ڢِلِمُوانْ 1 - أَتَّوْرَتْ دَ أَنَّبَاوَا

غَيْسُوَا

¹ دَغَ بُلُسْ، نِے دَ نَكٜىٰ عَكُرْكُكُ سَبُواْدَ أَلْمَسِيحُ دَ كُمَ طَنْعُوَنْمُ تِمُواْتِ، ذُوَاغَ ڢِلِمُوانْ أَبُواْكِنْ عَيْكِنْمُ وَنْدَ مُكٜىٰ ڧَوْنَ،

² دَ كُمَ غَ أَڢِيَ یَرْعُوَرْمُ دَ أَرْكِبُسْ طَنْعُوَنْمُ ثِكِنْ ڢَامَ دَ كُمَ ذُوَاغَ جَمَعَرْ مَاسُبِنْ عِيسَىٰ وَطَنْدَ سُكٜىٰ تَارُوَ أَغِدَنْكَ؞

³ أَلْحٜىٰرِ دَ سَلَمَ دَغَ اللَّهْ عُبَنْمُ دَ عُبَنْ‌غِجِ عِيسَىٰ أَلْمَسِيحُ سُكَسَنْثٜىٰ تَرٜىٰدَكُو؞

ڧَوْنَ دَ بَنْ‌غَسْكِيَرْ ڢِلِمُوانْ

⁴ نَكَنْ غُواْدٜىٰ وَ اللَّهْ نَا كُلُّمْ سَعَدَّ نَتُنَ دَكَيْ عَثِكِنْ أَدُّعَتَ؞

⁵ غَمَا إِنَ جِنْ لَابَرِنْ بَنْ‌غَسْكِيَرْكَ ثِكِنْ عُبَنْ‌غِجِ عِيسَىٰ دَ كُمَ ڧَوْنَرْ دَ كَكٜىٰ نُونَ وَدُكَنْ ڟَرْكَكَا؞

⁶ إِنَ أَدُّعَ ثٜىٰوَ ذَاكَ عَيْكَتَ أَلْحٜىٰرِ عَيَلْوَثٜىٰ، وَنْدَ يَڢِتُواْ دَغَ بَنْ‌غَسْكِيَرْكَ، وَنَّنْ مَا ذَيْ كَيْ غَ ظُرْڢِنْ غَانٜىٰوَ غَمٜىٰدَ دُكَنْ أَبُبُوَ مَاسُ ݣَوْ وَطَنْدَ سُكٜىٰ نَامُ ثِكِنْ أَلْمَسِيحُ؞

⁷ طَنْعُوَنَ، ڧَوْنَرْكَ تَا كَٰوُاْ مِنِ ڢَضٍ ثِكِ أَيْنُنْ دَ كُمَ ڧَرْڢَڢَاوَا سُواْسَيْ سَبُواْدَ ظُكَاتَنْ ڟَرْكَكَا سُنْ سَامِ ڧَرْڢَڢَاوَا تَوُرِنْكَ؞

ضُواْڧُواْ دُواْمِنْ عُواْنِسِمُسْ

⁸ سَبُواْدَ يَدَّ كَكٜىٰ ڧَوْنَرْ مَاسُبِے، إِنَ عِيَيِنْ ڧَرْڢِنْ حَلِ ثِكِنْ أَلْمَسِيحُ إِنْ عُمَرْثٜىٰكَ كَيِ أَبِنْدَ يَكَمَاتَ؞

⁹ عَمَّا سَبُواْدَ إِنَ ڧَوْنَرْكَ، نِے بُلُسْ نَڢِسُواْ إِنْضُواْڧٜىٰكَ، نِے دَ نَكٜىٰ ڟُواْهُواْ يَنْذُ كُمَ إِنَانَنْ عَثِكِنْ كُرْكُكُ سَبُواْدَ أَلْمَسِيحُ عِيسَىٰ؞

¹⁰ إِنَ ضُواْڧُوانْكَ أَمَدَدِنْ طَانَ عُواْنِسِمُسْ وَنْدَ نَذَمَ كَمَرْ بَابَ أَغَرٜىٰشِ سَعَدَّ نَكٜىٰ عَكُرْكُكُ؞

¹¹ أَ دَا بَاشِ دَ أَمْڢَانِ أَغَرٜىٰكَ، عَمَّا يَنْذُ يَذَمَ مَيْ أَمْڢَانِ أَغَرٜىٰكَ دَ كُمَ أَغَرٜىٰنِ؞

¹² إِنَ عَيْكَرْسَ يَنْذُ يَكُواْمَ غَرٜىٰكَ، شِے وَنْدَ ذُوثِيَاتَ دُكَ تَكٜىٰ عَكَنْسَ؞

¹³ يَايِنْ دَ نَكٜىٰ أَنَنْ كُرْكُكُ سَبُواْدَ لَابَرِ مَيْ دَاطِے، نَڢِسُواْ إِنْرِڧٜىٰشِ أَوُرِينَ دُواْمِنْ يَدِنْ‌غَيِ مِنِ حِدِمَ أَمَدَدِنْكَ؞

¹⁴ عَمَّا دَيْ بَانَسُواْ إِنْيِ وَنِ أَبُ بَاتَرٜىٰدَ نَسَامِ يَرْدَرْكَبَ، دُواْمِنْ كَدَ أَلْحٜىٰرِنْكَ يَذَمَ كَمَرْ نَتِلَسْنٜىٰ، بَا نَيَرْدَرْ رَيْبَ؞

¹⁵ وَتَڧِيلَ عُواْنِسِمُسْ يَا رَبُ دَكَيْ نَطَنْ لُواْكَثِ كَطَنْ نٜىٰ دُواْمِنْ كَسَاكٜىٰ كَرْٻَرْسَ غَ ذَمَ نَهَرْ أَبَدَا؞

¹⁶ بَوَيْ كَكَرْٻٜىٰشِ أَمَڟَيِنْ بَاوَبَ، عَمَّا حَرْ ڢِيٜىٰدَ حَكَ، وَتُواْ كَكَرْٻٜىٰشِ أَمَڟَيِنْ طَنْعُوَنْ دَ عَكٜىٰ ڧَوْنَ؞ إِنَ ڧَوْنَرْسَ سُواْسَيْ بَلّٜىٰ مَا كَيْ، أَيْ، ذَاكَ ڧَوْنَثٜىٰشِ ڢِيٜىٰدَ حَكَ، أَمَڟَيِنْسَ نَبَاوَ دَ كُمَ نَوَنْدَ يَبَادَ غَسْكِيَ غَ عُبَنْ‌غِجِ!‏

¹⁷ دُواْمِنْ حَكَ عِدَنْ نِے أَبُواْكِنْ عَيْكِنٜىٰ أَغَرٜىٰكَ، تُواْ، كَكَرْٻٜىٰشِ دَيْدَيْ يَدَّ ذَاكَ كَرْٻٜىٰنِ؞

¹⁸ عِدَنْ مَا عُواْنِسِمُسْ يَيِ مَكَ لَيْڢِے، كُواْ يَنَ رِڧٜىٰ دَ بَاشِنْكَ، كَلِسَّڢْتَ دُكَ عَكَيْنَ؞

¹⁹ نِے بُلُسْ نَكٜىٰ رُبُوتَ وَنَّنْ دَهَنُّونَ ثٜىٰوَ نِے ذَنْ بِيَاكَ؞ كَدَ مَا إِنْيِ ذَنْثٜىٰنْ سَابُوانْ رَنَنْدَ كَسَامُ تَوُرِينَ؞

²⁰ دُواْمِنْ حَكَ طَنْعُوَنَ، إِنَ ضُواْڧُوانْكَ كَيِ مِنِ وَنَّنْ أَلْحٜىٰرِ سَبُواْدَ عُبَنْ‌غِجِ؞ كَڢَرَنْتَ مِنِ رَيْ ثِكِنْ أَلْمَسِيحُ!‏

²¹ نَتَبَّتَا ذَاكَيِ بِيَيَّ؞ شِيَسَا نَارُبُوتَ وَنَّنْ دَ سَنِ ثٜىٰوَ ذَاكَ عَيْكَتَ ڢِيٜىٰدَ يَدَّ نَڢَطَا؞

²² هَرْوَيَوْ، إِنَ سُواْ كَشِرْيَ مِنِ طَاكِنْ دَ ذَنْ سَوْكَ، غَمَا إِنَسَا رَيْ ثٜىٰوَ تَوُرِنْ أَدُّعُواْعِنْكُ اللَّهْ ذَيْ مَيَرْ دَنِے غَرٜىٰكُ؞

غَيْسُوَرْ ڧَرْشٜىٰ

²³ أَبَڢَرَسْ وَنْدَ يَكٜىٰ ثِكِنْ كُرْكُكُ تَرٜىٰدَنِ سَبُواْدَ أَلْمَسِيحُ عِيسَىٰ يَنَ غَيْشٜىٰكَ؞

²⁴ مَرْكُسْ دَ أَرِسْتَرْكُسْ دَ دٜىٰمَسْ دَ كُمَ لُكَّ وَطَنْدَ سُو دُكْ أَبُواْكَنْ عَيْكِنَنٜىٰ، سُو مَا سُنَ غَيْشٜىٰكَ؞

²⁵ أَلْحٜىٰرِنْ عُبَنْ‌غِجِ عِيسَىٰ أَلْمَسِيحُ يَكَسَنْثٜىٰ تَرٜىٰدَ رُوحُنْكُ؞ أَمِينْ؞