ڧِدَايَ 24 - أَتَّوْرَتْ دَ أَنَّبَاوَا1 دَ بَلَعَمْ يَغَانٜىٰ ثٜىٰوَ يَغَمْشِ يَهْوٜىٰهْ يَ أَلْبَرْكَثِ إِسْرَٰٓءِيلَ، بَيْ تَڢِے نٜىٰمَنْ عَلَمُ كَمَرْ دَا بَ، عَمَّا يَنَ ڢُسْكَنْتَرْ دَاجِ؞ 2 دَ يَدُوبَ سَيْ يَغَ إِسْرَٰٓءِيلَاوَا سُنْيِ ذَنْغُواْ ذُرِيَ ذُرِيَ؞ سَيْ إِيكُوانْ رُوحٌ اللَّهْ يَسَوْكُواْ مَسَ؞ 3 سَيْ بَلَعَمْ يَڢَطِ مَغَنَرْ أَنَّبْثِنْسَ يَثٜىٰ، «أَنَّبْثِ نَ بَلَعَمْ طَنْ بٜىٰيُوارْ، أَنَّبْثِ نَمُتُمْ مَيْ عِدُوانْ عِيَ غَنِ، 4 أَنَّبْثِ نَمَيْ جِنْ كَلْمُواْمِنْ اللَّهْ، مَيْ غَنِنْ رُعُيَ دَغَ مَيْ إِيكُواْ دُكَ، مَيْ كَرْٻَرْ سَڧُواْ دَغَ اللَّهْ، وَنْدَ عَكَ بُوطٜىٰمَسَ عِدُواْ؞ 5 «إِنَا مِصَالِنْ ݣَنْ غَنِنْ تٜىٰنْتُنَنْكَ، يَا يَعْڧُوبَ، وُرَارٜىٰنْ ذَمَنْكُ، يَا جَمَعَرْ إِسْرَٰٓءِيلَ! 6 أَ مِيڧٜىٰ سُكٜىٰ كَمَرْ كُرْمِنْ عِتَتُوَنْ ڨُورَ، كَمَرْ غُواْنَكِ عَبَاكِنْ كُواْغِ، كَمَرْ عِتَتُوَنْ أَلُواسْ دَ يَهْوٜىٰهْ يَشُوكَ، كَمَرْ عِتَتُوَنْ سٜىٰدَ عَبَاكِنْ ضُوَيٜىٰ؞ 7 ذَاسُ سَامِ إِسَشّٜىٰنْ ضُوً سَمَ، سُيِ شُوكَ أَ عِنْدَ أَݣَويْ ضُوَ عَيَلْوَثٜىٰ؞ «سَرْكِنْسُ ذَيْڢِ أَغَغْ غِرْمَ، مُلْكِنْسَ ذَاعَ طَوْكَكَ؞ 8 اللَّهْ وَنْدَ يَڢِتَرْ دَسُو دَغَ مَصَرْ، ڧَرْڢِنْسَ كَمَرْ نَڧَهُوانْ ٻَوْنَ نٜىٰ دُواْمِنْسُ؞ يَعْڧُوبَ ذَيْثِنْيٜىٰ أَلْعُمَّيْ مَاسُ ڧِنْسَ، يَكَكَّرْيَ ڧَسُسُوَنْسُ، يَسُواْسُّواْكٜىٰسُ دَ كِبِيُواْيِنْسَ؞ 9 كَمَرْ ذَاكِ يَݣُونْتَ أَ مِيڧٜىٰ، كَمَرْ سَرْكِنْ نَمُواْمِنْ دَاجِ، وَ ذَيْ ڟُواْكَنٜىٰشِ؟ يَا إِسْرَٰٓءِيلَ، دُكْ وَنْدَ يَأَلْبَرْكَثٜىٰكَ، ذَاعَ أَلْبَرْكَثٜىٰشِ؞ دُكْ وَنْدَ يَلَعَنْتَكَ، ذَاعَ لَعَنْتَشِ؞» 10 سَيْ ڢُشِنْ سَرْكِے بَلَكْ يَكُنَّ عَكَنْ بَلَعَمْ، يَثِظَ بَاكِ يَثٜىٰ وَ بَلَعَمْ «نَكِرَوُاْكَ دُواْمِنْ كَلَعَنْتَ أَبُواْكَنْ غَابَنَ، عَمَّا غَاشِ، حَرْ سَوْ عُكُ كَنَ تَسَ مُسُ أَلْبَرْكَ! 11 يَنْذُ كَٻَثٜىٰ دَغَ نَنْ! حَڧِيڧَ، دَا مَا نَثٜىٰ ذَنْبَاكَ لَادَ مَيْ يَوَ، عَمَّا غَاشِ، يَهْوٜىٰهْ يَحَنَ مَكَ لَادَنْ؞» 12 سَيْ بَلَعَمْ يَثٜىٰ وَ سَرْكِے بَلَكْ «أَشٜىٰ، بَنْ ڢَطَا وَیَنْ عَيْكَنْكَ وَطَنْدَ كَعَيْكُواْ غَرٜىٰنِبَ؟ 13 نَثٜىٰ، ‹كُواْ دَ سَرْكِے بَلَكْ ذَيْبَانِ غِدَنْسَ ثِكٜىٰ دَ أَظُرْڢَا دَ ظِينَارِيَ، بَذَنْ عِيَيِنْ وَنِ أَبُ دَبَمْ دَ مَغَنَرْ يَهْوٜىٰهْ بَ، كُواْ إِنْ عَيْكَتَ نَغَرْتَا كُواْ مُغُنْتَا بِسَغَ نُڢِنْ كَيْنَبَ؞ أَبِنْ دَ يَهْوٜىٰهْ يَڢَطَا، شِينٜىٰ ذَنْ ڢَطَا؞› 14 يَنْذُ ڢَا، ذَنْ كُواْمَ وُرِنْ مُتَنٜىٰنَ، عَمَّا سَيْ كَذُواْ إِنْسَنَرْ مَكَ دَ أَبِنْدَ مُتَنٜىٰنَّنْ ذَاسُيِ وَمُتَنٜىٰنْكَ ݣُونَكِے مَاسُ ذُوَا؞» أَنَّبْثِنْ أَلْبَرْكَ نَ بَلَعَمْ نَڧَرْشٜىٰ 15 سَيْ بَلَعَمْ يَيِ وَنَّنْ مَغَنَرْ أَنَّبْثِ يَثٜىٰ، «أَنَّبْثِ نَ بَلَعَمْ طَنْ بٜىٰيُوارْ، أَنَّبْثِ نَمُتُمْ مَيْ عِدُوانْ عِيَغَنِ، 16 أَنَّبْثِ نَمَيْ جِنْ كَلْمُواْمِنْ اللَّهْ، مُتُمِنْدَ يَكَرْٻِ سَنِ دَغَ مَڢِے طَوْكَكَ، مَيْ غَنِنْ رُعُيَ دَغَ مَيْ إِيكُواْ دُكَ، مَيْ كَرْٻَرْ سَڧُواْ دَغَ اللَّهْ، وَنْدَ عَكَ بُوطٜىٰمَسَ عِدُواْ؞ 17 «إِنَ غَنِنْسَ، عَمَّا بَ يَنْذُبَ، إِنَ هَنْغٜىٰنْسَ، عَمَّا بَ كُسَبَ؞ تَوْرَرُواْ ذَيْڢِتُواْ دَغَ ذُرِيَرْ يَعْڧُوبَ، سَنْدَنْ مُلْكِ ذَيْڢِتُواْ دَغَ ثِكِنْ إِسْرَٰٓءِيلَ؞ ذَيْ بُبُّغِ غُواْشِنْ مُواْوَبَاوَا، يَكَكَّرْيَ كَوُنَنْ یَنْ تَادَ حَنْكَلِ؞ 18 ذَاعَ ثِ نَصَرَا عَكَنْ ڧَسَرْ عٜىٰدُوامْ، ذَاعَ ثِ نَصَرَا عَكَنْ ڧَسَرْ سٜىٰيِرْ، سَعَدَّ إِسْرَٰٓءِيلَ ذَاتَ نُونَ ڧَرْڢِے عَكَنْسُ؞ 19 دَغَ ذُرِيَرْ يَعْڧُوبَ مَيْ مُلْكِ ذَيْڢِتُواْ، ذَيْ هَلَّكَ وَطَنْدَ سُكَ رَغُ أَغَرِنْ إِرْ؞» أَنَّبْثٜىٰ أَنَّبْثٜىٰ نَ بَلَعَمْ غَمٜىٰدَ ڧَبِيلُ 20 سَيْ بَلَعَمْ يَدُوبِے أَمَلٜىٰكَاوَا، يَيِ وَنَّنْ مَغَنَرْ أَنَّبْثِ يَثٜىٰ، «أَمَلٜىٰكْ ڧَسَاثٜىٰ مَيْ ڧَرْڢِے عَثِكِنْ أَلْعُمَّيْ، عَمَّا ڧَرْشٜىٰنْتَ هَلَكَانٜىٰ؞» 21 سَيْ بَلَعَمْ يَدُوبِے كٜىٰنِيَاوَا، يَيِ وَنَّنْ مَغَنَرْ أَنَّبْثِ يَثٜىٰ، «وُرِنْ ذَمَنْكُ يَكَڢُ، غِدَاجٜىٰنْكُ سُنَ أَڟَرٜىٰ ثِكِنْ دُوَڟُو؞ 22 دُكْدَهَكَ ذُرِيَرْ كَيِنُ ذَاتَ هَلَّكَ سَعَدَّ أَسُّرِيَ سُنْ ݣُوشٜىٰكُ ذُوَا بَوْتَا؞» 23 سَيْ كُمَ يَيِ وَنَّنْ مَغَنَرْ أَنَّبْثِ يَثٜىٰ، «كَيْتُوانْ كُواْوَ! وَ ذَيْ رَايُ سَعَدَّ اللَّهْ يَيِ وَنَّنْ؟ 24 جِضَاغٜىٰنْ ضُوَ ذَاسُذُواْ دَغَ سَيِڢُرُسْ، ذَاسُ وَهَلَرْ دَ أَسُّرِيَ دَ عٜىٰبٜىٰرْ، سُو مَا دَ كَنْسُ، ذَاعَ هَلَكَاسُ؞» 25 سَعَنً بَلَعَمْ يَتَاشِ يَكُواْمَ غَرِنْسَ، سَعَنً سَرْكِے بَلَكْ كُمَ يَيِ تَڢِيَرْسَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria