ڧِدَايَ 35 - أَتَّوْرَتْ دَ أَنَّبَاوَاغَادُوانْ لَوِيَاوَا 1 تُنْ إِسْرَٰٓءِيلَاوَا سُنَ ذَنْغُواْ أَ ڢِيلَيٜىٰنْ مُواْوَبْ أَغَبَشِنْ كُواْغِنْ يُواْدَنْ سُنَ كَلُّوانْ يٜىٰرِكُواْ، يَهْوٜىٰهْ يَيِ مَغَنَ دَ مُوسَٰى ثٜىٰوَ 2 «كَاعُمَرْثِ إِسْرَٰٓءِيلَاوَا ثٜىٰوَ دَغَ ثِكِنْ غَادُوانْ دَ سُكَ سَامُ، سَيْ سُبَا لَوِيَاوَا غَرُضُوً دَ ذَاسُ ذَوْنَ عَثِكِ؞ ذَاسُ كُمَبَا لَوِيَاوَا ڢِيلَيٜىٰنْ كِيوُاْ كٜىٰوَيٜىٰ دَ غَرُضُوً؞ 3 غَرُضُوً ذَاسُ ذَمَ نَاسُ دُواْمِنْ سُذَوْنَ عَثِكِ، ڢِيلَيٜىٰنْ كِيوُاْ كُمَ دُواْمِنْ شَانُنْسُ دَ دُكَنْ سَوْرَنْ دَبُّواْبِنْسُ؞ 4 ڢَاطِنْ ڢِيلَيٜىٰنْ كِيوُاْ كٜىٰوَيٜىٰ دَ غَرُضُوً دَ ذَاسُ بَا لَوِيَاوَنْ، ذَيْ مِيڧَ دَغَ بَنْغُوانْ غَرِنْ حَرْ نِيسَنْ ڧَڢَا دُبُو طَيَ دَ طَرِے بِيَرْ كٜىٰوَيٜىٰ دَ غَرِنْ دُكَ؞ 5 عَبَايَنْ غَرِنْ ذَاعَ عَوْنَ ڧَڢَا دُبُو عُكُ أَوَجٜىٰنْ غَبَسْ، ڧَڢَا دُبُو عُكُ أَوَجٜىٰنْ كُدُ، ڧَڢَا دُبُو عُكُ أَوَجٜىٰنْ يَمَّ، ڧَڢَا دُبُو عُكُ أَوَجٜىٰنْ أَرٜىٰوَ؞ وَطَنَّنْ ذَاسُ ذَمَ ڢِيلَيٜىٰنْ كِيوُاْ نَمُتَنٜىٰنْ غَرِنْ؞ غَرِنْ كُوَ ذَيْ كَسَنْثٜىٰ أَڟَكِيَ؞ 6 «دَغَ ثِكِنْ غَرُضُوً دَ ذَاعَ بَا لَوِيَاوَا، غُدَا شِدَ ذَاسُ ذَمَ وُرِنْ مَڢَكَا، عِنْدَ ذَاعَ يَرْدَ وَ دُكْ وَنِنْ دَ يَيِ كِسَنْ كَيْ يَغُدُ يَذَوْنَ عَثِكِ؞ بَنْ دَ وَطَنَّنْ بِرَنٜىٰ غُدَا شِدَ، ذَاعَ كُمَ بَاسُ غَرُرُوَ أَرْبَعِنْ دَ بِيُ؞ 7 وَتُواْ دُكَنْ غَرُضُوً دَ ذَاعَ بَا لَوِيَاوَا غُدَا أَرْبَعِنْ دَ تَݣُوسْ نٜىٰ، تَرٜىٰدَ ڢِيلَيٜىٰنْ كِيوُانْ دَبُّواْبِنْسُ؞ 8 إِسْرَٰٓءِيلَاوَا ذَاسُ بَا لَوِيَاوَا غَرُرُوَنَّنْ بِسَغَ يَوَنْ رَبُوانْ غَادُوانْ دَ سُكَ سَامُ؞ مَنْيَنْ ظُرِيُواْيِ ذَاسُ بَا لَوِيَاوَا غَرُرُوَ دَيَوَ، عَمَّا ڧأَنَانً ظُرِيُواْيِ ذَاسُبَاسُ غَرُرُوَ كَطَنْ؞» غَرُضُوً مَڢَكَا ﴿ مَيْ شَـ 19.1-13 ؛ يُواشْ 20.1-9 ﴾ 9 يَهْوٜىٰهْ يَيِ مَغَنَ دَ مُوسَٰى ثٜىٰوَ 10 يَثٜىٰ وَجَمَعَرْ إِسْرَٰٓءِيلَ «سَعَدَّ كُكَ ڧٜىٰتَرٜىٰ كُواْغِنْ يُواْدَنْ ذُوَا ثِكِنْ ڧَسَرْ كَنْعَنَ، 11 سَيْ كُذَاٻَا وَكَنْكُ غَرُضُوً مَڢَكَا دُواْمِنْ وَنْدَ يَيِ كِسَنْ كَيْ بَ دَ غَنْغَنْبَ، ذَيْ عِيَ غُدُ ذُوَا وُرِنْ؞ 12 غَرُضُوً ذَاسُ ذَمَ مُكُ مَڢَكَا دَغَ حَنُّنْ مَيْبِنْ حَكِّنْ جِنِ؞ تَهَكَ بَذَاعَ كَشٜىٰ مَيْ كِسَنْ كَيْ طِنْ بَ، حَرْ سَيْ أَنْيِ مَسَ شَرِيعَ أَغَبَنْ جَمَعَ؞ 13 «ذَاكُ ذَاٻِ غَرُضُوً مَڢَكَا غُدَا شِدَ؞ 14 ذَاكُ ذَاٻِ غَرُضُوً مَڢَكَا عُكُ أَغَبَشِنْ كُواْغِنْ يُواْدَنْ، عُكُ كُمَ عَثِكِنْ ڧَسَرْ كَنْعَنَ؞ 15 وَطَنَّنْ غَرُرُوَ شِدَ ذَاسُ ذَمَ وُرَارٜىٰنْ مَڢَكَا دُواْمِنْ جَمَعَرْ إِسْرَٰٓءِيلَ دَ مَذَوْنَنْ غَرِنْ دَ كُمَ بَڧِنْ دَسُكٜىٰ ذَمَ عَثِكِنْكُ دَ بَاڧِ مَاسُ وُثٜىٰوَ دُواْمِنْ دُكْ وَنْدَ يَكَشٜىٰ وَنِ بَ دَ غَنْغَنْبَ، ذَيْ عِيَ غُدُ ذُوَا وُرِنْ؞ 16 «عَمَّا عِدَنْ وَنِ يَبُغِ وَنِ دَ ڧَرْڢٜىٰ حَرْ يَمُتُ، يَذَمَ مَيْ كِسَنْ كَيْ كٜىٰنَنْ؞ وَنَّنْ مَيْ كِسَنْ كَيْ، شِے مَا ذَاعَ كَشٜىٰشِ؞ 17 عِدَنْ وَنِ يَجٜىٰڢِ وَنِ دَ بَبَّنْ دُوڟٜىٰ حَرْ يَمُتُ، يَذَمَ مَيْ كِسَنْ كَيْ كٜىٰنَنْ؞ وَنَّنْ مَيْ كِسَنْ كَيْ، شِے مَا ذَاعَ كَشٜىٰشِ؞ 18 عِدَنْ وَنِ يَبُغِ وَنِ دَ سَنْدَا حَرْ يَمُتُ، يَذَمَ مَيْ كِسَنْ كَيْ كٜىٰنَنْ؞ وَنَّنْ مَيْ كِسَنْ كَيْ، شِے مَا ذَاعَ كَشٜىٰشِ؞ 19 مَيْبِنْ حَكِّنْ جِنِنْ طَنْعُوَنْسَ شِينٜىٰ ذَيْ كَشٜىٰ مَيْ كِسَنْ كَيْ سَعَدَّ يَسَامٜىٰشِ؞ 20 «حَكَ مَا عِدَنْ وَنِ يَيِ كِسَنْ كَيْ سَبُواْدَ ڧِيَيَّ، كُواْ تَوُرِنْ تُورَ مُتُمْ، كُواْ تَوُرِنْ جِڢَ، كُواْ تَوُرِنْ ݣُونْتُوانْ ٻَوْنَ، 21 كُواْ تَوُرِنْ مَرِنْسَ دَ حَنُّ ثِكِنْ ڧِيَيَّ حَرْ يَمُتُ، يَذَمَ مَيْ كِسَنْ كَيْ كٜىٰنَنْ؞ شِمَا ذَاعَ كَشٜىٰشِ؞ مَيْبِنْ حَكِّنْ جِنِنْ طَنْعُوَنْسَ شِينٜىٰ ذَيْ كَشٜىٰ مَيْ كِسَنْ كَيْ سَعَدَّ يَسَامٜىٰشِ؞ 22 «عَمَّا عِدَنْ وَنِ يَيِ كِسَنْ كَيْ بَاتَرٜىٰدَ ڧِيَيَّ بَ، كُواْ تَوُرِنْ تُورَ شِ، كُواْ تَوُرِنْ جِڢَ بَاتَرٜىٰدَ ݣُونْتُوانْ ٻَوْنَ بَ، 23 كُواْ تَوُرِنْ جٜىٰڢٜىٰشِ دَ دُوڟٜىٰ بَاتَرٜىٰدَ غَنِنْسَبَ حَرْ يَمُتُ، عَمَّا بَثِكِنْ ڧِيَيَّبَ، كُمَ بَ دَ نُڢِ يَيِ مَسَ رَوْنِبَ، 24 تُواْ، تَارُوانْ جَمَعَ ذَاسُ يَنْكٜىٰ شَرِيعَ ڟَكَانِنْ مَيْ كِسَنْ كَيْ دَ مَيْبِنْ حَكِّنْ جِنِنْ طَنْعُوَنْسَ؞ ذَاسُيِ شَرِيعَ بِسَغَ وَطَنَّنْ ڧَٰعِدُواْدِ؞ 25 تَرُوانْ جَمَعَ ذَاسُ كُٻُتَرْدَ مَيْ كِسَنْ كَيْ دَغَ حَنُّنْ مَيْبِنْ حَكِّنْ جِنِنْ طَنْعُوَنْسَ؞ سَعَنً سُمَيْدَ مَيْ كِسَنْ كَيْ ذُوَا غَرِنْ دَ دَا يَغُدُ نٜىٰمَنْ مَڢَكَا؞ ذَيْ ذَوْنَ أَوُرِنْ سَيْ لُواْكَثِنْ دَ بَبَّنْ ڢِرِسْتِ وَنْدَ عَكَ كٜىٰٻٜىٰ دَ مَنْ ڟَرْكِے يَمُتُ؞ 26 عَمَّا عِدَنْ أَوَنِ لُواْكَثِ مَيْ كِسَنْ كَيْ طِنْ يَڢِتَ كَنْ إِيَاكَرْ غَرِنْ مَڢَكَا عِنْدَ يَكٜىٰ، 27 كُمَ مَيْبِنْ حَكِّنْ جِنِنْ طَنْعُوَنْسَ يَسَامٜىٰشِ عَبَايَنْ إِيَاكَرْ غَرِنْ، يَكُمَ كَشٜىٰشِ، وَنَّنْ بَيْ ذَمَ كِسَنْ كَيْبَ؞ 28 غَمَا دُواْلٜىٰنٜىٰ مَيْ كِسَنْ كَيْ يَذَوْنَ ثِكِنْ غَرِنْ مَڢَكَا عِنْدَ يَكٜىٰ، سَيْ بَايَنْ مُتُوَرْ بَبَّنْ ڢِرِسْتِ؞ عَمَّا بَايَنْ مُتُوَرْ بَبَّنْ ڢِرِسْتِ، مَيْ كِسَنْ كَيْ طِنْ يَنَ عِيَ كُواْمَ وَغِدَنْسَ تَغَادُواْ؞ 29 «وَطَنَّنْ ذَاسُ ذَمَ ڧَٰعِدُواْدِ دَ عُمَرْنَيْ أَغَرٜىٰكُ دَغَ نَنْ حَرْ إِيَاكَرْ ڟَارَرَّكِنْكُ أَدُكْ عِنْدَ كُكٜىٰ دَ ذَمَ؞ 30 «دُكْ وَنْدَ يَيِ كِسَنْ كَيْ، ذَاعَ كَشٜىٰشِ بِسَغَ شَيْدَرْ دَ شَيْدُ سُكَ بَايَرْ؞ عَمَّا بَذَاعَ كَشٜىٰ وَنِ عَكَنْ شَيْدَرْ دَ مُتُمْ طَيَ يَبَايَرْ بَ؞ 31 كَدَ كُكَرْٻِ أَبِنْ ڢَنْسَ دُواْمِنْ رَيْ نَمَيْ كِسَنْ كَيْ، وَنْدَ كُمَ أَنْرِغَا أَنْيَنْكَ مَسَ حُكُنْثِنْ مُتُوَ؞ دُواْلٜىٰنٜىٰ عَكَشٜىٰ مَيْ كِسَنْ كَيْ طِنْ؞ 32 حَكَ مَا كَدَ كُكَرْٻِ أَبِنْ ڢَنْسَ دُواْمِنْ وَنْدَ يَغُدُ ذُوَا غَرِنْ مَڢَكَا، دُواْمِنْ كَدَ يَكُواْمَ غِدَنْسَ تَغَادُواْ كَاڢِنْ بَبَّنْ ڢِرِسْتِ يَمُتُ؞ 33 كَدَ كُڧَظَنْتَرْ دَ ڧَسَرْدَ كُكٜىٰ ذَمَ عَثِكِ تَوُرِنْ يِنْ حَكَ، غَمَا جِنِ يَكَنْ ڧَظَنْتَرْ دَڧَسَا؞ كُمَ بَا وَتَ حَنْيَرْ طَوْكَرْ ڢَنْسَ دُواْمِنْ ڧَسَرْدَ عَكَ ظُبْدَ جِنِ عَثِكِنْتَ، سَيْ تَوُرِنْ ظُبْدَ جِنِنْ مَيْ كِسَنْ كَيْ وَنْدَ شِينٜىٰ يَظُبْدَ جِنِنْ؞ 34 كَدَ كُڧَظَنْتَرْ دَ ڧَسَرْدَ كُكٜىٰ ذَمَ عَثِكِ، ڧَسَرْدَ نِے كُمَ نَكٜىٰ ذَمَ عَثِكِ؞ غَمَا نِے يَهْوٜىٰهْ إِنَ ذَمَ عَثِكِنْ جَمَعَرْ إِسْرَٰٓءِيلَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria