ڧِدَايَ 8 - أَتَّوْرَتْ دَ أَنَّبَاوَا

شِرِنْ سَنْدَا مَيْ رِڧٜىٰ ڢِتِلُ

¹ سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ

² يَڢَطَا وَ هَٰرُونَ وَنَّنْ عُمَرْنِ؞ ‏«‏سَعَدَّ ذَاكَ شِرْيَ ڢِتِلُ بَݣَويْ طِنْ، كَشِرْيَسُ يَدَّ ذَاسُ بَادَ حَصْكٜىٰ أَوُرِنْ دَيَكٜىٰ أَغَبَنْ سَنْدَا مَيْ رِڧٜىٰسُ؞»‏

³ سَيْ هَٰرُونَ يَيِ حَكَ؞ يَشِرْيَ ڢِتِلُنْ يَدَّ ذَاسُ بَادَ حَصْكٜىٰ أَوُرِنْ دَيَكٜىٰ أَغَبَنْ سَنْدَا مَيْ رِڧٜىٰسُ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

⁴ غَا يَدَّ عَكَ ڧٜىٰرَ سَنْدَا مَيْ رِڧٜىٰ ڢِتِلُنْ؞ أَنْ ڧٜىٰرَشِ دُكَ دَ ظِينَارِيَ دَغَ غِنْدِنْ ذَمَنْسَ حَرْ ذُوَا صِڢَّرْ ڢُلَوَرْ دَسُكٜىٰ عَكَنْ حَنُّوَنْسَ، بِسَغَ ݣُوتَنْثِنْ دَ يَهْوٜىٰهْ يَنُونَ وَ مُوسَٰى؞

كٜىٰٻٜىٰوَرْ لَوِيَاوَا غَ يَهْوٜىٰهْ

⁵ يَهْوٜىٰهْ يَيِ مَغَنَ دَ مُوسَٰى ثٜىٰوَ

⁶ ‏«‏كَطَوْكِ لَوِيَاوَا دَغَ ثِكِنْ سَوْرَنْ مُتَنٜىٰنْ إِسْرَٰٓءِيلَ، كَڟَبْتَثٜىٰسُ بِسَغَ دُواْكَا؞

⁷ غَا يَدَّ ذَاكَيِ دُواْمِنْ كَڟَبْتَثٜىٰسُ؞ كَيَيَّڢَا مُسُ ضُوً ڟَبْتَثٜىٰوَ كَسَاسُ أَسْكٜىٰ دُكَنْ غَاشِنْ جِكُنَنْسُ، سُكُمَ وَنْكٜىٰ رِيغُنَنْسُ، دُواْمِنْ سُڟَبْتَثٜىٰ كَنْسُ بِسَغَ دُواْكَا؞

⁸ سَعَنً سَيْ سُكَٰوُاْ طَنْ بِجِمِ تَرٜىٰدَ هَدَايَ تَهَڟِ نَغَارِ مَيْ لَوْشِ وَنْدَ عَكَ ݣُوٻَ دَ مَيْ؞ ذَاسُ كُمَ كَٰوُاْ وَنِ طَنْ بِجِمِ دُواْمِنْ هَدَايَ تَوَنْكٜىٰ ذُنُوبِ؞

⁹ سَيْ كَكَٰوُاْ لَوِيَاوَا سُڟَيَ أَغَبَنْ تٜىٰنْتِنْ سَدُوَ، كَكُمَ تَتَّارَ دُكَنْ جَمَعَرْ إِسْرَٰٓءِيلَ؞

¹⁰ سَعَدَّ كَكَٰوُاْ لَوِيَاوَا أَغَبَنْ يَهْوٜىٰهْ، مُتَنٜىٰنْ إِسْرَٰٓءِيلَ ذَاسُسَا حَنُّوَنْسُ عَكَنْ كَوُنَنْ لَوِيَاوَنْ؞

¹¹ سَعَنً هَٰرُونَ ذَيْ مِيڧَ لَوِيَاوَا كَمَرْ هَدَايَ تَطَغَوَ غَ يَهْوٜىٰهْ وَدَّ إِسْرَٰٓءِيلَاوَا سُكَ بَايَرْ، دُواْمِنْ عَكٜىٰٻٜىٰسُ دَ ڟَرْكِے دُواْمِنْ حِدِمَرْ يَهْوٜىٰهْ؞

¹² ‏«‏لَوِيَاوَنْ ذَاسُسَا حَنُّوَنْسُ عَكَنْ كَوُنَنْ یَنْ بِجِمَيْ؞ سَعَنً سَيْ أَ مِيڧَ طَيَ هَدَايَ تَوَنْكٜىٰ ذُنُوبِ، طَيَنْ كُمَ هَدَايَ تَڧُواْنَاوَا غَ يَهْوٜىٰهْ، دُواْمِنْ يِنْ هَدَايَ تَطَوْكَرْ أَلْحَكِنْ ذُنُوبِنْ لَوِيَاوَا؞

¹³ ذَاكَسَا لَوِيَاوَا سُڟَيَ أَغَبَنْ هَٰرُونَ دَ یَیَنْسَ مَظَا، سَيْ كَمِيڧَسُ كَمَرْ هَدَايَ تَطَغَوَ غَ يَهْوٜىٰهْ؞

¹⁴ تَهَكَنٜىٰ، ذَاكَ كٜىٰٻٜىٰ لَوِيَاوَنْ دَغَ سَوْرَنْ جَمَعَرْ إِسْرَٰٓءِيلَ، دُواْمِنْ لَوِيَاوَا سُذَمَ نَوَ؞

¹⁵ بَايَنْدَ كَغَمَ ڟَبْتَثٜىٰوَرْ لَوِيَاوَنْ، كَكُمَ مِيڧَسُ كَمَرْ هَدَايَ تَطَغَوَ، ذَاسُ عِيَ شِغَ سُيِ حِدِمَ عَتٜىٰنْتِنْ سَدُوَ،

¹⁶ غَمَا أَنْبَانِسُ طُنْ‌غُمْ سُذَمَ نَوَ؞ نَطَوْكٜىٰسُ دَغَ سَوْرَنْ إِسْرَٰٓءِيلَاوَا سُذَمَ نَوَ أَمَيْمَكُوانْ دُكَنْ وَطَنْدَ سُكَ ڢَارَ بُوطٜىٰ مَحَيْڢَ، وَتُواْ طَنْ ڢَارِ نَكُواْوَثٜىٰ مَتَ عَ إِسْرَٰٓءِيلَ؞

¹⁷ غَمَا دُكَنْ یَیَنْ ڢَارِ عَثِكِنْ إِسْرَٰٓءِيلَاوَا نَوَنٜىٰ، كُواْ نَطَنْ أَدَمْ كُواْ نَدَبَّ؞ أَ رَانَرْدَ نَكَشٜىٰ یَیَنْ ڢَارِ نَڧَسَرْ مَصَرْ، نَكٜىٰٻٜىٰسُ وَكَيْنَ،

¹⁸ عَمَّا نَطَوْكِ لَوِيَاوَا أَمَيْمَكُوانْ یَیَنْ ڢَارِ نَ إِسْرَٰٓءِيلَاوَا؞

¹⁹ دَغَ ثِكِنْ إِسْرَٰٓءِيلَاوَا كُوَ نَبَا هَٰرُونَ دَ یَیَنْسَ ݣَوْتَنْ لَوِيَاوَا دُواْمِنْ سُيِ وَسَوْرَنْ یَیَنْ إِسْرَٰٓءِيلَاوَا حِدِمَ عَتٜىٰنْتِنْ سَدُوَ؞ ذَاسُ كُمَيِ هَدَايَ تَطَوْكَرْ أَلْحَكِنْ ذُنُوبِنْ إِسْرَٰٓءِيلَاوَا، دُواْمِنْ كَدَ بَلَعِ يَڢَاطُواْ عَكَنْ إِسْرَٰٓءِيلَاوَا عِدَنْ سُكَذُواْ كُسَدَ وُرِنْ ذَمَنَ مَيْ ڟَرْكِے؞»‏

²⁰ سَيْ مُوسَٰى دَ هَٰرُونَ دَ دُكَنْ جَمَعَرْ إِسْرَٰٓءِيلَ سُكَ كٜىٰٻٜىٰ لَوِيَاوَا بِسَغَ دُكَنْ يَدَّ يَهْوٜىٰهْ يَعُمَرْثِ مُوسَٰى؞ حَكَ كُوَ یَیَنْ إِسْرَٰٓءِيلَ سُكَيِ مُسُ؞

²¹ لَوِيَاوَا كُوَ سُكَ ڟَبْتَثٜىٰ كَنْسُ، سُنْ كُمَ وَنْكٜىٰ رِيغُنَنْسُ؞ سَعَنً هَٰرُونَ يَمِيڧَسُ كَمَرْ هَدَايَ تَطَغَوَ أَغَبَنْ يَهْوٜىٰهْ؞ يَكُمَيِ هَدَايَ تَطَوْكَرْ أَلْحَكِنْ ذُنُوبِ دُواْمِنْ أَڟَبْتَثٜىٰسُ؞

²² بَايَنْ حَكَ، لَوِيَاوَنْ سُكَ شِغَ تٜىٰنْتِنْ سَدُوَ دُواْمِنْ سُيِ عَيْكِ عَڧَرْڧَشِنْ هَٰرُونَ دَ یَیَنْسَ مَظَا، بِسَغَ يَدَّ يَهْوٜىٰهْ يَعُمَرْثِ مُوسَٰى غَمٜىٰدَ لَوِيَاوَا؞ حَكَ كُوَ سُكَيِ؞

شٜىٰكَرُنْ عَيْكِ نَ لَوِيَاوَا

²³ يَهْوٜىٰهْ يَيِ مَغَنَ دَ مُوسَٰى يَثٜىٰ،

²⁴ ‏«‏وَنَّنْ ڧَٰعِدَ تَشَاڢِ لَوِيَاوَا؞ لَوِيَاوَا مَاسُ شٜىٰكَرَا عَشِرِنْ دَ بِيَرْ ذُوَا سَمَ ذَاسُ ڢَارَيِنْ عَيْكِنْسُ تَحِدِمَ عَثِكِنْ تٜىٰنْتِنْ سَدُوَ؞

²⁵ بَايَنْدَ سُكَ كَيْ شٜىٰكَرَا حَمْسِنْ، ذَاسُبَرْ عَيْكِنْسُ دَ حِدِمَرْسُ عَتٜىٰنْتِنْ، سُهُوتَ؞

²⁶ ذَاسُ عِيَ تَيْمَكُوانْ یَنْعُوَنْسُ عَثِكِنْ حِدِمَرْ تٜىٰنْتِنْ سَدُوَ، عَمَّا بَذَاسُ طَوْكِ نَوْيِنْ عَيْكِنْبَ؞ حَكَ ذَاكُيِ غَمٜىٰدَ عَيْكِنْ دَ عَكَبَا لَوِيَاوَا؞»‏