ڧِدَايَ 5 - أَتَّوْرَتْ دَ أَنَّبَاوَا

ڟَبْتَثٜىٰوَرْ جَمَعَرْ إِسْرَٰٓءِيلَ

¹ يَهْوٜىٰهْ يَيِ مَغَنَ دَ مُوسَٰى ثٜىٰوَ

² ‏«‏كَاعُمَرْثِ یَیَنْ إِسْرَٰٓءِيلَ سُڢِتَرْدَ إِرِنْ وَطَنَّنْ مَظَا دَ مَاتَادَغَ ثِكِنْ ذَنْ‌غُواْ، وَتُواْ، كُواْوَنٜىٰ مَيْ ثُوتَرْ ڢَتَرْ جِكِے، كُواْ مَيْ طِغَ، كُواْ وَنْدَ يَڧَظَنْتُ تَوُرِنْ تَٻَ غَاوَا؞

³ ذَاكُ ڢِتَرْدَ مَظَا دَ مَاتَا ذُوَا وَجٜىٰ نَظَنْ‌غُوانْ، دُواْمِنْ كَدَ سُڧَظَنْتَرْدَ ذَنْ‌غُوانْسُ عِنْدَ نَكٜىٰ ذَمَ عَثِكِنْسُ؞»‏

⁴ سَيْ إِسْرَٰٓءِيلَاوَا سُكَ ڢِتَرْدَ مَاسُ ڧَظَنْتَادَغَ ذَنْ‌غُوانْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

ڢُرْتَ لَيْڢِ دَ مَيَرْوَرْ أَبِنْ ٻَرْنَ

⁵ يَهْوٜىٰهْ يَيِ مَغَنَ دَ مُوسَٰى ثٜىٰوَ

⁶ يَڢَطَا وَیَیَنْ إِسْرَٰٓءِيلَ وَطَنَّنْ ڧَٰعِدُواْدِ ‏«‏عِدَنْ وَنِ، كُواْ نَمِجِ كُواْ مَثٜىٰ، يَيِ وَوَنِ لَيْڢِے، يَيِ وَ يَهْوٜىٰهْ رَشِنْ أَمِنْثِ كٜىٰنَنْ؞ مُتُمِنَّنْ يَجَٰوُاْ وَكَنْسَ لَيْڢِے؞

⁷ مُتُمِنْ ذَيْ ڢُرْتَ ذُنُوبِنْدَ يَعَيْكَتَ؞ ذَيْ كُمَ مَيَرْدَ ثِكَكّٜىٰنْ أَبِنْدَ يَيِ ٻَرْنَ، تَرٜىٰدَ ڧَارِنْ كَشِ طَيَ ثِكِنْ بِيَرْ نَأَبِنْ، يَبَا وَنْدَ عَكَيِ مَسَ لَيْڢِے؞

⁸ عَمَّا عِدَنْ مُتُمِنْ دَ عَكَيِ مَسَ لَيْڢِے يَمُتُ، كُمَ بَاشِ دَ دَنْ‌غِ نَكُسَ وَنْدَ ذَاعَ مَيَرْ مَسَ أَبِنْدَ عَكَيِ ٻَرْنَ، تُواْ أَبِنْ يَذَمَ نَ يَهْوٜىٰهْ؞ ذَاعَبَا ڢِرِسْتِ، حَطٜىٰ دَ ضَغُوانْ ڢَنْسَ وَنْدَ ذَاعَيِ ڧَٰعِدَرْ طَوْكَرْ أَلْحَكِنْ ذُنُوبِ دَشِ؞

⁹ دُكَنْ بَيٜىٰ بَيٜىٰ مَاسُ ڟَرْكِے وَطَنْدَ یَیَنْ إِسْرَٰٓءِيلَ سُكَ كَٰوُاْوَ ڢِرِسْتِ، ذَاسُ ذَمَ نَڢِرِسْتِ؞

¹⁰ دُكَنْ بَيٜىٰ بَيٜىٰ مَاسُ ڟَرْكِے وَطَنْدَ وَنِ يَبَايَرْ، ذَاسُ ذَمَ نَڢِرِسْتِ؞»‏

كِيَايٜىٰوَرْ أَمِنْثِ ثِكِنْ عَوْرٜىٰ

¹¹ يَهْوٜىٰهْ يَيِ مَغَنَ دَ مُوسَٰى ثٜىٰوَ يَڢَطَا وَیَیَنْ إِسْرَٰٓءِيلَ وَطَنَّنْ ڧَٰعِدُواْدِ،

¹² ‏«‏مَيْ يِوُوَ مَاتَرْ مُتُمْ تَكَوْثٜىٰ تَيِ رَشِنْ أَمِنْثِ غَرٜىٰشِ؞

¹³ مَيْ يِوُوَ وَنِ يَاݣُونَ دَ عِتَ، مَيْغِدَنْ كُوَ بَيْ سَنِبَ، كُمَ بَعَسَنْ ثٜىٰوَ تَڧَظَنْتَرْ دَكَنْتَبَ، كُمَ بَابُ وَنْدَ يَ عِيَ بَادَ شَيْدَ عَكَنْتَ، تُنْدَيَكٜىٰ بَعَكَامَتَ تَنَيِنْ وَنَّنْ لَيْڢِے بَ، سَيْ يَكَٰوُاْتَ أَغَبَنْ ڢِرِسْتِ؞

¹⁴ مَيْ يِوُوَ كُمَ مُتُمْ يَيِ تُنَانِ ثٜىٰوَ مَاتَرْسَ بَاتَدَ ثِكَكِّيَرْ ڧَوْنَرْسَ، حَرْ يَجِ كِيشِنْ مَاتَرْسَ وَدَّ تَڧَظَنْتَرْ دَكَنْتَ، تُواْ، سَيْ مِجِنْ يَكَٰوُاْ مَاتَرْسَ أَغَبَنْ ڢِرِسْتِ؞ كُواْ مَيْيِوُوَ مُتُمْ يَيِ تُنَانِ ثٜىٰوَ مَاتَرْسَ دَ ثِكَكِّيَرْ ڧَوْنَرْسَ، كُواْدَيَكٜىٰ مَاتَرْ بَتَ ڧَظَنْتَرْ دَكَنْتَبَ،

¹⁵ سَيْ مِجِنْ يَكَٰوُاْ مَاتَرْسَ أَغَبَنْ ڢِرِسْتِ؞ مِجِنْ ذَيْ كَٰوُاْ هَدَايَرْدَ عَكٜىٰ بُڧَاتَ دُواْمِنْتَ، وَتُواْ وَجٜىٰنْ كِلُواْ طَيَ نَغَارِنْ حَڟِنْ بَلٜىٰ؞ بَذَيْ ظُبَ وَ غَارِنْ مَيْبَ، كُواْ يَسَا تُرَارٜىٰ عَكَنْسَ بَ، غَمَا هَدَايَ تَهَڟِ ثٜىٰ سَبُواْدَ كِيشِ، هَدَايَ تَتُنَاوَ دُواْمِنْ تَجَٰوُاْ حَنْكَلِنْ مُتُمْ دُواْمِنْ غَسْكِيَرْ لَيْڢِے تَڢِتُواْ؞

¹⁶ ‏«‏سَيْ ڢِرِسْتِ يَكَٰوُاْ مَاتَرْ كُسَ أَغَبَنْ يَهْوٜىٰهْ؞

¹⁷ ڢِرِسْتِ ذَيْ ظُبَ ضُوً دَ عَكَ كٜىٰٻٜىٰ دَ ڟَرْكِے عَثِكِنْ تُكُنْيَرْ لَاكَ، ذَيْ طِبَ ڧُورَرْ ڧَسَا نَتٜىٰنْتِنْ، يَظُبَ ڧُورَرْ عَثِكِنْ ضُوً؞

¹⁸ ڢِرِسْتِ ذَيْ كَٰوُاْ مَاتَرْ تَڟَيَ أَغَبَنْ يَهْوٜىٰهْ؞ سَعَنً ذَيْ كُنْثٜىٰ غَاشِنْ كَنْتَ، يَكُمَسَا هَدَايَ تَتُنَاوَ، وَتُواْ هَدَايَ تَهَڟِ ثٜىٰ سَبُواْدَ كِيشِ، أَ حَنُّوَنْتَ؞ عَثِكِنْ حَنُّوَنْسَ، ڢِرِسْتِ ذَيْ رِڧٜىٰ تُكُنْيَرْ ضُوَ مَيْ طَاثِ وَنْدَ يَكٜىٰ كَٰوُاْ لَعَنَ؞

¹⁹ سَعَنً ڢِرِسْتِ ذَيْسَا مَاتَرْ تَيِ ضَنْڟُوَا، يَثٜىٰ مَتَ، ‏‹‏عِدَنْ بَا مُتُمِنْدَ يَݣُونَ دَكٜىٰ، بَكِكُمَ ڧَظَنْتَرْدَ كَنْكِ تَوُرِنْ رَشِنْ أَمِنْثِ غَ مَيْغِدَنْكِ بَ، تُواْ، بَرِ كِكُٻُتَ دَغَ ضُوًنَنْ مَيْ طَاثِ وَنْدَ يَكٜىٰ كَٰوُاْ لَعَنَ؞

²⁰ عَمَّا عِدَنْ كِنْ ڧَظَنْتَرْدَ كَنْكِ تَوُرِنْ رَشِنْ أَمِنْثِ غَ مَيْغِدَنْكِ، كُواْ كِنْ ݣُونَ دَ وَنِ مُتُمِنْ دَ بَمِجِنْكِ بَنٜىٰ،

²¹ تُواْ، بَرِ يَهْوٜىٰهْ يَسَا مُتَنٜىٰنْكِ سُلَعَنْتَكِ سُكُمَ ڧِيكِ، سَعَدَّ يَسَا مَحَيْڢَرْكِ تَشَنْيٜىٰ، ثِكِنْكِ كُمَ يَكُمْبُرَ؞

²² بَرِ ضُوًنَنْ مَيْ كَٰوُاْ لَعَنَ يَشِغَ ثِكِنْكِ، يَسَا ثِكِنْكِ يَكُمْبُرَ، مَحَيْڢَرْكِ كُمَ تَشَنْيٜىٰ؞›‏ ‏«‏سَيْ مَاتَرْ تَأَمْسَ تَثٜىٰ، ‏‹‏أَمِينْ، أَمِينْ، اللَّهْ يَسَا يَذَمَ حَكَ؞›‏

²³ ‏«‏سَعَنً ڢِرِسْتِ ذَيْ رُبُوتَ وَطَنَّنْ لَعَنَ عَكَنْ ڢَتَ، سَيْ يَوَنْكٜىٰ رُبُوتُنْ دَ ضُوًنَنْ مَيْ طَاثِ؞

²⁴ ذَيْسَا مَاتَرْ تَشَا ضُوَ مَيْ طَاثِنَّنْ وَنْدَ يَكٜىٰ كَٰوُاْ لَعَنَ، دُواْمِنْ ضُوً يَشِغَ ثِكِنْتَ يَكَٰوُاْ وَهَلَ مَيْ طَاثِ عِدَنْ تَنَدَ لَيْڢِے؞

²⁵ سَعَنً ڢِرِسْتِ ذَيْ كَرْٻِ هَدَايَ تَهَڟِنْ سَبُواْدَ كِيشِ دَغَ حَنُّنْ مَاتَرْ، ذَيْ طَغَ هَدَايَرْ أَوُرِنْ بَغَدٜىٰ أَغَبَنْ يَهْوٜىٰهْ؞

²⁶ ڢِرِسْتِ ذَيْسَا حَنُّنْسَ يَطِبَ غَارِنْ حَڟِ، يَڧُواْنٜىٰشِ عَكَنْ بَغَدٜىٰنْ دُواْمِنْ رَبُواْ نَتُنَاوَا؞ بَايَنْ حَكَ ذَيْسَا مَاتَرْ تَشَا ضُوً؞

²⁷ عِدَنْ دَ غَسْكِيَ نٜىٰ مَاتَرْ نَنْ تَا ڧَظَنْتَرْدَ كَنْتَ تَوُرِنْ رَشِنْ أَمِنْثِ غَ مِجِنْتَ، ضُوًنَنْ مَيْ كَٰوُاْ لَعَنَ ذَيْ شِغَ ثِكِنْتَ يَسَا وَمَاتَرْ وَهَلَ مَيْ طَاثِ؞ مَحَيْڢَرْتَ ذَاتَ شَنْيٜىٰ، ثِكِنْتَ كُمَ ذَيْ كُمْبُرَ؞ مَاتَرْ ذَاتَ ذَمَ أَبِنْ لَعَنَ عَثِكِنْ مُتَنٜىٰنْتَ؞

²⁸ عَمَّا عِدَنْ مَاتَرْ بَتَ ڧَظَنْتَرْ دَكَنْتَبَ، بَتَݣُونَ دَ وَنِ مُتُمْبَ، ذَاتَ كُٻُتَ، كُمَ ذَاتَ عِيَ تَحَيْڢِ یَیَ؞

²⁹ ‏«‏وَنَّنْ عِتَثٜىٰ ڧَٰعِدَ غَمٜىٰدَ كِيشِ، سَعَدَّ مَثٜىٰ تَڧَظَنْتَرْ دَكَنْتَ تَوُرِنْ رَشِنْ أَمِنْثِ غَ مِجِنْتَ،

³⁰ كُواْ عِدَنْ مُتُمِنْ يَنَ تُنَانِ ثٜىٰوَ مَاتَرْسَ بَاتَ دَ ثِكَكِّيَرْ ڧَوْنَرْسَ حَرْ يَجِ كِيشِنْ مَاتَرْسَ؞ تُواْ، سَيْ يَسَا مَاتَرْ تَڟَيَ أَغَبَنْ يَهْوٜىٰهْ، سَعَنً ڢِرِسْتِ ذَيْ عَيْكَتَ وَنَّنْ ڧَٰعِدَ دُكَ عَكَنْتَ؞

³¹ مِجِنْ ذَيْ كُٻُتَ دَغَ لَيْڢِنْ، عَمَّا مَاتَرْ، عِدَنْ تَنَدَ لَيْڢِے، أَلْحَكِنْ لَيْڢِنْتَ يَنَ عَكَنْتَ؞»‏