كَرِنْ مَغَنَ 10 - أَتَّوْرَتْ دَ أَنَّبَاوَا

كَرِنْ مَغَنَ نَ سُلَيْمَٰنُ

¹ غَا كَرِنْ مَغَنَرْ سُلَيْمَٰنُ؞ طَا مَيْ حِكِمَ يَكَنْ ڢَرَنْتَ وَبَابَنْسَ رَيْ، عَمَّا وَوَنْ طَا أَبِنْ بَڧِنْ ثِكِ نٜىٰ غَ مَامَرْسَ؞

² دُوكِيَرْ دَ عَكَ تَارَ تَهَنْيَرْ مُغُنْتَا، بَاتَدَ عَيْنِحِنْ أَمْڢَانِ، عَمَّا رَايُوَرْ أَدَلْثِے، تَنَ كَٰوُاْ كُٻُتَرْوَ دَغَ مُتُوَ؞

³ يَهْوٜىٰهْ بَذَيْ بَرْ مَيْ أَدَلْثِے ثِكِنْ يُنْوَ بَ، عَمَّا يَكَنْ حَنَ نِيَّرْ مُوغَيٜىٰ تَثِكَ؞

⁴ حَنُّنْ مَيْ ڧِوِيَ تَكَنْ جَٰوُاْ تَلَوْثِ، عَمَّا حَنُّنْ مَيْ ڨُوذُواْ يَكَنْ تَارَ أَرْزِڧِ؞

⁵ طَنْ دَ يَكَنْ تَتَّارَ أَمْڢَانِنْ غُواْنَ دَ دَامِنَ، مَيْ حِكِمَ نٜىٰ، عَمَّا طَنْ دَيَكٜىٰ بَرْثِ لُواْكَثِنْ غِرْبِے، مَيْ جَٰوُاْ كُنْيَا نٜىٰ؞

⁶ أَلْبَرْكُ سُنَ كَنْ مَيْ أَدَلْثِے، عَمَّا كَلْمُواْمِنْ مُوغُ سُنَ ٻُواْيٜىٰ حَلِنْسَ نَتَاشِنْ حَنْكَلِ؞

⁷ تُنَاوَا دَ مَيْ أَدَلْثِے أَلْبَرْكَثٜىٰ، عَمَّا سُونَنْ مُوغُ ذَيْ لَلَثٜىٰ؞

⁸ مَيْ حِكِمَ يَكَنْ كَرْٻِ عُمَرْنِ، عَمَّا مَيْ مَغَنَرْ وَوَنْثِ ذَيْ لَلَثٜىٰ؞

⁹ دُكْ مَيْ تَڢِيَ ثِكِنْ مُتُنْثِ، ذَيْ يِتَڢِيَرْسَ لَاڢِيَ؞ عَمَّا مَيْ رَايُوَرْ ݣُونَ ݣُونَ، ذَاعَ سَنْ دَشِ؞

¹⁰ مَيْ يِنْ عَلَمَ دَ عِدُواْ ذَيْ كَٰوُاْ وَهَلَ، مَيْ مَغَنَرْ وَوَنْثِ كُمَ ذَيْ لَلَثٜىٰ؞

¹¹ بَاكِنْ مَيْ أَدَلْثِے مَٻُٻُّغَرْ ضُوً رَيْ نٜىٰ، عَمَّا كَلْمُواْمِنْ مُوغُ، سُنَ ٻُواْيٜىٰ حَلِنْسَ نَتَاشِنْ حَنْكَلِ؞

¹² ڧِيَيَّ تَكَنْ تَادَ ڢَطَ، عَمَّا ڧَوْنَ تَكَنْ يَاڢٜىٰ دُكَنْ لَيْڢُواْڢِ؞

¹³ أَنَ سَامُنْ حِكِمَ عَبَاكِنْ مَيْ غَانٜىٰوَ، عَمَّا بُلَلَ نٜىٰ دُواْمِنْ مَرَرْ حَنْكَلِ؞

¹⁴ مَيْ حِكِمَ يَكَنْ تَارَ سَنِ، عَمَّا مَغَنَرْ وَاوَا تَكَنْ جَٰوُاْ هَلَّكَ؞

¹⁵ دُوكِيَ كَتَنْ‌غَ ثٜىٰ غَ مَيْ أَرْزِڧِ، عَمَّا تَلَوْثِ هَلَّكَ نٜىٰ غَ مَرَرْ ڧَرْڢِے؞

¹⁶ سَكَمَكُوانْ مَيْ أَدَلْثِے، جِنْ دَاطِنْ رَيْ نٜىٰ، عَمَّا رِيبَرْ مُوغُ، يِنْ ذُنُوبِ نٜىٰ؞

¹⁷ مَيْ كَسَ كُنّٜىٰ يَكَرْٻِ هُواْرَرْوَ، ذَيْ رَايُ، مَيْ ڧِنْ كَرْٻَرْ ڟَاوَتَرْوَ، ذَيْ كَوْثٜىٰ حَنْيَ؞

¹⁸ دُكْ مَيْ ٻُواْيٜىٰ ڧِيَيَّ يَنَدَ ڧَضْيَا، دُكْ مَيْ ٻَاتَ سُونَ وَاوَا نٜىٰ؞

¹⁹ ثِكِنْ يَوَنْ مَغَنَ بَعَرَسَ صَاٻُواْ، عَمَّا مَيْ حِكِمَ يَكَنْ كَمٜىٰ بَاكِنْسَ؞

²⁰ كَلْمُواْمِنْ بَاكِنْ مَيْ أَدَلْثِے كَمَرْ ظَلَّرْ أَظُرْڢَا نٜىٰ، عَمَّا ذُوثِيَارْ مُوغُ بَابُ دَرَجَ كُواْ كَطَنْ؞

²¹ كَلْمُواْمِنْ بَاكِنْ مَيْ أَدَلْثِے سُنَ كِيوُانْ مُتَنٜىٰ دَيَوَ، عَمَّا وَاوَا يَكَنْ مُتُ سَبُواْدَ رَشِنْ حَنْكَلِ؞

²² أَلْبَرْكَرْ يَهْوٜىٰهْ تَكَنْ كَٰوُاْ أَرْزِڧِ، يَوَنْ عَيْكِ كُوَ بَايَ ڧَارَ أَرْزِڧِ؞

²³ غَ وَاوَا، يِنْ مُغُنْتَا كَمَرْ وَسَ نٜىٰ، عَمَّا غَ مَيْ بَسِيرَ، حِكِمَ تَنَدَ دَاطِے؞

²⁴ أَبِنْ دَ مُوغُ يَكٜىٰ ڟُواْرُواْ، شِ ذَيْ ڢَرُ دَشِ، عَمَّا أَبِنْدَ مَيْ أَدَلْثِے يَكٜىٰسُواْ نٜىٰ، ذَيْسَامُ؞

²⁵ سَعَدَّ مُوغُوَرْ غُوغُوَ تَوُثٜىٰ، بَعَسَاكٜىٰ غَنِنْ مُوغَيٜىٰ، عَمَّا مَاسُ أَدَلْثِے سُنَدَ تُوشٜىٰنْدَ يَكَڢُ دَرَمْ حَرْ أَبَدَا؞

²⁶ كَمَرْ ضُوً ڟَامِ غَ هَڧُواْرِ، كُواْ عَثٜىٰ هَيَاڧِے غَ إِدَانُو، حَكَ مَيْ ڧِوِيَ يَكٜىٰ غَ مَيْ بَاشِ عَيْكِ؞

²⁷ ڟُواْرُوانْ يَهْوٜىٰهْ يَنَ ڧَارَ ڟَوُانْ رَيْ، عَمَّا مُوغَيٜىٰ سُكَنْ مُتُ تُنْ ݣُونَكِنْسُ بَسُ كَيْبَ؞

²⁸ أَبِنْ دَ مَاسُ أَدَلْثِے سُكَسَا رَيْ يَكَنْ كَيْ غَ مُرْنَ، عَمَّا تُنَانِنْ مُوغَيٜىٰ بَايَ كَٰوُاْ كُواْمٜىٰ؞

²⁹ حَنْيَرْ يَهْوٜىٰهْ، كَتَنْ‌غَرْ ڟَرٜىٰ نٜىٰ غَ مَاسُ أَدَلْثِے، عَمَّا هَلَّكَثٜىٰ غَ مَاسُ عَيْكَتَ مُغُنْتَا؞

³⁰ بَذَاعَ تَٻَ تُمْٻُكٜىٰ مَاسُ أَدَلْثِے بَ، عَمَّا مُوغَيٜىٰ بَذَاسُ ذَوْنَ عَڧَسَرْ بَ؞

³¹ بَاكِنْ مَيْ أَدَلْثِے يَكَنْ كَٰوُاْ حِكِمَ، عَمَّا هَرْشٜىٰنْ رُوطُ ذَاعَ كَوَرْ دَغَ ڧَسَرْ؞

³² هَرْشٜىٰنْ مَيْ أَدَلْثِے يَسَنْ أَبِنْدَ يَيِݣَوْ، عَمَّا بَاكِنْ مُوغُ، مَغَنَرْ رُوطُ نٜىٰ كَطَيْ يَكٜىٰيِ؞