ڧِدَايَ 3 - أَتَّوْرَتْ دَ أَنَّبَاوَا

ذُرِيَرْ لَوِ

¹ غَا تَارِيحِنْ عِيَلَنْ هَٰرُونَ دَ مُوسَٰى أَ لُواْكَثِنْ دَ يَهْوٜىٰهْ يَيِ مَغَنَ دَ مُوسَٰى عَكَنْ بَبَّنْ تُدُنْ سِنَيْ؞

² وَطَنَّنْ سُونٜىٰ یَیَ مَظَا نَ هَٰرُونَ؞ نَدَبْ، طَا نَڢَارِ دَ أَبِهُ دَ عٜىٰلٜىٰيَظَرْ دَ عِتَمَرْ؞

³ وَطَنَّنْ نٜىٰ سُونَيٜىٰنْ یَیَنْ هَٰرُونَ، وَطَنْدَ عَكَ كٜىٰٻٜىٰ عَكَ كُمَ نَطَسُ دُواْمِنْ سُيِ عَيْكِنْ ڢِرِسْتِ؞

⁴ عَمَّا نَدَبْ دَ أَبِهُ سُنْ مُتُ أَغَبَنْ يَهْوٜىٰهْ أَ دَاجِنْ سِنَيْ، أَ لُواْكَثِنْ دَ سُكَ مِيڧَا وَ يَهْوٜىٰهْ وُتَرْ دَ بَتَدَاثٜىٰبَ دُواْمِنْ هَدَايَ؞ سُنْ مُتُ بَا یَیَ؞ سَبُواْدَ حَكَ عٜىٰلٜىٰيَظَرْ دَ عِتَمَرْ سُكَيِ حِدِمَرْ ڢِرِسْتِ دُكَنْ ݣُونَكِنْ رَايُوَرْ بَابَنْسُ هَٰرُونَ؞

عَيْكِنْ لَوِيَاوَا

⁵ يَهْوٜىٰهْ يَثٜىٰ وَ مُوسَٰى،

⁶ ‏«‏كَٰوُاْ مِنِ ذُرِيَرْ لَوِيَاوَا، كَسَا سُذَمَ مَاسُ تَيْمَكُوانْ هَٰرُونَ أَ عَيْكِنْسَ نَڢِرِسْتِ؞

⁷ ذَاسُيِ عَيْكِ عَتٜىٰنْتِنْ سَدُوَ دُواْمِنْ هَٰرُونَ كُمَ دُواْمِنْ دُكَنْ جَمَعَ؞

⁸ ذَاسُ لُورَ دَ دُكَنْ كَايَنْ عَيْكِ نَتٜىٰنْتِنْ سَدُوَ؞ ذَاسُ كُمَيِ وَسَوْرَنْ إِسْرَٰٓءِيلَاوَا عَيْكِ عَتٜىٰنْتِنْ كَسَنْثٜىٰوَرْ يَهْوٜىٰهْ؞

⁹ دَغَ ثِكِنْ دُكَنْ إِسْرَٰٓءِيلَاوَا، ذَاكَ بَادَ لَوِيَاوَا أَ حَنُّنْ هَٰرُونَ دَ ذُرِيَرْسَ دُواْمِنْ سُتَيْمَكٜىٰسُ؞

¹⁰ سَا هَٰرُونَ دَ یَیَنْسَ مَظَا سُلُورَ دَ عَيْكِنْسُ نَڢِرِسْتِ؞ عِدَنْ كُوَ وَنِ مُتُمْ دَبَمْ يَيِ ڧُواْڧَرِنْ يِنْوَنَّنْ عَيْكِ، ذَاعَ كَشٜىٰشِ؞»‏

مُهِمِّنْ مَڟَيِنْ لَوِيَاوَا

¹¹ يَهْوٜىٰهْ يَيِ مَغَنَ دَ مُوسَٰى ثٜىٰوَ

¹² ‏«‏غَاشِ، نَكَرْٻِ لَوِيَاوَا دَغَ ثِكِنْ یَیَنْ إِسْرَٰٓءِيلَ أَمَيْمَكُوانْ دُكَنْ یَیَنْ ڢَارِ وَطَنْدَ سُكَ بُوطٜىٰ مَحَيْڢَرْ إِيَايٜىٰنْسُ مَتَ؞ دُكَنْ لَوِيَاوَا ذَاسُ ذَمَ نَوَ،

¹³ غَمَا دُكَنْ یَیَنْ ڢَارِ نَوَنٜىٰ؞ لُواْكَثِنْدَ نَكَشٜىٰ دُكَنْ یَیَنْ ڢَارِ نَڧَسَرْ مَصَرْ، نَكٜىٰٻٜىٰوَ كَيْنَ دُكَنْ یَیَنْ ڢَارِ نَ إِسْرَٰٓءِيلَ، كُواْ نَمُتُمْ كُواْ نَدَبَّ؞ ذَاسُ ذَمَ نَوَ؞ نِنٜىٰ يَهْوٜىٰهْ؞»‏

ڧِدَايَرْ لَوِيَاوَا

¹⁴ سَيْ يَهْوٜىٰهْ يَيِ مَغَنَ دَ مُوسَٰى أَ دَاجِنْ سِنَيْ ثٜىٰوَ

¹⁵ ‏«‏كَلِسَّڢْتَ یَیَنْ لَوِ بِسَغَ غِدَاجٜىٰنْ كَاكَنِّنْسُ دَ دَنْ‌غُواْغِنْسُ؞ ذَاكَ لِسَّڢْتَا كُواْوَنٜىٰ نَمِجِ وَنْدَ شٜىٰكَرُنْسَ سُنْ كَيْ وَتَا طَيَ ذُوَا سَمَ؞»‏

¹⁶ مُوسَٰى كُوَ يَلِسَّڢْتَاسُ بِسَغَ مَغَنَرْ يَهْوٜىٰهْ، يَدَّ يَهْوٜىٰهْ يَعُمَرْثٜىٰشِ؞

¹⁷ وَطَنَّنْ نٜىٰ سُونَيٜىٰنْ یَیَنْ لَوِ، غٜىٰرْشُوانْ دَ كُواْهَتْ دَ مٜىٰرَرِ؞

¹⁸ وَطَنَّنْ نٜىٰ سُونَيٜىٰنْ یَیَنْ غٜىٰرْشُوانْ بِسَغَ عِيَلَنْسُ، لِبْنِ دَ شِمٜىٰيِ؞

¹⁹ وَطَنَّنْ سُونٜىٰ یَیَنْ كُواْهَتْ بِسَغَ عِيَلَنْسُ، أَمْرَمْ دَ إِظْهَرْ دَ هٜىٰبْرُوانْ دَ عُظِّيٜىٰلْ؞

²⁰ وَطَنَّنْ سُونٜىٰ یَیَنْ مٜىٰرَرِ بِسَغَ عِيَلَنْسُ، مَلِ دَ مُشِ؞ وَطَنَّنْ نٜىٰ دَنْ‌غُواْغِنْ لَوِيَاوَا بِسَغَ غِدَاجٜىٰنْ كَاكَنِّنْسُ؞

²¹ دَغَ دَنْ‌غِنْ غٜىٰرْشُوانْ عَكَ سَامِ عِيَلِنْ لِبْنِ دَ عِيَلِنْ شِمٜىٰيِ؞ وَطَنَّنْ نٜىٰ دَنْ‌غِنْ غٜىٰرْشُوانْ؞

²² لِسَّڢِنْ مَظَا وَطَنْدَ شٜىٰكَرُنْسُ سُكَ كَيْ وَتَا طَيَ ذُوَا سَمَ، يَكَيْ دُبُو بَݣَويْ دَ طَرِے بِيَرْ؞

²³ دَنْ‌غِنْ غٜىٰرْشُوانْ ذَاسُ كَڢَ تٜىٰنْتُنَنْسُ عَتَيَمَّ دَ تٜىٰنْتِنْ كَسَنْثٜىٰوَرْ يَهْوٜىٰهْ؞

²⁴ عٜىٰلِيَسَڢْ طَنْ لَيٜىٰلْ شِينٜىٰ شُوغَبَنْ غِدَنْ كَاكَنِّنْ غٜىٰرْشُوانْ؞

²⁵ عَيْكِنْ یَیَنْ غٜىٰرْشُوانْ عَتٜىٰنْتِنْ سَدُوَ شِينٜىٰ سُلُورَ دَ تٜىٰنْتِنْ كَسَنْثٜىٰوَرْ يَهْوٜىٰهْ دَ بَبَّنْ أَبِنْ رُڢٜىٰوَرْ تٜىٰنْتِنْ دَ أَبِنْ رُڢٜىٰوَرْسَ دَ لَبُلٜىٰنْ ڧُواْڢَرْ شِغَ تٜىٰنْتِنْ،

²⁶ دَ لَبُلٜىٰنْ ڢِيلِنْ بَبَّنْ تٜىٰنْتِ دَ لَبُلٜىٰنْ ڧُواْڢَرْ شِغَ ڢِيلِنْ دَيَكٜىٰ كٜىٰوَيٜىٰ دَ تٜىٰنْتِنْ دَ بَغَدٜىٰنْ دَ إِغِيُواْيِنْسَ؞ یَیَنْ غٜىٰرْشُوانْ سُونٜىٰ دَ حَكِّنْ لُورَ دَ كُواْوَنٜىٰ إِرِنْ حِدِمَرْ دَ تَشَاڢِ وَطَنَّنْ؞

²⁷ دَغَ دَنْ‌غِنْ كُواْهَتْ عَكَ سَامِ عِيَلِنْ أَمْرَمْ دَ إِظْهَرْ دَ هٜىٰبْرُوانْ دَ عُظِّيٜىٰلْ؞ وَطَنَّنْ نٜىٰ دَنْ‌غِنْ كُواْهَتْ؞

²⁸ لِسَّڢِنْ مَظَا وَطَنْدَ شٜىٰكَرُنْسُ سُكَ كَيْ وَتَا طَيَ ذُوَا سَمَ، يَكَيْ دُبُو تَݣُوسْ دَ طَرِے عُكُ؞ سُونٜىٰ مَاسُ لُورَ دَ وُرِے مَيْ ڟَرْكِے؞

²⁹ دَنْ‌غِنْ كُواْهَتْ ذَاسُ كَڢَ تٜىٰنْتُنَنْسُ عَتَكُدُ دَ تٜىٰنْتِنْ كَسَنْثٜىٰوَرْ يَهْوٜىٰهْ؞

³⁰ عٜىٰلِظَڢَنْ طَنْ عُظِّيٜىٰلْ شِينٜىٰ شُوغَبَنْ غِدَنْ كَاكَنِّنْ دَنْ‌غُواْغِنْ كُواْهَتْ؞

³¹ عَيْكِنْ یَیَنْ كُواْهَتْ شِينٜىٰ سُلُورَ دَ عَݣُوتِنْ يَرْجٜىٰجٜىٰنِيَ دَ تٜىٰبُرْ دَ سَنْدَا مَيْ رِڧٜىٰ ڢِتِلُ دَ بَغَدَيْ دَ كَايَنْ عَيْكِ نَوُرِ مَيْ ڟَرْكِے دَ لَبُلٜىٰنْ وُرِے مَڢِے ڟَرْكِے؞ سُونٜىٰ دَ حَكِّنْ لُورَ دَ كُواْوَنٜىٰ إِرِنْ حِدِمَرْ دَ تَشَاڢِ وَطَنَّنْ؞

³² عٜىٰلٜىٰيَظَرْ طَنْ هَٰرُونَ ڢِرِسْتِ شِينٜىٰ شُوغَبَنْ دُكَنْ شُوغَبَنِّنْ ذُرِيَرْ لَوِ، يَكُمَ ذَمَ مَيْ لُورَ دَ دُكَنْ وَطَنْدَ سُكٜىٰيِنْ عَيْكِ أَ وُرِے مَيْ ڟَرْكِے؞

³³ دَغَ دَنْ‌غِنْ مٜىٰرَرِ عَكَ سَامِ عِيَلِنْ مَلِ دَ مُشِ؞ وَطَنَّنْ نٜىٰ دَنْ‌غِنْ مٜىٰرَرِ؞

³⁴ لِسَّڢِنْ مَظَا وَطَنْدَ سُنْ كَيْ وَتَا طَيَ ذُوَا سَمَ يَكَيْ دُبُو شِدَ دَ طَرِے بِيُ؞

³⁵ دَنْ‌غِنْ مٜىٰرَرِ ذَاسُ كَڢَ تٜىٰنْتُنَنْسُ عَتَأَرٜىٰوَ دَ تٜىٰنْتِنْ كَسَنْثٜىٰوَرْ يَهْوٜىٰهْ؞ ظُرِيٜىٰلْ طَنْ أَبِهَيِلْ شِينٜىٰ شُوغَبَنْ غِدَنْ كَاكَنِّنْ دَنْ‌غُواْغِنْ مٜىٰرَرِ؞

³⁶ عَيْكِنْ دَ عَكَبَا یَیَنْ مٜىٰرَرِ، شِينٜىٰ سُلُورَ دَ ڢِرَمْ نَتٜىٰنْتِنْ دَ سَنْدُنَنْسَ دَ غِنْشِڧَنْسَ دَ غِنْدِنْ ذَمَنْسُ دَ سَوْرَنْ كَايَنْ عَيْكِ؞ سُونٜىٰ دَ حَكِّنْ لُورَ دَ كُواْوَنٜىٰ إِرِنْ حِدِمَرْ دَ تَشَاڢِ وَطَنَّنْ؞

³⁷ سُونٜىٰ كُمَ ذَاسُ لُورَ دَ غِنْشِڧَنْ ڢِيلِنْ دَيَكٜىٰ كٜىٰوَيٜىٰ دَ تٜىٰنْتِنْ دَ غِنْدِنْ ذَمَنْسُ، يَڟُنْسُ دَ إِغِيُواْيِنْسُ؞

³⁸ مُوسَٰى دَ هَٰرُونَ دَ یَیَ مَظَا نَ هَٰرُونَ ذَاسُ كَڢَ تٜىٰنْتُنَنْسُ أَغَبَنْ تٜىٰنْتِنْ، عَتَغَبَسْ دَ تٜىٰنْتِنْ سَدُوَ وَجٜىٰنْ ڢِتُواْوَرْ رَانَ؞ سُونٜىٰ سُنَدَ حَكِّنْ عَيْكِ عَثِكِنْ وُرِے مَيْ ڟَرْكِے دَ كُواْوَنٜىٰ إِرِنْ عَيْكِنْ دَ ذَاعَيِ دُواْمِنْ إِسْرَٰٓءِيلَاوَا؞ عِدَنْ وَنِ مُتُمْ دَبَمْ يَيِ ڧُواْڧَرِنْ يِنْ وَنَّنْ عَيْكِ، ذَاعَ كَشٜىٰشِ؞

³⁹ مُوسَٰى دَ هَٰرُونَ سُكَ لِسَّڢْتَا دُكَنْ لَوِيَاوَا بِسَغَ عُمَرْنِنْ يَهْوٜىٰهْ؞ دُكَنْ لِسَّڢِنْ لَوِيَاوَا بِسَغَ دَنْ‌غُواْغِنْسُ، وَتُواْ دُكَنْ مَظَا وَطَنْدَ شٜىٰكَرُنْسُ سُكَ كَيْ وَتَا طَيَ ذُوَا سَمَ، يَكَيْ دُبُو عَشِرِنْ دَ بِيُ؞

أَنْ كٜىٰٻٜىٰ لَوِيَاوَا أَمَيْمَكُوانْ یَیَنْ ڢَارِ

⁴⁰ سَيْ يَهْوٜىٰهْ يَثٜىٰ وَ مُوسَٰى ‏«‏لِسَّڢْتَا دُكَنْ یَیَنْ ڢَارِ مَظَا نَ إِسْرَٰٓءِيلَاوَا، وَطَنْدَ شٜىٰكَرُنْسُ سُكَ كَيْ وَتَا طَيَ ذُوَا سَمَ، كَكُمَ طَوْكِ سُونَيٜىٰنْسُ؞

⁴¹ عَمَّا، أَمَيْمَكُوانْ یَیَنْ ڢَارِ نَدُكَنْ إِسْرَٰٓءِيلَاوَا، ذَاكَ كَرْٻِ لَوِيَاوَا سُذَمَ نَوَ؞ ذَاكَ كُمَ كَرْٻِ یَیَنْ ڢَارِ نَدَبُّواْبِنْ لَوِيَاوَا أَمَيْمَكُوانْ یَیَنْ ڢَارِ نَدُكَنْ دَبُّواْبِے نَ إِسْرَٰٓءِيلَاوَا؞ نِنٜىٰ يَهْوٜىٰهْ؞»‏

