ڧِدَايَ 32 - أَتَّوْرَتْ دَ أَنَّبَاوَا

ظُرِيُواْيِنْ يَنْكِنْ غَبَشِنْ كُواْغِنْ يُواْدَنْ

¹ ذُرِيَرْ رَعُبَيْنُ دَ تَ غَدْ كُوَ سُنَدَ دَبُّواْبِے دَيَوَ ڨُورَيْ؞ سُكَغَ ڧَسَرْ يَظٜىٰرْ دَ تَ غِلٜىٰيَدْ وُرِے نٜىٰ مَيْݣَوْ دُواْمِنْ كِيوُانْ شَانُو؞

² سَبُواْدَ حَكَ سَيْ سُكَ تَڢِے وُرِنْ مُوسَٰى دَ عٜىٰلٜىٰيَظَرْ ڢِرِسْتِ دَ شُوغَبَنِّنْ جَمَعَرْ دَ وَنَّنْ ضُواْڧُواْ؞

³ سُكَثٜىٰ ‏«‏أَتَرُواتْ دَ دِبُوانْ دَ يَظٜىٰرْ دَ نِمْرَ دَ هٜىٰشْبُوانْ دَ عٜىٰلٜىٰيَلٜىٰ دَ سِبْمَ دَ نٜىٰبُواْ دَ بٜىٰيُوانْ،

⁴ وَتُواْ ڧَسَرْدَ يَهْوٜىٰهْ يَثِ دَ يَاڧِ أَغَبَنْ جَمَعَرْ إِسْرَٰٓءِيلَ، ڧَسَاثٜىٰ مَيْݣَوْ دُواْمِنْ دَبُّواْبِے؞ غَاشِ كُوَ، بَايِنْكَ سُنَدَ دَبُّواْبِے دَيَوَ؞

⁵ عِدَنْ مُنْ سَامِ ڢَضٍ جِنِ أَغَبَنْكَ، بَرِ وَنَّنْ ڧَسَا تَذَمَ مَلَّكَرْمُ تَغَادُواْ؞ كَدَ كَكَيْمُ أَوَنْثَنْ ڧٜىٰتَرٜىٰنْ يُواْدَنْ؞»‏

⁶ عَمَّا مُوسَٰى يَأَمْسَ وَمُتَنٜىٰنْ رَعُبَيْنُ دَ مُتَنٜىٰنْ غَدْ يَثٜىٰ ‏«‏وَتُواْ كُنَ سُواْ یَنْعُوَنْكُ سُيِ تَيَاڧِ، كُو كُوَ كُيِ ذَمَنْكُ أَنَنْ، كُواْ؟

⁷ دُوانْمٜىٰ ذَاكُ كَرْيَ ذُوثِيَارْ جَمَعَرْ إِسْرَٰٓءِيلَ دَغَ حَيٜىٰوَ ذُوَا ڧَسَرْدَ يَهْوٜىٰهْ يَبَاسُ؟

⁸ حَكَ كَاكَنِّنْكُ سُكَيِ سَعَدَّ نَ عَيْكٜىٰسُ دَغَ كَدٜىٰشْ بَرْنٜىٰيَ دُواْمِنْ سُدُوبِے ڧَسَرْ؞

⁹ غَمَا سَعَدَّ سُكَ تَڢِے ݣُورِنْ عٜىٰشْكُوالْ سُكَغَ ڧَسَرْ، سَيْ سُكَ كَرْيَ ذُوثِيَارْ جَمَعَرْ إِسْرَٰٓءِيلَ دَغَ شِغَرْ ڧَسَرْدَ يَهْوٜىٰهْ يَبَاسُ؞

¹⁰ سَبُواْدَ حَكَ يَهْوٜىٰهْ يَيِ ڢُشِے مَيْ ڟَنَنِ أَ رَانَرْ نَنْ، حَرْ يَيِ ضَنْڟُوَا يَثٜىٰ،

¹¹ ‏‹‏حَڧِيڧَ دَغَ ثِكِنْ مُتَنٜىٰنْ دَ سُكَ ڢِتُواْ دَغَ مَصَرْ، تُنْدَغَ مَيْ شٜىٰكَرَا عَشِرِنْ ذُوَا غَبَ، بَاوَنْدَ ذَيْ غَا ڧَسَرْدَ نَرَنْڟٜىٰ ذَنْبَا إِبْرَٰهِيمْ دَ إِسْحَٰڧَ دَ يَعْڧُوبَ، غَمَا بَسُ بِے نِے دَ ذُوثِيَا طَيَبَ؞

¹² بَابُوَنِنْ دَ ذَيْ شِغَ سَيْدَيْ كَلٜىٰبْ طَنْ يٜىٰڢُنّٜىٰ مُتُمِنْ كٜىٰنِظْ دَ يُواْشُوَ طَنْ نُنْ، غَمَا سُونٜىٰ كَطَيْ سُكَبِينِ دَ ذُوثِيَا طَيَ؞›‏

¹³ سَبُواْدَ يَهْوٜىٰهْ يَيِ ڢُشِے مَيْ ڟَنَنِ دَ إِسْرَٰٓءِيلَاوَا، يَكُمَسَا سُكَيِ تَيَٰوُاْ أَدَاجِ حَرْ شٜىٰكَرَا أَرْبَعِنْ، سَيْ دَ ڟَارَرْ نَنْ وَدَّ تَعَيْكَتَ مُغُنْتَا أَعِدَانُنْ يَهْوٜىٰهْ تَڧَارٜىٰ؞

¹⁴ غَاشِ، كُو دَ كُكٜىٰ ڧُنْ‌غِيَرْ مَاسُ ذُنُوبِ، كُنْ تَاشِ كُنْ طَوْكِ حَلِنْ كَاكَنِّنْكُ، كُنَ سُواْ كُڧَارَ ڟَنَنِنْ ڢُشِنْ يَهْوٜىٰهْ عَكَنْ إِسْرَٰٓءِيلَاوَا!‏

¹⁵ عِدَنْ كُنْڧِ بِنْسَ، ذَيْسَاكٜىٰ يَرْ دَ مُتَنٜىٰنَّنْ أَدَاجِ؞ كُونٜىٰ كُوَ ذَاكُ جَٰوُاْ هَلَّكَ عَكَنْسُ دُكَ؞»‏

¹⁶ سَيْ سُكَ مَڟُواْ كُسَدَ مُوسَٰى سُكَثٜىٰ ‏«‏كَبَرْمُ مُغِنَ وُرَارٜىٰنْ دَ ذَامُ أَجِيٜىٰ دَبُّواْبِنْمُ دَ غَرُرُوَ دُواْمِنْ مَاتَنْمُ دَ یَیَنْمُ؞

¹⁷ مَاتَنْمُ دَ یَیَنْمُ ذَاسُ ذَوْنَ أَغَرُرُوَ مَاسُ كَتَنْ‌غَ دُواْمِنْ أَڟَرٜىٰسُ دَغَ مَذَوْنَنْ ڧَسَرْ؞ عَمَّا مُو ذَامُ طَوْكِ كَايَنْ يَاڧِ مُجَغُواْرَنْثِ سَوْرَنْ إِسْرَٰٓءِيلَاوَا ثِكِنْ يَاڧِ، حَرْ سَيْ مُنْ كَيْسُ وُرَارٜىٰنْ دَ ذَاسُ ذَوْنَ؞

¹⁸ مُو كُوَ بَذَامُ كُواْمَ غِدَاجٜىٰنْمُبَ، سَيْ لُواْكَثِنْ دَ كُواْوَنٜىٰ مُتُمِنْ إِسْرَٰٓءِيلَ يَسَامِ غَادُوانْسَ؞

¹⁹ غَمَا بَذَامُثِ غَادُواْ تَرٜىٰدَسُو أَوَنْثَنْ ڧٜىٰتَرٜىٰنْ كُواْغِنْ يُواْدَنْ بَ، غَمَا مُنْ رِغَا مُنْ سَامِ غَادُوانْمُ أَنَنْ غَبَشِنْ كُواْغِنْ يُواْدَنْ؞»‏

²⁰ سَيْ مُوسَٰى يَثٜىٰ مُسُ ‏«‏حَڧِيڧَ، ذَاكُيِ كَمَرْ يَدَّ كُكَ ڢَطَا أَغَبَنْ يَهْوٜىٰهْ، وَتُواْ ذَاكُ طَوْكِ كَايَنْ يَاڧِ كُتَڢِے يَاڧِ، كُواْ؟

²¹ عِدَنْ كُواْوَنٜىٰ سُواْجَنْكُ ذَيْ ڧٜىٰتَرٜىٰ كُواْغِنْ يُواْدَنْ كَمَرْ يَدَّ كُكَ ڢَطَا أَغَبَنْ يَهْوٜىٰهْ، حَرْ لُواْكَثِنْ دَ يَهْوٜىٰهْ يَكُواْرِ أَبُواْكَنْ غَابَنْسَ دَغَ غَبَنْسَ،

²² حَرْ لُواْكَثِنْ دَ ڧَسَرْ تَكُواْمَ عَڧَرْڧَشِنْ يَهْوٜىٰهْ، تُواْ، ذَاكُ كُواْمَ وُرِنْكُ؞ تَهَكَ ذَاكُ كُٻُتَ دَغَ حَكِّنْ أَلْڧَوَرِنْكُ دَ كُكَيِ أَغَبَنْ يَهْوٜىٰهْ دَ جَمَعَرْ إِسْرَٰٓءِيلَ؞ إِنْ كُنْيِ حَكَ، تُواْ، وَنَّنْ ڧَسَا ذَاتَ ذَمَ مَلَّكَرْكُ تَغَادُواْ أَغَبَنْ يَهْوٜىٰهْ؞

²³ عَمَّا عِدَنْ كُوَ بَ كُيِ حَكَبَ، كُنْيِ وَ يَهْوٜىٰهْ ذُنُوبِ؞ حَڧِيڧَ أَلْحَكِنْ ذُنُوبِنْكُ ذَيْ كَامَكُ!‏

²⁴ تُواْ، سَيْ كُغِنَ وَمَاتَانْكُ دَ یَیَنْكُ غَرُرُوَ، كُغِنَ وَدَبُّواْبِنْكُ وُرَارٜىٰنْ دَ ذَاعَ أَجِيٜىٰسُ، عَمَّا كُتَبَّتَا كُنْ عَيْكَتَ أَبِنْدَ كُكَيِ أَلْڧَوَرِ دَ بَاكِنْكُ؞»‏

²⁵ سَيْ مُتَنٜىٰنْ غَدْ دَ نَ رَعُبَيْنُ سُكَ أَمْسَوَ مُوسَٰى، سُكَثٜىٰ ‏«‏رَنْكَيَدَطٜىٰ!‏ بَايِنْكَ ذَاسُيِ كَمَرْ يَدَّ كَاعُمَرْتَ؞

²⁶ یَیَنْمُ دَ مَاتَنْمُ دَ تُمَكِنْمُ دَ شَانُنْمُ ذَاسُ ذَوْنَ أَغَرُرُوَ عَيَنْكِنْ غِلٜىٰيَدْ؞

²⁷ عَمَّا كُواْوَنٜىٰ سُواْجَ عَثِكِنْمُ ذَيْ ڧٜىٰتَرٜىٰ كُواْغِنْ يُواْدَنْ يَيِ يَاڧِ دُواْمِنْ يَهْوٜىٰهْ بِسَغَ يَدَّ شُوغَبَنْمُ يَڢَطَا؞»‏

²⁸ سَيْ مُوسَٰى يَبَا عٜىٰلٜىٰيَظَرْ ڢِرِسْتِ دَ يُواْشُوَ طَنْ نُنْ دَ شُوغَبَنِّنْ غِدَاجٜىٰنْ كَاكَنِّنْ ذُرِيَرْ إِسْرَٰٓءِيلَ عُمَرْنِ غَمٜىٰدَ مُتَنٜىٰنْ رَعُبَيْنُ دَ غَدْ؞

²⁹ يَثٜىٰ ‏«‏عِدَنْ كُواْوَنٜىٰ سُواْجَ نَ غَدْ دَ نَ رَعُبَيْنُ ذَيْ ڧٜىٰتَرٜىٰ كُواْغِنْ يُواْدَنْ تَرٜىٰدَكُو يَيِ يَاڧِ دُواْمِنْ يَهْوٜىٰهْ حَرْ سَيْ ڧَسَرْ تَكُواْمَ عَڧَرْڧَشِنْكُ، تُواْ، سَيْ كُبَاسُ يَنْكِنْ غِلٜىٰيَدْ تَذَمَ مَلَّكَرْسُ تَغَادُواْ؞

³⁰ عَمَّا عِدَنْ بَسُ ڧٜىٰتَرٜىٰ تَرٜىٰدَكُو دَ شِرِنْ يَاڧِبَ، تُواْ، سَيْ كُبَاسُ غَادُواْ تَرٜىٰدَكُو عَثِكِنْ ڧَسَرْ كَنْعَنَ؞»‏

