ڧِدَايَ 9 - أَتَّوْرَتْ دَ أَنَّبَاوَابِكٍ ڧٜىٰتَرٜىٰوَ عَبَبَّنْ تُدُنْ سِنَيْ 1 أَ دَاجِنْ سِنَيْ، غَ وَتَ نَڢَرْكُواْ، أَ شٜىٰكَرَا تَبِيُ بَايَنْدَ إِسْرَٰٓءِيلَاوَا سُكَ ڢِتَ دَغَ ڧَسَرْ مَصَرْ، سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ 2 يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ «سَيْ كُكِيَايٜىٰ بِكٍ ڧٜىٰتَرٜىٰوَ أَدَيْدَيْ لُواْكَثِنْسَ؞ 3 أَ رَانَ تَغُواْمَشَا حُطُ غَ وَنَّنْ وَتَ دَ يَمَّ، ذَاكُ كِيَايٜىٰ بِكٍ بِسَغَ دُكَنْ دُواْكُواْكِنْسَ دَ ڧَٰعِدُواْدِنْسَ؞» 4 سَيْ مُوسَٰى يَڢَطَا وَمُتَنٜىٰنْ إِسْرَٰٓءِيلَ سُكِيَايٜىٰ بِكٍ؞ 5 سُكَ كُوَ كِيَايٜىٰشِ دَ يَمَّ أَ رَانَ تَغُواْمَشَا حُطُ غَ وَتَ نَڢَرْكُواْ أَ دَاجِنْ سِنَيْ؞ سُكَيِ كُواْمٜىٰ دَيْدَيْ بِسَغَ يَدَّ يَهْوٜىٰهْ يَعُمَرْثِ مُوسَٰى؞ ڧَٰعِدُواْدِ دُواْمِنْ بِكٍ ڧٜىٰتَرٜىٰوَ 6 عَمَّا أَ رَانَرْ وَطَنْسُ مُتَنٜىٰ بَسُ عِيَ كِيَايٜىٰ وَنَّنْ بِكٍ ڧٜىٰتَرٜىٰوَ بَ، غَمَا سُنْ ڧَظَنْتُ تَوُرِنْ تَٻَ غَاوَا؞ سَيْ سُكَذُواْ وُرِنْ مُوسَٰى دَ هَٰرُونَ سُكَثٜىٰ، 7 «كُواْدَيَكٜىٰ مُنْ ڧَظَنْتُ تَوُرِنْ تَٻَ غَاوَا، مٜىٰيَسَا عَكَ هَنَمُ مُمِيڧَ هَدَايَرْ يَهْوٜىٰهْ أَ لُواْكَثِنْ دَ عَكَ ڟَارَا تَرٜىٰدَ سَوْرَنْ مُتَنٜىٰنْ إِسْرَٰٓءِيلَ؟» 8 سَيْ مُوسَٰى يَثٜىٰ مُسُ «كُطَنْ جِرَا سَيْ نَاجِ أَبِنْدَ يَهْوٜىٰهْ ذَيْ عُمَرْثٜىٰكُ كُيِ؞» 9 سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ 10 يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ «عِدَنْ وَنِنْكُ كُواْ وَنِ دَغَ ذُرِيَرْكُ يَڧَظَنْتُ تَوُرِنْ تَٻَ غَاوَا، كُواْ يَيِ تَڢِيَ مَيْ نِيسَ، دُكْدَهَكَ ذَيْ كِيَايٜىٰ بِكٍ ڧٜىٰتَرٜىٰوَ غَ يَهْوٜىٰهْ؞ 11 ذَيْ كِيَايٜىٰ بِكٍ بَايَنْ وَتَا طَيَ؞ دَ يَمَّ أَ رَانَ تَغُواْمَشَا حُطُ غَ وَتَ نَبِيُ، ذَيْثِ شِ تَرٜىٰدَ غُرَاسَرْ مَرَرْ يِسْتِ دَ غَنْيَيٜىٰ مَاسُ طَاثِ؞ 12 كَدَ عَبَرْ وَنِ عَبِنْثِ يَݣُونَ حَرْ وَايٜىٰوَرْ غَرِ، كُمَ كَدَ عَكَرْيَ وَنِ ڧَشِنْ طَنْ ضَغُوانْ؞ عَكِيَايٜىٰ بِكٍ ڧٜىٰتَرٜىٰوَ بِسَغَ ڧَٰعِدُواْدِنْسَ؞ 13 عَمَّا دُكْ وَنْدَ بَيْ ڧَظَنْتُ بَ، كُمَ بَيْيِ تَڢِيَ مَيْ نِيسَ بَ، دُكْدَهَكَ بَيْ كِيَايٜىٰ بِكٍ بَ، ذَاعَ كَوَرْ دَشِ دَغَ جَمَعَرْ، سَبُواْدَ بَيْ مِيڧَ هَدَايَرْ يَهْوٜىٰهْ أَدَيْدَيْ لُواْكَثِنْ دَ عَكَ ڟَارَابَ؞ وَنَّنْ مُتُمْ، أَلْحَكِنْ ذُنُوبِنْسَ يَنَ عَكَنْسَ؞ 14 «دُكْ بَڧُوانْ دَيَكٜىٰ ذَمَ عَثِكِنْكُ وَنْدَ يَكٜىٰسُواْ يَكِيَايٜىٰ بِكٍ ڧٜىٰتَرٜىٰوَ غَ يَهْوٜىٰهْ، دُواْلٜىٰنٜىٰ يَيِشِ بِسَغَ دُواْكُواْكِ دَ ڧَٰعِدُواْدِنْ بِكٍ؞ ڧَٰعِدَ طَيَثٜىٰ غَ كُواْوَ، كُواْ طَنْ ڧَسَا نٜىٰ كُواْ بَڧُواْ نٜىٰ وَنْدَ يَكٜىٰ ذَمَ عَثِكِنْكُ؞» ڧُنْشِنْ غِرْغِجٜىٰ ﴿ ڢِتْ 40.34-38 ﴾ 15 أَ رَانَرْ دَ عَكَ كَڢَ تٜىٰنْتِنْ كَسَنْثٜىٰوَرْ يَهْوٜىٰهْ، سَيْ ڧُنْشِنْ غِرْغِجٜىٰ يَسَوْكَ يَرُڢٜىٰ تٜىٰنْتِنْ، وَتُواْ تٜىٰنْتِنْ شَيْدَرْ يَرْجٜىٰجٜىٰنِيَ؞ دَغَ يَمَّ حَرْ سَيْ وَايٜىٰوَرْ غَرِ، ڧُنْشِنْ غِرْغِجٜىٰ يَذَمَ كَمَرْ ڧُنْشِنْ وُتَا؞ 16 كُلُّمْ حَكَ يَكَنْ كَسَنْثٜىٰ؞ ڧُنْشِنْ غِرْغِجٜىٰ يَكَنْ رُڢٜىٰ تٜىٰنْتِنْ دَ رَانَ، كُمَ يَذَمَ كَمَرْ ڧُنْشِنْ وُتَادَ دَرٜىٰ؞ 17 دُكْ لُواْكَثِنْ دَ ڧُنْشِنْ غِرْغِجٜىٰ يَتَاشِ دَغَ تٜىٰنْتِنْ، جَمَعَرْ إِسْرَٰٓءِيلَ ذَاسُتَاشِ دَغَ ذَنْغُوانْ؞ أَ دُكْ عِنْدَ ڧُنْشِنْ يَڟَيَ، أَوُرِنْ نٜىٰ جَمَعَرْ إِسْرَٰٓءِيلَ ذَاسُ كَڢَ ذَنْغُوانْسُ؞ 18 دَ عُمَرْنِنْ يَهْوٜىٰهْ، جَمَعَرْ إِسْرَٰٓءِيلَ سُكَنْ تَاشِ دَغَ ذَنْغُوانْسُ دَ عُمَرْنِنْ يَهْوٜىٰهْ كُمَ سُكَنْ كَڢَ ذَنْغُوانْ؞ مُدِّنْ ڧُنْشِنْ غِرْغِجٜىٰنْ يَنَ ڟَيٜىٰ عَبِسَ تٜىٰنْتِنْ، سُكَنْيِ تَذَمَ أَ ذَنْغُوانْ؞ 19 كُواْ دَ ڧُنْشِنْ غِرْغِجٜىٰ ذَيْدَطٜىٰ عَبِسَ تٜىٰنْتِنْ، جَمَعَرْ إِسْرَٰٓءِيلَ ذَاسُ كِيَايٜىٰ عُمَرْنِنْ يَهْوٜىٰهْ، بَذَاسُ تَاشِ دَغَ ذَنْغُوانْ سُكَامَ حَنْيَبَ؞ 20 وَنِ لُواْكَثِ، ڧُنْشِنْ غِرْغِجٜىٰ ذَيْ ڟَيَ عَبِسَ تٜىٰنْتِنْ نَیَنْ ݣُونَكِے، كُمَ بِسَغَ عُمَرْنِنْ يَهْوٜىٰهْ ذَاسُيِ تَذَمَ عَثِكِنْ ذَنْغُوانْ؞ سَعَنً بِسَغَ عُمَرْنِنْ يَهْوٜىٰهْ، ذَاسُ تَاشِ دَغَ ذَنْغُوانْ سُكَامَ حَنْيَ؞ 21 وَنِ لُواْكَثِ، ڧُنْشِنْ غِرْغِجٜىٰنْ ذَيْ ڟَيَ دَغَ يَمَّ ذُوَا سَڢٜىٰ كَوَيْ؞ سَعَدَّ يَتَاشِ دَ سَڢٜىٰ، مُتَنٜىٰنْ ذَاسُتَاشِ دَغَ ذَنْغُوانْ؞ دُكْ لُواْكَثِنْ دَ ڧُنْشِنْ غِرْغِجٜىٰنْ يَتَاشِ، كُواْ دَ سَڢٜىٰ كُواْ دَ دَرٜىٰ، مُتَنٜىٰنْ ذَاسُتَاشِ سُكَامَ حَنْيَ؞ 22 كُواْ دَ ݣُونَكِے بِيُ نٜىٰ، كُواْ دَ وَتَا طَيَ نٜىٰ، كُواْ دَ شٜىٰكَرَا طَيَ نٜىٰ، دُكْ لُواْكَثِنْ دَ ڧُنْشِنْ غِرْغِجٜىٰنْ يَڟَيَ عَبِسَ تٜىٰنْتِنْ، جَمَعَرْ إِسْرَٰٓءِيلَ ذَاسُيِ تَذَمَ أَ ذَنْغُوانْ، بَذَاسُ تَاشِبَ؞ عَمَّا عِدَنْ ڧُنْشِنْ يَتَاشِ، سَيْ سُو مَا سُتَاشِ سُكَامَ حَنْيَ؞ 23 دَ عُمَرْنِنْ يَهْوٜىٰهْ، ذَاسُكَڢَ ذَنْغُوانْسُ دَ عُمَرْنِنْ يَهْوٜىٰهْ كُمَ، ذَاسُتَاشِ سُكَامَ حَنْيَ، سُنَ كِيَايٜىٰ عُمَرْنِنْ يَهْوٜىٰهْ بِسَغَ يَدَّ يَعُمَرْثِ مُوسَٰى؞ |
Hausa Common Language Ajami Bible © The Bible Society of Nigeria, 2020
Bible Society of Nigeria