ڧِدَايَ 2 - أَتَّوْرَتْ دَ أَنَّبَاوَاڟَارِنْ ذَمَنْ ذُرِيَ ذُرِيَ أَ ذَنْغُواْ 1 يَهْوٜىٰهْ يَيِ مَغَنَ دَ مُوسَٰى دَ هَٰرُونَ ثٜىٰوَ 2 «دُكْ لُواْكَثِنْ دَ إِسْرَٰٓءِيلَاوَا ذَاسُ كَڢَ ذَنْغُواْ، كُواْوَنٜىٰ دَنْغِ ذَيْ كَڢَ تٜىٰنْتُنَنْسُ بِسَغَ غِدَاجٜىٰنْ كَاكَنِّنْسُ عَڧَرْڧَشِنْ تُوتَرْ ذُرِيَرْسُ؞ دُكَنْ تٜىٰنْتُنَنْ إِسْرَٰٓءِيلَاوَا ذَاسُ كٜىٰوَيَ تٜىٰنْتِنْ كَسَنْثٜىٰوَرْ يَهْوٜىٰهْ، سُنَ ڢُسْكَنْتَرْ تٜىٰنْتِنْ؞» 3 وَطَنْدَ ذَاسُ كَڢَ تٜىٰنْتُنَنْسُ أَغٜىٰڢٜىٰنْ غَبَسْ وَجٜىٰنْ ڢِتُواْوَرْ رَانَ، سُونٜىٰ ذُرِيَرْ يَهُودَ عَڧَرْڧَشِنْ تُوتَرْسُ، بِسَغَ ڧُنْغِيَ ڧُنْغِيَرْسُ؞ شُوغَبَنْ ذُرِيَرْ يَهُودَ شِينٜىٰ نَشُوانْ طَنْ أَمِّنَدَبْ؞ 4 يَوَنْ ڧُنْغِيَرْسَ يَكَيْ دُبُو سَبَعِنْ دَ حُطُ دَ طَرِے شِدَ؞ 5 بِيٜىٰ دَ ذُرِيَرْ يَهُودَ، ذُرِيَرْ إِسَّكَرْ ذَاسُ كَڢَ تٜىٰنْتُنَنْسُ؞ شُوغَبَنْ ذُرِيَرْ إِسَّكَرْ شِينٜىٰ نٜىٰتَنٜىٰلْ طَنْ ذُوَارْ؞ 6 يَوَنْ ڧُنْغِيَرْسَ يَكَيْ دُبُو حَمْسِنْ دَ حُطُ دَ طَرِے حُطُ؞ 7 بِيٜىٰ دَ ذُرِيَرْ إِسَّكَرْ، ذُرِيَرْ ظٜىٰبُلُنْ ذَاسُ كَڢَ تٜىٰنْتُنَنْسُ؞ شُوغَبَنْ ذُرِيَرْ إِسَّكَرْ شِينٜىٰ عٜىٰلِيَبْ طَنْ هٜىٰلُوانْ؞ 8 يَوَنْ ڧُنْغِيَرْسَ يَكَيْ دُبُو حَمْسِنْ دَ بَݣَويْ دَ طَرِے حُطُ؞ 9 دُكَنْ يَوَنْ ڧُنْغِيُواْيِنْ دَسُكٜىٰ أَغٜىٰڢٜىٰنْ ذُرِيَرْ يَهُودَ أَ ذَنْغُوانْ، سُنْ كَيْ دُبُو طَرِے دَ دُبُو تَمَٰنِنْ دَ شِدَ دَ طَرِے حُطُ؞ سُونٜىٰ ذَاسُدِنْغَ ڢَارَ تَاشِ أَ لُواْكَثِنْ دَ ذَاعَ بَرْ ذَنْغُواْ؞ 10 وَطَنْدَ ذَاسُ كَڢَ تٜىٰنْتُنَنْسُ أَغٜىٰڢٜىٰنْ كُدُ، سُونٜىٰ ذُرِيَرْ رَعُبَيْنُ عَڧَرْڧَشِنْ تُوتَرْسُ، بِسَغَ ڧُنْغِيَ ڧُنْغِيَرْسُ؞ شُوغَبَنْ ذُرِيَرْ رَعُبَيْنُ شِينٜىٰ عٜىٰلِظُرْ طَنْ شٜىٰدٜىٰيُرْ؞ 11 يَوَنْ ڧُنْغِيَرْسَ يَكَيْ دُبُو أَرْبَعِنْ دَ شِدَ دَ طَرِے بِيَرْ؞ 12 بِيٜىٰ دَ ذُرِيَرْ رَعُبَيْنُ، ذُرِيَرْ سِمٜىٰيُوانْ ذَاسُ كَڢَ تٜىٰنْتُنَنْسُ؞ شُوغَبَنْ ذُرِيَرْ سِمٜىٰيُوانْ شِينٜىٰ شٜىٰلُمِيٜىٰلْ طَنْ ظُرِشَدَّيْ؞ 13 يَوَنْ ڧُنْغِيَرْسَ يَكَيْ دُبُو حَمْسِنْ دَ تَرَ دَ طَرِے عُكُ؞ 14 بِيٜىٰ دَ ذُرِيَرْ سِمٜىٰيُوانْ، ذُرِيَرْ غَدْ ذَاسُ كَڢَ تٜىٰنْتُنَنْسُ؞ شُوغَبَنْ ذُرِيَرْ غَدْ شِينٜىٰ عٜىٰلِيَسَڢْ طَنْ رٜىٰيُوٜىٰلْ؞ 15 يَوَنْ ڧُنْغِيَرْسَ يَكَيْ دُبُو أَرْبَعِنْ دَ بِيَرْ دَ طَرِے شِدَ دَ حَمْسِنْ؞ 16 دُكَنْ يَوَنْ ڧُنْغِيُواْيِنْ دَسُكٜىٰ أَغٜىٰڢٜىٰنْ ذُرِيَرْ رَعُبَيْنُ أَ ذَنْغُوانْ، سُنْ كَيْ دُبُو طَرِے دَ دُبُو حَمْسِنْ دَ طَيَ دَ طَرِے حُطُ دَ حَمْسِنْ؞ سُونٜىٰ ذَاسُدِنْغَ ذَمَ نَبِيُ أَ لُواْكَثِنْ دَ ذَاعَ تَاشِ عَبَرْ ذَنْغُواْ؞ 17 بِيٜىٰدَسُو، ذُرِيَرْ لَوِ ذَاسُ تَاشِ دَغَ ڟَكِيَرْ ذَنْغُواْ طَوْكٜىٰ دَ تٜىٰنْتِنْ سَدُوَ؞ دُكَنْ ظُرِيُواْيِ ذَاسُيِ تَڢِيَ بِسَغَ يَدَّ عَكَ عُمَرْثٜىٰسُ سُذَوْنَ أَ ذَنْغُواْ، كُواْوَنّٜىٰنْسُ عَڧَرْڧَشِنْ تُوتَرْ ذُرِيَرْسُ؞ 18 وَطَنْدَ ذَاسُ كَڢَ تٜىٰنْتُنَنْسُ أَغٜىٰڢٜىٰنْ يَمَّ، سُونٜىٰ ذُرِيَرْ إِڢْرَيِمْ عَڧَرْڧَشِنْ تُوتَرْسُ، بِسَغَ ڧُنْغِيَ ڧُنْغِيَرْسُ؞ شُوغَبَنْ ذُرِيَرْ إِڢْرَيِمْ شِينٜىٰ عٜىٰلِشَمَ طَنْ أَمِّهُدْ؞ 19 يَوَنْ ڧُنْغِيَرْسَ يَكَيْ دُبُو أَرْبَعِنْ دَ طَرِے بِيَرْ؞ 20 بِيٜىٰ دَ ذُرِيَرْ إِڢْرَيِمْ، ذُرِيَرْ مَنَسّٜىٰ ذَاسُ كَڢَ تٜىٰنْتُنَنْسُ؞ شُوغَبَنْ ذُرِيَرْ مَنَسّٜىٰ شِينٜىٰ غَمَلِيٜىٰلْ طَنْ ڢٜىٰدَظُرْ؞ 21 يَوَنْ ڧُنْغِيَرْسَ يَكَيْ دُبُو تَلَاتِنْ دَ بِيُ دَ طَرِے بِيُ؞ 22 بِيٜىٰ دَ ذُرِيَرْ مَنَسّٜىٰ، ذُرِيَرْ بِلِيَامِنُ ذَاسُ كَڢَ تٜىٰنْتُنَنْسُ؞ شُوغَبَنْ ذُرِيَرْ بِلِيَامِنُ شِينٜىٰ أَبِدَنْ طَنْ غِدٜىٰيُواْنِ؞ 23 يَوَنْ ڧُنْغِيَرْسَ يَكَيْ دُبُو تَلَاتِنْ دَ دُبُو بِيَرْ دَ طَرِے حُطُ؞ 24 دُكَنْ يَوَنْ ڧُنْغِيُواْيِنْ دَسُكٜىٰ أَغٜىٰڢٜىٰنْ ذُرِيَرْ إِڢْرَيِمْ أَ ذَنْغُوانْ، سُنْ كَيْ دُبُو طَرِے طَيَ دَ دُبُو تَݣُوسْ دَ طَرِے طَيَ؞ سُونٜىٰ ذَاسُدِنْغَ ذَمَ نَعُكُ أَ لُواْكَثِنْ دَ ذَاعَ تَاشِ عَبَرْ ذَنْغُواْ؞ 25 وَطَنْدَ ذَاسُ كَڢَ تٜىٰنْتُنَنْسُ أَغٜىٰڢٜىٰنْ أَرٜىٰوَ، سُونٜىٰ ذُرِيَرْ دَنْ عَڧَرْڧَشِنْ تُوتَرْسُ، بِسَغَ ڧُنْغِيَ ڧُنْغِيَرْسُ؞ شُوغَبَنْ ذُرِيَرْ دَنْ شِينٜىٰ أَهِيٜىٰظٜىٰرْ طَنْ أَمِّشَدَّيْ؞ 26 يَوَنْ ڧُنْغِيَرْسَ يَكَيْ دُبُو سِتِّنْ دَ بِيُ دَ طَرِے بَݣَويْ؞ 27 بِيٜىٰ دَ ذُرِيَرْ دَنْ، ذُرِيَرْ أَشٜىٰرْ ذَاسُ كَڢَ تٜىٰنْتُنَنْسُ؞ شُوغَبَنْ ذُرِيَرْ أَشٜىٰرْ شِينٜىٰ ڢَغِيٜىٰلْ طَنْ عُواْكِرَنْ؞ 28 يَوَنْ ڧُنْغِيَرْسَ يَكَيْ دُبُو أَرْبَعِنْ دَ طَيَ دَ طَرِے بِيَرْ؞ 29 بِيٜىٰ دَ ذُرِيَرْ أَشٜىٰرْ، ذُرِيَرْ نَڢْتَلِ ذَاسُ كَڢَ تٜىٰنْتُنَنْسُ؞ شُوغَبَنْ ذُرِيَرْ نَڢْتَلِ شِينٜىٰ أَهِرَ طَنْ عٜىٰنَنْ؞ 30 يَوَنْ ڧُنْغِيَرْسَ يَكَيْ دُبُو حَمْسِنْ دَ عُكُ دَ طَرِے حُطُ؞ 31 دُكَنْ يَوَنْ ڧُنْغِيُواْيِنْ دَسُكٜىٰ أَغٜىٰڢٜىٰنْ ذُرِيَرْ دَنْ أَ ذَنْغُوانْ، سُنْ كَيْ دُبُو طَرِے دَ دُبُو حَمْسِنْ دَ بَݣَويْ دَ طَرِے شِدَ؞ سُونٜىٰ ذَاسُدِنْغَ ذَمَ نَڧَرْشٜىٰ أَ لُواْكَثِنْ دَ ذَاعَ تَاشِ عَبَرْ ذَنْغُوانْ تَرٜىٰدَ تُوتَرْسُ؞ 32 دُكَنْ لِسَّڢِنْ إِسْرَٰٓءِيلَاوَا أَ ذَنْغُواْ بِسَغَ غِدَاجٜىٰنْ كَاكَنِّنْسُ دَ ڧُنْغِيُواْيِنْسُ سُنْ كَيْ دُبُو طَرِے شِدَ دَ دُبُو عُكُ دَ طَرِے بِيَرْ دَ حَمْسِنْ؞ 33 بَعَلِسَّڢْتَ لَوِيَاوَا تَرٜىٰدَ سَوْرَنْ إِسْرَٰٓءِيلَاوَا بَ، بِسَغَ يَدَّ يَهْوٜىٰهْ يَعُمَرْثِ مُوسَٰى؞ 34 سَيْ جَمَعَرْ إِسْرَٰٓءِيلَ سُكَ عَيْكَتَ كُواْمٜىٰ دَكُواْمٜىٰ دَيْدَيْ بِسَغَ يَدَّ يَهْوٜىٰهْ يَعُمَرْثِ مُوسَٰى يَيِ؞ أَ حَكَ سُكَنْ كَڢَ تٜىٰنْتُنَنْسُ ڧَرْڧَشِنْ تُوتَرْسُ أَ ذَنْغُواْ، أَ حَكَكُمَ سُكَنْ تَاشِ، كُواْوَنٜىٰ دَنْغِ بِسَغَ غِدَاجٜىٰنْ كَاكَنِّنْسُ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria