ڧِدَايَ 31 - أَتَّوْرَتْ دَ أَنَّبَاوَا

يَاڧِ دَ مِدِيَنَاوَا

¹ يَهْوٜىٰهْ يَيِ مَغَنَ دَ مُوسَٰى يَثٜىٰ،

² ‏«‏كَحُكُنْتَ مِدِيَنَاوَا عَكَنْ أَبِنْدَ سُكَيِ وَ إِسْرَٰٓءِيلَاوَا؞ بَايَنْدَ كَيِ وَنَّنْ ذَاكَ مُتُ كَبِے كَاكَنِّنْكَ؞»‏

³ مُوسَٰى كُوَ يَيِ مَغَنَ دَ جَمَعَ يَثٜىٰ ‏«‏كُسَا وَطَنْسُ سُيِ شِرِ دُواْمِنْ يَاڧِ، سُڢَاطَوَ مِدِيَنَاوَا دَ يَاڧِ بِسَغَ رَامُوَرْ يَهْوٜىٰهْ عَكَنْسُ؞

⁴ سَيْ كُعَيْكِ مُتُمْ دُبُو طَيَ دَغَ كُواْوَثٜىٰ ذُرِيَرْ إِسْرَٰٓءِيلَ ذُوَا وُرِنْ يَاڧِنْ؞»‏

⁵ سَيْ عَكَ ذَاٻِ مُتُمْ دُبُو غُواْمَشَا بِيُ، عَكَ شِرْيَسُ دُواْمِنْ يَاڧِ دَغَ دُبَّنْ إِسْرَٰٓءِيلَاوَا، وَتُواْ مُتُمْ دُبُو طَيَ دَغَ كُواْوَثٜىٰ ذُرِيَ؞

⁶ مُوسَٰى يَتُورَسُ أَ ڢِيلِنْ يَاڧِ تَرٜىٰدَ ڢِنٜىٰهَسْ طَنْ عٜىٰلٜىٰيَظَرْ ڢِرِسْتِ، وَنْدَ ذَيْ لُورَ دَ كَايَنْ دَ عَكَ كٜىٰٻٜىٰ دَ ڟَرْكِے دَغَ وُرِے مَيْ ڟَرْكِے دَ كُمَ كَكَكِ دُواْمِنْ كِرَنْ يَاڧِ أَ حَنُّنْسَ؞

⁷ سُكَيِ يَاڧِ دَ مِدِيَنَاوَا بِسَغَ يَدَّ يَهْوٜىٰهْ يَعُمَرْثِ مُوسَٰى، سُكَ كُمَ كَكَّشٜىٰ كُواْوَنٜىٰ نَمِجِ؞

⁸ بَنْدَ حَكَ سُكَ كَشٜىٰ سَرَاكُنَ بِيَرْ نَ مَدْيَنَ، وَتُواْ عٜىٰوِ دَ رٜىٰكٜىٰمْ دَ ظُرْ دَ هُرْ دَ رٜىٰبَ؞ سُكَ كُمَ كَشٜىٰ بَلَعَمْ طَنْ بٜىٰيُوارْ دَ تَكُواْبِے؞

⁹ إِسْرَٰٓءِيلَاوَا سُكَ ڨُوثٜىٰ مَاتَادَ يَارَا ڧَنَانَا نَ مِدِيَنَاوَا سُذَمَ بَايِ؞ سُكَ ݣُوشِ شَانُنْسُ دَ تُمَكِنْسُ دَ دُكَنْ دُوكِيَرْسُ عَيَاڧِ؞

¹⁰ سُكَ كُمَ ڧُواْنٜىٰ دُكَنْ غَرُضُوً مِدِيَنَاوَا دَ دُكَنْ سَنْسَنِنْسُ،

¹¹ عَمَّا دَ مُتُمْ دَ دَبَّ دُكَ سُنْ ݣُوشٜىٰسُ عَيَاڧِ؞

¹² سُكَ كَٰوُاْ وَطَنْدَ سُكَ كَامَ بَايِ دَ كَايَنْ دَ سُكَ ݣُوشٜىٰ عَيَاڧِ ذُوَا وُرِنْ مُوسَٰى دَ عٜىٰلٜىٰيَظَرْ ڢِرِسْتِ دَ تَارُوانْ جَمَعَرْ إِسْرَٰٓءِيلَ أَ ذَنْ‌غُوانْسُ أَ ڢِيلَيٜىٰنْ مُواْوَبْ عَبَاكِنْ كُواْغِنْ يُواْدَنْ سُنَ كَلُّوانْ يٜىٰرِكُواْ؞

دَاوُاْوَرْ مَاسُ يَاڧِ

¹³ سَيْ مُوسَٰى دَ عٜىٰلٜىٰيَظَرْ ڢِرِسْتِ دَ دُكَنْ شُوغَبَنِّنْ تَارُوانْ جَمَعَرْ إِسْرَٰٓءِيلَ سُكَ ڢِتَ دَغَ ذَنْ‌غُواْ دُواْمِنْ سُتَرْيٜىٰسُ؞

¹⁴ مُوسَٰى كُوَ يَيِ ڢُشِے مَيْ ڟَنَنِ دَ شُوغَبَنِّنْ سُواْجُواْجِ دَ شُوغَبَنِّنْ دُبُو دُبُو دَ شُوغَبَنِّنْ طَرِے طَرِے، وَطَنْدَ سُكَ دَاوُاْ دَغَ وُرِنْ يَاڧِ؞

¹⁵ يَتَمْبَيٜىٰسُ يَثٜىٰ ‏«‏دُوانْمٜىٰ كُكَ بَرْ دُكَنْ مَاتَانْ مِدِيَنَاوَا دَ رَيْ؟

¹⁶ كُتُنَ ڢَا، تَوُرِنْ شَوَرَرْ بَلَعَمْ، مَاتَنَّنْ سُكَسَا إِسْرَٰٓءِيلَاوَا سُكَثِ أَمَانَرْ يَهْوٜىٰهْ ثِكِنْ أَبِنْدَ يَڢَرُ أَ ڢٜىٰيُوارْ، حَرْ بَلَعِ يَڢَاطُواْ عَكَنْ جَمَعَرْ يَهْوٜىٰهْ؞

¹⁷ يَنْذُ، سَيْ كُكَشٜىٰ دُكَنْ يَارَا مَظَا دَ كُواْوَثٜىٰ مَثٜىٰ وَدَّ تَسَنْ نَمِجِ؞

¹⁸ عَمَّا دُكَنْ یَنْ مَاتَا وَطَنْدَ بَسُ سَنْ نَمِجِ بَ، سَيْ كُبَرْ وَكَنْكُ؞

¹⁹ عَثِكِنْكُ دُكْ وَنْدَ يَكَشٜىٰ مُتُمْ كُواْ يَتَٻَ غَاوَا ذَيْ ذَوْنَ عَبَايَنْ ذَنْ‌غُوانْ حَرْ ݣُونَ بَݣَويْ؞ أَ رَانَ تَ عُكُ دَ تَبَݣَويْ ذَاكُ ڟَبْتَثٜىٰ كَنْكُ تَرٜىٰدَ بَايِنْ دَ كُكَ كَامَ؞

²⁰ ذَاكُ ڟَبْتَثٜىٰ كُواْوَثٜىٰ رِغَا دَ كُواْوَنٜىٰ أَبِنْدَ عَكَيِ دَ ڢَتَ دَ كُواْوَنٜىٰ أَبِنْدَ عَكَيِ دَ غَاشِنْ أَوَكِ دَ كُواْوَنٜىٰ أَبِنْدَ عَكَيِ دَ إِتَاثٜىٰ؞»‏

²¹ عٜىٰلٜىٰيَظَرْ ڢِرِسْتِ كُوَ يَثٜىٰ وَسُواْجُواْجِنْ دَ سُكَ تَڢِے يَاڧِ ‏«‏وَطَنَّنْ سُونٜىٰ ڧَٰعِدُواْدِنْ دَ يَهْوٜىٰهْ يَعُمَرْثِ مُوسَٰى؞

²² ظِينَارِيَ دَ أَظُرْڢَا دَ تَغُلَّ دَ بَڧِنْ ڧَرْڢٜىٰ دَ كُظَ دَ دَرْمَ،

²³ دَ دُكَنْ أَبِنْدَ وُتَا بَاتَ عِيَثِ، سُونٜىٰ ذَاكُ ڟَبْتَثٜىٰسُ تَثِكِنْ وُتَا، ذَاسُ كَسَنْثٜىٰ مَرَسَ ڧَظَنْتَا؞ دُكْدَهَكَ ذَاعَ كُمَ ڟَبْتَثٜىٰسُ تَثِكِنْ ضُوً ڟَبْتَثٜىٰوَ؞ عَمَّا أَبِنْدَ وُتَا تَكَنْثِ، سَيْ أَڟَبْتَثٜىٰشِ تَثِكِنْ ضُوً ڟَبْتَثٜىٰوَ كَوَيْ؞

²⁴ ذَاكُ وَنْكٜىٰ رِيغُنَنْكُ أَ رَانَ تَبَݣَويْ دُواْمِنْ كُذَمَ مَرَسَ ڧَظَنْتَا؞ بَايَنْ حَكَ سَيْ كُكُواْمَ ثِكِنْ ذَنْ‌غُوانْ؞»‏

أَنْ رَرَّبَ كَايَنْدَ عَكَڨُوثٜىٰ عَيَاڧِ

²⁵ يَهْوٜىٰهْ كُمَ يَڢَطَا وَ مُوسَٰى ثٜىٰوَ

²⁶ ‏«‏دَ كَيْ دَ عٜىٰلٜىٰيَظَرْ ڢِرِسْتِ دَ شُوغَبَنِّنْ غِدَاجٜىٰنْ كَاكَنِّنْ تَارُوانْ جَمَعَ، كُلِسَّڢْتَ كَايَنْ دَ عَكَ ڨُوثٜىٰ عَيَاڧِ، نَمُتَنٜىٰ دَ دَبُّواْبِے دُكَ؞

²⁷ كُرَبَ كَايَنْدَ كُكَ ڨُوثٜىٰ عَيَاڧِ كَشِ بِيُ؞ كُبَا سُواْجُواْجِنْ دَ سُكَ تَڢِے يَاڧِ كَشِ طَيَ، كَشِ طَيَنْ كُمَ كُبَا تَارُوانْ جَمَعَ؞

²⁸ دَغَ ثِكِنْ كَايَنْ دَ عَكَ ڨُوثٜىٰ عَيَاڧِ نَسُواْجُواْجِنْ دَ سُكَ تَڢِے يَاڧِ، سَيْ كَكٜىٰٻٜىٰ كَشِ نَمُسَمَّنْ يَذَمَ هَرَاجِ غَ يَهْوٜىٰهْ؞ كَطَوْكِ أَبُ طَيَ دَغَ ثِكِنْ كُواْوَنٜىٰ طَرِے بِيَرْ دُواْمِنْ هَرَاجِنْ، كُواْ نَمُتَنٜىٰ، كُواْ نَشَانُو، كُواْ نَجَاكُنَ، كُواْ نَتُمَكِ، كُواْ نَأَوَكِ؞

²⁹ كَطَوْكِ هَرَاجِنَّنْ دَغَ كَشِ طَيَ نَسُواْجُواْجِ، سَيْكَبَا عٜىٰلٜىٰيَظَرْ ڢِرِسْتِ، يَذَمَ بَايَرْوَ تَمُسَمَّنْ غَ يَهْوٜىٰهْ؞

