ڢِلِبِيَاوَا 1 - أَتَّوْرَتْ دَ أَنَّبَاوَاغَيْسُوَا 1 دَغَ بُلُسْ دَ تِمُواْتِ، بَايِنْ أَلْمَسِيحُ عِيسَىٰ ذُوَاغَ دُكَنْ ڟَرْكَكَنْ دَسُكٜىٰبِنْ أَلْمَسِيحُ عِيسَىٰ أَ ڢِلِبِے، تَرٜىٰدَ مَاسُ كُلَ دَ جَمَعَرْ مَاسُبِے دَ مَاسُ يِمَتَ حِدِمَ؞ 2 أَلْحٜىٰرِ دَ سَلَمَرْ اللَّهْ عُبَنْمُ دَ عُبَنْغِجِ عِيسَىٰ أَلْمَسِيحُ سُكَسَنْثٜىٰ تَرٜىٰدَكُو؞ أَدُّعَرْ بُلُسْ دُواْمِنْ ڢِلِبِيَاوَا مَاسُبِنْ عِيسَىٰ 3 إِنَغُواْدٜىٰ وَ اللَّهْ أَدُكْ لُواْكَثِنْدَ نَتُنَ دَكُو؞ 4 عَكُلُّمْ دَ ڢَضٍ ثِكِ كُوَ نَكٜىٰيِنْ ضُواْڧٜىٰ ضُواْڧٜىٰنَ غَ اللَّهْ سَبُواْدَكُو دُكَ؞ 5 إِنَ غُواْدِيَ سَبُواْدَ كُنْ حَطَكَيْ دَنِے ثِكِنْ عَيْكِنْ شٜىٰلَرْ لَابَرِ مَيْ دَاطِے تُنْدَغَ رَانَرْ ڢَرْكُواْ حَرْ ذُوَا يَوْ؞ 6 نَا تَبَّتَا شِے وَنْدَ يَڢَارَ ݣَكْݣَوَنْ عَيْكِنَّنْ عَثِكِنْكُ، ذَيْثِيغَبَ حَرْ يَغَمَشِ أَ رَانَرْ دَ عِيسَىٰ أَلْمَسِيحُ ذَيْ دَاوُاْ؞ 7 دَيْدَيْ نٜىٰ إِنْيِ تَتُنَاوَ دَكُو حَكَ، كُو دُكَ، دُواْمِنْ كُنَ أَ ذُوثِيَاتَ، سَبُواْدَ دُكَنْكُ كُنَ زُمُنْثِ دَنِے ثِكِنْ أَلْحٜىٰرِنْ اللَّهْ أَ لُواْكَثِنْ دَ عَكَ كُلّٜىٰنِ عَكُرْكُكُ دَ كُمَ تَوُرِنْ كَارٜىٰ لَابَرِنَّنْ مَيْ دَاطِے وَنْدَ نَتَبَّتَرْ دَشِ؞ 8 اللَّهْ شِينٜىٰ شَيْدَتَ، يَسَنْ يَدَّ نَكٜىٰ مَرْمَرِنْكُ دُكَ دَ ڧَوْنَرْ أَلْمَسِيحُ عِيسَىٰ؞ 9 أَدُّعَتَ عِتَثٜىٰ ڧَوْنَرْكُ تَيِ تَيَلْوَتَ، تَرٜىٰدَ سَنِنْ اللَّهْ دَ كُمَ كُواْوَثٜىٰ إِرِنْ غَانٜىٰوَ؞ 10 وَنَّنْ ذَيْ تَيْمَكٜىٰكُ كُإِيَ ذَاٻَرْ أَبِنْدَ يَڢِ ݣَوْ، دُواْمِنْ أَ رَانَرْ دَ أَلْمَسِيحُ ذَيْ دَاوُاْ كُذَمَ مَاسُ ڟَرْكِے، مَرَسَ تَبُواْ، 11 ثِكٜىٰ كُمَ دَ سَكَمَكُوانْ ثٜىٰتُوانْكُ، وَتُواْ، حَلِنْ أَدَلْثِنْ دَ عَكٜىٰ سَامُ تَوُرِنْ عِيسَىٰ أَلْمَسِيحُ، دُواْمِنْ أَطَوْكَكَ عَكُمَ يَبِے اللَّهْ؞ بُلُسْ يَنَ رَايُوَا دُواْمِنْ أَلْمَسِيحُ 12 یَنْعُوَ، إِنَ سُواْ كُسَنِ ثٜىٰوَ أَبِنْدَ يَڢَرُ دَنِے يَڧَارَسَا لَابَرِ مَيْ دَاطِے يَيَطُ، 13 حَرْ سُواْجُواْجِنْ غِدَنْ سَرْكِے دَ سَوْرَنْ مُتَنٜىٰ سُكَ سَنِ ثٜىٰوَ أَنْكُلّٜىٰنِ عَكُرْكُكُ سَبُواْدَ أَلْمَسِيحُ نٜىٰ؞ 14 كُلّٜىٰنِ دَ عَكَيِ عَكُرْكُكُ، يَسَا یَنْعُوَ دَيَوَ عَثِكِنْ عُبَنْغِجِ سُكَڧَارَ سَامُنْ ڧَرْڢِنْ حَلِ سُيِ شَيْدَرْ كَلْمَرْ اللَّهْ بَاتَرٜىٰدَ جِنْ ڟُواْرُواْبَ؞ 15 وَطَنْسُ دَيْ سُنَ وَعَظِنْ أَلْمَسِيحُ سَبُواْدَ كِيشِ دَ سُوانْكَيْنٜىٰ، عَمَّا وَطَنْسُ سُنَيِ دَ نُڢِنْ أَلْحٜىٰرِ؞ 16 وَطَنَّنْ دَسُكٜىٰيِنْ وَعَظِ دَ نُڢِنْ أَلْحٜىٰرِ سُنَيِنْ وَعَظِ سَبُواْدَ ڧَوْنَ نٜىٰ، غَمَا سُنْ سَنِ أَنْكُلّٜىٰنِ دُواْمِنْ إِنَكَارٜىٰ لَابَرِنَّنْ مَيْ دَاطِے نٜىٰ؞ 17 وَطَنْثَنْ كُوَ سُنَ وَعَظِ عَكَنْ أَلْمَسِيحُ سَبُواْدَ حَلِنْ سُوانْكَيْنٜىٰ بَثِكِنْ غَسْكِيَابَ؞ سُوانْسُ نٜىٰ إِنْڧَارَ شَنْ وَهَلَ عَكُرْكُكُ؞ 18 تُواْ، بَا كُواْمٜىٰ؞ مُهُمِّنْ أَبُ شِينٜىٰ، عَكُواْوَنٜىٰ حَلِ، كُواْ دَ نُڢِنْ ڧَضْيَا، كُواْ دَ نُڢِنْ غَسْكِيَ، أَنَ وَعَظِ عَكَنْ أَلْمَسِيحُ نٜىٰ؞ وَنَّنْ يَنَسَا إِنْيِ ڢَضٍ ثِكِ؞ عِ، ذَنْ ثِيغَبَدَ يِنْ ڢَضٍ ثِكِ، 19 غَمَا نَا سَنِ ثٜىٰوَ تَوُرِنْ أَدُّعُواْعِنْكُ دَ تَيْمَكُواْ دَغَ وُرِنْ رُوحٌ أَلْمَسِيحُ عِيسَىٰ، عَڧَرْشٜىٰ دَيْ وَنَّنْ ذَيْسَا أَ سَكٜىٰنِ؞ 20 إِنَ مَرْمَرِ، كُمَ إِنَسَا ذُوثِيَا ثٜىٰوَ كَدَ إِنْكَٰوُاْ وَ كَيْنَ كُنْيَا ثِكِنْ عَيْكِنْ عُبَنْغِجِ، عَمَّا إِنْيِ مَغَنَ دَ ثِكَكّٜىٰنْ ڧَرْڢِنْ ذُوثِيَا؞ ثِكِنْ دُكَنْ أَبِنْدَ ذَنْيِ، بَرِ أَلْمَسِيحُ يَسَامِ طَوْكَكَ يَنْذُ دَ كُواْوَنٜىٰ لُواْكَثِ أَوُرِينَ، كُواْ إِنَدَ رَيْ كُواْ نَمُتُ؞ 21 أَغَرٜىٰنِ كَمْ، عِدَنْ نَا رَايُ، دُواْمِنْ أَلْمَسِيحُ نٜىٰ، عِدَنْ مَا نَمُتُ، دُكْ رِبَاثٜىٰ؞ 22 عِدَنْ يَا ذَمَ ذَنْ رَايُ ثِكِنْ جِكِے، ذَنْيِ عَيْكِ مَيْ أَمْڢَانِ كٜىٰنَنْ؞ عَمَّا نَرَسَ وَنٜىٰنٜىٰ ذَنْ ذَاٻَا؞ 23 حَڧِيڧَ، حَنْكَلِنَ يَرَبُ بِيُ؞ أَبِنْ دَ نَكٜىٰسُواْ دَيْ، إِنْكُواْمَ وُرِنْ أَلْمَسِيحُ إِنْ ذَوْنَ تَرٜىٰ دَشِ؞ حَكَ يَاڢِ ݣَوْ ڨُورَيْ؞ 24 عَمَّا يَا كَمَاتَ إِنْ كَسَنْثٜىٰ ثِكِنْ جِكِے تُكُنَ دُواْمِنْ أَمْڢَانِنْكُ؞ 25 تُنْدَيَكٜىٰ إِنَدَ تَبَّثِ حَكَ، نَسَنِ ذَنْ ذَوْنَ تَرٜىٰدَكُو دُكَ دُواْمِنْ كُڧَارَ غِرْمَ دَ ڢَضٍ ثِكِ ثِكِنْ بَنْغَسْكِيَرْكُ؞ 26 تَهَكَ، عِدَنْ نَسَاكٜىٰ كَٰوُاْ مُكُ زِيَارَ، ذَاكُ سَامِ بَبَّنْ دَلِيلِنْ يِنْ تَاڧَمَ دَ أَلْمَسِيحُ عِيسَىٰ سَبُواْدَ أَبِنْدَ يَكٜىٰيِ تَوُرِينَ؞ 27 سَيْ دَيْ كُيِ ذَمَنْدَ يَثَنْثَنْثِ لَابَرِ مَيْ دَاطِے نَ أَلْمَسِيحُ؞ تَهَكَ، كُواْ نَذُواْ نَغَنْكُ، كُواْ مَا بَنْ ذُواْ بَ، ذَنْجِے لَابَرِنْكُ إِنْ سَنِ ثٜىٰوَ كُنَ ڟَيَاوَا سُواْسَيْ تَرٜىٰ، كُنَ ڢَامَ تَرٜىٰ، رَعَيِنْكُ طَيَ سَبُواْدَ بَنْغَسْكِيَ تَلَابَرِ مَيْ دَاطِے، 28 بَاتَرٜىٰدَ جِنْ ڟُواْرُوانْ أَبُواْكَنْ غَابَنْكُبَ كُواْ كَطَنْ؞ أَيْ، وَنَّنْ تَبَّثِ نٜىٰ أَغَرٜىٰسُ ثٜىٰوَ ذَاسُ هَلَّكَ، عَمَّا أَوُرِنْكُ تَبَّثِنْ ثٜىٰتُوانْكُ كٜىٰنَنْ؞ وَنَّنْ تَبَّثِ كُوَ دَغَ وُرِنْ اللَّهْ يَكٜىٰ؞ 29 غَمَا أَلْحٜىٰرِنْ دَ يَيِ مُكُ سَبُواْدَ أَلْمَسِيحُ، بَ دُواْمِنْ كُبَادَ غَسْكِيَ غَرٜىٰشِ كَوَيْبَ، عَمَّا حَرْ مَا دُواْمِنْ كُشَا وَهَلَ سَبُواْدَشِ، 30 كُنَ شَنْ ڢَامَ إِرِ يَدَّ كُكَ غَنِ نَشَا، كُنَ كُمَجِ نَكٜىٰ شَا حَرْ يَنْذُ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria