ڧِدَايَ 27 - أَتَّوْرَتْ دَ أَنَّبَاوَاغَادُواْ دُواْمِنْ یَیَ مَتَ 1 وَتَرَانَ سَيْ یَیَ مَتَ نَ ظٜىٰلُواْڢٜىٰهَدْ طَنْ هٜىٰڢٜىٰرْ جِيكَنْ غِلٜىٰيَدْ دَغَ غِدَنْ مَكِرْ، نَظُرِيَرْ مَنَسّٜىٰ طَنْ يُوسُڢَ، سُو مَا سُكَ ڢِتُواْ نٜىٰمَنْ شَوَرَا؞ سُونَيٜىٰنْ یَیَ مَاتَنَّنْ سُونٜىٰ مَلَ دَ نُوحُ دَ هُواغْلَ دَ مِلْكَ دَ تِرْظَ؞ 2 سُكَ تَڢِے سُكَ ڟَيَ أَغَبَنْ مُوسَٰى دَ عٜىٰلٜىٰيَظَرْ ڢِرِسْتِ دَ شُوغَبَنِّ دَ دُكَنْ تَارُوانْ جَمَعَ عَڧُواْڢَرْ شِغَ تٜىٰنْتِنْ سَدُوَ؞ سُكَثٜىٰ، 3 «بَابَنْمُ يَمُتُ عَثِكِنْ دَاجِ؞ بَايَ ثِكِنْ ڧُنْ‌غِيَرْ ڧَارُونَ وَدَّ تَتَيَرْوَ يَهْوٜىٰهْ، عَمَّا يَمُتُ كَمَرْ دُكَنْ مَاسُ ذُنُوبِ؞ غَاشِ، بَاشِ دَ یَیَ مَظَا؞ 4 دُوانْمٜىٰ ذَاعَ بَرْ سُونَنْ بَابَنْمُ يَٻَثٜىٰ دَغَ ثِكِنْ دَنْ‌غِنْسَ عَ إِسْرَٰٓءِيلَ؟ تُنْدَ يَمُتُ بَاشِدَ طَا، مُنَ ضُواْڧُوانْكَ كَبَامُ غَادُوانْ بَابَنْمُ كَمَرْ سَوْرَنْ یَنْعُوَنْسَ؞» 5 مُوسَٰى يَكَيْ كُوكَنْسُ أَغَبَنْ يَهْوٜىٰهْ؞ 6 يَهْوٜىٰهْ يَثٜىٰ وَ مُوسَٰى، 7 «مَغَنَرْ دَ یَیَ مَتَ نَ ظٜىٰلُواْڢٜىٰهَدْ سُكَيِ دَيْدَيْ ثٜىٰ؞ حَڧِيڧَ ذَاكَبَاسُ غَادُوانْ بَابَنْسُ كَمَرْ سَوْرَنْ یَنْعُوَنْسَ؞ كَكُمَ تَبَّتَا رَبُوانْ غَادُوانْ بَابَنْسُ يَشِغَ حَنُّنْسُ؞ 8 ذَاكَ كُمَيِ مَغَنَ دَ یَیَنْ إِسْرَٰٓءِيلَ ثٜىٰوَ ‹عِدَنْ مُتُمْ يَمُتُ، بَاشِدَ طَا، سَيْ عَبَا یَرْسَ غَادُوانْسَ؞ 9 عِدَنْ كُوَ بَاشِدَ یَ، سَيْ عَبَا یَنْعُوَنْسَ غَادُوانْسَ؞ 10 عِدَنْ كُمَ بَاشِدَ یَنْعُوَ، سَيْ عَبَا یَنْعُوَنْ بَابَنْسَ غَادُوانْسَ؞ 11 عِدَنْ كُمَ بَابَنْسَ بَاشِدَ یَنْعُوَ، سَيْ كَبَا مُتُمْ مَڢِے كُسَ ثِكِنْ دَنْ‌غِنْسَ غَادُوانْسَ؞ وَنَّنْ ذَيْ ذَمَ ڧَٰعِدَ دَ عُمَرْنِ غَ إِسْرَٰٓءِيلَاوَا، بِسَغَ يَدَّ نِے يَهْوٜىٰهْ نَعُمَرْثٜىٰكَ؞› » أَنْ نَطَ يُواْشُوَ شُوغَبَنْ إِسْرَٰٓءِيلَ ﴿ مَيْ شَـ 31.1-8 ﴾ 12 سَيْ يَهْوٜىٰهْ يَثٜىٰ وَ مُوسَٰى «كَهَوْرَ كَنْ وَنَّنْ بَبَّنْ تُدُ نَيَنْكِنْ تُدَّنْ أَبَرِمْ، كَهَنْ‌غِ ڧَسَرْدَ نَبَا إِسْرَٰٓءِيلَاوَا؞ 13 بَايَنْدَ كَغَنْتَ، ذَاكَ مُتُ كَبِے كَاكَنِّنْكَ، كَمَرْ طَنْعُوَنْكَ هَٰرُونَ، 14 غَمَا كَيْ دَ هَٰرُونَ كُنْ تَيَرْوَ عُمَرْنِنَ أَ دَاجِنْ ظِنْ؞ لُواْكَثِنْ دَ دُكَنْ جَمَعَ سُكَيِ مِنِ غُنَغُنِ أَ مٜىٰرِبَ، بَكُ طَوْكَكَ ڟَرْكِنَ أَغَبَنْ جَمَعَرْ إِسْرَٰٓءِيلَ بَ؞» وَطَنَّنْ كُوَ سُونٜىٰ ضُوَيٜىٰنْ مٜىٰرِبَ أَ كَدٜىٰشْ أَ دَاجِنْ ظِنْ؞ 15 مُوسَٰى كُوَ يَيِ مَغَنَ دَ يَهْوٜىٰهْ ثٜىٰوَ 16 «إِنْ يَغَمْشِ يَهْوٜىٰهْ، اللَّهْ وَنْدَ شِينٜىٰ تُوشٜىٰنْ نُمْڢَشِنْ رَيْ نَدُكَنْ حَلِتَّ، بَرِ يَنَطَ وَنِ يَشُوغَبَنْتَرْ دَ وَنَّنْ جَمَعَ، 17 مُتُمِنْ دَ ذَيْ شُوغَبَنْثٜىٰسُ ثِكِنْ يَاڧِ، دُواْمِنْ كَدَ تَارُوانْ جَمَعَرْ يَهْوٜىٰهْ سُذَمَ كَمَرْ تُمَكِنْ دَ بَاسُدَ مَكِيَايِ؞» 18 سَيْ يَهْوٜىٰهْ يَثٜىٰ وَ مُوسَٰى «كَطَوْكِ يُواْشُوَ طَنْ نُنْ، مُتُمِنْ دَ رُوحُ يَنَ ثِكِنْسَ، سَيْ كَسَا حَنُّنْكَ عَكَنْسَ؞ 19 كَسَا يَڟَيَ أَغَبَنْ عٜىٰلٜىٰيَظَرْ ڢِرِسْتِ دَ غَبَنْ دُكَنْ تَارُوانْ جَمَعَ، سَيْ كَنَطَشِ شُوغَبَا أَعِدُوانْسُ؞ 20 كَبَاشِ إِيكُوانْكَ دُواْمِنْ تَارُوانْ جَمَعَرْ إِسْرَٰٓءِيلَ سُيِ مَسَ بِيَيَّ؞ 21 سَعَدَّ بُڧَاتَرْ سَنِنْ نُڢِنْ يَهْوٜىٰهْ تَتَاسُواْ، ذَيْ دُواْغَضَ غَ عٜىٰلٜىٰيَظَرْ ڢِرِسْتِ، دُواْمِنْ يَنٜىٰمِ نُڢِينَ، تَوُرِنْ أَمْڢَانِ دَ أَبُبُوَنْ نٜىٰمَنْ سَنِنْ نُڢِنْ يَهْوٜىٰهْ؞ تَهَكَنٜىٰ يُواْشُوَ دَ دُكَنْ تَارُوانْ جَمَعَرْ إِسْرَٰٓءِيلَ ذَاسُ سَنْ نُڢِنْ يَهْوٜىٰهْ غَمٜىٰدَ أَلْعَمُرَنْسُ؞» 22 مُوسَٰى كُوَ يَيِ يَدَّ يَهْوٜىٰهْ يَعُمَرْثٜىٰشِ؞ يَطَوْكِ يُواْشُوَ، يَسَا يَڟَيَ أَغَبَنْ عٜىٰلٜىٰيَظَرْ ڢِرِسْتِ دَ غَبَنْ دُكَنْ تَارُوانْ جَمَعَرْ إِسْرَٰٓءِيلَ؞ 23 يَسَا حَنُّوَنْسَ عَكَنْ يُواْشُوَ، يَنَطَ شِ شُوغَبَا بِسَغَ يَدَّ يَهْوٜىٰهْ يَعُمَرْثٜىٰشِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria