ڧِدَايَ 28 - أَتَّوْرَتْ دَ أَنَّبَاوَاهَدَايُ نَكُواْوَثٜىٰ رَانَ 1 سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ 2 يَبَا إِسْرَٰٓءِيلَاوَا وَطَنَّنْ عُمَرْنَيْ؞ «كُتَبَّتَرْ ثٜىٰوَ كُنْ مِيڧَ مِنِ عَبِنْثِ نَهَدَايُنَ أَدَيْدَيْ لُواْكَثِنْدَ نَڟَارَ، وَطَنْدَ عَكَ مِيڧَ دَ وُتَا، مَاسُ دَاطِنْ ڧَنْشِ أَغَرٜىٰنِ؞ 3 «غَا هَدَايَرْدَ ذَاعَ مِيڧَ دَ وُتَا غَ يَهْوٜىٰهْ، وَدَّ ذَاعَ مِيڧَ كُواْوَثٜىٰ رَانَ، یَنْ رَغُنَ بِيُ مَاسُ شٜىٰكَرَا طَيَ طَيَ مَرَرْ تَبُواْ؞ 4 أَ مِيڧَ طَنْ ضَغُواْ طَيَ دَ سَڢٜىٰ، طَيَ كُمَ دَ يَمَّ، 5 تَرٜىٰدَ كِلُواْ طَيَ نَغَارِ مَيْ لَوْشِ، وَنْدَ عَكَ ݣُوٻَ دَ مَنْ ظَيْتُنْ مَڢِے ݣَوْ؞ 6 هَدَايَ تَڧُواْنَاوَا ثٜىٰ تَكُواْوَثٜىٰ رَانَ، وَدَّ عَكَ كَڢَ عَبَبَّنْ تُدُنْ سِنَيْ، دُواْمِنْ دَاطِنْ ڧَنْشِ، وَدَّ عَكَمِيڧَ دَ وُتَا غَ يَهْوٜىٰهْ؞ 7 تَرٜىٰدَ هَدَايَ تَسَڢٜىٰ تَطَنْ ضَغُوانْ، ذَاعَيِ هَدَايَ تَأَبِنْ شَا، وَدَّ ذَاتَ ذَمَ لِتَ طَيَ نَضُوً إِنَبِے؞ ذَاعَظُبَ هَدَايَ تَأَبِنْ شَا غَ يَهْوٜىٰهْ عَبَغَدٜىٰنْسَ أَ وُرِے مَيْ ڟَرْكِے؞ 8 طَيَنْ طَنْ ضَغُوانْ كُمَ ذَاعَ مِيڧَ دَ يَمَّ، تَرٜىٰدَ هَدَايَ تَهَڟِ نَغَارِ مَيْ لَوْشِ تَرٜىٰدَ هَدَايَ تَأَبِنْ شَا كَمَرْ تَسَڢٜىٰ؞ ذَاكُ مِيڧَشِ دَ وُتَا، مَيْ دَاطِنْ ڧَنْشِ غَ يَهْوٜىٰهْ؞» هَدَايُ نَرَانَرْ هُوتُ تَمَكُواْ 9 «أَ رَانَرْ هُوتُ تَمَكُواْ كُوَ ذَاعَ مِيڧَ یَنْ رَغُنَ بِيُ مَاسُ شٜىٰكَرَا طَيَ طَيَ مَرَرْ تَبُواْ، تَرٜىٰدَ كِلُواْ بِيُ نَغَارِ مَيْ لَوْشِ وَنْدَ عَكَ ݣُوٻَ دَ مَنْ ظَيْتُنْ دُواْمِنْ هَدَايَ تَهَڟِ، تَرٜىٰدَ هَدَايَرْتَ تَأَبِنْ شَا؞ 10 وَنَّنْ هَدَايَ تَڧُواْنَاوَا ثٜىٰ تَكُواْوَثٜىٰ رَانَرْ هُوتُ تَمَكُواْ، بَنْدَ هَدَايَ تَڧُواْنَاوَا تَكُواْوَثٜىٰ رَانَ تَرٜىٰدَ هَدَايَرْتَ تَأَبِنْ شَا؞» هَدَايُ نَبِكٍ سَابُوانْ وَتَ 11 «أَ ڢَرْكُوانْ كُواْوَنٜىٰ وَتَ ذَاعَ مِيڧَ هَدَايَ تَڧُواْنَاوَا غَ يَهْوٜىٰهْ دَ یَنْ بِجِمَيْ بِيُ دَ ضَغُواْ طَيَ دَ كُمَ یَنْ رَغُنَ بَݣَويْ مَاسُ شٜىٰكَرَا طَيَ طَيَ، مَرَرْ تَبُواْ؞ 12 تَرٜىٰدَ كُواْوَثٜىٰ هَدَايَ تَڧُواْنَاوَا، ذَاعَ مِيڧَ هَدَايَ تَهَڟِ نَغَارِ مَيْ لَوْشِ وَنْدَ عَكَ ݣُوٻَ دَ مَنْ ظَيْتُنْ؞ تَرٜىٰدَ كُواْوَنٜىٰ بِجِمِ، ذَاعَ مِيڧَ هَدَايَ تَهَڟِ نَكِلُواْ عُكُ نَغَارِ مَيْ لَوْشِ؞ تَرٜىٰدَ كُواْوَنٜىٰ ضَغُواْ، ذَاعَ مِيڧَ كِلُواْ بِيُ نَغَارِ مَيْ لَوْشِ؞ 13 تَرٜىٰدَ كُواْوَنٜىٰ طَنْ ضَغُواْ ذَاعَ مِيڧَ كِلُواْ طَيَ نَغَارِ مَيْ لَوْشِ؞ هَدَايَ مَيْ دَاطِنْ ڧَنْشِ كٜىٰنَنْ، وَنْدَ عَكَ مِيڧَ دَ وُتَا غَ يَهْوٜىٰهْ؞ 14 هَدَايَرْسُ تَأَبِنْ شَا كُوَ ذَاتَ كَسَنْثٜىٰ حَكَ، لِتَ بِيُ نَضُوً إِنَبِے دُواْمِنْ كُواْوَنٜىٰ بِجِمِ دَ لِتَ طَيَ دَ رَبِے دُواْمِنْ كُواْوَنٜىٰ ضَغُواْ دَ لِتَ طَيَ دُواْمِنْ كُواْوَنٜىٰ طَنْ ضَغُواْ؞ وَنَّنْ ڧَٰعِدَ ثٜىٰ تَهَدَايَ تَڧُواْنَاوَا دُواْمِنْ كُواْوَنٜىٰ سَابُوانْ وَتَ أَ شٜىٰكَرَا؞ 15 ذَاعَكُمَ مِيڧَ بُنْسُرُ طَيَ دُواْمِنْ هَدَايَ تَوَنْكٜىٰ ذُنُوبِ غَ يَهْوٜىٰهْ، بَنْدَ هَدَايَ تَڧُواْنَاوَا تَكُواْوَثٜىٰ رَانَ تَرٜىٰدَ هَدَايَرْتَ تَأَبِنْ شَا؞» هَدَايُ نَبِكٍ غُرَاسَرْ مَرَرْ يِسْتِ ﴿ لِـ ڢِرْ 23.5-8 ﴾ 16 «أَ رَانَ تَغُواْمَشَا حُطُ غَ وَتَ نَڢَرْكُواْ، ذَاعَيِ هَدَايَرْ بِكٍ ڧٜىٰتَرٜىٰوَ غَ يَهْوٜىٰهْ؞ 17 وَشٜىٰغَرِ أَ رَانَ تَغُواْمَشَا بِيَرْ غَ وَتَ، ذَاعَيِ بِكٍ سُجَّدَ؞ ذَاعَيِ ݣُونَ بَݣَويْ أَنَ ثِنْ غُرَاسَرْ مَرَرْ يِسْتِ؞ 18 أَ رَانَرْ تَڢَرْكُواْ، ذَاكُيِ تَارُواْ مَيْ ڟَرْكِے؞ بَذَاكُيِ عَيْكِنْكُ نَيَوْ دَ كُلُّمْ أَ رَانَرْ بَ؞ 19 ذَاكُ مِيڧَ هَدَايَ دَ وُتَا غَ يَهْوٜىٰهْ، هَدَايَ تَڧُواْنَاوَا نَبِجِمَيْ بِيُ دَ ضَغُواْ طَيَ دَ یَنْ رَغُنَ بَݣَويْ مَاسُ شٜىٰكَرَا طَيَ طَيَ؞ دُكَنْسُ ذَاسُ ذَمَ مَرَسَ تَبُواْ؞ 20 هَدَايَرْسُ تَهَڟِ نَغَارِ مَيْ لَوْشِ وَنْدَ عَكَ ݣُوٻَ دَ مَنْ ظَيْتُنْ ذَاسُ كَسَنْثٜىٰ حَكَ، وَتُواْ كِلُواْ عُكُ تَرٜىٰدَ كُواْوَنٜىٰ طَنْ بِجِمِ دَ كِلُواْ بِيُ تَرٜىٰدَ كُواْوَنٜىٰ ضَغُواْ، 21 دَ كِلُواْ طَيَ تَرٜىٰدَ كُواْوَنٜىٰ طَنْ ضَغُواْ؞ 22 ذَاكُ مِيڧَ بُنْسُرُ طَيَ هَدَايَ تَوَنْكٜىٰ ذُنُوبِ، دُواْمِنْ طَوْكَرْ أَلْحَكِنْ ذُنُبَنْكُ؞ 23 ذَاكُ مِيڧَ وَطَنَّنْ هَدَايُ بَنْدَ هَدَايَ تَڧُواْنَاوَا وَدَّ عَكَنْ مِيڧَ كُواْوَثٜىٰ سَاڢِيَ؞ 24 حَكَ ذَاكُ مِيڧَ عَبِنْثِ نَهَدَايَرْدَ عَكَ مِيڧَ دَ وُتَا كُواْوَثٜىٰ رَانَ، حَرْ ݣُونَ بَݣَويْ، هَدَايَ مَيْ دَاطِنْ ڧَنْشِ غَ يَهْوٜىٰهْ؞ ذَاكُ مِيڧَ وَنَّنْ بَنْدَ هَدَايَ تَڧُواْنَاوَا دَ هَدَايَرْتَ تَأَبِنْ شَا تَكُواْوَثٜىٰ رَانَ؞ 25 أَ رَانَ تَبَݣَويْ نَبِكٍ ذَاكُيِ تَارُواْ مَيْ ڟَرْكِے نَدُكَنْ جَمَعَ، بَذَاكُيِ عَيْكِنْكُ نَيَوْ دَ كُلُّمْبَ؞» هَدَايُ نَبِكٍ مَكُواْمَكُواْ ﴿ لِـ ڢِرْ 23.15-22 ﴾ 26 «أَ رَانَ تَڢَرْكُواْ تَبِكٍ مَكُواْمَكُواْ، وَتُواْ رَانَرْ دَ كُكَ مِيڧَ سَابُوانْ حَڟِ هَدَايَ تَهَڟِ غَ يَهْوٜىٰهْ، ذَاكُيِ تَارُواْ مَيْ ڟَرْكِے نَدُكَنْ جَمَعَ؞ بَذَاكُيِ عَيْكِنْكُ نَيَوْ دَ كُلُّمْبَ؞ 27 ذَاكُ مِيڧَ یَنْ بِجِمَيْ بِيُ دَ ضَغُواْ طَيَ دَ یَنْ رَغُنَ بَݣَويْ مَاسُ شٜىٰكَرَا طَيَ طَيَ هَدَايَ تَڧُواْنَاوَا، مَيْ دَاطِنْ ڧَنْشِ غَ يَهْوٜىٰهْ؞ 28 هَدَايَرْسُ تَهَڟِ نَغَارِ مَيْ لَوْشِ وَنْدَ عَكَ ݣُوٻَ دَ مَنْ ظَيْتُنْ، ذَاسُ كَسَنْثٜىٰ حَكَ، وَتُواْ كِلُواْ عُكُ تَرٜىٰدَ كُواْوَنٜىٰ طَنْ بِجِمِ دَ كِلُواْ بِيُ تَرٜىٰدَ كُواْوَنٜىٰ ضَغُواْ، 29 دَ كِلُواْ طَيَ تَرٜىٰدَ كُواْوَنٜىٰ طَنْ ضَغُواْ؞ 30 ذَاكُ مِيڧَ بُنْسُرُ طَيَ دُواْمِنْ هَدَايَ تَوَنْكٜىٰ ذُنُوبِ، دُواْمِنْ طَوْكَرْ أَلْحَكِنْ ذُنُبَنْكُ؞ 31 بَنْ دَ هَدَايَ تَڧُواْنَاوَا تَكُواْوَثٜىٰ رَانَ تَرٜىٰ هَدَايَرْتَ تَهَڟِ، ذَاكُ مِيڧَ وَطَنَّنْ تَرٜىٰدَ هَدَايَرْسُ تَأَبِنْ شَا؞ دَبُّواْبِنْ ذَاسُ ذَمَ مَرَسَ تَبُواْ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria