ڧِدَايَ 30 - أَتَّوْرَتْ دَ أَنَّبَاوَا

ڧَٰعِدُواْدِ غَمٜىٰدَ يِنْ ضَنْڟُوَا

¹ سَيْ مُوسَٰى يَڢَطَا وَشُوغَبَنِّنْ ظُرِيُواْيِنْ إِسْرَٰٓءِيلَاوَا ثٜىٰوَ يَهْوٜىٰهْ يَبَادَ وَطَنَّنْ عُمَرْنَيْ؞

² ‏«‏عِدَنْ مُتُمْ يَيِ ضَنْڟُوَا غَ يَهْوٜىٰهْ، كُواْ يَطَوْرَا أَلْڧَوَرِ، كُواْ كُوَ يَڢَطَا ذَيْ يِوَنِ أَبُ، بَذَيْ كَرْيَ مَغَنَرْسَبَ، عَمَّا دُواْلٜىٰنٜىٰ يَعَيْكَتَ أَبِنْدَ بَاكِنْسَ يَڢَطَا؞

³ ‏«‏عِدَنْ كُمَ مَثٜىٰ تَايِ ضَنْڟُوَا غَ يَهْوٜىٰهْ، كُواْ تَا طَوْرَ أَلْڧَوَرِ سَعَدَّ تَنَ يَارِنْيَ أَغِدَنْ بَابَنْتَ،

⁴ ذَاتَ ثِكَ دُكَنْ ضَنْڟُوَارْتَ دَ أَلْڧَوَرِنْتَ وَطَنْدَ تَطَوْرٜىٰ كَنْتَ دَسُو؞ عِدَنْ بَابَنْتَ يَا جِ ضَنْڟُوَارْتَ دَ أَلْڧَوَرِنْتَ وَطَنْدَ تَيِ، بَيْ كُمَثٜىٰ مَتَ كُواْمٜىٰ أَ لُواْكَثِنْ بَ، تُواْ، ضَنْڟُوَارْ دَ أَلْڧَوَرِنْ سُنْ ظَوْنُ كٜىٰنَنْ؞

⁵ عَمَّا عِدَنْ بَابَنْتَ يَجِ، يَنُونَ رَشِنْ يَرْدَ أَ لُواْكَثِنْ، تُواْ، ضَنْڟُوَارْتَ دَ أَلْڧَوَرِنْتَ بَذَاسُ ظَوْنُبَ؞ يَهْوٜىٰهْ كُوَ ذَيْ غَاڢَرْثٜىٰتَ، غَمَا بَابَنْتَ بَيْ يَرْدَ مَتَبَ؞

⁶ ‏«‏عِدَنْ كُوَ تَايِ عَوْرٜىٰ لُواْكَثِنْ دَ تَكٜىٰدَ ضَنْڟُوَا كُواْ أَلْڧَوَرِنْ دَ تَطَوْرَ كَنْتَ دَسُو، بَاتَرٜىٰدَ تَايِ تُنَانِ بَ،

⁷ ذَاتَ ثِكَ دُكَنْ ضَنْڟُوَارْتَ دَ أَلْڧَوَرِنْتَ وَطَنْدَ تَطَوْرٜىٰ كَنْتَ دَسُو؞ عِدَنْ مِجِنْتَ يَجِ ضَنْڟُوَارْتَ كُواْ أَلْڧَوَرِنْتَ وَطَنْدَ تَيِ، بَيْ كُمَثٜىٰ مَتَ كُواْمٜىٰ أَ لُواْكَثِنْ بَ، تُواْ، ضَنْڟُوَارْ دَ أَلْڧَوَرِنْ سُنْ ظَوْنُ كٜىٰنَنْ؞

⁸ عَمَّا عِدَنْ مِجِنْتَ يَجِ، يَنُونَ رَشِنْ يَرْدَ أَ لُواْكَثِنْ، تُواْ، ذَيْ رُشٜىٰ ضَنْڟُوَارْتَ دَ أَلْڧَوَرِنْتَ وَطَنْدَ تَطَوْرٜىٰ كَنْتَ دَسُو، بَاتَرٜىٰدَ تَايِ تُنَانِبَ؞ يَهْوٜىٰهْ كُوَ ذَيْ غَاڢَرْثٜىٰتَ؞

⁹ ‏«‏عَمَّا كُواْوَثٜىٰ ضَنْڟُوَارْ دَ مَثٜىٰ وَدَّ مِجِنْتَ يَمُتُ كُواْ مَثٜىٰنْ دَ عَكَ سَكٜىٰتَ أَعَوْرٜىٰ تَيِ، ذَاتَ ظَوْنُ؞ دُواْلٜىٰ تَثِكَ ضَنْڟُوَارْ دَ تَطَوْرٜىٰ كَنْتَ دَ عِتَ؞

¹⁰ ‏«‏عِدَنْ مَثٜىٰنْ تَايِ ضَنْڟُوَا أَغِدَنْ عَوْرٜىٰنْتَ نٜىٰ، كُواْ تَا طَوْرَ أَلْڧَوَرِ، كُواْ تَا ڢَطَا ذَاتَيِ وَنِ أَبُ،

¹¹ ذَاتَ ثِكَ دُكَنْ ضَنْڟُوَارْتَ دَ أَلْڧَوَرِنْتَ وَطَنْدَ تَطَوْرٜىٰ كَنْتَ دَسُو؞ عِدَنْ مِجِنْتَ يَا جِ ضَنْڟُوَارْتَ كُواْ أَلْڧَوَرِنْتَ وَطَنْدَ تَيِ، بَيْ كُمَثٜىٰ مَتَ كُواْمٜىٰبَ، بَيْ كُمَ نُونَ رَشِنْ يَرْدَ بَ، تُواْ، ضَنْڟُوَارْ دَ أَلْڧَوَرِنْ سُنْ ظَوْنُ كٜىٰنَنْ؞

¹² عَمَّا عِدَنْ مِجِنْتَ يَرُشٜىٰ ضَنْڟُوَارْتَ دَ أَلْڧَوَرِنْتَ أَ لُواْكَثِنْدَ يَجِيسُ، تُواْ، دُكْ أَبِنْدَ يَڢِتَ دَغَ بَاكِنْتَ غَمٜىٰدَ ضَنْڟُوَارْ كُواْ أَلْڧَوَرِنْ بَيْ ظَوْنُ بَ كٜىٰنَنْ؞ يَهْوٜىٰهْ كُوَ ذَيْ غَاڢَرْثٜىٰتَ، غَمَا مِجِنْتَ يَرُشٜىٰ ضَنْڟُوَارْتَ دَ أَلْڧَوَرِنْتَ؞

¹³ مِجِنْتَ يَنَدَ إِيكُواْ يَتَبَّتَرْ، كُواْ كُوَ يَرُشٜىٰ كُواْوَثٜىٰ ضَنْڟُوَا دَ كُواْوَنٜىٰ إِرِنْ أَلْڧَوَرِنْ دَ تَطَوْرٜىٰ كَنْتَ دَسُو؞

¹⁴ عِدَنْ أَدُكَنْ رَانَرْ مِجِنْتَ بَيْ ثٜىٰ مَتَ كُواْمٜىٰبَ، تُواْ، يَتَبَّتَرْ دَ دُكَنْ ضَنْڟُوَارْتَ دَ دُكَنْ أَلْڧَوَرِنْتَ وَطَنْدَ تَطَوْرٜىٰ كَنْتَ دَسُو كٜىٰنَنْ، غَمَا بَيْ ڢَطِ كُواْمٜىٰ غَرٜىٰتَ أَ رَانَرْدَ يَجِيسُبَ؞

¹⁵ عَمَّا عِدَنْ يَا جِ، سَيْ دَغَ بَايَ يَرُشٜىٰسُ، تُواْ، ذَيْ طَوْكِ أَلْحَكِنْ لَيْڢِنْتَ كٜىٰنَنْ؞»‏

¹⁶ وَطَنَّنْ سُونٜىٰ ڧَٰعِدُواْدِنْ دَ يَهْوٜىٰهْ يَعُمَرْثِ مُوسَٰى غَمٜىٰدَ ضَنْڟُوَارْ دَ تَشَاڢِ مِجِ دَ مَاتَرْسَ دَ كُمَ ضَنْڟُوَارْ دَ تَشَاڢِ بَابَ دَ یَرْسَ لُواْكَثِنْ دَتَكٜىٰ يَارِنْيَ أَغِدَنْ بَابَنْتَ؞