ڧِدَايَ 36 - أَتَّوْرَتْ دَ أَنَّبَاوَا

غَادُوانْ مَتَنْ عَوْرٜىٰ

¹ سَيْ شُوغَبَنِّنْ غِدَاجٜىٰنْ كَاكَنِّنْ یَیَنْ غِلٜىٰيَدْ، طَنْ مَكِرْ، جِيكَنْ مَنَسّٜىٰ، طَنْ يُوسُڢَ، سُكَذُواْ سُكَيِ مَغَنَ دَ مُوسَٰى دَ سَوْرَنْ شُوغَبَنِّنْ غِدَاجٜىٰنْ كَاكَنِّنْ إِسْرَٰٓءِيلَاوَا؞

² سُكَثٜىٰ ‏«‏رَنْكَيَدَطٜىٰ!‏ يَهْوٜىٰهْ يَعُمَرْثٜىٰكَ كَرَبَ وَ إِسْرَٰٓءِيلَاوَا غَادُوانْ ڧَسَرْ تَهَنْيَرْ جٜىٰڢَرْ ڧُرِعَ؞ يَهْوٜىٰهْ كُوَ يَعُمَرْثٜىٰكَ كَبَا وَ یَیَ مَتَ نَطَنْعُوَنْمُ ظٜىٰلُواْڢٜىٰهَدْ غَادُوانْ؞

³ عَمَّا عِدَنْ سُكَ عَوْرِ مُتَنٜىٰ دَغَ وَطَنْسُ ذُرِيَرْ إِسْرَٰٓءِيلَ، تُواْ، ذَاعَ طَوْكِ غَادُوانْسُ دَغَ غَادُوانْ كَاكَنِّنْمُ عَبَا ذُرِيَرْ دَسُكَيِ عَوْرٜىٰ عَثِكِ؞ إِنْ حَكَ يَڢَرُ، كَغَنِ، أَنْ طَوْكِ غَادُوانْ دَغَ رَبُوانْ غَادُواْ نَكَاكَنِّنْمُ كٜىٰنَنْ؞

⁴ سَعَدَّ شٜىٰكَرَا تَسَامُنْ یَنْثِ تَ إِسْرَٰٓءِيلَاوَا تَكٜىٰوَيُواْ، ذَاعَ حَطَ غَادُوانْسُ عَكَنْ غَادُوانْ ذُرِيَرْ دَسُكَيِ عَوْرٜىٰ عَثِكِ؞ تَهَكَ أَنْطَوْكِ غَادُوانْسُ دَغَ رَبُوانْ غَادُوانْ ذُرِيَرْ كَاكَنِّنْمُ كٜىٰنَنْ؞»‏

⁵ مُوسَٰى كُوَ يَعُمَرْثِ إِسْرَٰٓءِيلَاوَا بِسَغَ أَبِنْدَ يَهْوٜىٰهْ يَڢَطَا مَسَ، سَيْيَثٜىٰ ‏«‏أَبِنْ دَ یَیَنْ ذُرِيَرْ يُوسُڢَ سُكَ ڢَطَا دَيْدَيْنٜىٰ؞

⁶ غَا أَبِنْدَ يَهْوٜىٰهْ يَڢَطَا غَمٜىٰدَ یَیَ مَاتَا نَ ظٜىٰلُواْڢٜىٰهَدْ، ‏‹‏عَبَرْسُ سُعَوْرِ دُكْ وَنْدَ سُكَغَ دَامَ، عَمَّا سَيْ عَثِكِنْ دَنْ‌غِنْ ذُرِيَرْ كَكَنْسُ،

⁷ دُواْمِنْ كَدَ غَادُوانْ إِسْرَٰٓءِيلَاوَا يَيِ تَيَٰوُاْ دَغَ حَنُّنْ وَنَّنْ ذُرِيَ ذُوَا حَنُّنْ وَنْثَنْ؞ غَمَا كُواْوَثٜىٰ ذُرِيَ تَ إِسْرَٰٓءِيلَ ذَاتَ رِڧٜىٰ غَادُوانْتَ نَظُرِيَرْ كَكَنْتَ؞

⁸ كُواْوَثٜىٰ يَارِنْيَ وَدَّ تَثِ غَادُواْ أَوَتَ ذُرِيَرْ إِسْرَٰٓءِيلَ، دُواْلٜىٰنٜىٰ تَيِ عَوْرٜىٰ عَثِكِنْ ذُرِيَرْ كَكَنْتَ، دُواْمِنْ دُكَنْ إِسْرَٰٓءِيلَاوَا سُغَاجِ غَادُوانْ كَاكَنِّنْسُ؞

⁹ تَيِنْ حَكَ بَا وَنِ غَادُوانْ دَ ذَيْ يِتَيَٰوُاْ دَغَ حَنُّنْ وَنَّنْ ذُرِيَ ذُوَا حَنُّنْ وَنْثَنْ؞ غَمَا كُواْوَثٜىٰ ذُرِيَ تَ إِسْرَٰٓءِيلَ ذَاتَ رِڧٜىٰ غَادُوانْتَ نَظُرِيَرْ كَكَنْتَ؞›‏ »‏

¹⁰ یَیَ مَاتَا نَ ظٜىٰلُواْڢٜىٰهَدْ كُوَ سُكَيِ دَيْدَيْ بِسَغَ يَدَّ يَهْوٜىٰهْ يَعُمَرْثِ مُوسَٰى؞

¹¹ دُكَنْ یَیَ مَتَ نَ ظٜىٰلُواْڢٜىٰهَدْ، وَتُواْ مَلَ دَ تِرْظَ دَ هُواغْلَ دَ مِلْكَ دَ نُوحُ، سُكَ عَوْرِ یَیَنْ یَنْعُوَنْ بَابَنْسُ؞

¹² سُنْيِ عَوْرٜىٰ عَثِكِنْ دَنْ‌غُواْغِنْ ذُرِيَرْ مَنَسّٜىٰ طَنْ يُوسُڢَ؞ رَبُوانْ غَادُوانْسُ كُوَ يَكَسَنْثٜىٰ ثِكِنْ ذُرِيَرْ كَكَنْسُ؞

¹³ وَطَنَّنْ سُونٜىٰ عُمَرْنَيْ دَ ڧَٰعِدُواْدِ وَطَنْدَ يَهْوٜىٰهْ يَبَا جَمَعَرْ إِسْرَٰٓءِيلَ تَبَاكِنْ مُوسَٰى أَ ڢِيلَيٜىٰنْ مُواْوَبْ أَغَبَشِنْ كُواْغِنْ يُواْدَنْ سُنَ كَلُّوانْ يٜىٰرِكُواْ؞