³¹ سَيْ مُتَنٜىٰنْ غَدْ دَ نَ رَعُبَيْنُ سُكَ أَمْسَ سُكَثٜىٰ ‏«‏كَمَرْ يَدَّ يَهْوٜىٰهْ يَڢَطَا وَبَايِنْكَ، حَكَ ذَامُيِ؞

³² ذَامُ ڧٜىٰتَرٜىٰ دَ شِرِنْ يَاڧِ أَغَبَنْ يَهْوٜىٰهْ ذُوَا ثِكِنْ ڧَسَرْ كَنْعَنَ، عَمَّا ذَامُ سَامِ غَادُوانْمُ أَنَنْ غَبَشِنْ كُواْغِنْ يُواْدَنْ؞»‏

³³ سَعَنً مُوسَٰى يَبَامُتَنٜىٰنْ غَدْ دَ مُتَنٜىٰنْ رَعُبَيْنُ دَ رَبِنْ مُتَنٜىٰنْ مَنَسّٜىٰ طَنْ يُوسُڢَ يَنْكِنْ مُلْكٍ سَرْكِے سِهُوانْ نَ أَمُواْرِيَاوَا دَ يَنْكِنْ مُلْكٍ سَرْكِے عُواغْ نَ بَشَنْ، تَرٜىٰدَ غَرُرُوَنْسُ دَ يَنْكُنَنْ دَ دَا سُكٜىٰ ڧَرْڧَشِنْسُ؞

³⁴ سَيْ مُتَنٜىٰنْ غَدْ سُكَسَاكٜىٰ غِنَا غَرِنْ دِبُوانْ دَ أَتَرُواتْ دَ أَرُواْوٜىٰرْ،

³⁵ دَ أَتَرُواتْ شُواْڢَنْ دَ يَظٜىٰرْ دَ يُواغْبٜىٰهَ،

³⁶ دَ بٜىٰتْ نِمْرَ دَ بٜىٰتْ هَرَنْ، سُذَمَ بِرَنٜىٰ مَاسُ كَتَنْ‌غَ؞ سُكَ كُمَ غِنَا وُرَارٜىٰنْ دَ عَكٜىٰ أَجِيٜىٰ دَبُّواْبِے؞

³⁷ سَيْ مُتَنٜىٰنْ رَعُبَيْنُ سُكَسَاكٜىٰ غِنَا غَرِنْ هٜىٰشْبُوانْ دَ عٜىٰلٜىٰيَلٜىٰ دَ كِرِيَتَيِمْ،

³⁸ دَ نٜىٰبُواْ دَ بَعَلْ مٜىٰيُوانْ دَ سِبْمَ؞ سُكَ ثَنْجَ سُونَيٜىٰنْ وَطَنْسُ غَرُضُوً دَ سُكَثِ دَ يَاڧِ سُكَ كُمَ سَاكٜىٰ غِنَاوَا؞

³⁹ سَيْ مُتَنٜىٰنْ دَنْ‌غِنْ مَكِرْ طَنْ مَنَسّٜىٰ سُكَ تَڢِے غِلٜىٰيَدْ، سُكَثِتَ دَ يَاڧِ، سُكَ كُواْرِ أَمُواْرِيَاوَنْ دَسُكٜىٰ ثِكِنْتَ؞

⁴⁰ سَيْ مُوسَٰى يَبَامُتَنٜىٰنْ مَكِرْ طَنْ مَنَسّٜىٰ غِلٜىٰيَدْ، سُكَ ذَوْنَ عَثِكِ؞

⁴¹ مُتَنٜىٰنْ يَايِرْ طَنْ مَنَسّٜىٰ سُكَ تَڢِے سُكَثِ ڧَوْيُكَنْ يَنْكِنْ غِلٜىٰيَدْ دَ يَاڧِ، سُكَ ثَنْجَ سُونَيٜىٰنْسُ ذُوَا ‏«‏ڧَوْيُكَنْ يَايِرْ»‏؞

⁴² سَيْ وَنِ مَيْ سُونَ نُواْبَ يَتَڢِے يَثِ كٜىٰنَتْ دَ ڧَوْيُكَنْتَ دَ يَاڧِ، يَثَنْجَ سُونَنْتَ ذُوَا ‏«‏نُواْبَ»‏ بِسَغَ سُونَنْسَ؞