عُواْبَدِيَ 1 - أَتَّوْرَتْ دَ أَنَّبَاوَا

¹ غَا سَڧُوانْ عُبَنْ‌غِجِ يَهْوٜىٰهْ وَنْدَ أَنَّبِے عُواْبَدِيَ يَغَنِ عَثِكِنْ رُعُيَ غَمٜىٰدَ ڧَسَرْ عٜىٰدُوامْ؞ أَنْ عَيْكَ دَ طَنْ سَڧُواْ غَ أَلْعُمَّيْ، مُنْ كُمَجِ سَڧُوانْ دَغَ يَهْوٜىٰهْ ثٜىٰوَ ‏«‏تَاشِ!‏ مُهَوْرَ مُيَاڧِ عٜىٰدُوامْ!‏»‏

أَنَّبْثِنْ ڢَاطُوَرْ عٜىٰدُوامْ

² إِنْجِ يَهْوٜىٰهْ، ‏«‏غَاشِ، ذَنْ مَيْدَكِ ڧَنْڧَنُوَ عَثِكِنْ سَوْرَنْ أَلْعُمَّيْ، ذَاعَ رٜىٰنَكِ بَكَطَنْبَ؞

³ غِرْمَنْ كَنْكِ يَرُوطٜىٰكِ، يَا كٜىٰ عٜىٰدُوامْ، مَيْ ذَمَ أَ مَڢَكَا أَدُوڟٜىٰ، مَيْ ذَمَ عَكَنْ مَنْيَنْ تُدَّيْ؞ أَ ذُوثِيَا كِنَ ثٜىٰوَ ‏‹‏وَظَيْ عِيَ سَوْكَرْ دَنِے ڧَسَا؟›‏

⁴ كُواْ دَ كِنْ تَاشِ سَمَ كَمَرْ غَغَّڢَ، كُواْ دَ كِنْ يِ غِدَاجٜىٰنْكِ ثِكِنْ تَوْرَرِنٜىٰ، دَغَ ثَنْ ذَنْجَاكِ ڧَسَا؞ نِے يَهْوٜىٰهْ نَا ڢَطَا!‏

⁵ ‏«‏عِدَنْ ٻَرَيِ سُنْ شِغَ غِدَنْكِ، عِدَنْ یَنْ ڢَشِ سُنْذُواْ دَ دَرٜىٰ، أَيْ، ذَاسُ طَوْكِ كَوَيْ أَبِنْدَ سُكٜىٰسُواْ نٜىٰ؞ عِدَنْ مَاسُ غِرْبِنْ یَیَنْ إِنَبِے سُنْيِ غِرْبِے، أَيْ، ذَاسُبَرْ وَطَنْسُ دُواْمِنْ مَتَلَوْتَ؞ عَمَّا كٜىٰ عٜىٰدُوامْ، تَاكِ تَا ڧَارٜىٰ!‏

⁶ عَمَّا كُو مُتَنٜىٰنْ عٜىٰدُوامْ، ذُرِيَرْ إِسُوَ، أَنْهَلَكَاكِ، دُكَنْ أَرْزِڧِنْكُ أَنْݣُوشٜىٰ!‏

⁷ دُكَنْ أَلْعُمَّنْ دَ كُكَيِ حَطِنْ ڠُوِوَ، ذَاسُ جُويَا مِكِ بَايَ؞ ذَاسُ كُواْرٜىٰكِ حَرْ كَنْ إِيَاكَرْ ڧَسَرْكِے؞ أَبُواْكَنْكِ دَ كِكَڢِے يَرْدَ دَسُو، سُنْ رُوطٜىٰكِ سُنْثِنْيٜىٰكِ دَ يَاڧِ، وَطَنْدَ سُكَثِ عَبِنْثِ دَكٜىٰ، سُنْ كَڢَ مِكِ تَرْكُواْ سُنَ ثٜىٰوَ ‏‹‏إِنَ دُكَنْ وَيُواْنَّنْ نَاتَ؟›‏ »‏

⁸ إِنْجِ يَهْوٜىٰهْ، ‏«‏أَ رَانَرْ نَنْ دَ ذَنْ هَلَّكَ عٜىٰدُوامْ، ذَنْ هَلَّكَ مَاسُ حِكِمَرْتَ؞ ذَنْ كَوَرْدَ مَاسُ ڢَهِمْتَ دَغَ تُدَّنْ ڧَسَرْ إِسُوَ؞

⁹ يَا بِرْنِنْ تٜىٰمَنْ، مَاسُ عِيَ يَاڧِنْكِ ذَاسُڟُواْرَتَ، حَرْ كُواْوَ عَتُدَّنْ ڧَسَرْ إِسُوَ، ذَاعَ كَشٜىٰشِ؞»‏

ذُنُوبِنْ عٜىٰدُوامْ

¹⁰ ‏«‏سَبُواْدَ حَلِنْ مُغُنْتَارْ دَ كِكَ نُونَ وَ یَنْعُوَنْكِ مُتَنٜىٰنْ إِسْرَٰٓءِيلَ، كُنْيَا ذَاتَ رُڢٜىٰكِ، ذَاعَ كُمَ كَوَرْدَكٜىٰ حَرْ أَبَدَا؞

¹¹ أَ رَانَرْ نَنْ كِنْجَا بَايَ دَغَ یَنْعُوَنْكِ، دَ بَاڧِ سُكَ شِغَ ڧُواْڢُواْڢِنْسُ؞ كٜىٰ عٜىٰدُوامْ، كِنْ ذَمَ كَمَرْ طَيَ دَغَ ثِكِنْ أَبُواْكَنْ غَابَا سَعَدَّ سُكَ ݣُوشِ أَرْزِڧِنْ عُرُوشَلِيمَ سُكَ كُمَ جٜىٰڢَ ڧُرِعَ عَكَنْسُ!‏

¹² ‏«‏بَدَيْدَيْ بَنٜىٰ، كِكَ ڟَيَ كِنَيِ وَیَنْعُوَنْكِ كَلُّوانْ رٜىٰنِ، أَ رَانَرْ دَ عَكٜىٰ كَيْسُ بَوْتَا أَوَتَ ڧَسَا؞ بَدَيْدَيْ بَنٜىٰ، كِكَيِ ڢَضٍ ثِكِ عَكَنْ وَهَلَرْ مُتَنٜىٰنْ يَهُودَ، أَ رَانَرْ دَ عَكَ هَلَكَاسُ؞ بَدَيْدَيْ بَنٜىٰ، كِكَيِ مَغَنَرْ دَارِيَا أَ رَانَرْ وَهَلَرْسُ؞

¹³ بَ دَيْدَيْ بَنٜىٰ، كِكَ شِغَ بِرْنِنْ مُتَنٜىٰنَ إِسْرَٰٓءِيلَ، كِكَ ݣُوشِ كَايَ أَ لُواْكَثِنْ مَسِيڢَرْسُ؞ لَلَّيْ بَدَيْدَيْ بَنٜىٰ، كِكَيِ مُرْنَ أَ رَانَرْ مَسِيڢَرْسُ؞ بَدَيْدَيْ بَنٜىٰ، كِكَ ݣُوشِ كَايَنْسُ أَ رَانَرْ وَهَلَرْسُ؞

¹⁴ بَدَيْدَيْ بَنٜىٰ، كِكَ ڟَيَ أَ عِنْدَ هَنْيُواْيِ سُنْ حَطُ كِنَ كَكَّشٜىٰ مَاسُ ڧُواْڧَرِنْ غُدُ؞ بَدَيْدَيْ بَنٜىٰ، كِكَ بَادَ وَطَنْدَ سُكَ غُدُ أَ حَنُّنْ أَبُواْكَنْ غَابَنْسُ، أَ رَانَرْ دَ مَسِيڢَ تَسَامٜىٰسُ؞»‏

ذَاعَ حُكُنْتَ أَلْعُمَّيْ

¹⁵ ‏«‏رَانَرْ دَنِے يَهْوٜىٰهْ ذَنْ شَرْعَنْتَ دُكَنْ أَلْعُمَّيْ تَيِكُسَ؞ يَدَّ كِكَيِ وَ إِسْرَٰٓءِيلَ، حَكَ ذَاعَيِ مِكِ، دُكَنْ مُغُنْتَارْكِ ذَاتَكُواْمَ عَكَنْكِ؞

¹⁶ كَمَرْ يَدَّ مُتَنٜىٰنَ سُكَشَا عَݣُوڢْ نَحُكُنْثِ مَيْ طَاثِ عَكَنْ تُدُنَ مَيْ ڟَرْكِے، حَكَ سَوْرَنْ أَلْعُمَّيْ ذَاسُ شَا وَهَلَ، ذَاسُيِ تَشَا حَرْ سُٻَثٜىٰ دَغَ دُونِيَا؞»‏

نَصَرَرْ إِسْرَٰٓءِيلَ عَڧَرْشٜىٰ

¹⁷ ‏«‏عَمَّا عَتُدُنْ سِهِيُواْنَ، ضَغُواْوَرْ مُتَنٜىٰ ذَاسُ ڟِيرَا، ذَيْ كُمَ ذَمَ وُرِے مَيْ ڟَرْكِے؞ ذُرِيَرْ يَعْڧُوبَ ذَاسُ سَاكٜىٰ مَلَّكِ أَبِنْ غَادُوانْسُ؞

¹⁸ ذُرِيَرْ يَعْڧُوبَ ذَاتَ ذَمَ كَمَرْ وُتَا، غِدَنْ يُوسُڢَ كَمَرْ هَرْشٜىٰنْ وُتَا؞ عَمَّا عٜىٰدُوامْ ذَاتَ ذَمَ بُوسَشِّيَرْ ثِيَوَ، إِسْرَٰٓءِيلَ ذَاتَ ڧُواْنٜىٰسُ تَثِنْيٜىٰسُ؞ بَابُ مُتُمِنْ دَ ذَيْ ضَغٜىٰ دَغَ غِدَنْ إِسُوَ؞ نِے يَهْوٜىٰهْ نَا ڢَطَا؞»‏

¹⁹ ‏«‏مُتَنٜىٰنْ نٜىٰغٜىٰبْ عَكُدُ ذَاسُ مَلَّكِ تُدَّنْ إِسُوَ؞ وَطَنْدَ سُكٜىٰ عَڧأَنَانً تُدَّنْ يَهُودَ، ذَاسُ مَلَّكِ ڢِيلَيٜىٰنْ ڢِلِسْتِيَاوَا، سُكُمَ مَلَّكِ ڧَسَرْ إِڢْرَيِمْ دَ سَمَرِيَ؞ ذُرِيَرْ بِلِيَامِنُ كُمَ ذَاسُ مَلَّكِ يَنْكِنْ غِلٜىٰيَدْ؞

²⁰ طُمْبُنْ مُتَنٜىٰنْ إِسْرَٰٓءِيلَ وَطَنْدَ عَكَ كَيْ بَوْتَا، ذَاسُ دَاوُاْ سُمَلَّكِ ڧَسَرْ كَنْعَنِيَاوَا حَرْ ذُوَا يَنْكِنْ ظَرٜىٰڢَتْ؞ مُتَنٜىٰنْ عُرُوشَلِيمَ وَطَنْدَ عَكَ كَيْ بَوْتَا أَ سٜىٰڢَرَدْ ذَاسُ دَاوُاْ سُمَلَّكِ غَرُضُوً نٜىٰغٜىٰبْ عَكُدُ؞

²¹ وَطَنْدَ سُكَثِ نَصَرَا ذَاسُ هَوْرَ تُدُنْ سِهِيُواْنَ أَ عُرُوشَلِيمَ سُمَلَّكِ تُدَّنْ إِسُوَ، يَهْوٜىٰهْ دَ كَنْسَ نٜىٰ ذَيْ ذَمَ مَيْ مُلْكٍ!‏»‏