⁴² سَيْ مُوسَٰى يَلِسَّڢْتَا دُكَنْ یَیَنْ ڢَارِ نَ إِسْرَٰٓءِيلَاوَا كَمَرْ يَدَّ يَهْوٜىٰهْ يَعُمَرْثٜىٰشِ؞

⁴³ دُكَنْ لِسَّڢِنْ یَیَنْ ڢَارِ مَظَا بِسَغَ سُونَيٜىٰنْسُ، وَطَنْدَ شٜىٰكَرُنْسُ سُكَ كَيْ وَتَا طَيَ ذُوَا سَمَ، يَكَيْ دُبُو عَشِرِنْ دَ بِيُ دَ طَرِے بِيُ دَ سَبَعِنْ دَ عُكُ؞

⁴⁴ يَهْوٜىٰهْ يَيِ مَغَنَ دَ مُوسَٰى ثٜىٰوَ

⁴⁵ ‏«‏كَرْٻِ لَوِيَاوَا أَمَيْمَكُوانْ دُكَنْ یَیَنْ ڢَارِ نَ إِسْرَٰٓءِيلَاوَا؞ كَكُمَ كَرْٻِ یَیَنْ ڢَارِ نَدَبُّواْبِنْ لَوِيَاوَا أَمَيْمَكُوانْ یَیَنْ ڢَارِ نَدَبُّواْبِنْ إِسْرَٰٓءِيلَاوَا؞ لَوِيَاوَا كُوَ ذَاسُ ذَمَ نَوَ؞ نِنٜىٰ يَهْوٜىٰهْ؞

⁴⁶ تُنْدَيَكٜىٰ یَیَنْ ڢَارِ نَ إِسْرَٰٓءِيلَاوَا سُنْڢِے نَ لَوِيَاوَا دَ مُتُمْ طَرِے بِيُ دَ سَبَعِنْ دَ عُكُ، دُواْلٜىٰنٜىٰ كَڢَنْشِ وَنَّنْ ضَغُواْوَ؞

⁴⁷ ذَاكَ كَرْٻِ أَظُرْڢَا بِيَرْ عَكَنْ كُواْوَنّٜىٰنْسُ، بِسَغَ مَعَوْنِنْ أَظُرْڢَا وَنْدَ عَكٜىٰيِنْ أَمْڢَانِ دَشِ أَ وُرِے مَيْ ڟَرْكِے، وَتُواْ أَظُرْڢَا مَيْ نَوْيِنْ وَجٜىٰنْ غِرَمْ حَمْسِنْ دَ بَݣَويْ؞

⁴⁸ سَيْ كَبَا هَٰرُونَ دَ یَیَنْسَ وَنَّنْ كُطِنْ ڢَنْسَ؞»‏

⁴⁹ سَيْ مُوسَٰى يَكَرْٻِ كُطِنْ ڢَنْسَ نَیَیَنْ ڢَارِ نَ إِسْرَٰٓءِيلَاوَا وَطَنْدَ سُكَ وُثٜىٰ يَوَنْ مُتَنٜىٰنْ دَ لَوِيَاوَا سُكَ ڢَنْسَ؞

⁵⁰ كُطِنْ دَ مُوسَٰى يَكَرْٻَ دَغَ یَیَنْ ڢَارِ نَ إِسْرَٰٓءِيلَاوَا يَكَيْ أَظُرْڢَا دُبُو طَيَ دَ طَرِے عُكُ دَ سِتِّنْ دَ بِيَرْ بِسَغَ مَعَوْنِنْ أَظُرْڢَا وَنْدَ عَكٜىٰيِنْ أَمْڢَانِ دَشِ أَ وُرِے مَيْ ڟَرْكِے؞

⁵¹ سَيْ مُوسَٰى يَبَا هَٰرُونَ دَ یَیَنْسَ كُطِنْ ڢَنْسَرْ یَیَنْ ڢَارِ نَ إِسْرَٰٓءِيلَاوَا، بِسَغَ يَدَّ يَهْوٜىٰهْ يَعُمَرْثٜىٰشِ؞