ڧِدَايَ 22 - أَتَّوْرَتْ دَ أَنَّبَاوَاسَرْكِے بَلَكْ نَ مُواْوَبْ يَكِرَا بَلَعَمْ 1 إِسْرَٰٓءِيلَاوَا سُكَتَاشِ سُكَ كَامَ حَنْيَ سُكَيِ ذَنْغُواْ أَ ڢِيلَيٜىٰنْ مُواْوَبْ أَغَبَشِنْ كُواْغِنْ يُواْدَنْ سُنَ كَلُّوانْ يٜىٰرِكُواْ؞ 2 بَلَكْ طَنْ ظِڢُّوارْ سَرْكِنْ مُواْوَبَاوَا يَغَ دُكَنْ أَبِنْدَ إِسْرَٰٓءِيلَاوَا سُكَيِ وَ أَمُواْرِيَاوَا؞ 3 شِ دَ دُكَنْ مُواْوَبَاوَا سُكَ ڢِرْغِتَ ڨُورَيْ سَبُواْدَ يَوَنْ إِسْرَٰٓءِيلَاوَا؞ سَيْ بَبَّنْ ڟُواْرُواْ يَكَامَ دُكَنْ مُواْوَبَاوَا؞ 4 مُواْوَبَاوَا كُوَ سُكَثٜىٰ وَدَتَّاوَنْ مَدْيَنَ «دُوبَ، وَنَّنْ طُمْبُنْ مُتَنٜىٰ ذَاسُ لَشٜىٰ دُكَنْ ڧَسَرْدَ مُكٜىٰ ذَمَ عَثِكِ، كَمَرْ يَدَّ بِجِمِ يَكَنْ لَشٜىٰ ثِيَوَرْ ڢِيلِ؞» أَ لُواْكَثِنْ كُوَ بَلَكْ طَنْ ظِڢُّوارْ شِينٜىٰ سَرْكِنْ مُواْوَبْ؞ 5 سَيْ يَعَيْكَ دَ یَنْ عَيْكَ ذُوَا وُرِنْ بَلَعَمْ طَنْ بٜىٰيُوارْ أَ ڢٜىٰتُوارْ، عَبَاكِنْ كُواْغِنْ يُڢِرٜىٰتِسْ عَڧَسَرْ أَمَوْ، سُثٜىٰ مَسَ، «غَا وَتَ أَلْعُمَّ تَڢِتُواْ دَغَ ڧَسَرْ مَصَرْ؞ سُنْ بَظُو كُواْعِنَ أَ ڢُسْكَرْ دُونِيَا، غَاشِ كُمَ سُنَ ظَوْنٜىٰ كُسَدَنِے؞ 6 إِنَ ضُواْڧُوانْكَ، كَذُواْ يَنْذُ، كَلَعَنْتَ مِنِ مُتَنٜىٰنَّنْ، غَمَا سُنْڢِے ڧَرْڢِينَ؞ إِنْ كَا لَعَنْتَسُ، وَتَڧِيلَ ذَنْعِيَثِ نَصَرَا عَكَنْسُ إِنْكُمَ كُواْرٜىٰسُ دَغَ ڧَسَرْ؞ غَمَا نَا سَنِ دُكْ وَنْدَ كَسَا مَسَ أَلْبَرْكَ، ذَيْ كَسَنْثٜىٰ مَيْ أَلْبَرْكَ، كُمَ دُكْ وَنْدَ كَلَعَنْتَ، ذَيْ كَسَنْثٜىٰ لَعَنَنّٜىٰ؞» 7 سَيْ دَتَّاوَنْ مُواْوَبْ دَ نَ مَدْيَنَ سُكَ طَوْكِ كُطِنْ دُوبَا أَ حَنُّ سُكَ تَڢِے وُرِنْ بَلَعَمْ سُكَ ڢَطَا مَسَ سَڧُوانْ سَرْكِے بَلَكْ؞ 8 سَيْ بَلَعَمْ يَثٜىٰ مُسُ «يَوْ كُݣُونَ أَنَنْ، نِے كُوَ ذَنْبَاكُ أَمْسَ بِسَغَ أَبِنْدَ يَهْوٜىٰهْ ذَيْ ڢَطَا مِنِ؞» سَيْ دَتَّاوَنْ مُواْوَبْ سُكَ ذَوْنَ تَرٜىٰدَ بَلَعَمْ؞ 9 اللَّهْ يَذُواْ وُرِنْ بَلَعَمْ يَثٜىٰمَسَ «وَطَنّٜىٰ مُتَنٜىٰنٜىٰ سُكٜىٰ تَرٜىٰدَكَيْ؟» 10 سَيْ بَلَعَمْ يَثٜىٰ وَ اللَّهْ «أَيْ، سَرْكِے بَلَكْ طَنْ ظِڢُّوارْ نَ مُواْوَبْ نٜىٰ، يَعَيْكُواْ مِنِ دَ سَڧُواْ ثٜىٰوَ 11 ‹غَا وَتَ أَلْعُمَّ تَڢِتُواْ دَغَ ڧَسَرْ مَصَرْ؞ سُنْ بَظُو كُواْعِنَ أَ ڢُسْكَرْ دُونِيَا؞ كَذُواْ، كَلَعَنْتَ مِنِسُ؞ وَتَڧِيلَ ذَنْعِيَ يِنْ يَاڧِ دَسُو إِنْكُواْرٜىٰسُ!› » 12 اللَّهْ يَثٜىٰ وَ بَلَعَمْ «بَذَاكَ تَڢِے تَرٜىٰدَسُوبَ؞ بَذَاكَ كُمَ لَعَنْتَرْدَ مُتَنٜىٰنْ بَ، غَمَا مَاسُ أَلْبَرْكَ نٜىٰ سُو دَغَ غَرٜىٰنِ؞» 13 وَشٜىٰغَرِ دَ سَڢٜىٰ سَيْ بَلَعَمْ يَتَاشِ يَجٜىٰ وُرِنْ دَتَّاوَنْ سَرْكِے بَلَكْ يَثٜىٰ مُسُ «كُكُواْمَ ڧَسَرْكُ، غَمَا يَهْوٜىٰهْ بَيْ يَرْدَ مِنِ إِنْ تَڢِے تَرٜىٰدَكُوبَ؞» 14 سَيْ دَتَّاوَنْ مُواْوَبْ سُكَتَاشِ، سُكَ كُواْمَ وُرِنْ سَرْكِے بَلَكْ، سُكَثٜىٰمَسَ «بَلَعَمْ بَيْ يَرْدَ يَبِيمُبَ؞» 15 سَيْ سَرْكِے بَلَكْ يَسَاكٜىٰ عَيْكٜىٰنْ وَطَنْسُ دَتَّاوَا وَطَنْدَ سُكَڢِے نَڢَرْكُوانْ يَوَ سُكَ كُمَ ڢِسُ دَرَجَ؞ 16 سُكَ تَڢِے وُرِنْ بَلَعَمْ، سُكَثٜىٰمَسَ، «إِنْجِ سَرْكِے بَلَكْ طَنْ ظِڢُّوارْ، ‹كَدَ كَبَرْ وَنِ أَبُ يَهَنَكَ ذُوَا وُرِينَ؞ 17 غَمَا ذَنْ طَوْكَكَاكَ ڨُورَيْ، كُمَ دُكْ أَبِنْدَ كَڢَطَا مِنِ إِنْيِ، ذَنْيِ؞ جِمَنَ، ذُواْ كَلَعَنْتَ مِنِ وَنَّنْ أَلْعُمَّ!› » 18 عَمَّا بَلَعَمْ يَأَمْسَ يَثٜىٰ وَ مَاسُيِ وَ بَلَكْ حِدِمَ «كُواْ دَا عَثٜىٰ بَلَكْ ذَيْبَانِ غِدَنْسَ ثِكٜىٰ دَ أَظُرْڢَا دَ ظِينَارِيَ، بَذَنْيِ وَنِ أَبُ كُواْ كَطَنْ وَنْدَ ذَيْسَا إِنْكَرْيَ عُمَرْنِنْ يَهْوٜىٰهْ اللَّهْ نَبَ؞ 19 عَمَّا إِنَ ضُواْڧُوانْكُ كُݣُونَ أَنَنْ يَوْ كَمَرْ يَدَّ وَطَنْثَنْ سُكَيِ، دُواْمِنْ إِنْبِنْثِكَ إِنْغَا كُواْ يَهْوٜىٰهْ ذَيْ ڢَطَا مِنِ وَنِ أَبُ ڢِيٜىٰدَ أَبِنْدَ يَڢَطَا مِنِ أَدَا؞» 20 دَ دَرٜىٰنَّنْ، اللَّهْ يَذُواْ وُرِنْ بَلَعَمْ يَثٜىٰ مَسَ «تُنْدَ مُتَنٜىٰنَّنْ سُنْ ذُواْ كِرَنْكَنٜىٰ، سَيْ كَتَاشِ، كَتَڢِے تَرٜىٰدَسُو، عَمَّا أَبِنْدَ نَعُمَرْثٜىٰكَ كَطَيْ نٜىٰ ذَاكَيِ؞» بَلَعَمْ دَ جَكَرْسَ دَ مَلاَىِٕكَنْ يَهْوٜىٰهْ 21 دَ سَڢٜىٰ سَيْ بَلَعَمْ يَتَاشِ يَشِرْيَ جَكَرْسَ يَهَوْ يَتَڢِے تَرٜىٰدَ دَتَّاوَنْ مُواْوَبْ؞ 22 عَمَّا ڢُشِنْ اللَّهْ يَكُنُّ سُواْسَيْ سَبُواْدَ بَلَعَمْ يَبِيسُ؞ سَيْ مَلاَىِٕكَنْ يَهْوٜىٰهْ يَڟَيَ أَ حَنْيَ يَتَرٜىٰشِ يَايِنْ دَيَكٜىٰ تَڢِيَ عَكَنْ جَكَرْسَ؞ مَاسُيِ مَسَ حِدِمَ غُدَا بِيُ سُنَ تَرٜىٰدَشِ؞ 23 سَعَدَّ جَكَرْ تَغَ مَلاَىِٕكَنْ يَهْوٜىٰهْ يَنَ ڟَيٜىٰ عَكَنْ حَنْيَ دَ تَكُواْبِے أَ ذَارٜىٰ أَ حَنُّنْسَ، سَيْ جَكَرْ تَكَوْثٜىٰ دَغَ حَنْيَ تَشِغَ ڢِيلِ؞ بَلَعَمْ كُوَ يَبُغٜىٰتَ دُواْمِنْ يَكُواْمَرْدَ عِتَ عَكَنْ حَنْيَ؞ 24 سَيْ مَلاَىِٕكَنْ يَهْوٜىٰهْ يَڟَيَ أَ عِنْدَ حَنْيَ تَمَڟُ ڟَكَانِنْ بَنْغُوانْ دُوڟٜىٰ بِيُ نَغُواْنَكِنْ إِنَبِے؞ 25 سَعَدَّ جَكَرْ تَغَ مَلاَىِٕكَنْ يَهْوٜىٰهْ، سَيْ جَكَرْ تَمَاڟَ أَجِكِنْ بَنْغُوانْ، تَغُواْغٜىٰ ڧَڢَرْ بَلَعَمْ غَ بَنْغُوانْ؞ سَيْ بَلَعَمْ يَسَاكٜىٰ بُغُنْ جَكَرْ؞ 26 سَيْ مَلاَىِٕكَنْ يَهْوٜىٰهْ يَشَا غَبَنْ جَكَرْ، يَڟَيَ أَ عِنْدَ حَنْيَ تَمَڟُ سُواْسَيْ، حَرْ يَكَيْ عِنْدَ بَابُ دَامَرْ جُويَاوَا ذُوَا دَامَ كُواْ هَغُ؞ 27 سَعَدَّ جَكَرْ تَغَ مَلاَىِٕكَنْ يَهْوٜىٰهْ، سَيْ تَݣُونْتَ؞ سَيْ ڢُشِنْ بَلَعَمْ يَكُنُّ، بَلَعَمْ كُوَ يَبُغِ جَكَرْ دَ سَنْدَنْسَ؞ 28 سَيْ يَهْوٜىٰهْ كُوَ يَبُوطٜىٰ بَاكِنْ جَكَرْ، سَيْ جَكَرْ تَيِ مَغَنَ تَثٜىٰ «مٜىٰ نَيِ مَكَ دَ كَبُغٜىٰنِ حَرْ سَوْ عُكُ؟» 29 بَلَعَمْ يَثٜىٰ وَجَكَرْ «سَبُواْدَ كِنْ مَيْدَنِ وَاوَا! دَا عَثٜىٰ إِنَدَ تَكُواْبِے أَ هَنُّونَ دَا نَكَشٜىٰكِ يَنْذُ!» 30 عَمَّا جَكَرْ تَثٜىٰ وَ بَلَعَمْ «بَنِثٜىٰ جَكَرْكَبَ؟ بَنِثٜىٰ وَدَّ كَكٜىٰ تَهَوَ دُكَنْ ݣُونَكِنْ رَنْكَ حَرْ ذُوَا يَوْ بَ؟ نَتَٻَيِ مَكَ حَكَ؟» بَلَعَمْ يَثٜىٰ «أَعَ؞» 31 سَعَنً يَهْوٜىٰهْ يَبُوطٜىٰ إِدَانُنْ بَلَعَمْ، يَكُمَ غَا مَلاَىِٕكَنْ يَهْوٜىٰهْ يَنَ ڟَيٜىٰ أَ حَنْيَ دَ تَكُواْبِے أَ ذَارٜىٰ أَ حَنُّنْسَ؞ سَيْ بَلَعَمْ يَرُسُنَ يَڢَاطِ دَ ڢُسْكَرْسَ حَرْ ڧَسَا؞ 32 مَلاَىِٕكَنْ يَهْوٜىٰهْ كُوَ يَثٜىٰ مَسَ «مٜىٰيَسَا كَبُغِ جَكَرْكَ حَكَ حَرْ سَوْ عُكُ؟ نِنٜىٰ نَا ڢِتُواْ إِنْ هَنَكَ، غَمَا كَنَ بِنْ حَنْيَرْ دَ بَدَيْدَيْبَ أَغَبَنَ؞ 33 جَكَرْ تَغَنِّ، تَكَوْثٜىٰ مِنِ حَرْ سَوْ عُكُ؞ دَ بَتَكَوْثٜىٰ مِنِبَ، لَلَّيْ دَ نَكَشٜىٰكَ، إِنْبَرْتَ دَ رَيْ؞» 34 سَيْ بَلَعَمْ يَثٜىٰ وَمَلاَىِٕكَنْ يَهْوٜىٰهْ «نَيِ ذُنُوبِ، غَمَا بَنْ سَنِ ثٜىٰوَ كَڟَيَ أَ حَنْيَ دُواْمِنْ كَهَنَنِبَ؞ سَبُواْدَ حَكَ يَنْذُ عِدَنْ كَغَ بَدَيْدَيْبَنٜىٰ إِنْثِيغَبَ، تُواْ، ذَنْ كُواْمَ غِدَا؞» 35 مَلاَىِٕكَنْ يَهْوٜىٰهْ كُوَ يَثٜىٰ وَ بَلَعَمْ «تَڢِے تَرٜىٰدَ مُتَنٜىٰنْ، عَمَّا أَبِنْدَ نَڢَطَا مَكَ كَطَيْ نٜىٰ ذَاكَ ڢَطَا؞» سَيْ بَلَعَمْ يَتَڢِے تَرٜىٰدَ دَتَّاوَنْ سَرْكِے بَلَكْ؞ سَرْكِے بَلَكْ دَ بَلَعَمْ 36 سَعَدَّ سَرْكِے بَلَكْ يَجِ بَلَعَمْ يَنَ ذُوَا، سَيْ يَڢِتُواْ يَمَرَبْثٜىٰشِ أَغَرِنْ أَرْ، وَنِ غَرِ عَبَاكِنْ كُواْغِنْ أَرْنُوانْ، عَ إِيَاكَرْ مُواْوَبْ؞ 37 سَيْ سَرْكِے بَلَكْ يَثٜىٰ وَ بَلَعَمْ «أَشٜىٰ، بَنْ عَيْكَ عَكِرَوُاْكَبَ؟ مٜىٰيَسَا بَكَذُواْ وُرِينَبَ، سَيْ يَنْذُ؟ كُواْ بَنْ إِسَ إِنْ طَوْكَكَاكَ بَنٜىٰ؟» 38 بَلَعَمْ يَأَمْسَ وَ سَرْكِے بَلَكْ يَثٜىٰ «تُواْ، أَيْ، غَاشِ، نَذُواْ يَنْذُ! عَمَّا إِنَدَ وَنِ إِيكُوانْ يِنْ وَتَ مَغَنَ نٜىٰ؟ مَغَنَرْ دَ اللَّهْ يَسَا عَبَاكِنَ، عِتَثٜىٰ كَطَيْ ذَنْ ڢَطَا؞» 39 سَيْ بَلَعَمْ يَتَڢِے تَرٜىٰدَ سَرْكِے بَلَكْ سُكَ تَڢِے غَرِنْ كِرِيَتْ هُظُواتْ؞ 40 عَثَنْ سَرْكِے بَلَكْ يَيِ هَدَايَ دَ شَانُو دَ تُمَكِ، يَطِبَ دَغَ نَامَنْسُ يَعَيْكَ وَ بَلَعَمْ دَ دَتَّاوَنْ دَسُكٜىٰ تَرٜىٰدَشِ؞ 41 وَشٜىٰغَرِ سَرْكِے بَلَكْ يَطَوْكِ بَلَعَمْ يَهَوْرَ تَرٜىٰدَشِ ذُوَا بَمُواتْ بَعَلْ، وَتُواْ وُرَارٜىٰنْ سُجَّدَ نَ بَعَلْ عَكَنْ تُدُ؞ دَغَ وُرِنْ يَ عِيَ غَنِنْ وَنِ سَاشٜىٰ نَجَمَعَرْ إِسْرَٰٓءِيلَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria