنْتَثّٜىٰنْ مُتُمْ يَكَنْ رِڧٜىٰ أَمَانَرْ أَسِيرِ؞

¹⁴ عِنْدَ بَابُ جَغُواْرَنْثِ، أَلْعُمَّ تَكَنْ ڢَاطِ، عَمَّا يَوَنْ مَاسُ بَادَ شَوَرَا يَكَنْ كَٰوُاْ وَ أَلْعُمَّ ذَمَنْ لَاڢِيَ؞

¹⁵ مَيْ سَا حَنُّنْ شَيْدَ دُواْمِنْ بَڧُواْ يَكَرْٻِ بَاشِ، يَنَ جَٰوُاْ وَكَنْسَ وَهَلَ، عَمَّا مَيْ ڧِنْ ذَمَنْ شَيْدَ ذَيْ يِذَمَنْسَ أَ سَكٜىٰ؞

¹⁶ مَثٜىٰ مَيْ كِرْكِ تَنَ سَامُنْ غِرْمَمَاوَا، عَمَّا مَرَسَ تَوْسَيِ، دُوكِيَ كَطَيْ ذَاسُ سَامُ؞

¹⁷ مُتُمِنْ كِرْكِ يَكَنْ سَامِ لَادَنْ كِرْكِنْسَ، عَمَّا مَيْ ڧٜىٰتَ يَنَ جَٰوُاْ وَكَنْسَ وَهَلَ؞

¹⁸ مُوغُ يَنَ ڟَمَّنِ ذَيْثِ رِيبَرْ ڧَضْيَارْسَ، عَمَّا مَيْ عَيْكِنْ أَدَلْثِے ذَيْسَامِ لَادَنْ غَسْكِيَ؞

¹⁹ مَيْ نَاثٜىٰوَ غَ يِنَدَلْثِے ذَيْ رَايُ، مَيْ نَاثٜىٰوَ غَ يِنْمُغُنْتَا ذَيْ مُتُ؞

²⁰ مَاسُ مُوغُوَرْ نِيَّ، يَهْوٜىٰهْ يَنَ ڨَمَرْسُ، عَمَّا مَاسُ عَيْكَتَ أَبِنْدَ يَكٜىٰ دَيْدَيْ، يَنَ جِنْ دَاطِنْ تَڢِيَرْسُ؞

²¹ بَابُ شَكَّ، مُوغُ بَذَيْ كُٻُتَ دَغَ حُكُنْثِبَ، عَمَّا مَاسُ أَدَلْثِے ذَاسُ كُٻُتَ؞

²² كُواْمٜىٰ ݣَنْ مَثٜىٰ، إِنْ بَاتَدَ حَنْكَلِ، تَنَ كَمَ دَ ذُواْبٜىٰنْ ظِينَارِيَ أَهَنْثِنْ أَلَدٜىٰ؞

²³ أَبِنْ دَ مَيْ أَدَلْثِے يَكٜىٰسُواْ، يَكَنْ جَٰوُاْ أَلْحٜىٰرِنٜىٰ كَطَيْ، عَمَّا أَبِنْسَا ذُوثِيَارْ مُوغُ يَكَنْ كَٰوُاْ ٻَثِنْ رَيْ؞

²⁴ وَطَنْسُ سُكَنْ بَايَرْ حَنُّ سَكٜىٰ، سَيْ أَرْزِڧِنْسُ يَيِ تَڧَارُوَ؞ وَطَنْسُ بَاسَ بَا كُواْوَ كُواْمٜىٰ، عَمَّا سَيْ سُڧَارَ تَلَوْثِ؞

²⁵ مَيْ بَايَرْوَ حَنُّ سَكٜىٰ ذَيْ ڧَارَ يَلْوَتَ، مَيْ تَيْمَكَ وَ وَطَنْسُ، شِ كَنْسَ ذَيْسَامِ تَيْمَكُواْ؞

²⁶ مُتَنٜىٰ سُكَنْ لَعَنْتَ مَيْ ٻُواْيٜىٰ حَڟِ، عَمَّا أَلْبَرْكَ تَنَ عَكَنْ وَنْدَ يَسَيَرْ؞

²⁷ دُكْ مَيْ نَاثٜىٰ غَ نٜىٰمَنْ أَلْحٜىٰرِ، ذَيْسَامِ ڢَضٍ جِنِ؞ عَمَّا مَيْ نٜىٰمَنْ مُغُنْتَا، ذَيْ غَمُ دَ عِتَ؞

²⁸ دُكْ مَيْ دُواْغَضَ غَ دُوكِيَرْسَ ذَيْ ڢَاطِ كَمَرْ غَنْيٜىٰ أَ لُواْكَثِنْ رَانِ؞ عَمَّا مَيْ أَدَلْثِے ذَيْ يَلْوَتَ كَمَرْ طَنْيٜىٰنْ غَنْيٜىٰ عَبَاكِنْ رَاڢِ؞

²⁹ مَيْ جَٰوُاْوَ عِيَلِنْسَ وَهَلَ، عَڧَرْشٜىٰ بَذَيْ غَاجِ كُواْمٜىٰبَ؞ وَاوَا ذَيْ ذَمَ بَاوَ أَ حَنُّنْ مَيْ حِكِمَ؞

³⁰ رَايُوَرْ دَ مَيْ أَدَلْثِے تَكَنْ حَيْڢَ كَمَرْ إِتَاثٜىٰ مَيْ بَادَ رَيْ نٜىٰ، مَيْ حِكِمَ يَكَنْ جَٰوُاْ مُتَنٜىٰ؞

³¹ عِدَنْ أَنَ سَاكَ وَ مَيْ أَدَلْثِے لَادَ عَدُونِيَا، بَاشَكَّ مُوغُ دَ مَيْ ذُنُوبِ، ذَاعَ حُكُنْتَ سُو!‏