³⁰ دَغَ ثِكِنْ كَايَنْ دَ عَكَ ڨُوثٜىٰ عَيَاڧِ وَنْدَ يَذَمَ نَتَارُوانْ جَمَعَ، سَيْ كَطَوْكِ أَبُ طَيَ دَغَ ثِكِنْ كُواْوَنٜىٰ حَمْسِنْ، كُواْ نَمُتَنٜىٰ، كُواْ نَشَانُو، كُواْ نَجَاكُنَ، كُواْ نَتُمَكِ، كُواْ نَأَوَكِ؞ كَبَادَسُو غَ لَوِيَاوَا وَطَنْدَ سُكٜىٰ لُورَ دَ تٜىٰنْتِنْ كَسَنْثٜىٰوَرْ يَهْوٜىٰهْ؞»‏

³¹ سَيْ مُوسَٰى دَ عٜىٰلٜىٰيَظَرْ ڢِرِسْتِ سُكَيِ يَدَّ يَهْوٜىٰهْ يَعُمَرْثِ مُوسَٰى؞

³² غَا يَوَنْ كَايَنْدَ سُواْجُواْجِ سُكَ ڨُوثٜىٰ عَيَاڧِ، تُمَكِ دُبُو طَرِے شِدَ دَ دُبُو سَبَعِنْ دَ بِيَرْ،

³³ شَانُو دُبُو سَبَعِنْ دَ بِيُ،

³⁴ جَاكُنَ دُبُو سِتِّنْ دَ طَيَ،

³⁵ یَنْ مَاتَا وَطَنْدَ بَسُ سَنْ نَمِجِبَ دُبُو تَلَاتِنْ دَ بِيُ؞

³⁶ غَا سَاشٜىٰنْ دَ عَكَبَا سُواْجُواْجِ وَطَنْدَ سُكَ تَڢِے يَاڧِ، تُمَكِ دُبُو طَرِے عُكُ دَ دُبُو تَلَاتِنْ دَ بَݣَويْ دَ طَرِے بِيَرْ؞

³⁷ دَغَ ثِكِنْ وَطَنَّنْ، عَكَ طَوْكِ تُمَكِ دَ أَوَكِ طَرِے شِدَ دَ سَبَعِنْ دَ بِيَرْ دُواْمِنْ هَرَاجِ غَ يَهْوٜىٰهْ؞

³⁸ شَانُو كُمَ دُبُو تَلَاتِنْ دَ شِدَ؞ دَغَ ثِكِنْسُ عَكَ طَوْكِ شَانُو سَبَعِنْ دَ بِيُ دُواْمِنْ هَرَاجِ غَ يَهْوٜىٰهْ؞

³⁹ جَاكُنَ كُمَ دُبُو تَلَاتِنْ دَ طَرِے بِيَرْ؞ دَغَ ثِكِنْسُ عَكَ طَوْكِ جَاكُنَ سِتِّنْ دَ طَيَ دُواْمِنْ هَرَاجِ غَ يَهْوٜىٰهْ؞

⁴⁰ یَنْ مَاتَا كُمَ دُبُو غُواْمَشَا شِدَ؞ دَغَ ثِكِنْسُ عَكَ طَوْكِ یَنْ مَاتَا تَلَاتِنْ دَ بِيُ دُواْمِنْ هَرَاجِ غَ يَهْوٜىٰهْ؞

⁴¹ سَيْ مُوسَٰى يَبَا عٜىٰلٜىٰيَظَرْ ڢِرِسْتِ رَبُوانْ دَيَكٜىٰ هَرَاجِ غَ يَهْوٜىٰهْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

⁴² غَا سَاشٜىٰنْ دَ عَكَبَا تَارُوانْ جَمَعَرْ إِسْرَٰٓءِيلَ، وَنْدَ عَكَ وَارٜىٰ دَغَ سَاشٜىٰنْ سُواْجُواْجِنْ دَ سُكَ تَڢِے يَاڧِنْ،

⁴³ تُمَكِ دُبُو طَرِے عُكُ دَ دُبُو تَلَاتِنْ دَ بَݣَويْ دَ طَرِے بِيَرْ؞

⁴⁴ شَانُو كُمَ دُبُو تَلَاتِنْ دَ شِدَ؞

⁴⁵ جَاكُنَ كُمَ دُبُو تَلَاتِنْ دَ طَرِے بِيَرْ؞

⁴⁶ یَنْ مَاتَا كُمَ دُبُو غُواْمَشَا شِدَ؞

⁴⁷ دَغَ ثِكِنْ كَايَنْ دَ عَكَ ڨُوثٜىٰ عَيَاڧِ وَنْدَ يَذَمَ نَتَارُوانْ جَمَعَرْ إِسْرَٰٓءِيلَ، مُوسَٰى يَطَوْكِ أَبُ طَيَ دَغَ ثِكِنْ كُواْوَنٜىٰ حَمْسِنْ نَیَنْ مَاتَادَ نَدَبُّواْبِے، يَبَا لَوِيَاوَنْ دَسُكٜىٰ لُورَ دَ تٜىٰنْتِنْ كَسَنْثٜىٰوَرْ يَهْوٜىٰهْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

بَيٜىٰ بَيٜىٰ

⁴⁸ سَيْ شُوغَبَنِّنْ سُواْجُواْجِ دَ شُوغَبَنِّنْ دُبُو دُبُو دَ شُوغَبَنِّنْ طَرِے طَرِے سُكَذُواْ وُرِنْ مُوسَٰى،

⁴⁹ سُكَثٜىٰ مَسَ ‏«‏رَنْكَيَدَطٜىٰ!‏ مُو بَايِنْكَ مُنْ ڧِرْغَ سُواْجُواْجِنْ دَ سُكَ تَڢِے يَاڧِنْ عَڧَرْڧَشِنْ إِيكُوانْمُ، كُمَ بَابُوَنْدَ يَٻَثٜىٰ دَغَ ثِكِنْمُ؞

⁵⁰ غَاشِ كُوَ مُنْ كَٰوُاْ وَ يَهْوٜىٰهْ بَيٜىٰ بَيٜىٰ دَغَ ثِكِنْ أَبُبُوَنْ دَ كُواْوَنّٜىٰنْمُ يَسَامُ، كَايَنْ ظِينَارِيَ دَ ذُواْبَّنْ حَنُّ دَ وَرْوَرُوانْ حَنُّ دَ ذُواْبَّنْ هَاتِمِ دَ یَنْ كُنّٜىٰ دَ سَرْڧُواْڧِنْ وُيَ، مُنْ كَٰوُاْسُ هَرَاجِ غَ يَهْوٜىٰهْ دُواْمِنْ ڢَنْسَرْ رَنْمُ؞»‏

⁵¹ مُوسَٰى دَ عٜىٰلٜىٰيَظَرْ ڢِرِسْتِ سُكَ كَرْٻِ ظِينَارِيَ دَغَ حَنُّنْسُ، دُكَنْ كَايَنْ ظِينَارِيَ كُوَ أَنْڧٜىٰرَسُ؞

⁵² دُكَنْ ظِينَارِيَرْ دَ دُكَنْ شُوغَبَنِّنْ سُكَ بَايَرْ هَرَاجِ غَ يَهْوٜىٰهْ، نَوْيِنْتَ يَكَيْ وَجٜىٰنْ كِلُواْ طَرِے بِيُ؞

⁵³ كُواْوَنٜىٰ سُواْجَ كُوَ يَݣُوشِ رَبُوانْسَ نَكَايَنْ دَ عَكَ ڨُوثٜىٰ عَيَاڧِ؞

⁵⁴ مُوسَٰى دَ عٜىٰلٜىٰيَظَرْ ڢِرِسْتِ سُكَ كَرْٻِ ظِينَارِيَ دَغَ شُوغَبَنِّنْ دُبُو دُبُو دَ نَطَرِے طَرِے، سُكَ كَيْسُ ثِكِنْ تٜىٰنْتِنْ سَدُوَ دُواْمِنْ سُذَمَ أَبِنْ تُنَاوَا غَ يَهْوٜىٰهْ ثٜىٰوَ جَمَعَرْ إِسْرَٰٓءِيلَ نَاسَنٜىٰ؞