ڧِدَايَ 6 - أَتَّوْرَتْ دَ أَنَّبَاوَاڧَٰعِدُواْدِنْ ذَمَنْ مُتُمِنْ دَ عَكَ كٜىٰٻٜىٰ 1 يَهْوٜىٰهْ يَيِ مَغَنَ دَ مُوسَٰى ثٜىٰوَ يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ 2 «دُكْ مَثٜىٰ كُواْ نَمِجِ وَنْدَ يَيِ ضَنْڟُوَا تَمُسَمَّنْ تَذَمَنْ كٜىٰٻَٻّٜىٰ، وَتُواْ نَظِرِتْ، دُواْمِنْ يَكٜىٰٻٜىٰ كَنْسَ غَ يَهْوٜىٰهْ، 3 سَيْ يَكٜىٰٻٜىٰ كَنْسَ دَغَ شَنْ ضُوً إِنَبِے دَ سَوْرَنْ أَبُبُوَنْ سَا بُغُوَ دَ أَبُبُوَ مَاسُ ڟَامِ دَغَ یَیَنْ إِنَبِے دَ كُواْوَنٜىٰ أَبِنْ شَا وَنْدَ عَكَ شِرْيَ دَ یَیَنْ إِنَبِے؞ كَدَ سُثِ یَیَنْ إِنَبِے، كُواْ طَنْيٜىٰ كُواْ بُوسَشّٜىٰ؞ 4 دُكَنْ ݣُونَكِنْ دَ ذَيْ كٜىٰٻٜىٰ كَنْسَ نَظِرِتْ، بَذَيْثِ وَنِ أَبِنْدَ عَكَ سَامُ دَغَ إِتَاثٜىٰنْ إِنَبِے بَ، كُواْ دَ ڨُويَرْ إِنَبِے، كُواْ دَ ٻَوُانْسَ نٜىٰ؞ 5 «دُكَنْ ݣُونَكِنْدَ يَطَوْكِ ضَنْڟُوَا ذَيْ كٜىٰٻٜىٰ كَنْسَ، بَذَاعَ أَسْكٜىٰ كَنْسَ بَ، ذَيْ بَرْ غَاشِنْ كَنْ يَيِ تَغِرْمَ، سَيْ ݣُونَكِنْ كٜىٰٻٜىٰوَرْسَ سُنْثِكَ، غَمَا يَا كٜىٰٻٜىٰ كَنْسَ دَ ڟَرْكِے غَ يَهْوٜىٰهْ؞ 6 دُكَنْ ݣُونَكِنْدَ يَطَوْكِ ضَنْڟُوَا ذَيْ كٜىٰٻٜىٰ كَنْسَ غَ يَهْوٜىٰهْ، بَذَيْ يِكُسَدَ غَاوَا بَ؞ 7 بَذَيْ ڧَظَنْتَرْدَ كَنْسَ بَ، كُواْ دَ بَابَنْسَ كُواْ مَامَرْسَ، كُواْ طَنْعُوَنْسَ كُواْ یَرْعُوَرْسَ سُنْ مُتُ، غَمَا غَاشِنْ كَنْسَ عَلَمَ ثٜىٰ تَرَنْڟُوَرْ كٜىٰٻٜىٰوَرْسَ غَ يَهْوٜىٰهْ؞ 8 دُكَنْ ݣُونَكِنْ طَوْكَرْ ضَنْڟُوَا ثٜىٰوَ ذَيْ كٜىٰٻٜىٰ كَنْسَ غَ يَهْوٜىٰهْ، ذَيْ كَسَنْثٜىٰ دَ ڟَرْكِے غَ يَهْوٜىٰهْ؞ 9 «عِدَنْ بَا لَابَرِ وَنِ يَمُتُ كُسَدَشِ، غَاشِنْ كَنْسَ وَنْدَ يَكٜىٰٻٜىٰ يَڧَظَنْتُ كٜىٰنَنْ، تُواْ سَيْ يَ أَسْكٜىٰ غَاشِنْ أَ رَانَ تَبَݣَويْ، وَتُواْ رَانَرْ ڟَبْتَثٜىٰوَرْسَ؞ 10 سَعَنً، أَ رَانَ تَتَݣُوسْ، سَيْ يَكَٰوُاْ كُرْثِيُواْيِ بِيُ كُواْ یَنْ تَتَّبَرُ بِيُ وُرِنْ ڢِرِسْتِ عَبَاكِنْ ڧُواْڢَرْ شِغَ تٜىٰنْتِنْ سَدُوَ؞ 11 سَيْ ڢِرِسْتِ يَمِيڧَ ڟُنْڟُ طَيَ هَدَايَ تَوَنْكٜىٰ ذُنُوبِ، طَيَنْ كُمَ هَدَايَ تَڧُواْنَاوَا؞ تَهَكَ ذَاعَيِ هَدَايَ تَطَوْكَرْ أَلْحَكِنْ ذُنُوبِ دُواْمِنْ مُتُمِنْ، غَمَا يَا ڧَظَنْتُ تَوُرِنْ غَاوَا عَثِكِنْ لُواْكَثِنْ كٜىٰٻٜىٰوَرْسَ؞ أَ رَانَرْ نَنْ ذَيْسَاكٜىٰ كٜىٰٻٜىٰ غَاشِنْ كَنْسَ دَ ڟَرْكِے؞ 12 مُتُمِنْ ذَيْسَاكٜىٰ كٜىٰٻٜىٰ كَنْسَ غَ يَهْوٜىٰهْ دُواْمِنْ يَثِكَ ݣُونَكِنْ ضَنْڟُوَارْ كٜىٰٻٜىٰوَرْسَ؞ ذَيْ كُمَ كَٰوُاْ طَنْ ضَغُواْ مَيْ شٜىٰكَرَا طَيَ دُواْمِنْ هَدَايَ تَشَاڢٜىٰ لَيْڢِے؞ بَذَاعَ ڧِرْغَ لُواْكَثِنْ دَ يَيِ كَاڢِنْ يَڧَظَنْتُ دَ غَاوَا بَ، غَمَا كَيْ نَاسَ وَنْدَ عَكَ كٜىٰٻٜىٰ يَڧَظَنْتُ عَثِكِنْ لُواْكَثِنْ؞ 13 «غَا ڧَٰعِدَ دُواْمِنْ مُتُمِنْ دَ عَكَ كٜىٰٻٜىٰ نَظِرِتْ غَ يَهْوٜىٰهْ أَ لُواْكَثِنْ دَ ݣُونَكِنْ ضَنْڟُوَارْ كٜىٰٻٜىٰوَرْسَ سُكَ ثِكَ؞ ذَاعَكَٰوُاْ شِ عَبَاكِنْ ڧُواْڢَرْ تٜىٰنْتِنْ سَدُوَ، 14 يَمِيڧَوَ يَهْوٜىٰهْ هَدَايَرْسَ، وَتُواْ طَنْ ضَغُواْ طَيَ مَيْ شٜىٰكَرَا طَيَ مَرَرْ تَبُواْ دُواْمِنْ هَدَايَ تَڧُواْنَاوَا دَ یَرْ تُنْكِيَ طَيَ مَيْ شٜىٰكَرَا طَيَ مَرَرْ تَبُواْ دُواْمِنْ هَدَايَ تَوَنْكٜىٰ ذُنُوبِ دَ ضَغُواْ طَيَ مَرَرْ تَبُواْ دُواْمِنْ هَدَايَ تَڠَرَنْ زُمُنْثِ، 15 دَ ݣُونْدُوانْ غُرَاسَرْ مَرَرْ يِسْتِ دَ وَيْنَ نَغَارِ مَيْ لَوْشِ وَنْدَ عَكَ ݣُوٻَ دَ مَيْ دَ بِسْكِتْ مَرَرْ يِسْتِ وَطَنْدَ عَكَ شَاڢَ مُسُ مَيْ، تَرٜىٰدَ نَاسُ هَدَايَ تَهَڟِ دَ هَدَايَ تَأَبِنْ شَا؞ 16 «ڢِرِسْتِ ذَيْ كَٰوُاْ وَطَنَّنْ أَبُبُوَ أَغَبَنْ يَهْوٜىٰهْ، يَمِيڧَسُ هَدَايَ تَوَنْكٜىٰ ذُنُوبِ دَ هَدَايَ تَڧُواْنَاوَا دُواْمِنْ مُتُمِنْ؞ 17 ذَيْ كُمَ مِيڧَ ضَغُوانْ هَدَايَ تَڠَرَنْ زُمُنْثِ غَ يَهْوٜىٰهْ، تَرٜىٰدَ ݣُونْدُوانْ غُرَاسَرْ مَرَرْ يِسْتِ؞ ڢِرِسْتِ ذَيْ كُمَ مِيڧَ هَدَايَ تَهَڟِ دَ هَدَايَ تَأَبِنْ شَا يَدَّ يَدَاثٜىٰ؞ 18 سَعَنً مُتُمِنْدَ يَطَوْكِ ضَنْڟُوَارْ كٜىٰٻٜىٰ كَنْسَ نَظِرِتْ، ذَيْ أَسْكٜىٰ غَاشِنْ كَنْسَ عَبَاكِنْ ڧُواْڢَرْ شِغَ تٜىٰنْتِنْ سَدُوَ، يَطَوْكِ غَاشِنْ يَسَا ثِكِنْ وُتَا عَڧَرْڧَشِنْ هَدَايَ تَڠَرَنْ زُمُنْثِ؞ 19 «بَايَنْدَ مُتُمِنْ يَ أَسْكٜىٰ غَاشِنْ كَنْسَ، ڢِرِسْتِ ذَيْ طَوْكِ كَڢَطَرْ ضَغُوانْ دَ عَكَ دَڢَ دَ وَيْنَ مَرَرْ يِسْتِ غُدَا طَيَ دَ بِسْكِتْ مَرَرْ يِسْتِ غُدَا طَيَ دَغَ ݣُونْدُوانْ، يَسَا أَ حَنُّوَنْ مُتُمِنْدَ يَكٜىٰٻٜىٰ كَنْسَ، وَتُواْ نَظِرِتْ؞ 20 سَعَنً ڢِرِسْتِ ذَيْ مِيڧَسُ هَدَايَ تَطَغَوَ أَغَبَنْ يَهْوٜىٰهْ، غَمَا أَنْكٜىٰٻٜىٰ وَنَّنْ رَبُواْ دَ ڟَرْكِے دُواْمِنْ ڢِرِسْتِ، تَرٜىٰدَ ڧِرْجِ دَ ثِنْيَ نَضَغُوانْ هَدَايَ تَطَغَوَ؞ بَايَنْ وَنَّنْ مُتُمِنْ دَ يَيِ ضَنْڟُوَارْ كٜىٰٻٜىٰ كَنْسَ، وَتُواْ نَظِرِتْ، غَ يَهْوٜىٰهْ يَنَ عِيَ شَنْ ضُوً إِنَبِے؞ 21 «وَنَّنْ عِتَثٜىٰ ڧَٰعِدَ دُواْمِنْ مُتُمِنْدَ يَطَوْكِ ضَنْڟُوَارْ كٜىٰٻٜىٰ كَنْسَ نَظِرِتْ غَ يَهْوٜىٰهْ؞ عِدَنْ يَنَ سُواْ يَبَادَ وَنِ أَبُ ڢِيٜىٰدَ أَبِنْدَ يَكَمَاتَ يَيِ بِسَغَ ڧَٰعِدَ، سَيْ يَبَايَرْ يَدَّ ڧَرْڢِنْسَ يَكَيْ، عَمَّا دُواْلٜىٰنٜىٰ يَثِكَ دَلَّ دَلَّ ضَنْڟُوَا تَمُسَمَّنْ دَ يَطَوْكَ؞» يَدَّ ڢِرِسْتِ ذَيْسَا وَجَمَعَ أَلْبَرْكَ 22 يَهْوٜىٰهْ يَيِ مَغَنَ دَ مُوسَٰى ثٜىٰوَ 23 يَڢَطَا وَ هَٰرُونَ دَ یَیَنْسَ يَدَّ ذَاسُسَا وَجَمَعَرْ إِسْرَٰٓءِيلَ أَلْبَرْكَ؞ ذَاسُ ثٜىٰمُسُ، 24 «بَرِ يَهْوٜىٰهْ يَ أَلْبَرْكَثٜىٰكُ يَكُمَ كِيَايٜىٰكُ؞ 25 بَرِ يَهْوٜىٰهْ يَسَا ڢُسْكَرْسَ تَحَصْكَكَ عَكَنْكُ، يَكُمَ يِمُكُ أَلْحٜىٰرِ؞ 26 بَرِ يَهْوٜىٰهْ يَدُوبٜىٰكُ دَ عِدُوانْ تَوْسَيِ، يَكُمَ بَاكُ سَلَمَ؞ 27 «تَهَكَ هَٰرُونَ دَ یَیَنْسَ ذَاسُ كَڢَ سُونَنَ عَكَنْ جَمَعَرْ إِسْرَٰٓءِيلَ، كُمَ نِے كَيْنَ ذَنْ أَلْبَرْكَثٜىٰسُ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria