ڧِدَايَ 4 - أَتَّوْرَتْ دَ أَنَّبَاوَاعَيْكِنْ دَنْ‌غِنْ كُواْهَتْ 1 سَيْ يَهْوٜىٰهْ يَيِ مَغَنَ دَ مُوسَٰى دَ هَٰرُونَ ثٜىٰوَ 2 «كُڧِرْغَ یَیَنْ كُواْهَتْ دَبَمْ دَ سَوْرَنْ لَوِيَاوَا، بِسَغَ عِيَلَنْسُ دَ غِدَاجٜىٰنْ كَاكَنِّنْسُ؞ 3 كُڧِرْغَ وَطَنْدَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞ 4 عَيْكِنْ یَیَنْ كُواْهَتْ عَتٜىٰنْتِنْ سَدُوَ يَشَاڢِ أَبُبُوَنْ دَ عَكَڢِے كٜىٰٻٜىٰ دَ ڟَرْكِے؞ 5 «سَعَدَّ كُكٜىٰ شِرِنْ تَاشِ دَغَ ذَنْ‌غُواْ، هَٰرُونَ دَ یَیَنْسَ ذَاسُ شِغَ تٜىٰنْتِنْ، سُكُنْثٜىٰ لَبُلٜىٰنْ وُرِے مَڢِے ڟَرْكِے سُرُڢٜىٰ عَݣُوتِنْ شَيْدَرْ يَرْجٜىٰجٜىٰنِيَ دَشِ؞ 6 سَعَنً سَيْ سُرُڢٜىٰشِ دَ ڢَتُ مَاسُ ݣَوْ، سُكُمَ شِمْڢِطَا ذَانِ مَيْ كَلَرْ ضُوً بُلَ؞ ذَاسُسَا وَ عَݣُوتِنْ سَنْدُنَنْ دَ عَكٜىٰ طَوْكَرْسَ دَسُو؞ 7 «عَكَنْ تٜىٰبُرْ نَغُرَاسَرْ دَ عَكَ كٜىٰٻٜىٰ، ذَاسُ شِمْڢِطَا ذَانِ مَيْ كَلَرْ ضُوً بُلَ؞ عَكَنْسَ ذَاسُسَا ڢَرَنْتَيْ دَ تَاسُواْشِنْ رِڧٜىٰ تُرَارٜىٰ دَ ݣُونُواْنِ دَ بُتُواْثِ دُواْمِنْ هَدَايَ تَأَبِنْ شَا؞ غُرَاسَرْ دَ عَكَ كٜىٰٻٜىٰ كُمَ ذَاعَ سَا عَكَيْ؞ 8 ذَاسُ رُڢٜىٰ دُكَنْ كَايَنَّنْ دَ جَنْ ذَانِ، سُكُمَ رُڢٜىٰسُ دَ ڢَتُ مَاسُ ݣَوْ؞ ذَاسُ سَا وَتٜىٰبُرِنْ سَنْدُنَنْ دَ عَكٜىٰ طَوْكَرْسَ دَسُو؞ 9 «ذَاسُ طَوْكِ ذَانِ مَيْ كَلَرْ ضُوً بُلَ، سُرُڢٜىٰ سَنْدَا مَيْ رِڧٜىٰ ڢِتِلُ دَ ڢِتِلُنْسَ دَ أَبُبُوَنْ كَشٜىٰ وُتَادَ مَنْيَنْ ڢَرَنْتَنْسَ دَ دُكَنْ تُلُنَ نَمَنْ ظَيْتُنْ وَطَنْدَ عَكَنْ ظُبَ مُسُ مَيْ؞ 10 ذَاسُ نَطَ سَنْدَا مَيْ رِڧٜىٰ ڢِتِلُ تَرٜىٰدَ دُكَنْ كَايَنْ عَيْكِنْسَ دَ ڢَتُ مَاسُ ݣَوْ، سُكُمَ سَاسُ عَكَنْ ڢِرَمْ نَطَوْكَرْسَ؞ 11 «ذَاسُ رُڢٜىٰ بَغَدٜىٰنْ ظِينَارِيَ دَ ذَانِ مَيْ كَلَرْ ضُوً بُلَ، سُكُمَ رُڢٜىٰشِ دَ ڢَتُ مَاسُ ݣَوْ؞ ذَاسُسَا وَبَغَدٜىٰنْ سَنْدُنَنْ دَ عَكٜىٰ طَوْكَرْسَ دَسُو؞ 12 ذَاسُ طَوْكِ دُكَنْ كَايَنْ عَيْكِنْ دَ عَكٜىٰيِنْ أَمْڢَانِ دَسُو أَ وُرِے مَيْ ڟَرْكِے، سُنَطٜىٰسُ دَ ذَانِ مَيْ كَلَرْ ضُوً بُلَ، سُرُڢٜىٰسُ دَ ڢَتُ مَاسُ ݣَوْ، سُكُمَ سَاسُ عَكَنْ ڢِرَمْ نَطَوْكَرْسُ؞ 13 ذَاسُ ݣُوشِ تُواْكَ دَغَ بَغَدٜىٰنْ، سَعَنً سُرُڢٜىٰ بَغَدٜىٰنْ دَ ذَانِ مَيْ كَلَرْ جَرْ غَرُورَا؞ 14 عَكَنْسَ ذَاسُسَا دُكَنْ كَايَنْ عَيْكِنْ دَ عَكٜىٰيِنْ أَمْڢَانِ دَسُو عَبَغَدٜىٰنْ، وَتُواْ ݣُونُواْنِ نَݣُوشِ غَرْوَشِنْ وُتَادَ ثُواْكُلَ مَاسُ يَڟُ دَ شٜىٰبُرْ دَ مَنْيَنْ ݣُونُواْنِ، وَتُواْ دُكَنْ كَايَنْ عَيْكِنْ بَغَدٜىٰنْ، سُكُمَ رُڢٜىٰشِ دَ ڢَتُ مَاسُ ݣَوْ؞ ذَاسُسَا وَبَغَدٜىٰنْ سَنْدُنَنْ طَوْكَرْسَ؞ 15 سَعَدَّ كُكٜىٰ شِرِنْ تَاشِ دَغَ ذَنْ‌غُواْ، سَعَدَّ هَٰرُونَ دَ یَیَنْسَ سُكَ غَمَ رُڢٜىٰ وُرِے مَيْ ڟَرْكِے دَ دُكَنْ كَايَنْسَ، سَيْ یَیَنْ كُواْهَتْ سُذُواْ سُطَوْكٜىٰسُ؞ عَمَّا كَدَ سُتَٻَ أَبُ مَيْ ڟَرْكِے دُواْمِنْ كَدَ سُمُتُ؞ وَطَنَّنْ سُونٜىٰ كَايَنْ تٜىٰنْتِنْ سَدُوَ وَطَنْدَ یَیَ مَظَا نَ كُواْهَتْ ذَاسُدِنْ‌غَ طَوْكُواْوَ؞ 16 «عٜىٰلٜىٰيَظَرْ طَنْ هَٰرُونَ ڢِرِسْتِنٜىٰ ذَيْ لُورَ دَ مَنْ ڢِتِلُ دَ تُرَارٜىٰ مَيْ ڧَنْشِ دَ هَدَايَ تَهَڟِ تَكُواْوَثٜىٰ رَانَ دَ مَنْ كٜىٰٻٜىٰوَ؞ شِينٜىٰ ذَيْ دِنْ‌غَ لُورَ دَ تٜىٰنْتِنْ غَبَاطَيَ دَ دُكَنْ أَبِنْدَ يَكٜىٰ عَثِكِنْسَ دَ دُكَنْ كَايَنْ عَيْكِنْسَ وَطَنْدَ عَكَ كٜىٰٻٜىٰ دَ ڟَرْكِے غَ يَهْوٜىٰهْ؞» 17 يَهْوٜىٰهْ يَيِ مَغَنَ دَ مُوسَٰى دَ هَٰرُونَ ثٜىٰوَ 18 «كَدَ كُبَرْ دَنْ‌غِنْ كُواْهَتْ سُهَلَّكَ دَغَ ثِكِنْ ذُرِيَرْ لَوِ؞ 19 غَا يَدَّ ذَاكَيِ مُسُ دُواْمِنْ كَدَ سُمُتُ سَعَدَّ سُكَذُواْ كُسَدَ كَايَنْ دَ عَكَ كٜىٰٻٜىٰ دَ ڟَرْكِے؞ هَٰرُونَ دَ یَیَنْسَ ذَاسُ شِغَ تٜىٰنْتِنْ تَرٜىٰدَسُو، سُبَا كُواْوَ إِرِنْ عَيْكِنْ دَ ذَيْ يِدَ كَايَنْ دَ ذَيْ طَوْكَ؞ 20 عَمَّا عِدَنْ یَیَنْ دَنْ‌غِنْ كُواْهَتْ سُنْ شِغَ تٜىٰنْتِنْ كَسَنْثٜىٰوَ سُكَغَ أَبُبُوَنْ دَ عَكَ كٜىٰٻٜىٰ دَ ڟَرْكِے، كُواْ دَمَا دَ ڨِڢْتَوَرْ عِدُواْ نٜىٰ، كَاڢِنْ عَبُوطٜىٰسُ، ذَاسُمُتُ؞» عَيْكِنْ دَنْ‌غِنْ غٜىٰرْشُوانْ 21 سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ 22 «ڧِرْغَ یَیَ مَظَا نَ غٜىٰرْشُوانْ، بِسَغَ غِدَاجٜىٰنْ كَاكَنِّنْسُ دَ عِيَلَنْسُ؞ 23 ذَاكَ لِسَّڢْتَا وَطَنْدَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞ 24 وَنَّنْ نٜىٰ عَيْكِنْ دَنْ‌غِنْ غٜىٰرْشُوانْ وَجٜىٰنْ حِدِمَ دَ طَوْكَرْ كَايَ؞ 25 سُونٜىٰ ذَاسُ طَوْكِ لَبُلٜىٰنْ تٜىٰنْتِنْ كَسَنْثٜىٰوَرْ يَهْوٜىٰهْ دَ بَبَّنْ تٜىٰنْتِنْ دَ أَبِنْ رُڢٜىٰوَرْسَ دَ أَبِنْ رُڢٜىٰوَرْسَ نَڢَتُ مَاسُ ݣَوْ دَ لَبُلٜىٰ نَڧُواْڢَرْ شِغَ تٜىٰنْتِنْ سَدُوَ، 26 دَ لَبُلٜىٰنْ ڢِيلِنْ بَبَّنْ تٜىٰنْتِ دَ لَبُلٜىٰنْ ڧُواْڢَرْ شِغَ ڢِيلِنْ دَيَكٜىٰ كٜىٰوَيٜىٰ دَ تٜىٰنْتِنْ دَ بَغَدٜىٰنْ، تَرٜىٰدَ إِغِيُواْيِنْسُ دَ دُكَنْ كَايَنْ عَيْكِنْسُ؞ یَیَنْ غٜىٰرْشُوانْ ذَاسُيِ دُكَنْ أَبِنْدَ يَكَمَاتَ عَيِدَسُو؞ 27 دُكَنْ حِدِمَرْ یَیَنْ غٜىٰرْشُوانْ ذَاتَ كَسَنْثٜىٰ عَڧَرْڧَشِنْ هَٰرُونَ دَ یَیَنْسَ مَظَا، وَتُواْ دُكَنْ أَبِنْدَ ذَاسُ طَوْكَ دَ دُكَنْ عَيْكِنْ دَ ذَاسُيِ؞ سَيْ كُبَا كُواْوَ عَيْكِنْ دَ ذَيْ يِ؞ 28 وَنَّنْ شِينٜىٰ عَيْكِنْ دَنْ‌غِنْ غٜىٰرْشُوانْ وَنْدَ يَشَاڢِ حِدِمَ عَتٜىٰنْتِنْ سَدُوَ؞ عِتَمَرْ طَنْ هَٰرُونَ ڢِرِسْتِنٜىٰ يَذَمَ مَيْ لُورَ دَ عَيْكِنْسُ؞» عَيْكِنْ دَنْ‌غِنْ مٜىٰرَرِ 29 يَهْوٜىٰهْ يَيِ مَغَنَ دَ مُوسَٰى ثٜىٰوَ «يِلِسَّڢِنْ دَنْ‌غِنْ مٜىٰرَرِ بِسَغَ عِيَلَنْسُ دَ غِدَاجٜىٰنْ كَاكَنِّنْسُ؞ 30 ذَاكَ ڧِرْغَ یَیَ مَظَا وَطَنْدَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞ 31 وَنَّنْ شِينٜىٰ أَبِنْدَ عَكَ عُمَرْثٜىٰسُ سُدِنْ‌غَ طَوْكَ وَجٜىٰنْ حِدِمَرْسُ عَتٜىٰنْتِنْ سَدُوَ؞ ذَاسُ طَوْكَ ڢِرَمْ نَتٜىٰنْتِنْ كَسَنْثٜىٰوَرْ يَهْوٜىٰهْ دَ سَنْدُنَنْسَ دَ غِنْشِڧَنْسَ دَ غِنْدِنْ ذَمَنْسُ، 32 دَ غِنْشِڧَنْ ڢِيلِنْ بَبَّنْ تٜىٰنْتِ تَرٜىٰدَ غِنْدِنْ ذَمَنْسُ دَ يَڟُنْسُ دَ إِغِيُواْيِنْسُ دَ دُكَنْ كَايَنْ عَيْكِنْسُ دَ دُكَنْ أَبِنْدَ يَشَاڢٜىٰسُ؞ ذَاعَبَا كُواْوَ دَلَّ دَلَّ عَيْكِنْ دَ ذَيْ يِدَ أَبِنْدَ ذَيْ طَوْكَ؞ 33 وَنَّنْ شِينٜىٰ عَيْكِنْ دَنْ‌غِنْ مٜىٰرَرِ، وَنْدَ يَشَاڢِ حِدِمَ عَتٜىٰنْتِنْ سَدُوَ؞ عِتَمَرْ طَنْ هَٰرُونَ ڢِرِسْتِنٜىٰ يَذَمَ مَيْ لُورَ دَ عَيْكِنْسُ؞» ڧِدَايَرْ لَوِيَاوَا 34 سَيْ مُوسَٰى دَ هَٰرُونَ دَ شُوغَبَنِّنْ جَمَعَرْ إِسْرَٰٓءِيلَ سُكَ لِسَّڢْتَا یَیَنْ كُواْهَتْ بِسَغَ عِيَلَنْسُ دَ غِدَاجٜىٰنْ كَاكَنِّنْسُ؞ 35 أَنْ ڧِرْغَ دُكَنْ مَظَا وَطَنْدَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞ 36 لِسَّڢِنْسُ يَكَيْ دُبُو بِيُ دَ طَرِے بَݣَويْ دَ حَمْسِنْ؞ 37 وَنَّنْ لِسَّڢِ نٜىٰ نَ عِيَلَنْ كُواْهَتْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ، مُوسَٰى دَ هَٰرُونَ سُنْيِشِ بِسَغَ يَدَّ يَهْوٜىٰهْ يَعُمَرْثِ مُوسَٰى؞ 38 عَكَيِ لِسَّڢِنْ یَیَنْ غٜىٰرْشُوانْ، بِسَغَ عِيَلَنْسُ دَ غِدَاجٜىٰنْ كَاكَنِّنْسُ؞ 39 أَنْ ڧِرْغَ دُكَنْ مَذَنْ دَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞ 40 لِسَّڢِنْسُ يَكَيْ دُبُو بِيُ دَ طَرِے شِدَ دَ تَلَاتِنْ؞ 41 وَنَّنْ لِسَّڢِ نٜىٰ نَ عِيَلَنْ غٜىٰرْشُوانْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ، مُوسَٰى دَ هَٰرُونَ سُنْيِشِ بِسَغَ يَدَّ يَهْوٜىٰهْ يَعُمَرْثِ مُوسَٰى؞ 42 عَكَيِ لِسَّڢِنْ یَیَنْ مٜىٰرَرِ، بِسَغَ عِيَلَنْسُ دَ غِدَاجٜىٰنْ كَاكَنِّنْسُ؞ 43 أَنْ ڧِرْغَ دُكَنْ مَذَنْ دَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞ 44 لِسَّڢِنْسُ يَكَيْ دُبُو عُكُ دَ طَرِے بِيُ؞ 45 وَنَّنْ لِسَّڢِ نٜىٰ نَ عِيَلَنْ مٜىٰرَرِ، مُوسَٰى دَ هَٰرُونَ سُكَيِشِ بِسَغَ يَدَّ يَهْوٜىٰهْ يَعُمَرْثِ مُوسَٰى؞ 46 سَيْ مُوسَٰى دَ هَٰرُونَ دَ شُوغَبَنِّنْ جَمَعَرْ إِسْرَٰٓءِيلَ سُكَ لِسَّڢْتَا دُكَنْ یَیَنْ لَوِيَاوَا بِسَغَ دَنْ‌غُواْغِنْسُ دَ غِدَاجٜىٰنْ كَاكَنِّنْسُ؞ 47 أَنْ ڧِرْغَ دُكَنْ مَظَا وَطَنْدَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ دَ حِدِمَرْ دَ تَشَاڢِ تٜىٰنْتِنْ سَدُوَ؞ 48 لِسَّڢِنْسُ يَكَيْ دُبُو تَݣُوسْ دَ طَرِے بِيَرْ دَ تَمَٰنِنْ؞ 49 عَكَ رَبَ وَ كُواْوَنٜىٰ مُتُمْ عَيْكِنْسَ دَلَّ دَلَّ دَ كَايَنْ دَ ذَيْ طَوْكَ، بِسَغَ يَدَّ يَهْوٜىٰهْ يَعُمَرْثِ مُوسَٰى؞ تَهَكَ عَكَ غَمَ لِسَّڢْتَاسُ دَيْدَيْ بِسَغَ يَدَّ يَهْوٜىٰهْ يَعُمَرْثِ مُوسَٰى؞ |
Hausa Common Language Ajami Bible © The Bible Society of Nigeria, 2020
Bible Society of Nigeria