ڧِدَايَ 34 - أَتَّوْرَتْ دَ أَنَّبَاوَاإِيَاكَرْ يَنْكِنْ ڧَسَرْ 1 يَهْوٜىٰهْ يَيِ مَغَنَ دَ مُوسَٰى ثٜىٰوَ 2 يَبَا جَمَعَرْ إِسْرَٰٓءِيلَ وَطَنَّنْ عُمَرْنَيْ؞ «غَا يَدَّ إِيَاكَرْ ڧَسَرْكُ تَغَادُواْ ذَاسُ كَسَنْثٜىٰ سَعَدَّ كُكَ شِغَ ڧَسَرْ كَنْعَنَ؞ 3 إِيَاكَرْ ڧَسَرْكُ تَوَجٜىٰنْ كُدُ ذَاتَ مِيڧٜىٰ تُنْدَغَ وَجٜىٰنْ دَاجِنْ ظِنْ، ذَاتَبِے تَ إِيَاكَرْ عٜىٰدُوامْ؞ إِيَاكَرْكُ تَوَجٜىٰنْ كُدُ ذَاتَ كَسَنْثٜىٰ دَغَ ڧَرْشٜىٰنْ تٜىٰكُنْ غِشِرِ عَتَغَبَسْ؞ 4 إِيَاكَرْ ذَاتَ جُويَا تَنُڢَ كُدُ عَتَهَوَنْ عَكْرَبِّمْ، تَڧٜىٰتَرٜىٰ ذُوَا ظِنْ؞ إِيَاكَرْتَ تَكُدُ عِتَثٜىٰ كَدٜىٰشْ بَرْنٜىٰيَ، سَعَنً ذَاتَ مِيڧٜىٰ ذُوَا هَظَرْ أَدَّرْ، تَوُثٜىٰ تَبِے ذُوَا أَظْمُوانْ؞ 5 دَغَ أَظْمُوانْ إِيَاكَرْ ذَاتَ جُويَا ذُوَا ݣُورِنْ إِيَاكَرْ مَصَرْ، تَڧَارٜىٰ عَتٜىٰكُنْ مٜىٰدِتٜىٰرٜىٰنِيَ؞ 6 «تٜىٰكُنْ مٜىٰدِتٜىٰرٜىٰنِيَ نٜىٰ ذَيْ كَسَنْثٜىٰ إِيَاكَرْكُ عَتَغٜىٰڢٜىٰنْ يَمَّ؞ 7 «إِيَاكَرْكُ تَأَرٜىٰوَ ذَاتَ ڢَارَ دَغَ تٜىٰكُنْ مٜىٰدِتٜىٰرٜىٰنِيَ تَبِے لَيِ ذُوَا بَبَّنْ تُدُنْ هُوارْ؞ 8 دَغَ بَبَّنْ تُدُنْ هُوارْ إِيَاكَرْ ذَاتَ بِے ذُوَا مَشِغِنْ يَنْكِنْ هَمَتْ؞ ذَاتَبِے تَ ظٜىٰدَدْ، 9 ذَاتَ مِيڧٜىٰ حَرْ ذُوَا ظِڢْرُوانْ تَڧَارٜىٰ أَ هَظَرْ عٜىٰنَنْ؞ وَنَّنْ عِتَثٜىٰ إِيَاكَرْكُ تَأَرٜىٰوَ؞ 10 «إِيَاكَرْكُ تَغَبَسْ ذَاتَ ڢَارَ دَغَ هَظَرْ عٜىٰنَنْ تَبِے ذُوَا شٜىٰڢَمْ؞ 11 ذَاتَ غَنْغَرَ دَغَ شٜىٰڢَمْ ذُوَا رِبْلَ عَتَغَبَشِنْ أَيِنْ؞ ذَاتَ كُمَ غَنْغَرَ حَرْ تَكَيْ بَاكِنْ تٜىٰكُنْ غَلِيلِ عَتَغَبَسْ؞ 12 إِيَاكَرْ ذَاتَ غَنْغَرَ حَرْ ذُوَا كُواْغِنْ يُواْدَنْ تَڧَارٜىٰ عَتٜىٰكُنْ غِشِرِ؞ وَنَّنْ عِتَثٜىٰ ڧَسَرْكُ دَ إِيَاكَرْتَ كٜىٰوَيٜىٰ دَ عِتَ؞» 13 سَيْ مُوسَٰى يَعُمَرْثِ إِسْرَٰٓءِيلَاوَا ثٜىٰوَ «وَنَّنْ عِتَثٜىٰ ڧَسَرْدَ ذَاكُ غَادَ تَهَنْيَرْ جٜىٰڢَرْ ڧُرِعَ؞ ڧَسَرْ دَ يَهْوٜىٰهْ يَعُمَرْتَ عَبَا ظُرِيُواْيِ تَرَ دَ رَبِنْ ذُرِيَرْ مَنَسّٜىٰ؞ 14 غَمَا ذُرِيَرْ رَعُبَيْنُ دَ تَ غَدْ دَ تَسَوْرَنْ رَبِنْ ذُرِيَرْ مَنَسّٜىٰ سُنْ رِغَا سُنْ كَرْٻِ نَاسُ غَادُواْ بِسَغَ غِدَاجٜىٰنْ كَاكَنِّنْسُ؞ 15 وَطَنَّنْ ظُرِيُواْيِ بِيُ دَ رَبِنْ ذُرِيَرْ مَنَسّٜىٰ سُنْ رِغَا سُنْ كَرْٻِ نَاسُ غَادُواْ أَوَنْثَنْ ڧٜىٰتَرٜىٰنْ كُواْغِنْ يُواْدَنْ عَتَغَبَشِنْ يٜىٰرِكُواْ تَوَجٜىٰنْ ڢِتُواْوَرْ رَانَ؞» شُوغَبَنِّنْدَ ذَاسُ رَرَّبَ ڧَسَرْ 16 يَهْوٜىٰهْ كُمَ يَيِ مَغَنَ دَ مُوسَٰى ثٜىٰوَ 17 «غَا سُونَيٜىٰنْ مُتَنٜىٰنْ دَ ذَاسُ تَيْمَكٜىٰكَ أَ عَيْكِنْ رَبَ غَادُوانْ ڧَسَرْ، عٜىٰلٜىٰيَظَرْ ڢِرِسْتِ دَ يُواْشُوَ طَنْ نُنْ؞ 18 ذَاكَ كُمَ طَوْكِ شُوغَبَا طَيَ دَغَ كُواْوَثٜىٰ ذُرِيَ دُواْمِنْ سُتَيْمَكٜىٰكَ أَ عَيْكِنْ رَبَ غَادُوانْ ڧَسَرْ؞ 19 غَا سُونَيٜىٰنْ سَوْرَنْ مُتَنٜىٰنْ، «دَغَ ذُرِيَرْ يَهُودَ، كَلٜىٰبْ طَنْ يٜىٰڢُنّٜىٰ؞ 20 دَغَ ذُرِيَرْ سِمٜىٰيُوانْ، شٜىٰمُوٜىٰلْ طَنْ أَمِّهُدْ؞ 21 «دَغَ ذُرِيَرْ بِلِيَامِنُ، عٜىٰلِدَدْ طَنْ كِسْلُوانْ؞ 22 دَغَ ذُرِيَرْ دَنْ، بُكِّ طَنْ يُواغْلِ؞ 23 «دَغَ ذُرِيَرْ مَنَسّٜىٰ طَنْ يُوسُڢَ، هَنِيٜىٰلْ طَنْ عٜىٰڢُوادْ؞ 24 دَغَ ذُرِيَرْ إِڢْرَيِمْ، كٜىٰمُوٜىٰلْ طَنْ شِڢْتَنْ؞ 25 «دَغَ ذُرِيَرْ ظٜىٰبُلُنْ، عٜىٰلِظَڢَنْ طَنْ ڢَرْنَكْ؞ 26 دَغَ ذُرِيَرْ إِسَّكَرْ، ڢَلْتِيٜىٰلْ طَنْ أَظَّنْ؞ 27 «دَغَ ذُرِيَرْ أَشٜىٰرْ، أَهِهُدْ طَنْ شٜىٰلُواْمِ؞ 28 دَغَ ذُرِيَرْ نَڢْتَلِ، ڢٜىٰدَهٜىٰلْ طَنْ أَمِّهُدْ؞» 29 وَطَنَّنْ سُونٜىٰ مُتَنٜىٰنْ دَ يَهْوٜىٰهْ يَعُمَرْتَ سُرَرَّبَ وَ جَمَعَرْ إِسْرَٰٓءِيلَ غَادُوانْ ڧَسَرْ كَنْعَنَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria