ڧِدَايَ 25 - أَتَّوْرَتْ دَ أَنَّبَاوَا

إِسْرَٰٓءِيلَاوَا سُنْيِ وَ بَعَلْ نَ ڢٜىٰيُوارْ سُجَّدَ

¹ سَعَدَّ إِسْرَٰٓءِيلَاوَا سُكَيِ ذَنْ‌غُواْ أَ شِتِّمْ، سَيْ مَذَنْسُ سُكَ ڢَارَ يِنْ لَلَتَ دَ مَاتَانْ مُتَنٜىٰنْ مُواْوَبْ؞

² وَطَنَّنْ مَتَ سُكَنْ غَيَّثِ مُتَنٜىٰنْ إِسْرَٰٓءِيلَ ذُوَا بِكٍ هَدَايُنْ أَلُّواْلِنْسُ؞ مُتَنٜىٰنْ إِسْرَٰٓءِيلَ كُوَ سُكَنْثِ عَبِنْثِنْ هَدَايَرْسُ، سُكُمَيِ سُجَّدَ غَ أَلُّواْلِنْسُ؞

³ تَهَكَ إِسْرَٰٓءِيلَاوَا سُكَ مِيڧَ كَنْسُ غَ بَوْتَرْ غُنْكِنْ بَعَلْ نَ ڢٜىٰيُوارْ، سَيْ ڢُشِنْ يَهْوٜىٰهْ يَكُنَّ عَكَنْسُ؞

⁴ يَهْوٜىٰهْ يَثٜىٰ وَ مُوسَٰى ‏«‏طَوْكِ دُكَنْ وَطَنْدَ سُكَ جَغُواْرَنْثِ جَمَعَ سُكَ عَيْكَتَ وَنَّنْ ذُنُوبِ، كَكَكَّڢَسُ عَكَنْ إِتَاثٜىٰ أَ رَانَ أَغَبَنْ يَهْوٜىٰهْ دُواْمِنْ عَكَوَرْدَ ڢُشِے مَيْ ڟَنَنِ نَ يَهْوٜىٰهْ دَغَ إِسْرَٰٓءِيلَ؞»‏

⁵ سَيْ مُوسَٰى يَثٜىٰ وَمَاسُ شَرِيعَ نَ إِسْرَٰٓءِيلَاوَا ‏«‏كُواْوَنّٜىٰنْكُ ذَيْ كَشٜىٰ مُتَنٜىٰنْسَ وَطَنْدَ سُكَ مِيڧَ كَنْسُ غَ بَوْتَرْ غُنْكِنْ بَعَلْ نَ ڢٜىٰيُوارْ؞»‏

⁶ أَنَانً سَيْغَا وَنِ مُتُمِنْ إِسْرَٰٓءِيلَ يَذُواْ يَشِغَرْدَ وَتَ مَثٜىٰ نَ مَدْيَنَ ثِكِنْ تٜىٰنْتِنْسَ أَعِدُوانْ مُوسَٰى دَ دُكَنْ تَارُوانْ جَمَعَرْ إِسْرَٰٓءِيلَ سَعَدَّ سُكٜىٰ كُكَ عَڧُواْڢَرْ تٜىٰنْتِنْ سَدُوَ؞

⁷ سَعَدَّ ڢِنٜىٰهَسْ طَنْ عٜىٰلٜىٰيَظَرْ، وَتُواْ جِيكَنْ هَٰرُونَ ڢِرِسْتِ، يَغَ وَنَّنْ مُتُمْ، سَيْ يَتَاشِ دَغَ ثِكِنْ تَارُوانْ جَمَعَرْ؞ يَطَوْكِ مَاشِ

⁸ يَبِے وَنَّنْ مُتُمْ، حَرْ ذُوَا ثِكِنْ تٜىٰنْتِنْسَ، يَسُواْكٜىٰسُ؞ مَاشِنْ يَرَڟَا ثِكِنْ جِكِنْ نَمِجِنْ حَرْ يَشِغَ نَمَثٜىٰنْ؞ تَهَكَ عَكَڟَيْ دَ بَلَعِنْدَ يَڢَاطُواْ عَكَنْ مُتَنٜىٰنْ إِسْرَٰٓءِيلَ؞

⁹ دُكْدَهَكَ بَلَعِنْ يَا رِغَا يَا كَشٜىٰ مُتَنٜىٰ دُبُو عَشِرِنْ دَ حُطُ؞

¹⁰ سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ

¹¹ ‏«‏ڢِنٜىٰهَسْ طَنْ عٜىٰلٜىٰيَظَرْ، وَتُواْ جِيكَنْ هَٰرُونَ ڢِرِسْتِ، يَكَوَرْدَ ڢُشِنَ دَغَ جَمَعَرْ إِسْرَٰٓءِيلَ، سَبُواْدَ يَنَدَ ثِكَكِّيَرْ ڧَوْنَ غَرٜىٰنِ؞ شِيَسَا بَنْ كَوَرْدَ إِسْرَٰٓءِيلَاوَا دَغَ ڢُسْكَرْ دُونِيَا ثِكِنْ ڢُشِنَبَ؞

¹² سَبُواْدَ حَكَ كَڢَطَا مَسَ، ‏«‏ ‏‹‏غَاشِ، إِنَ طَوْرَ يَرْجٜىٰجٜىٰنِيَ تَسَلَمَ دَشِ؞

¹³ يَرْجٜىٰجٜىٰنِيَرْ ذَاتَ ذَمَ مَسَ دَ ذُرِيَرْسَ يَرْجٜىٰجٜىٰنِيَ تَڧَٰعِدَرْ ڢِرِسْتُواْثِے تَدِنْدِنْدِنْ، غَمَا يَيِ كِيشِنْ ڧَوْنَرْ اللَّهْ نْسَ، يَكُوَ يِڧَٰعِدَرْ طَوْكَرْ أَلْحَكِنْ ذُنُوبِنْ جَمَعَرْ إِسْرَٰٓءِيلَ؞›‏ »‏

¹⁴ سُونَنْ مُتُمِنْ إِسْرَٰٓءِيلَ وَنْدَ عَكَ كَشٜىٰ تَرٜىٰدَ مَثٜىٰنْ مَدْيَنَ، شِينٜىٰ ظِمْرِ طَنْ سَلُ، شُوغَبَنْ غِدَنْ كَاكَنِّ دَغَ ذُرِيَرْ سِمٜىٰيُوانْ؞

¹⁵ سُونَنْ مَثٜىٰنَّنْ نَ مَدْيَنَ كُوَ كُواظْبِے، یَرْ ظُرْ ثٜىٰ؞ ظُرْ شِينٜىٰ شُوغَبَنْ وَنِ غِدَنْ كَاكَنِّ نَ مَدْيَنَ؞

¹⁶ سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ

¹⁷ ‏«‏كُكَيْوَ مِدِيَنَاوَا هَرِ كُهَلَكَاسُ،

¹⁸ غَمَا سُنْ كَيْ مُكُ هَرِ تَوُرِنْ دَبَرُنْسُ نَرُوطُ وَطَنْدَ سُكَيِ مُكُ؞ سُكَ رُوطٜىٰكُ ءَأَلْعَمَرِ نَ ڢٜىٰيُوارْ دَ نَ كُواظْبِے، یَرْعُوَرْ مُتَنٜىٰنْ مَدْيَنَ كُمَ یَرْ وَنِ شُوغَبَنْسُ، وَدَّ عَكَ كَشٜىٰ أَ رَانَرْ دَ عَكَيِ بَلَعِ سَبُواْدَ أَنْيِ سُجَّدَ غَ بَعَلْ نَ ڢٜىٰيُوارْ؞»‏